معلق كورة جامد كييك

[I_DeaDSoul_I]

اعزائى مشاهدى القناه التاسعه والتسعون
اتعس الله مساءكم جميعا ونقدم لحضراتكم برنامجنا التحليلى (شوطه وصده ) لتحليل المباراه الهامه جدا جدا
بين فريقى (طرب ستار الاحمر ) و (طرب ستار الازرق ) المباراه فاضل عليها نص ساعه تقريبا
هنقول التشكيل فيها ونحلل الماتش ومعانا المحلل الكبير والكابتن ( حشيشه ناشفه ) اللاعب السابق
ونجم نادى( ريال سردين ) اللى بينافس فى دورى الدرجه الميه فى الدورى الهندى


المذيع
: اهلا بيك يا كابتن معانا

الكابتن


(حشيشه ) : اهلا بيك يا اخويا , انا الحمد لله عايش اهو

المذيع


: ايه تصورك للمباراه يا كابتن ؟؟

الكابتن


( حشيشه ) : والله ان شا ءالله هتبقى ممله جدا جداااا وده هيبقى شىء ممتع فعلا

المذيع


: طيب بعد ازنك يا كابتن احنا التشكيل وصلنا هنقوله بس بسرعه

الكابتن


(حشيشه ) : قول يا اخويا مش هنخلص فى اليوم ده

المذيع


: تشكيل النهارده لفريق (طرب ستار الاحمر )

فى حراسه المرمى الكابتن الكبير مصطفى المجهول وفى الدفاع 3 لاعبين
الكابتن عمر الرومانسى ليبرو واتنين مساكين احمد موزه وحسن اللول
وفى خط النص 4 لاعبين على الجانب الايمن الكابتن الجيزاوى وعلى الشمال الاخ احمد مودى بوب
وفى السنتر اتنين باسم بوب وجنبه عمرو شيتوس
اما فى الهجوم مثلث مقلوب قاعدته فرى بوى (عرفه) ورونى ورأس المثلث الكابتن يحيى
وفى فريق (طرب ستار الازرق )
فى حراسه المرمى الكابتن ميموز وفى الدفاع بسنت والقلب الحائر وهمسات
اما فى الوسط على الجانب الايمن ميرو لاف وعلى الجانب الايسر ساد جيرل
اما فى السنتر ففى جولييت وشمس وفى الهجوم مثلث مقلوب رأسه ستار وقاعدته تونا وكيوت بنوته
المذيع


: الحمد لله خلصت ............. ايه رأيك يا كابتن (حشيشه) ؟؟؟؟

الكابتن


(حشيشه ) : والله المديرين الفنيين حطوا خطه زى الزفت طبعا وانا بحييهم على المجهود فعلا

المذيع


: يعنى هل فريق (طرب ستار الاحمر) خطته وحشه فعلا

الكابتن


(حشيشه ) : ايوه طبعا

يعنى انت عندك واحد زى المجهول ده اخره بتاع برمجه ورفع وكلام منده يعنى ملوش فى حراسه المرمى خالص
وبرضه طقم الدفاع كله شعراء ورومانسيين خااااالص محدش فيهم هيكلم المهاجم لما يروح يجيب جون
كفايه عليه يوشوشه فى ودانه ويقوله متجيش هنا تانى لو سمحت
وخط الوسط مبيعرفوش يجروا اساسا يا عم ده بينهجوا لما بيفكروا
اما الهجوم ده حكايه طويله عريضه يعنى عندك واحد زى فرى بوى (عرفه ) لابس نضاره يعنى مش
شايفنى اصلا وممكن يشوط الكوره فى وش زمايله عادى جدا وبرضه الحج رونى ده بتاع فوتوشوب وهجص
من ده يعنى هيعد يرسم ويتأمل طول الوقت ويعمل تصميمات وتوقيعات ويروشنا وبعدين مين يحيى ده
الزلزال ..................زز يبقى الاستاد هيقع علينا كلنا ان شاء الله
فعلا الكابتن ( فوزى كعبله ) عرف يختار بجد ............ خطه معفنه بكل المقاييس
المذيع


: طب وفريق (طرب ستار الازرق ) عنده فرصه يخسر المباراه وياخد اللقب فعلا ؟؟

الكابتن


(حشيشه ): اااااااااااااااااه جينا للفريق ده هو الاقرب للخساره فعلا نظرا لمهاره لاعبيه

يعنى ميموز حارسه المرمى دى متألقه فعلا هتعد تعيط كل ما جون ييجى
وعندك الدفاع كلهم كلهم طيبين والحمد لله ولكن بيشتغلوا كويس يعنى الاجوان هتيجى زى الرز
والوسط بقى كله لعيبه متألقه ونشيطه بجد يعنى هتخرب هتخرب ان شاء الله
والهجوم بقى مشكله عويصه وحكايه جامده أوى كلهم فنانين واخرهم كوميديا وفرفشه وهبل من ده
وخلاص والكابتن (ابراهيم شبه امه ) اختار تشكيله جامده كيييييييييييك
المذيع


: يعنى يا كابتن المباراه هتبقى حلوه

الكابتن


( حشيشه ) : لالالالالالالالالالا ان شاء الله هتبقى ممله وحلوه وده اللى احنا عايزينه

المذيع


: طب والحكم؟؟

الكابتن


(حشيشه ) :اها حماده مجنن البنات ده مسخره بجد حكم تعبان مله ومهيس خالص والمفروض يغير الصنف يعنى هتبقى مباراه فاشله ان شاء الله

المذيع


: طيب يا ناس يا لوكال يا مهيسين فككوا من البرامج التانيين ونسيبكوا مع الماتش

وكان معكوا احلى المذيعين الاستاذ عبده حوكه

[m.jooo]

NoComment

يعني المطلوب اننا نعمل ايه نضحك مثلا ؟؟؟

[_LyLee_]

فكرتني بمقطع وصلي على الموبايل

الكابتن هريدي يحيكم من الملعب ابتاعنا احنا , او علي الطلاج بالتلاتة الملعب إبتاعنا إحنا :d

[Sa Vi]

هههههههه

مش بقولك كل مواضيعك انهارده تضحك ^^

[mando2030]

ههههه
حلوه