©~®§][©][أول مكـرر .. تعالى شوف][©][§®~©

[STRQUEEN]

أنا النهارده جايبلكوا شوية كلام انا ناقله بنفسى من كتاب " أول مكرر" لهيثم دبور الصحفى بجريدة المصرى اليوم
كتاب "أول مكرر" أول كتاب تعليمى ساخر من انتاج " دار الشروق "

ارشادات الكتاب
* الدين لله .. و الاهلى فوق الجميع
* لا حياء مع اليأس ولا يأس مع الحياء
* حافظ على نظافة مدينتى .. بناة المستقبل
* لا تؤجل عمل اليوم الى الدورة البرلمانية القادمة
* استيقظ مبكرا .. عشان تلحق البلد و هى فاضية
* ما اخذ بالقوة لن يسترد الا بالسفر الى أخر العالم .. الكنيست ذاته
* العلوم اساس تقدم الأمم .. والباب مفتوح عشان تحول أدبى
* مصر هى امك .. و امك بس هى اللى تقول ابوك مين
* الارض كروية .. و زى ما بيقولوا الكورة اجوان
* الصدق و الأمانة من الصفات الحميدة التى يجب ان نتخلى عنها
* نظافة مدينتك أو قريتك عنوان لك أمام العالم .. و شكرا لساعى البريد


الحصة الأولى .. نصوص
الست لمـا .. بلاغة من امبابة
التعريف بالشاعر :-
الشاعر مجهول ( 1950 - 2001 ) ولد الشاعر فى 4 شارع الوحدة متفرع من شارع الثكنات أمام التوحيد و النور و بالتحديد شقة رقم 6 الدور الثالث ,, و أحب سيدة من أرض اللواء الا أن والدها طلب منه مهرا مائة من النوق العصافير ( ميكروباص 14 راكب ) فسافر الى مصنع الميكروباصات فى العاشر و هناك انشد تلك القصيدة

مـنـاسبـة النـص :-
بعض الأفراح الشعبية التى يسترزق فيها الشاعر و الحداء , و القصيدة هنا جزء من معلقته الخالدة التى تعارف عليها بعض قبائل الانترنت باسم "سيما يا دنيا" و قد كتبها الشاعر طوال حياته و مات دون ان يكملها و بدأها كعادة شعراء امبابة بالبكاء على الحبيبة و الوعيد , ثم وصف الست و اختتمها بوصف السيما , و يظهر التجديد فى النص فى عدم ذكر الشاعر للخمر لأن المعازيم مايتوصوش


الــــنـــص :-
الست لما لما لما
لما لما لما لما
يا عم لما لما لما
ياخويا لما لما لما
و النبى لما لما لما

شـرح الأبـيات :-
يستدل البعض على موت الشاعر قبل أن يكمل معلقته بأنه لم يذكر ما الذى حدث للست لما , بينما تعارض بعض الروايات الحديثة ذلك لأن وصف اللسيما جاء تاليا لتلك الأبيات , و يظهر بوضوح عدم استدلال الشاعر على ماهية ما يحدث للست لما , و هو ما جعله فى حيرة دفعته لكتابة هذا النص , و قد عمق شعور الحيرة لديه سيجارة الحشيش التى تعاطاها قبل البدء فى النص , و يظهر التناص اللفظى و المعنوى و القدرة على الاختزال و التكثيف فى البيت الثانى

مـواطن الـجمال :-

( لما لما ) جناس تام و استعارة مكنية تدل على استنكار الشاعر لما تئول اليه الست لما , و التكرار يفيد التوكيد

(يا عم لما ) (يا خويا لما ) النداء للتقريب و عدم ذكر الأب فى النداء يدل على أن الشاعر كان يتيم الأب

(والنبى لما) كناية على النزعة الصوفية للشاعر


معانى المفردات :-
يا عم : يقصد بها عمه
يا خوى : يقصد بها أخوه
و النبى : موسى نبى و عيسى نبى و كل من له نبى يصلى عليه
لما : حينئذ أو وقتئذ

تـــطــبــيــق :-
يقول الشاعر :
الست لما لما لما
1 - الام يدعو الشاعر فى البيت ؟ و ما هدفه من دعوته ؟
2 - فى ضوء فهمك للأبيات تخير الصواب مما بين الأقواس :
- مثنى "لما" ( لمان - لملم - لمم )
- مؤنث "الست" ( الستة - السيدة - المرأة )

هات من الأبيات :
- أسلوبا انشائيا و بين غرضه البلاغى
- محسنا بديعا ووضح سر جماله
- أطنابا

اكتب مما حفظت ما يدل على :
( لقد كشفت الأيام عن أخلاقك السيئة , فانصرفت عنك فزعا , لأن الأوطان لا تبنى الا بعزيمة أبنائها )

أنا كتبتلكم النهاردة اللى أقدر عليه و أن شاء الله هكتبلكوا تانى بليل
تحياتى
strqueen ,,,