لسه عندى امل

[eng_sasa]

قد ايه انا اصابنى الاحباط من حاجات كتيره فى المنتدى لكن اهمها هو الموضوع ده اللى انا بذلت فيه جهد كبير علشان اقنع الناس بيه واتلقى اتهامات سخيفه واسكت كل ده علشان محدش يحصل له زى اللى حصل لى فى يوم من الايام
كمان اشادات كتيره وهى دى اللىلسه مصبرانى .
انا قعدت ما يزيد عن عام ونصف اللى يسالنى اقول له انى مش مصرى علشان مش يفتكر انى سكامر ولو لاحظتوا تلاقو انى انا عضو من 2007 لكنى لم اظهر الا من اسبوعين فقط لانى قررت ان اعطى الامل لنفسى وليكم لشكل ومكانه افضل
قلت لنفسى اعمل حاجه علشان مش الوم نفسى ولاالومكم عليها ,عاوز بس احكيلكم حكايه صغيره من زمان ((once upon time^^))
اتسرق منى اكونت اشتريته من سنتين تقريبا بعد اما عليته من ليفل 60 الى ليفل 77 وصرفت عليه ما يزيد عن 500 جنيه لكن صاحبه اللى باعه لى سرقه عن طريق الايميل الضامن مع ان صاحبه ده اللى يشوفه يقول عليه ملاك وهو طبعا مصرى ,والكونت ده كان اوروبى وانتوا عارفين قيمه الوروبى من سنتين كان عامل ازاى
((علشان كده انا عملت موضوع اسمه حل مشكله email vertification yahoo)) لانى اقسمت انى مش هخلى حد يشعر بالم اللى انا حسيت بيه يوم قبحثت عن طرق عديده لحل المشكله لحد اما اكتشفتها بعد عناء ولخصتها فى موضوع
اعتقد محدش سمع عنه قبل كده.
عملت اكونت جديد اسمه eng_theflyerومكنتش بلفله كان بس للبيع والشراء لحد اما جمعت 1bil فى 5 اشهر ولاقيت واحد مصرى اسمه GroundZero بيبع اكونت ليفل 82 قلت لنفس هى فرصه اشترى اكونت عالى وارجع للعبه تانى
اتفقنا انى اديله الجولد بعد اما ادخل على الاكونت وهو يديلى الاجابه السريه وفعلا دخلت على الاكونت اديته الجولد وبعد اما طلبت منه الاجابه قال لى dont worry وقعد يضحك
والله العظيم استخسرت انى ا عمل مردر للاكونت بتاعه وقلت لنفسى خلى الطفل يفرح له شويه , ومن ساعتها وبعد مواقف نصب عديده مع المصريين فى اللعبه فررت انى اقاطعهم
انضممت لجيلد xitwoundzاللى وقفوا جنبى وقالو لى ما تسيبش اللعبه اكيد فى ناس حلوه كتير وسمعت كلامهم واستمريت فى عمليات البيع والشراء لحد اما جمعت 1bil تانى وكان واحد معايا فى الجيلد اسمه Confucius كان بيبع اكونت اسمه Hyphoon ب500 مليون ليفل 77 قررت انى اشتريه منه لكنى كنت خايف (( اذا كان ولاد بلدى سرقو كل جهدى فى سنتين يعنى ده مش هيسرقنى))
فوجئت بالماستر X_Calibur بيقول لى احنا امريكان بس مش بننصب وفوجئت ب confucius ادانى كل المعلومات بالجواب السرى كمان وقال لى اتاكد منها وانا اتاكدت منها وغيرت كل حاجه بعدين اديته الجولد ال 500 مليون
(((( اكيد عرفتوا ليه انا عملت موضوع مجلس الشرفاء)))
قعدت مع الامريكان فى الجيلد فتره من اجمل فتراتى فى السيرفر لكن للاسف XC و Merik تهكموا على الاسلام وكان ردى هو مقاطعتهم وترك الجيلد وعدم الانتباه لكل محاولاتهم علشان ارجع معاهم تانى
قلت لنفسى فكك من الجيلدات لان اى جيلد اجنبى بيشتم فى الاسلام او فيه مصريين سكامرز وبالتالى عملت جيلد لنفسى اسمه Digital_Mind وكنت انا وشخصياتى فيه بس لحد اما وصلت ليفل 86 ب hyphoon
clanserver كان اتعامل معايا قبل كده فى الاكونت بتاعى القديم اللى اسمه eng_theflyer فقلت لنفسى احاول ادخل tubesnake وكانت المفاجاه انه وافق مع انى ليفل 86 بس وقبل اما ادخل كان انا كمان ليا شروط
انه الجيلد اجنبى فلازم يكون فيه احترام للاسلام ولكل الجنسيات وكان الرد منه ومن مساعد الجيلد ان ده شىء اكيد وان فى الجيلد مصريين واتراك
الحقيقه حنيت للمصريين تانى لانى حسيت انى وحيد فدخلت المنتدى علشان اتعرف على المحترمين اللى فيه ويكونوا اصحابى والمكافاه ليهم هتكون خبرتى 3 سنين فى اللعبه ,عملت المواضيع اللى كلها والحمد لله لاقت استحسان واشاده الجميع لكن الوقت بيمر والمواضيع بتتنسى وطلباتى بتفعيلها بتهمل وبالتالى هيحصلكو زى اللى حصلى وهتكرهوا اللعبه ممكن مش هتحس بيها انك مش مريت باللى انا مريت بيه لكن الوقايه خير من العلاج
ولو نصايحى هتفضل مهموله هرجع تانى زى ما كنت وانا مش عاوز كده
بكرر طلبى ارجوكم يا من بيدهم الامر فعلو الموضوع علشان بعد كده مش نلوم نفسنا

