حوار شاب مع جدته الطرشه ؟ جامدة موووووت!!!!

[KinG_WoRlD]

هو : إزيك يا ستى .
هى : بنتى .. إيه بنتى دى يا قليل الأدب .
هو : يا ستى بقولك إززززززززززيك يا ستتتتتتتتتتتتى .
هى : أنت بتزعق ليه يا واد أنت أنا بافتكر بتقول بنتى .
هو : بتفتكرى إيه !! هو أنتى يا ستي حتى بتفتكرى إسمك .
هى : جسمك .. ماله جسمى يا قليل الأدب .
هو : يا ستى إرحمينا شويه بقي وشيلى الزلط اللى فى ودانك .
هى : قدامك !؟ هو إيه اللى قدامى يا واد أنت .
هو : يووووووووووووه يادى النيله .
هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى .
هو : يا حول الله يا رب هو حد جاب سيرة البليله يا ناس .
هى : القلقاس !؟ أه بأحب القلقاس أهو كله نعمة ربنا .
هو : يا ستى ابوس ايديكي أرحميني أنا لا جيبت سيرة قلقاس ولا أناناس .
هى : لأ لأ لأ عيب يا بنى ..عيب لما تجيب فى سيرة الناس .
هو : يا ستى هو أنا جيبت في سيرة حد .
هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه يا واد .
هو : لا يا ستى النهارده الخميس .
هى : البوليس!! وعايز منك أيه البوليس إنت عملت إيه يا منيل على عينك؟
هو : يييييه بقولك إيه يا ستى نفضى ودانك وطرطقيهم كده وإسمعينى .
هى : رضعينى !! أرضعك إيه ياواد أما إنك قليل الأدب صحيح .
هو : يا ستى أنا إتفطمت من زمان الحمد لله بس عايز منك قرشين كده سلف .
هى : علف !! إنت بتربى بهايم يا واد ؟؟
هو : يا ستى بقولك سلف !! سلفينى خمسين جنيه عايز أشحن التليفون .
هى : كومبيليزون !! كومبيليزون إيه يا للى مش متربى .
هو : يا ستى حرام عليكى الرحمة حلوة برضه أبوس ايد اللى خلفوكى عايز خمسين جنيه سلف علشان أشحن .
هى : أشتم !! وكمان عايز تشتم يا قليل الأدب .
هو : بقى كده يا ستى طب ماشى خدي عندك بقا !! بقولك إيه يا ستى .
هى : وظيفتى .. وظيفة إيه يا بنى أنا طالعه علي المعاش من زمان .
هو : رمان إنتى عايزه يا ستى تاكلى رمان .
هى : أه نفسي في السمان .. هو فيه سمان دلوقتى يا بنى من بعد أنفلونزا الطيور .
هو : أه العبور !! أه ده كان سنة تلاته وسبعين .
هى : سامعين ؟؟ سامعين إيه خير الله إما إجعله خير هو فيه حاجه .
هو : بتقولي ايه يا ستى ..عايزة قهوة سادة .
هى : عياده ..عايز تودينى العيادة ليه يا بنى هو أنا عيانه .
هو : صقعانه .. صقعانه ليه بس يا ستى دا حتى الجو النهاردة حر .
هى : كفالله الشر !! شر إيه يا بنى اللى بتقول عليه ده .
هو : بقولك إحنا على البرررررررر .
هى : أه يابنى منا عارفه الخروف ليه فرو .. وبيبقي كمان تخين .
هو : أه إبنك حسين !!..ماله إبنك حسين .
هى : العجل سمين !! أه هانجيب إن شاء الله في العيد عجل ندبحه ولازم يكون سمين .
هو : إيه يا ستي بتقولي ايه .. أسفين .. طب أسفين ليه !!
هى : عايز خمسين جنيه !! طب مش تقول كده من الأول هو أنت مكسوف منى يا واد ههههههههه .
هو : ياااااااااااااااااااااااه أخيرآ يا ستى الحمد لله .. هاتى بقى .
هى : أجيب إيه ؟
هو : هاتى الخمسين جنيه !!
هى : تحسين بيه .. تحسين بيه مين يا واد .
هو : يالاهووووووووووووووووووووووووى .



**************************
للاسف علي شبابه
هوا دلوقتى في
مستشفى الامراض النفسيه والعصبيه والعقلية
غرفه رقم 50 ههههههههههه بالدور الثالث

[asfora99]

هههههههههههههههههههههههه
الله يرحمو ضاع الواد يا عينى
الولية شلتة

[KinG_WoRlD]

المشاركة الأصلية كتبت بواسطة asfora99 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هههههههههههههههههههههههه
الله يرحمو ضاع الواد يا عينى
الولية شلتة

ماتنساش تروح تزوره
هههههههههههه

[AhMeD_GoDa09]

جمده جدا والله

[ToxiCity]

هههههههههههههههههههه

[foxoo7]

ههههههههه جامده طحن تسلم يا جميل

[MohamedFathey]

ههههههههههههههههههه

[asdoo]

ههههههههههههههههه.............ياخرب بيت دماغك......100 100 يا بوب
بجد جامده اخر حاجه ....
ومستنيين المزيد...

[THE_NEW_ONE]

[alkeng_7776]

mokrr

[Halim]

ههههههههه
زى العسل
y02.gif" border="0" alt="" title="Winky02" class="inlineimg" />

[THE_GM]

هههههههههههههههههههههههههههههههههه

[Senior.koko]

هههههههههههههههههههههههههههههههههههههههههههه

[Xx_Naruto_xX]

ههههههههههههههههه مشكوووووور يا مان انتا ضحكتنا

[ameraldmooo3]

دي ولية Eggs