◆ ◇ ◕ كــــوكبـــنــا فاضل عليه خـــطــوتــيــن ( 6 ) ◆ ◇ ◕

[!_ToGoO_MorY_!]

السلام عليكم يا اهل المنتدى الكرام

عاملين ايه ؟

يارب تكونوا بخير ديما :)

الجزء السادس من رواية

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



الجزء الثانى

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الجزء الثالث

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الجزء الرابع

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الجزء الخامس

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ملحوظه مهمه :
1- جميع المعلومات التاريخيه هنا صحيحه غير طبعا الى حورت فيه فى البٌعد الثانى
2- ملخص ما سبق عشان تربط الأجزاء ببعضها جوه الروايه ذات نفسها



زنون ورزق فى مأزق بعد ان تم خطف الشباب من قبل جماعة مسلحة تشترط للأفراج عن الشباب ان يتم تبديلهم بصفقه مع الجيش تقتضى الأفراج عن احد المعتقلين لدى الجيش
زنون و رزق لا يعلموا اين الشباب واين المكان الذى خطفوا فيه ولا يعرف كيف يفكر
وكذلك الشباب فى محبسهم لا حول لهم ولا قوة ولا يعرفوا اين المخرج ولا كيف يجدوا المخرج من الأساس
الأمور تتعقد ولا يوجد حل ؟!
مستحيل



لأى مشكله يجب ان يوجد لها حل ولكن ماهو الحل ؟ ما هو الحل ؟
" انا عندى فكرة ممكن بيها نعرف نوصل للى خطفوهم "
نطق هذه الجمله زنون فى حماس شديد بعد فتره طويلة من الصمت للتفكير
رزق : " ايه هى الفكره الحقنى بيها عشان خلاص عقلى هيشت "
زنون : " بص يا سيدى سهله خالص ... هنعمل اننا اولياء امور الناس الى انخطفت "
رزق : " يا سلام ؟ بالسهوله دى هيصدقوا لما تروح تقول للجيش انك اب للواحد من المخطوفين ؟ "
زنون : " ومين قال اننا هنروح للجيش ؟ "
رزق : " اومال ؟ "
زنون : " هنروح للصحافه برضه ونقول انى انا والد احمد الطباخ وانت والد مهند مثلا ونعمل اى تصريحين اننا جينا من مصر على وجه السرعه عشان عاوزين نشوف ولادنا ولازم الجيش يفرج عنهم فى اقرب وقت "
رزق : " وهما هيصدقوا بدون ورق او بدون اثبات ؟ "
زنون : " وهى الصحافه محتاجه اثبات ... ما بتصدق تلاقى يبنى اى حاجه ولو حد سألنا يبقى احنا نسينا ورقنا "
رزق : " يا سلام طب والجيش ؟ "
زنون : " هينضغط عليه وهتبقى قضيه رأى عام وهيحميك غصب عن الكل لحد ما يرجع ليك الشباب "
رزق : " ممكن برضه .. هنروح بقى ازاى لأى جريده من دى "
زنون : " هنسأل على اى مقر جريده قريب من هنا "
رزق : " طب اصبر عليا هروح اسأل واجيلك "
يذهب رزق الى مجموعة من الناس ويبدأ بالسؤال عن اقرب مقر للجريده هنا
وبدأ الناس فى وصف عنوان الجريده له وبعد ذلك شكرهم واخذ زنون
وذهبوا للجريده ...




يبقى الوضع كما هو عليه بين الأصدقاء فى محبسهم فى تلك الغرفه النتنه يجلسون وكل منهم يغرق فى افكاره