والسلام عليكم ورحمه الله

[_romiobadboy_]

انا معاك فى ناس كتير فى السيرفر نصابين و حراميه و ممكن يكونو اقرب الناس ليك اللى بتكون واثق فيهم لان االموضوع ده حصل معايا واللى سرق الاكونت بتاعى كان من اعز اصحابى اللى كنت ممكن اديهولو لو طلبو لاكن للاسف هوه سرقنى و فكرو انى مش عرفو الحمد لله عرفتو و خلاص اللى حصل حصل
بس عاوز اقولك حاجه زى مفى ناس كده فى ناس كتييير محترمين فى السيرفر
وياريت اتعرف يبك اكتر على الميل
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
انا صاحب اكونت romiobadboy
اللى اتسرق منى

[asfora99]

عصام قد اية انتا شخصية جميلة اوى
بجد انتا واحد من الشخصيات اللى اعجبت بيها

[eltwab00]

بجد انتا شخصيه محترمه اوي وكلنا بنحاول نصلح اخطاء الباقيين

[eng_sasa]

والله يا شباب طول ما انتوا موجودين الجيم بخير وبيزيد ندمى على العزله اللى كنت فيها لكنى بنيت فيها نفسى تانى
بس انا مازلت بحاول افعل مواضيعى وعاوزكم تساعدونى لانى مش لاقى حد للاسف مهتم زيي^^ انا مش بطلب تثبيتها, لا فقط تفعيلها لانى لو طلبت تثبيتها, هيقولو عاوز يعمل له منظر لكن والله دى مش الحقيقه انا عاوزهم بس كبند فى قوانين قسم البيع والشراء

[asfora99]

المشاركة الأصلية كتبت بواسطة eng_sasa عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والله يا شباب طول ما انتوا موجودين الجيم بخير وبيزيد ندمى على العزله اللى كنت فيها لكنى بنيت فيها نفسى تانى
بس انا مازلت بحاول افعل مواضيعى وعاوزكم تساعدونى لانى مش لاقى حد للاسف مهتم زيي^^ انا مش بطلب تثبيتها, لا فقط تفعيلها لانى لو طلبت تثبيتها, هيقولو عاوز يعمل له منظر لكن والله دى مش الحقيقه انا عاوزهم بس كبند فى قوانين قسم البيع والشراء

الراجل ده هيخلينى اعيط اية يا عم الكلام الكبير ده
ده احنا هنا كلنا اخوات ومفيش الكلام ده

[hmiam]

انتا بجد شخصيه محترمه جدا
و يا ريت كل واحد يستوعب اللى حصلك و يتعلم منو

تقبل مرورى

[eng_sasa]

