الي بيحب ربنا يدخل

[Dragon_Rider]

بسم الله الرحمن الرحيم الموضوع بيتكلم عن ان سيلك رود دى لو بصيت الي انا هقوله حاتقول انها حرام فى حرام نبدا: اول حاجه: دى لعبه بعتها ربنا للمسلمين عشان يشوف قوه ايمانهم به الواحد لما بيعد يلعب سيلك رود بينسى الدنيا و ربنا اما الادان بيادن حد بيقوم يصلى ويقول ياعم لسا بدرى على الصلاه البعديها وتعد تلعب وتيجى الصلاه الي بعديها ولى بعديها ولما يفوق يقول الصلاه ضاعت هابقى اصليها بكره وبكره يجى ويحصل نفس الحوار ويبعد عن ربنا تماما .الحاجه التانيه: دى بقت اهم حاجه فى حياتنا دى نستنا المصحف و ذكر الله و اما تقول مثلا ده لو حد بيلعبها وقال اقوم اقرا في المصحف شويه الشيطان يقولك اعد انتا لو قمت هيضيع عليك مثلا مليونk و انت تعد زى الاهبل ولا تقرا حاجه فى المصحف . ده اول حاجتين يدخلونا النار حدف ما بالك من الي جى. الحاجه التالته : اللعبه دى اصلا منزلها اليهود هقولك كام مثال على كده بس افهمه : اما اسرائيل دكت غزه حد اتحرك اق طبعا كلوا كان بيقول ربنا معاهم ,وربنا سبحانه و تعالى دعى الى الجهاد , مش دول اخواتنا فى الاسلام ولا هوه كلام وخلاص , هما عرفوا يضعفوا المسلمين واحنا مشيين وراهم عجيبه الدنيا احنا الاول الي كنا مسكين العالم كله ايام الرسول (صلى الله عليه وسلم) دلوقتى هما المسكنا و بيتحكموا فبنا مش بزمه حرااااااااااااااااااااااااام ولا ايه , اما رسول (علية الصلاه وسلام) بيتسب دلوقتى بالصور و الفيديو الى يقولك دول ولاد *** معرفش ايه عارفين كل ده ليه عشان بنلعب اللعبه الهباب دى ومتقليش عشان حاجات تانيه ,سبحان الله الرسول الي بيقول امتى امتى و احنا بنقول نفسى نفسى كلامى فى حاجه غلط ما حدش قال انا هاخد حق الرسول وحقى منهم لا ياعم كفايه الشتيمه انا كده شفيت غليلى منهم وعلى فكره السب ده بيخليك تزود عدد السيئات عشان بتسب و بتنم و الرسول اذا كان عايش معنا دلوقتى كان غضب منا عشان بنسب ونم فيهم مش بلزمه حاجه تحزن. الحاجه الربعه: الى اسمه الجيو ماكس ولا بيبسى ماكس عمال يقلف فى حاجات تافه قل ايه عشان يزبط اللعبة كل شوية يطلع بحاجه شكل زى السوس الدجرى العاشر والافيترات الجديده و الهبل الي هوه بيعمله . انتوا عارفين ليه بيطلع حاجات جديده طبعا عشان تشتروا وهو يا خد الفلوس ديه ويديها للكفره يعملوا اسلحه و يقتلوا اخوتنا واحنا مشركين فى ده بالفلوس الي احنا بندفعها فى الي اسمه السيلك (سيلك ناعم و لا خشن) وده طبعا حرام عشان احنا بنسعدهم على كدة بالفلوس الي احنا بندفعلهم,ولا احنا دريانين كل واحد يقول بص الافيتار ده شكلو حلو انا هشتريه ,انتوا عارفين قل الexp ليه عشان ياخد فلوس اكتر ازاى : يزيد الexp انتا كدة فرحان تظ فى البرنيام , يقل الexp انت تتخنق انا باخد exp وحش انا هاشحن برميام تلت تربع الي بيلعبوا كل 28 يوم بيشحنوا gt او برميام ( ماتقولش يا خوية هما عندهم الدورة ) انا عارف, احنا مش حاسين الي احنا بنسعدهم وربنا هيحسبنا على كل ده الى احنا بندى اليهود فلوسنا و بنقتل اخواتنا بيها ( حسبى الله و نعمه الوكيل).الحاجه الخامسة: الفلوس الي بتتصرف عاى اللعبة الهيفة دى محدش يقولى 50 سيلك عشان الban الخمسين سيلك دول بكام مش 35 ,30 ,25 جنيه مش الفقير المسلم اولى بيهم او حتى لنفسك يا اخى هات بيهم اى حاجة تنفعك. ابوك طافح الدم عشان يجبلك تعيش عيشة غيرك مش عيشها تروح انت تاخد مصروفك وتصرف بى على لعبة يا اخى اتق الله . تصدقوا ان الفلوس الي بتتصرف على اللعبه معظم الى بيلعبوا بيكونوا جيبنها من حرام ,شوف يا اخى انت بتعمل الحرام عشان ترىح نفسك فى اللعبه وانت عارف فى الاخر دى لعبه لا راحت ولا جت بس بردوا انت دايس بدماغك فى الحرام اذا انت مش عجبك ده طب خد الاكيد تاى هيحصلك فى الاخر, الله سبحانه وتعالى لمل يسالك يوم القيامه عن مالك فيما انفقت وعن مالك فيم اكتسبته بص بقى انت هتقله ايه (انا يارب صرفته فى سيلك رود ) الله عز وجل يقولك (انت مش بس صرفت مالك انت صرفت عمرك كلة كمان) ده انت كنت عبد ليها ونست الله عز وجل اكيد انت لازم تصدق ان الكلام ده هيحصل فيك لو مسبتش اللعبه الهباب دى و رجعت لربنا . الحاجه السادسه : اللعبه دى ممكن تخصرك اهلك وحبيبك كمان لو مشيت وراها مثلا لو لسمح الله اتقلبت وكان سعتها معاك صحبك حبيبك ,انت جيت تفتح الاكونت لقيتوة zero كل حاجه مين كان معاك سعتها (صحبك) وانت اكيد هتشك فية وتفضحه انت الي البت الاكونت انت معرفش ايه انت وانت وانت ,وصحبك غلبان ما اخدش حاجه نيجى فى الشىء المهم ,الله سبحانه وتعالى قال ايه فى كتابه الغزيز : بسم الله الرحمن الرحيم( ان بعد الظن اثم) صدق الله العظيم . سعتها بقى تاخد زنبين زنب صاحبك و الظن الى مش فى محله . انا كان نفسى اقول كلام اكتر عشان بس ما حدش يزهق بس ان شاء الله انا هاكمل الموضوع . السلام عليكم ورحمة الله وبركاته