يتذكر كل منهم كيف بدأ الحال فبعد ان كانوا يتمشون لأكل التوت تغير بهم الحال بعد ان شاهدوا تلك العركه التى كانت بين محمود زنون وبرهامى وبعد ذلك انتقلوا الى بُعد مختلف عن الأرض التى يعيشون عليها تماما وهناك اكتشفوا الفرق بين البُعدين
وبعد ذلك بسبب حماسهم الشديد انتقلوا الى بُعد لا يوجد فيه مكان لدولة اسرائيل ولا للحرب العالمية الثانيه
وها هم الأن تم اختطافهم من جماعة مسلحه تريد مقايضة الجيش المصرى المسئول عن حماية هذا الجزء من دولة فلسطين
ولا احد يعلم كيف يفكر
" طب وبعدين ؟ "
قطع سامر بهذه الجمله افكار الجميع
احمد : " ولا قبليين ! "
سامر : " بقالنا يوم اهو ومفيش حاجه خالص حصلت "
الطباخ : " بس على الأقل اكلونا وشربونا بدل ما كنا هنموت من الجوع "
سامر : " يا عم ايه الى انت بتقوله ده بس ؟ "
الطباخ : " اومال عاوز ايه يعنى ؟ "
سامر : " هنعمل ايه يعنى هنفضل مستنين كده زى المطلقه مستنيه ورقة طلاقها "
عيسى : " قدامك حل تانى ؟ "
سامر : " لازم يكون فيه حل "
مهند : " وايه هو الحل ؟ "
حسام : " نهرب "
مهند : " نهرب ازاى وهو اصلا مفيش مخرج من هنا ولا شباك حتى ؟ "
حسام : " مش عارف بس اكيد فيه مخرج اكيييييد "
احمد : " انا عندى حل "
عيسى : " اطربنى وسمعنى ! "
احمد : " فى حتت صرصور هواء ضارب من تحت ايدى انما ايه عناااااااااب تلج ايدى "
الطباخ : " طب ما تسده احنا مال ابونا دلوقتى ! "
احمد : " ماهو ده الحل يا ذكى افندى "
مهند : " تقصد ايه ؟ "
احمد : " اقصد ان فيه باب او حاجه انا قاعد عليها وتحتينا اوضه فاضيه او بدروم واحتمال كبير بدروم عشان الهواء ساقع "
سامر : " ما تقوم من عليه انت لسه قاعد وبتقول .. قوم "
احمد : " ادينى قمت .... نشوف ايه ده بقى "
يبدأ الشباب بالبحث عن المصدر الذى يأتى منه الهواء على بصيص من الضوء يأتى من اسفل باب الغرفه وبعد وقت قصير اكتشفوا مقبض يتم جذبه لأعلى
وتم فتح باب كان مغلق على سلم يؤدى لأسفل
احمد : " ايوه بقى ... شوفتوا يبنى عليا النعمه انا خساره فى البلد دى "
حسام : " أنت هتعيش ؟ ... هنعمل ايه بعد كده ؟ "
مهند : " ايه الى هنعمل ايه ؟ هننزل طبعا "
سامر : " طب اتفضل انزل انت الأول "
عيسى : " ولا انت ولا هو انا الى هنزل الأول "
يتقدم عيسى الشباب فى النزول على السُلم وبعد ان نزلوا وجدوا انفسهم فى مكان يشبه المخزن ولكن ليس كأى مخزن



مخزن اسلحة كامل ..... نعم كامل بمعنى الكلمه
حسام : " ياااااااااربى ايه ده كله ؟ "
سامر : " ينهار اسلحة !! "
احمد : " هششش صوتك انت وهو فيه حد بره شايف خياله من الشباك ده "
بالفعل كان هناك اشخاص وليس شخص واحد يحرس المكان بالخارج
وكل شخص امام احد الشبابيك فى الغرفه
مهند هامسا : " هنعمل ايه دلوقتى ؟ "
عيسى : " ناخد شوية قنابل من دول على شوية اسلحه "
سامر : " يا سلام !! "
عيسى : " مش بهزر ناخد شوية قنابل على الأقل من الصغيره دى كل واحد اتنين لحالة الطوارىء واحنا بنهرب "
احمد : " فعلا هو عنده حق ... يلا بينا "
يأخذ كل من الشباب قنبلتيين ذات الفتيله
حسام : " وبعدين ؟ "
الطباخ : " المفروض نخرج بقى نحاول نهرب ! "
مهند : " من الشباك ؟ "
سامر : " لا من الباب يلا نخبط ونقول ليهم والنبى يا عمو عاوز اخرج ممكن تفتح ؟ ! "
مهند : " بطل هرى وهزار "
سامر : " انت الى بتهزر .... اكيد من الشباك يلا بينا "
الطباخ : " مين اول واحد هيطلع ؟ "
سامر : " عيسى ... يلا يا عيسى "
عيسى : " اشمعنى انا !! .. بس عمتا هطلع رجولة وهطلع اول واحد كل واحد ورايا "
يفتح عيسى الشباك بهدوء للغايه وبعد ذلك يخرج منه بكل هدوء وخرج بعده سامر ومهند واحمد والطباخ وحسام
" كل واحد يرفع ايده فوق وينزل على ركبته والا هضرب فيكوا بالنار "
فجأة قال هذه الجمله احد مسئولى الحراسه بجوار الشباك
سامر : " يا دى النيله على ده كوكب بن ستين فى سبعين كل ما نروح فى حته فيه يقولك ارفع ايدك فوق وانزل على ركبتك .... فيه ايييييييييه ؟ "
الحارس : " بدون كلام "
فجأه وبدون مقدمات فاجىء عيسى الحارس بلكمه فى وجهه واعقبها بلكمة ثانيه سريعه وبعد ذلك اخذ بيده خلف ظهره وكتم فمه قبل ان ينطق بأهات الم واخذ منه السلاح
كل ذلك لم يستغرق من عيسى سوى ثلاث ثوانى او اربع
ولكن للأسف كان الوقت متأخرا فقد تجمع الحراس من كل مكان واصبح جميع الأصدقاء محاصريين بجميع الحراس فى المكان
اين المفر ؟