السلام عليكم
النهارده محمود كورابيكا كلمنى ووعدنى ان شاء الله هيثبت موضوع مجلس الشرفاء فى قسم البيع والشراء بسرفر البس بعد الامتحانات وذلك لانشغاله الشديد بفتره الامتحانات اتمنى ليه التوفيق يارب ويكون كده من الاوائل هو وكل اخوانى فى المنتدى وخارج المنتدى, والف شكر على ردودكم الجميله طبعا^_^
سلام الخاتمه^^

[asfora99]

ربنا معاك يا عصام ومع كل اللى بيمتحنو بالتوفيق ان شاء الله

[zyadmahmoud1]

اخى الفاضل
اولا اقدم احترامى لك على الموضوع الجميل واحب ان اقول لك ان المنافقين لا يوجد اكتر منهم و مدعو المصداقية كتيرين للاسف ولاكن المبدا دائما اتباع الاصول والحقيقة الى اخترع الاصول لم يخطاء فانة لا يحق الى الحق
وليس كل زى كلام معسول اهل ثقة
اما موضوعك فى الحقيقة اكتر من رائع واعتقد ان هدفك نبيل من تقديمة واجو اضافة كلمة فى نهاية كتابتك
الهم قد بلغت الهم فشهد.

وطالما انت بعيد عن التعامل مع المصريين ارجو انك تستشير من تثق بهم قبل اى تعامل فما خاب من استشار

ولو انت فاكر المثل الى بيقول الى تحسبو موسى يطلع فرعون ( فرعون دة مصرى ابن مصرى ) للاسف

بالتوفيق اخى ولا تدع الاحباط يدخل الى قلبك طالما ليس لك هدف غير افادة الناس

تقبل تحياتى ومرورى

[_BaD_BoooY_]

ولله يا عصام حكيتك مثل حكيتى بس انا اتنصب عليا فى gold مش اكونتات اول مره اشترات 210مليون من واحد فى امبابه وى لما روحت البيت فتحت الاكونت وى انا فرحان ملاتش غاير 1 gold انا رحت امبابه تانى و قلت الموضوع للواد
الى انا موزع معتمد وى الناس كلها عرفا انى مش نصاب وى انا مختش منك حاجا وى كان معيا MR_ABDO2010 مشرف سيلفر الدرادو قلى انا هكتب فى المنتدى انو نصب عليك وى لما عبده كتب الموضوع اليوم البعده المودوع اتمسح مش عارف مين المسحه وى المره البعدها نفس الحكايا بس من واحد تانى على فكرا الناس دى موجودا فى المنتدا بيع الجولد وى مفيش داعى لزكر الاسماء
وى من ساعتها مش بشترى goldتانى
وى الف شكر على الموضوع الجميل ده يا عصام

[بنـــــدق]

والله انت باشا و كلامك كلوه جميل زايك


والله انت فى باشا مش اعرف اقول ايه ولا ايه و لا ايه

تفبل مروى ^^

[stars]

والهي يا عوصا انت كلامك زي الفل ومش عارفين نشكرك ازاي بس موضوعك جميل

[eng_sasa]

المشاركة الأصلية كتبت بواسطة stars عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والهي يا عوصا انت كلامك زي الفل ومش عارفين نشكرك ازاي بس موضوعك جميل

المشاركة الأصلية كتبت بواسطة بنـــــدق عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والله انت باشا و كلامك كلوه جميل زايك


والله انت فى باشا مش اعرف اقول ايه ولا ايه و لا ايه

تفبل مروى ^^

شكرا يا شباب ويارب تستفادوا من حكايتى دى وربنا يبعدكوا عن منافقين وحراميه اللعبه ان شاء الله
تقبلو تحياتى

[asfora99]

المشاركة الأصلية كتبت بواسطة eng_sasa عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرا يا شباب ويارب تستفادوا من حكايتى دى وربنا يبعدكوا عن منافقين وحراميه اللعبه ان شاء الله
تقبلو تحياتى

امـٍـٍـٍـٍـٍـٍـٍـٍـٍـٍـٍــيـٍٍـٍـٍـٍـٍـٍـٍن