[I Love Allah]

كلامك مظبوط يا باشا و عندك حق فى كل اللى حضرتك قولتو

[__LuBu__]

بص انت بتتكلم كلام زى الفل بس بجد الناس دى مش هتعرف تبطلها دى عامله زى المخدرات والله وكمان مفيش مانع ان الواحد يلعبها والاهم انه ياخد باله من دينه يعنى والمصيبه بقى انه لو فاتح بوت مصلا وراح يصلى هيقعد يفكر يا ترى الاكونت مات يا ترى الام بى خلص يا ترى بياخد اكسبرنيبس حلو كل الحاجات دى هتشته وهو بيصلى وشكرا على الموضوع ده

[Dragon_Rider]

المشاركة الأصلية كتبت بواسطة khaled_mezo1111 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] بص انت بتتكلم كلام زى الفل بس بجد الناس دى مش هتعرف تبطلها دى عامله زى المخدرات والله وكمان مفيش مانع ان الواحد يلعبها والاهم انه ياخد باله من دينه يعنى والمصيبه بقى انه لو فاتح بوت مصلا وراح يصلى هيقعد يفكر يا ترى الاكونت مات يا ترى الام بى خلص يا ترى بياخد اكسبرنيبس حلو كل الحاجات دى هتشته وهو بيصلى وشكرا على الموضوع ده

ردك حلو يا مان بس لو قريت الموضوع كويس هاتفهم انى الوقت الى بتعد ادام الاكونت بس عشان يدخل كان ممكن يعمل حجات اكتر مفيدة ليه صح كلامى ولا غلط يا مان . على فكره لو بصيت على المشاهدات هتلاقيها الحمد لله كتيره بس كلوخايف يقول رايه عشان لو لقا نفسه فى 5 حجات صح هيلاقى نفسه فى واحدة غلط ده على الاقل.شكرا على مرورك

[Dragon_Rider]

كت دول مشاهدين و محدش كتب رد واحد يا على النداله

[romedan4]

لا حو ولا قوه الا بالله ...............



ربناا رفع مقتق و غضبك عنا انك سميع مجيب الدعوات
ارحم ضعفنا و وفقنا لما تحب وترضا انك حقا نعم المولي و نعم النصير
واخر دعوانا ان الحمدلله رب العالمين والصلاة والسلام علي سيد الخلق سيدنا محمد صلي الله عليه وسلم


شكرا للموضوع الرائع اخي العزيز .............

[silverShadow2]

موضوع جميل بارك الله فيك

وكلام صحيح واللهـ :)

[etsh_etsh]

موضوع جميل ... بس اتعمل قبل كده ,, وبرده مفيــش فايده

[it is me]

موضوع جميل و مشكور جدا

[silkroad matrix]

ازاي محدش يعرف يبطلها انت لو عندك عزيمه لطبتلها حطبتل صدقني.