ذهب زنون ورزق للمقر جريده فى قلب العاصمه الفلسطينيه وطلبوا مقابلة رئيس التحرير شخصيا



وبعد دخولهم مكتبه
رئيس التحرير : " اهلا وسهلا بيكم ... نبيل محمود مع حضراتكم "
زنون : " اهلا وسهلا بحضرتك "
نبيل : " بلغونى انكم محتاجنى فى شىء مهم جدا جدا "
رزق : " بالفعل يا فندم عشان كده اصرينا نقابل حضرتك "
نبيل : " خير ان شاء الله "
زنون : " كله خير .... انا والد مهند الى انخطف واستاذ رزق والد الطباخ "
نبيل : " كان الله فى عونكم "
زنون : " احنا عاوزين نرجع عيالنا ومش عارفين اى حاجه عنهم ولا الجيش كلمنا ولا اى حاجه "
نبيل : " ازاى ده يا فندم ؟ ده الدنيا مقلوبه "
رزق : " مقلوبه عشان ابو عقبه مش عشان ولادنا الأبرياء المخطوفين "
نبيل : " طب والمطلوب منى اقدمه ؟ "
زنون : " مش انت صحفى يا فندم ؟ "
نبيل : " ايوه ! "
زنون : " عاوزين تصريح نجيب بيه حق عيالنا يا فندم .. نخلى الجيش يشوف شغله شويه "
نبيل : " احنا بالفعل كنا محتاجين تصريحات من اهالى اسر المخطوفين وكويس انكم جيتوا "
رزق : " تمام اوى اتفضل حضرتك اسأل الى انت عاوزه "
نبيل : " طب تمام عي.... "
يقطع كلام نبيل دخول سيكرتير مكتبه فجأه
السكرتير : " الحق يا فندم .. الدنيا بتولع ؟ "
نبيل : " فى ايه ؟ "
السكرتير : " فيه انفجارات مالية منطقه مهجوره والجيش من الأساس كان بيستعد انه يهجم عليها "
نبيل : " فين الكلام ده ؟ "
السكرتير : " فى منطقه مجهورة بالضفه سيادتك .... تعالى شوف حضرتك بنفسك "
يذهب نبيل ومعه زنون ورزق ويشاهدوا الحدث على التلفاز
منظر المكان والحرائق مستمره مع محاولات لأخمادها
تبشر بأنه وقع مصيبه فى هذا المكان





