|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
08-01-2009, 10:46 PM
|
#1 | ||||||||||
  
|
بسم الله الرحمن الرحيم أكيد كلنا أتحط فى موقف أدام أبوه أو جدو و قالو ( يابنى زمان على أيامنا مكنتش الدنيا كده كانت حاجه تانيه خاااالص ) وتسمع تنهيده و يقعد ساعه ونص يشكر فى الزمن بتاعو صح ؟ أحنا برضو هنعمل كده بس أدام شويه ( كمان 50 سنه كده ) و برضو هنقعد نشكر فى الزمن بتاعنا و أبنك أو بنتك هيكون عايز يرقعك بحاجه فى دماغك ويخلص من رغيك تعالو نشوف الى هيحصل معانا كمان 50 سنه بس أهم حاجه تكملو الموضوع للأخر عشان طويل شويه على بركه الله --------------------------------------------- المكان أحد أحياء القاهرة الزمان يوم من أيام صيف عام2060 الحفيدة : تيته ميرو إزيك..بقى لي زمان ما قعدتش معاكي الجدة: وهو أنا عارفة أتلم معاكي خالص.. ده أنا قاعدة زهقانة قوي ومش لاقية حاجة تسليني الحفيدة: ومابتفتحيش الدش ليه يا تيته الجدة: التليفزيون بقى ممل خالص مافيهوش غير 9700 محطة بس!. الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته ! الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا الحفيدة : أيوه بس مش حاسة إنك مخنوقة وانتي لابساه؟ الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر حشمة. الحفيدة : ياه يا تيته.. ده انتوا كان ليكم تقاليد غريبة خالص! الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا .. فين أيام سنة 2002، هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق الحفيدة: معقول يا تيته؟ للدرجة الفظيعة دي!!؟ الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر وربع .. وكانوا الستات يلبسوا فوقيها بلوزة باستمرار ..مش زي دلوقتي! حسبي الله ونعم الوكيل! الحفيدة : يا خبر .. وإيه كمان ياتيته الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل! الحفيدة : وبعدين ياتيته الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها طعم. الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة الجدة: طيب ياحبيبتي روحي (بعد عدة دقائق) الحفيدة: هيه يا تيته.. وبعدين الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي دلوقتي، وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل! الحفيدة : 70 مليون بس؟!! الجدة: أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة ب 250 جنيه، وكان الواحد يقدر يشتري شقة تمليك ب 150 ألف جنيه بس..وكان الدولار بخمسة جنيه بس تخيلي بقى؟ الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً، طب ده باباها كان ممكن ساعتها يخاصمها ! الحفيدة : ياي! ده انتوا كنتوا متزمتين خالص ياتيته !!! الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي.. هي ي ي ي ه الله يرحم دي أيام.. فكرتيني بالذي مضى حبي الله ونعم الوكيل! (تمسك الجدة بتليفون محمول في حجم علبة الكبريت) الحفيدة : ح تكلمي مين يا تيته الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ .. الحفيدة: (تنهض من مكانها) تشاو سي يو تيته! الجدة: سي يو وبعد مرور عدة ساعات انتابت الجدة خلالها غيبوبة بسبب الشيخوخة و في المساء دار هذا الحوار بين الجدة والحفيدة: الجدة: إنتي كنتي فين يا فتفت؟ الحفيدة :أصل إحنا أخدنا الولد من الحضانة .. الجدة : ولد !! ولد إيه اللي أخدتوه من الحضانة؟ الحفيدة : آه صحيح أنانسيت أقول لك .. أصل أنا جبت ولد من سمسم صاحبي الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل! الحفيدة : يا سلام عليكي يا تيته..إنتي عليك تحكيمات غريبة..طيب إيه اللي يمنع نخلف من غير جواز أنا شخصياً عملتها ونفعت الجدة : مشكلتيإني ما باعرفش أزعل منك يا فتفت يا عكروتة ..وسميتوا المحروس إيه بقى الحفيدة :سميناه (دوت كوم) .. الجدة :نعم .. دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟ الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس (ألت و إف4) الجدة: وأخدتوه من الحضانة وديتوه فين بقى؟ الحفيدة : وديناه النادي الصهيوني بتاع الحي الجدة : النادي الصهيوني بتاع الحي؟ الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل (ميدو يوسف والي) وزير الزراعة ده راجل متفتح قوي. هه، أفتح لك التليفزيون يا تيته عشان تشوفي نشرة الأخبار الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول: المذيعة : هاي شلة! إليكم عناوين الأخبار -أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان -واشنطن تتهم ليبيا بتفجير سفينة فضاء فوق كوكب المريخ -وزير الاقتصاد د. فريد يوسف بطرس غالي يصرح: إعدام الفقراء هو الحل لخروجنا من عنق الزجاجة -موافقة مجلس الشعب أخيرا على خصخصة معبد الكرنك أخبار عربية: -زهوة ياسر عرفات تطالب بانسحاب إسرائيل حتى حدود عام 2099، وإعلان الدولة الفلسطينية في مايو المقبل -سيريلانكا والفلبين تطرد خمسة آلاف خادمة كويتية -إسرائيل ترفض الإنسحاب من البصرة إلا بعد ضمان أمن مستوطناتها في بغداد -اشتباكات على الحدود الإسرائيلية المغربية أخبار الفن - زفاف المطربة صباح على حفيد الفنان الراحل راغب علامة -رئيس قطاع الإنتاج لم يستقر بعد على بطلة فوازير رمضان ويعقد إجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية -الفنان محمد هنيدي يهاجم نجوم الكوميديا الجدد المذيعة: فينيش باي الجدة: لأ بقى حسبي الله ونعم الوكيل فيكم فعلا! (يغمى عليها) الحفيدة : تيته..تيته! ! زى كل مره مستنى الردود الحلوه ( أو لقمه ناشفه ) أى حاجه منكو حلوه بس متنسونااااااش و الكلام الحلو |
||||||||||
|
التعديل الأخير تم بواسطة angel2022 ; 08-01-2009 الساعة 10:50 PM
|
| إعلانات google |
|
|
|
08-01-2009, 10:51 PM
|
#2 | ||||||||||
 