[Ultra]

تاااانى نفس الموضوع

والله كل واحد يتحكم فى نفسه

على فكرة انا بعد كدة لو شوفت نفس الموضوع الى الناس كتبته مليون مرة قبل كدة مش حرد

:d

[pepo_mp1]

انت كلامك صح جدا و على فكره انا بطلت اللعبه بس بدخل على المنتدى اشوف ايه الاخبار و على فكره كلمت مش هعرف ابطلها غلط و كلكوا عارفين انحنا شباب الى عيزين نعملو بنعملو باعافيه او بى الزوق

[hermione]

حلو الكلام

اول حاجة قبل ما اعلق على الموضوع

بالنسبة لعنوان الموضوع

حب ربنا مش بدخول الموضوع انت عملت زى اللى بيقول اللى يحب النبى يسقف برضه حب الرسول عليه

الصلاة والسلام مش بالتسقيف

بالنسبة للموضوع اللى انت كاتبه

- هل تعتقد ان الناس كلها زى بعضها فى التفكير ؟

لو كانت الناس زى بعضها فى التفكير كان ممكن البشرية كلها يا تكون اغبية يا تكون اذكية

دلوقتى انت بتقول الناس بتسيب الصلاة

انا هقولك على حاجة اساس البنى آدم فى كل حاجة بيترتب على التربية من الاهل انت لو انسان

متربى دينياً كويس عمرك ما هتسيب الصلاة لأى سبب من الاسباب علشان كدا حتة الصلاة دى بتعتمد

على البيئة اللى انت اتربيت فيها

سواء اذا كانت ام او اب بيخاف ربنا وبيتقى ربنا فى اولاده .. علشان كدا مش سيلك رود هى اللى خلته

يسيب الصلاة لأ هو اساساً مكنش بيصلى قبل كدا ولو كان بيصلى يبقى كان مش منتظم

فالصلاة مش مرتبطة بسيلك رود الصلاة مرتبطة بالأهل وتربيتهم ليك

---------------------------------------

بخصوص اللعبة ان اللى عملاها يهود

ما الويندوز اللى انت شغال عليه عامله يهود والبرامج اللى انت بتستخدمها دى منزلها اليهود وكل العاب

الكمبيوتر اللى انت بتلعبها منزلها اليهود وغيره وغيره وغيره

بس هل دا معناه ان احنا بقينا يهود ؟؟
لأ طبعاً

انت مجرد بتلعبها زى اى لعبة تانية كله من اجل المتعة والتسيلة وخلاص

مش هتبقى كل حياتك شغل فى شغل ... وكل واحد حر فى حياته

وبخصوص غزة احنا كل اللى نقدر نعمله الدعاء

دا السلاح اللى فى ادينا دلوقتى

لكن اللى بقى يقولك غزة وعملتوا ايه لغزة وقاعدين تلعبوا واخوتكوا بيتقتلوا فى غزة فدا كله كلام فاضى

ما كان هو راح حارب بدل ما هو بيتكلم على الفاضى وعلى المليان!!!

----------------------------------------------

بخصوص بيبسى ماكس

انت بتقول دلوقتى ان الناس محتاجة الفلوس اللى بتروح تصرفها على السيلك

كلام جميل وانا معاك فى حاجة زى دى

انت مثلاً واحد ربنا رزقك من حيث لا تحتسب

جميل قوى

بتوزع على الفقرة وبتساعد الغلابة وتعطف على كل الناس

لما هتجيب مثلاً 50 سيلك علشان تأمن بيهم الاكونت هل دا فى ضرر ؟

ما انت راجل بتتصدق على الناس وبتراعى الغلابة ليه متراعيش نفسك انت كمان ليه متخفش على وقتك

انت كمان ليه تحرم نفسك من حاجة انت نفسك فيها ؟؟؟؟؟؟

مع العلم ان الحاجة دى مش ضراك فى شئ بالعكس دا عدم وجدها هيضرك

شوف انت مثلاً جبت لفل 70 ومشحنتش ولا نص سيلك حتى

حلو الكلام

ليه متجبش 50 سيلك تأمن بيهم وقتك ومجهودك اللى ضاع

شوف انت بتدفع كل شهر كام فتورة نت ؟ وكام فتورة كهرباء ؟ ووقتك ؟ ليه تضيع كل دا فى الهوا

طب ما انت ممكن تشترى راحتك بفلوسك ؟؟

------------------------------------------------------------------

بالنسبة لآخر حاجة حوار انك ممكن تخسر اصحابك

والله دا بقى بيعتمد على شخصيتك انت
وزى ما قولتلك كل واحد وتربيته
والناس مش زى بعضها

