أشياء يعتقد الرجال أن المرأة تعشقهم

[I_DeaDSoul_I]

6 أشياء يعتقد الرجال أن المرأة تعشقهم





تقعد مع أي ولد تلاقيه بيقولك "يا عم أنا عارف الستات دي عايزة إيه .. اسألني أنا" وواحد تاني يقول " أنا فاهم دماغ البنات بتفكر إزاي" تعالوا بقى نعرف إيه الحاجات إللي الرجالة فاكرين إنها بتجنن الستات.





الراجل دايما معاها وميسبهاش لحظة




كل الرجالة فاكرين إن اللزقة للمرأة بتعجبها وإنها بتحب الراجل إللي دايما تحت عينها وميروحش بعيد أبدا، ولكن المقوله دي مش صح على طول الخط، فأحيانا تكون لزقة الرجل للست خنقة وتتضييع وقت ورخامة.





مساعدتها في الأعمال المنزلية




من كتر ما المرأة بتشتكي في الحقيقة وفي الأفلام من إن الراجل رامي عليها شغل البيت كله، فالرجالة افتكروا إن مساعدتها في الأعمال المنزلية سيجلب عليها السعادة والحب، ولكن الموضوع مش سهل كدة، صحيح المرأة عايزة إللي يساعدها في البيت ولكن الراجل أحيانا بيقوم بالدور ده بشكل خاطئ ويدخل نفسه في حاجات ميفهمهاش ويبوظ الدنيا بفكاكته ونصاحته ويقلب البيت على بعضه.





الصراحة والشفافية




وطبعا الصراحة مطلوبة، ولكن كتير من الرجالة فاكرين إن الصراحة تساوي البجاحة، يعني لو مراته سألته "هل ملكة جمال العالم أجمل مني؟" تلاقيه قالها "طبعا أحلى منك .. دي ملكة جمال العالم كله" وهنا بقى سلملي على الصراحة، وابقى قابلني لو الشفافية نفعتك.





الإصرار على دفع الحساب




مش هنقول هنا إن المرأة مش دايما عايزة الراجل إللي يدفع الحساب، ولكن في بعض الأوقات وخصوصا في فترة التعارف بتبقى عايزة تبينله إنها مش فقيرة وإنه مشترهاش بفلوسه، وتعمل فيها عنتر بن شداد وتبقى عايزة تدفع الحساب، وكل ما الراجل يصر على الدفع هي ممكن تسترخمه جدا.





مداعبتها ومغازلتها دائما




برضه مش هنقول إن المرأة مش عايزة إللي يغازلها، لكن تخيل كدة البنت تكون تعبانة ومتبهدلة وساقطة في الامتحان، وييجي فارس أحلامها بكل سماجة ويقولها "أنا بموت في جمال عنيكي" وهو طبعا فاكر إن الكلمتين دول هيخففوا عنها، ولكن العكس هو الصحيح، ويمكن تطلع غلها كله فيه.





الستات بتحب الرجل المهزار دائما




وهنا الرجالة بيعتبروا إن الست تريد أن تسخسخ دائما طول ما هي قاعدة، وفاكرين إن المرأة تهوى الرجل الفكاهي إللي قالبها مسخرة وضحك وتريقة ومقضيها افيهات، ولكن احذر عزيزي الرجل فالمرأة أحيانا تريد أن تراك جاد وحازم في أمور عديدة ولا تنتظر منك وقتها أن تستخف دمك.