|
هههههههههههههههههههههه جامدة |
||||||||||
|
|
|
08-01-2009, 10:55 PM
|
#3 | ||||||||||
  
|
كالعاد انا بردو اول من يرد على نفس العضو الجميل هاهاهااهها انا اول من رد على موضوعك قنابل الضحك ديه من خمس دقائق شكرا جداااااااااااااااااااااااااااااااااااااااااااااااا ااااااا اوف ملحقتش بس يالا كنت بكتب اه نسيت كلمنى على الياهو hazemcomp |
||||||||||
|
التعديل الأخير تم بواسطة Sa Vi ; 10-01-2009 الساعة 01:21 PM
|
|
08-01-2009, 11:02 PM
|
#4 | ||||||||||||||
|
اقتباس:
أهم حاجه تكون ضحكت يا صحبى اقتباس:
اقتباس:
اقتباس:
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] مستنى الاضافه بتعتك بس انا اليومين دول مش هفتح الميل عشان أمتحانات الكليه بس برضو مستنى الاضافه ( و انا أتشرف بيك ) |
||||||||||||||
|
|
|
08-01-2009, 11:02 PM
|
#5 | ||||||||||
 
|
بس اية الجمال الى انت بتجيبو دى |
||||||||||
|
|
|
08-01-2009, 11:03 PM
|
#6 | ||||||||||
|
مشكورررررررر |
||||||||||
|
|
|
09-01-2009, 05:31 PM
|
#7 | |||||||||||
|
اقتباس:
وبعدين مش هوة بيجيلك خلاص اهم حاجة تكون انبسط و ضحكت |
|||||||||||
|
|
|
10-01-2009, 02:04 AM
|
#8 | ||||||||||
|
فين الردود يا ناس |
||||||||||
|
|
|
10-01-2009, 02:44 AM
|
#9 | ||||||||||
|
هههههههههههههههه جامدة اوووووووووووى مشكور |
||||||||||
|
|
|
10-01-2009, 02:59 AM
|
#10 | ||||||||||
 
|
مواضيعك كلها حلوة بس مش لازم تكتب اسمك فى اسم الموضوع^^ |
||||||||||
|
|
|
10-01-2009, 11:14 AM
|
#11 | ||||||||||
 
|
هههههههههههههه ايه الدلع ده يا مان |
||||||||||
|
|
|
10-01-2009, 01:02 PM
|
#12 | ||||||||||
|
مجهود رائع يا معلم ... تنسيق و تظبيط ده طبعا غير الموضوع الاكثر من رائع و اللى مش مكررررررررررررر :p:p و 5 نجوم من عندى |
||||||||||
|
|
|
10-01-2009, 01:22 PM
|
#13 | ||||||||||
|
هههههههههههههههههه جامد اووى والله يا انجيل تسلم ايدك انا هموت من الضحك ^^ |
||||||||||
|
|
|
10-01-2009, 01:46 PM
|
#14 | ||||||||||||
|
اقتباس:
و انا فرحان جدآ ان الموضوع عجبك يا صحبى و متشكر على الخمس نجوم على فكرة انا اديتك صوت فى الترشيح وبجد نفسى الشخصيات الجادة الى بتراعى ضمرها هية الى تنجح اقتباس:
انا فرحان بجد انك ضحكت واللة انتا مش متخيل انا تعبت فى الموضوع دة اد اية بس الحمد للة لقيت الى قدرو تعبى وشكرآ على كلامك الحلو (* زياد *) |
||||||||||||
|
|
|
10-01-2009, 01:58 PM
|
#15 | |||||||||||
|
اقتباس:
|
|||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| حوار بين فيلسوف و أُمي (ممنوع الدخول لأصحاب القلوب الضعيفة علشان هتموت من الضحك) | goosa | Bellona | 18 | 16-02-2012 01:47 AM |
| Egyptian Exam 2060 امتحان مصر في اللغة العربية لعام 2060 | msa1995 | بـعـيـدآ عـن سـيـلـك رود | 6 | 14-06-2009 12:12 PM |
| و ( * angel2022 *) مصمم يموتكو من الضحك ( قيس و ليلى سنة 2060 ) هههههههه | angel2022 | بـعـيـدآ عـن سـيـلـك رود | 16 | 20-01-2009 02:24 AM |
| حوار بين جد وحفيدته فى عام 2060 شديدةةةةةةة | banda | بـعـيـدآ عـن سـيـلـك رود | 4 | 12-11-2008 08:23 PM |
.gif){kind=icon}
العرض العادي