-----------------------------


فى النهاية انا عايزك تفهم كلامى صح متفهوش بأى صورة تانية

[Ultra]

المشاركة الأصلية كتبت بواسطة hermione عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] حلو الكلام اول حاجة قبل ما اعلق على الموضوع بالنسبة لعنوان الموضوع حب ربنا مش بدخول الموضوع انت عملت زى اللى بيقول اللى يحب النبى يسقف برضه حب الرسول عليه الصلاة والسلام مش بالتسقيف بالنسبة للموضوع اللى انت كاتبه - هل تعتقد ان الناس كلها زى بعضها فى التفكير ؟ لو كانت الناس زى بعضها فى التفكير كان ممكن البشرية كلها يا تكون اغبية يا تكون اذكية دلوقتى انت بتقول الناس بتسيب الصلاة انا هقولك على حاجة اساس البنى آدم فى كل حاجة بيترتب على التربية من الاهل انت لو انسان متربى دينياً كويس عمرك ما هتسيب الصلاة لأى سبب من الاسباب علشان كدا حتة الصلاة دى بتعتمد على البيئة اللى انت اتربيت فيها سواء اذا كانت ام او اب بيخاف ربنا وبيتقى ربنا فى اولاده .. علشان كدا مش سيلك رود هى اللى خلته يسيب الصلاة لأ هو اساساً مكنش بيصلى قبل كدا ولو كان بيصلى يبقى كان مش منتظم فالصلاة مش مرتبطة بسيلك رود الصلاة مرتبطة بالأهل وتربيتهم ليك --------------------------------------- بخصوص اللعبة ان اللى عملاها يهود ما الويندوز اللى انت شغال عليه عامله يهود والبرامج اللى انت بتستخدمها دى منزلها اليهود وكل العاب الكمبيوتر اللى انت بتلعبها منزلها اليهود وغيره وغيره وغيره بس هل دا معناه ان احنا بقينا يهود ؟؟ لأ طبعاً انت مجرد بتلعبها زى اى لعبة تانية كله من اجل المتعة والتسيلة وخلاص مش هتبقى كل حياتك شغل فى شغل ... وكل واحد حر فى حياته وبخصوص غزة احنا كل اللى نقدر نعمله الدعاء دا السلاح اللى فى ادينا دلوقتى لكن اللى بقى يقولك غزة وعملتوا ايه لغزة وقاعدين تلعبوا واخوتكوا بيتقتلوا فى غزة فدا كله كلام فاضى ما كان هو راح حارب بدل ما هو بيتكلم على الفاضى وعلى المليان!!! ---------------------------------------------- بخصوص بيبسى ماكس انت بتقول دلوقتى ان الناس محتاجة الفلوس اللى بتروح تصرفها على السيلك كلام جميل وانا معاك فى حاجة زى دى انت مثلاً واحد ربنا رزقك من حيث لا تحتسب جميل قوى بتوزع على الفقرة وبتساعد الغلابة وتعطف على كل الناس لما هتجيب مثلاً 50 سيلك علشان تأمن بيهم الاكونت هل دا فى ضرر ؟ ما انت راجل بتتصدق على الناس وبتراعى الغلابة ليه متراعيش نفسك انت كمان ليه متخفش على وقتك انت كمان ليه تحرم نفسك من حاجة انت نفسك فيها ؟؟؟؟؟؟ مع العلم ان الحاجة دى مش ضراك فى شئ بالعكس دا عدم وجدها هيضرك شوف انت مثلاً جبت لفل 70 ومشحنتش ولا نص سيلك حتى حلو الكلام ليه متجبش 50 سيلك تأمن بيهم وقتك ومجهودك اللى ضاع شوف انت بتدفع كل شهر كام فتورة نت ؟ وكام فتورة كهرباء ؟ ووقتك ؟ ليه تضيع كل دا فى الهوا طب ما انت ممكن تشترى راحتك بفلوسك ؟؟ ------------------------------------------------------------------ بالنسبة لآخر حاجة حوار انك ممكن تخسر اصحابك والله دا بقى بيعتمد على شخصيتك انت وزى ما قولتلك كل واحد وتربيته والناس مش زى بعضها ----------------------------- فى النهاية انا عايزك تفهم كلامى صح متفهوش بأى صورة تانية

يعنى مفيش ولا نص حرف يزيد على الى قاله هيرميون

[hany_tiger]

ردك واللة اكثر من الرئع بمراحل


انا بتحمل كلام الراجل دا
ولو كنت هرد معرفش كنت ممكن ارد بربعة
بس هوة اتكلم في كل حاجة صح
يسلم المنتدي بيك اخي الفاضل والمشرف العزيز