التفكير يقف لأكثر من مره
الأصدقاء محاصرون بالحراس من كل اتجاه والجميع يوجه لهم اسلحته
موقف لا يحسد عليه
ولكن بالتأكيد هناك حل ومخرج
يخرج زعيم الجماعه ويقف ليشاهد الموقف بعصبيه وعيسى ممسك بأحد الحراس وموجه الى رأس الحارس السلاح
والأصدقاء يلتفون حوله
" لو حد قرب مننا مش هيحصل كويس "
نطق عيسى هذه الجمله بصرامه شديده للغايه ممسكا بالحارس
الزعيم ساخرا : " وانت فاكر اننا باقيين على الى فى ايدك .. اقتله "
عيسى ساخرا ايضا : " لا وانت الصادق ... هتخاف على حياتك "
فى نهاية نطق هذه الجمله اخرج كل واحد من الأصدقاء قنبلة من التى معه
واقفين على شكل دائره مركزها عيسى والحارس ومستعدين للجذب الفتيل
عيسى : " ها يا زعيم الخيبه .... ايه رأيك ؟ "
الزعيم بعصبيه شديده : " انتوا فاهمين انتوا بتعملوا ايه ؟ "
عيسى : " ايوه فاهمين ... وبطل رغى كتير ويلا قول للشوية العيال دول يبعدوا السلاح ويطلعونا بدل ما نقلبها لأهلك هنا "
الزعيم : " اتعدل يلا وانت بتتكلم والا قسما عظما م... "
الطباخ مقاطعا بصرامة : " سمعت قال لك ايه ... خلص والا احنا مش باقيين على حاجه "
فترة من الصمت تدوم لعدة ثوانى عصبيه شديده تحوم على الزعيم وافراد حراسته
والتحفز على الأصدقاء الـ 6 ومستعديين لأى شىء
" افتحوا ليهم الطريق ... بس اعرفوا انكم عمركم ما هتهربوا منى "
نطق الزعيم هذه الجمله بعصبيه شديده وبدأ الأصدقاء يمشون بكل حذر وهدوء للبوابه وعيسى مازال يقبض قبضته على الحارس
وشكلهم مثل الدائره تماما
الى ان خرجوا خارج اسوار المكان
وضرب عيسى الحارس على رأسه وافقده وعيه وطرحه ارضا
عيسى هامسا : " كله يشد فتيل القنبله بتاعته ويرميها بسرعه على المكان وانا هرمى قنبلة منهم على مخزن الأسلحه وانت معايا يا سامر"
يجذب الأصدقاء الـ 6 كل منهم الفتيل
وتم رمى القنابل على المكان
وانقلب المكان فى لحظات الى انفجارات نالت من كل شىء



انفجارات يستطيع المرء ان يشاهدها من على بُعد كيلومترات
وبعد 5 دقائق امتلأ المكان بسيارات الأطفاء والشرطة والجيش والصحفيين والتلفزيون
وشاهد الجميع النبأ العاجل على التلفاز كما شاهده زنون ورزق
" عاجل : انفجار ضخم فى مخزن اسلحة كان الجيش يستعد للهجوم عليه "
مهلا مهلا مهلا
بعد هذه الأنفجارات
اين الأصدقاء ؟




تم بفضل الله :)
انتظروا الجزء القادم ان شاء الله :)

[Mr.Android]

تقريبا هيطلع حد فيهم بيحلم ^^ يمكن يكون احمد المهم رائـــــــــــــــــــــــــــــــــع

[CHI-VA]

يثبت

[☜ ĂиTaKą ☞]

جميل جميل

[!_ToGoO_MorY_!]

المشاركة الأصلية كتبت بواسطة Android_Sx عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تقريبا هيطلع حد فيهم بيحلم ^^ يمكن يكون احمد المهم رائـــــــــــــــــــــــــــــــــع

لا لا لا خالص :D
تسلم لرأيك :D

المشاركة الأصلية كتبت بواسطة CHI-VA عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يثبت

الف شكر :)

المشاركة الأصلية كتبت بواسطة ☜ ĂиTaKą ☞ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

جميل جميل

انت الى جميل يا هانى :*

[Sad_Angel]

ييجى منك ;)

[ahmedmazin]

ايه الحلاوه دي ياض يا واطي و انا فين في الفيلم الاجنبي دا اكيد انا المصوره صح ولا انا الحراس اللي انضرب ولا ايه في ايامك السواد ^_^ تسلم اديك

[!_ToGoO_MorY_!]

المشاركة الأصلية كتبت بواسطة Sad_Angel عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ييجى منك ;)

ماشى يا بيدو :D

المشاركة الأصلية كتبت بواسطة ahmedmazin عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ايه الحلاوه دي ياض يا واطي و انا فين في الفيلم الاجنبي دا اكيد انا المصوره صح ولا انا الحراس اللي انضرب ولا ايه في ايامك السواد ^_^ تسلم اديك

ههههههههههههههه انت فوق دماغنا يا حج
تسلم للمرورك يا حبى

[U Are Mine]

تسلم ايدك يبنى والله