[ايمن الكاشف]

مشكورررررررررررررررر

[downtoyou]

عندك حق في كل كلمه:d

[zero4ever]

هههههههههههههههه

جمدة اوي و شكرا :d

[lastscream2]

لا مش عنده حق ولا حاجه فى الاول و الاخر دى بى تفرأ من واحد لى التانى و من واحد لى التانيه
انا شايغ موضمع اللزقه دا على حسب هو اه مش تفدل لازق ليها على تول بس فى اى وقت هى محتجاك لازم تكون جنبها لاكن اكيد يعنى مش ها افدل ليها 24 ساعه جنبها ليه هو انا اصلان فاضلها
اما موضوع لاعمال المنزليه فا دا على حسب باردو لازم يا عم تساعدها فى البيت و بعدين دا احسن حاجه انك فى يوم كدا تدخول انت و مراتك تلبخوه الدنيا دى حاجه حلوه ممكن اه فى بنات مش بى تحب كدا بس انا مش بأولك اعمل كدا كل يوم عادى ياعنى يوم كدا انتو الاتنان مروأين و كمان تنادف الحتاه معها بعد ما تخلص اممممم اعتقد مفيش واحد ها تتديأ من كدا ممكن الكلا الى بتاوله دا لما الولاد يجو بأ هههههههه الاوضاع بى تختلف بس باردو مش ها تكره مسعدتك دا اصلا لو فاكرة انك تساعدها هههههه
موضوع الصراحه دا ماشى بس باردو بلزم تكون معها صريح معها فى معظم الحاجات عشان لو اكتشفت انك كداب بأ يوماك زى وشك هههههههههه بس باردو ملكة جمال العالم مش حلوه خالص خالصصصصصص هما بى يختروها مش عشان جمال فيه حجات كتيرهههههههه جسم و رشقاه و ثقافع و حلجلت كتيررررر و اكيد الى معاك احلى منها انا متأكد من ك هههههههه بس انا افضل الصرحاه مع حابة تاسنيج ههههههههه يعنى اتاملوه بأ بس باردو هأول على حسب شخصية البنت الى أودامك
ايه ايه ايه تسترخموه بأ هو ايهههههه دااااااااا ليه ياعنى لا عادى فى الحوار دا هى تدفع مره انا ادفع مره فيها ايه يعنننننننننننى انا شايف الحوار عادى فى موضوع الدفع دا لازم تكون ازىىىىى شويه
اه معاط حأ فى دى بسسسسس ايع يعنى ما هى لازم تطلع غضبها فيه ههههههههه هى عندها حد غيروه ههههههه
باردو دى معاك حأ فيها اعتقد ان البنات مش بتحب الى بي يهزر علة تولللللل بس باردو دحكه كدا فى نوس الكلام
شكرا على الموضوع و ارجع و اقول ان دا بى تفرق من واحد او واحده لى واحد او واحده تانيه ههههههه يعنى تبع الشخصيه

[GoldPhoenix]

ممكن الله اعلم

[ميسون]

قال حكيم ذات مرة لو عرفت امرأة رجلا لعرفت كيف يفكر جميع الرجال ولو عرف رجلا 100 امرأة ما استطاع ان يعرف كيف تفكر النساء
اللي قال الكلام ده راجل هه افهموا كويس راجل وكمان حكيم وشاعر كمان

لقب بامير الشعراء ........................احمد شوقي

فياريت كل واحد لما يتكلم عن حاجه يجيب الدليل ....... علشان ما نقلبهاش غم ماشي

وبرضه مفيش سكر النهارده

[I_DeaDSoul_I]

Thx 4 all comments بس انا قولت الى عاندى و بعدين داموضوع فكاهى مش اكتر و لو حد يعرف اكتر يعمل موضوع

[محسن الكاشف]

يا شباب
والله انا نفسى افهم ليه البنات شغلين وقتنا
؟؟
وبنفكر فيهم وازاى نرضيهم
يا شبلب البنت زيها زيك
وانا عندى قعده
خدها وادعيلى
خليك على طبعتك
لو عجبتها تبقى عجبتها شخصيتك وهتفضل تحبك طول العمر
وان معجبتهاش شخصيتك
يبقى مفيش توافق
وما لو عملت ايه بالتصنع
ممكن تعجبها تصنعك
لكن مش ممكنتعجبها شخصيتك
لانك انته نفسك معجبتكش شخصيتك
واخيرا
ربنا خلق
الراجل وحبب طبعتو للمراه
اخوكم محسن الكاشف


بالمنسبه انا عندى سكر س 2.5
ماشى؟