|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
06-01-2009, 03:05 AM
|
#1 | ||||||||||
 
|
بسم الله الرحمن الرحيم السلام عليكم ورحمة الله وبركاته بصراحة بعد ما عملت اول موضوع ليا واللى هو كان بيتكلم عن الشتيمة (والرابط اهو) http://silkroad4arab.com/vb/showthread.php?t=65874 لقيت ناس كتير ردت وكان بصراحة كده كلامهم مشجع اوى وانا مكنتش متصور الاقبال ده كله فا انا زى ماوعدتكو انى حعمل موضوع عن تفسير ظاهرة ان الواحد مننا لما بيشوف حاجة او حاجة معينة بتحصل ادامه بيحس انها حصلت قبل كده بالظبط وبيبقى خلاص حيتجن ويقعد يقول ازاى ؟؟ الموقف ده حصل معايا قبل كده !!! وفعلا انا معاكو لانها حاجة محيرة اوى بس انا الحمد لله عرفتلها 3 تفسيرات والله أعلم انهى فيهم اللى صح لكن انا حقولهم كلهم اهو علشان الواحد برضو يبقى واخد فكرة . أول تفسير : بصو يا جماعة,انا سمعت ان حياة الانسان كلها متسجلة فى عقله الباطن (مش اللى حصل بس) كل حياته يعنى اللى حيحصل كمان كله متسجل يعنى من الآخر كده شريط حياتك كله متسجل فى عقلك الباطن, حلو ؟ فا الانسان ممكن وهو نايم وبيحلم ممكن عقله يلقط حاجة من الحاجات اللى فى عقله الباطن واللى هى لسة حتحصل ويقوم من النوم ناسى هو حلم بايه وييجى فى مرة كده يحصل ادامه الموقف اللى هو حلم بيه فا يحس انه حصل معاه قبل كده ويبقى متأكد وفعلا هو ده اللى بيحصل وده كان التفسير الأول . التفسير التانى وهو الأقرب إلى الصواب : كنت قريت فى كتاب عن الظاهرة دى, الظاهرة دى اسمها التعرف الكاذب وركزو شوية عشان تفسيرها غريب شوية .. الظاهرة دى بتحصل نتيجة خلل طفيف فى المخ (محدش يخاف يا جماعة مش حاجة خطيرة ^^) والتفسير هو ان أى حدث بيحصل للإنسان خلال حياته اليومية بتلتقطه حواس الإنسان وتبعت منه نسختين للمخ.. واحدة عشان الانسان يفهم الحدث اللى أدامه ويبتدى يتعامل معاه ويتصرف بالطريقة الصحيحة تجاه الحدث ده .. أما النسخة التانية فهى بتتبعت للذاكرة عشان تحتفظ بيها وتحطها فى الترتيب الخاص بيها مع باقى الأحداث اللى فى ذاكرته ,حلو ؟ المفروض ان النسختين يوصلو للمخ فى نفس الوقت لكن فى بعض الأحيان بيحصل خلل طفيف فى توقيت وصول الرسالة فا النسخة اللى بتروح للذاكرة توصل قبل ما النسخة التانية اللى بتروح لجهة التصرف والتعامل توصل والخلل ده ممكن يحصل فى جزء من الف جزء من الثانية فا بتكون النتيجة ايه ؟؟ الرسالة بتوصل للذاكرة الأول ولما العقل يدرك اللى بيحصل فى الموقف اللى المفروض يتصرف تجاهه بيكتشف انه عنده صورة سابقة للموقف ده فى ذاكرته فا عشان كده انت تحس ان الموقف ده حصل معاك قبل كده, تمام؟ وده كان التفسير التانى . آخر تفسير بقى : بصو ,زى ما كلنا بنشوف فى الأفلام الأجنبى ان فى واحد سافر عبر الزمن وبتاع وعمل وسوى ويروح المستقبل ويشوف الدنيا عاملة ازاى وكده (طبعا كلكو هارشين ;) ) فا أنا سمعت اكتر من مرة ان عشان الانسان يسافر للمستقبل لازم يسابق الزمن وعشان يسابقه لازم توصل سرعته لسرعة الضوء يعنى معنى كده (حسب اللى سمعته) ان لو اخترعو حاجة بتمشى بسرعة الضوء ممكن الانسان يسافر للمستقبل لكن ده طبعا عمره ما حيحصل لان علم الغيب خاص بالله ومفيش حد من الخلق يعرف عنه حاجة لكن اهى نظريات وعلى فكرة هما توصلو لاختراع طيارات بسرعة الصوت لكن محدش حيقدر يوصل لسرعة الضوء, المهم , ساعات لما بيكون الانسان نايم روحه زى ماحنا عارفين مش بتبقى موجودة فى جسمه (وضع شبيه بالموت) فا ساعات روحه بتمشى بسرعة الضوء لمدة قصيرة جدا فا بيلقط حاجة من المستقبل ويصحى عادى ولا كإن حصل حاجة بس لما يحصل معاه الموقف اللى روحه وصلتله بيحس انه حصل معاه قبل كده . وده كان آخر تفسير وأنا آسف جدا جدا اذا كنت طولت لكن انا حبيت أوضح بالتفصيل لأنه موضوع معقد شوية ويا رب أكون افدتكو وعايز أفكركو ان ممكن يكون كل كلامى ده غلط لانها كلها نظريات قابلة للخطأ وقابلة للصحة لكن يا جماعة انا عايز اوضحلكو ان مهما الانسان تطور فى العلم واكتشف واخترع حاجات هنا وهنا وهنا إلا ان أكبر مجال للتأمل و الاكتشاف هو عقل الإنسان والذى يسمى (العالم الأصغر) ده بقى فعلا عالم و عجــــــــــــــــــــــــايب وحاجات ممكن لو حد تعمق فيها يتجن بجد فا سبحان الله والله :) وانا احب اشكركو مرة تانية يا أحسن ناس على الموضوعات الجميلة بتاعتكو اللى فعلا بستفيد منها ويارب اكون وصلت معلومة حلوة ^^ |
||||||||||
|
| إعلانات google |
|
|
|
06-01-2009, 03:08 AM
|
#2 | ||||||||||
  
|
اتشرف ان اكون اول واحد يرد علي موضوعك موضوعك هايل |
||||||||||
|
|
|
06-01-2009, 03:13 AM
|
#3 | ||||||||||
 
|
فعلا تفسير اكتر من رائع بس اقربهم للمنطق هو التفسير الثانى و الله اعلم |
||||||||||
|
|
|
06-01-2009, 03:16 AM
|
#4 | ||||||||||
 
|
thx ya basha we 3la el maghod dh |
||||||||||
|
|
|
06-01-2009, 03:19 AM
|
#5 | ||||||||||
  
|
بجد انتا استاذ انا شوفت الموضوعين بتوعك وى عجبونى جدااا ;) سبحان الله وى شكراا اوى على التوضيح :) |
||||||||||
|
|
|
06-01-2009, 03:43 AM
|
#6 | ||||||||||
 
|
انتا فعلا معلوماتك حلوة أوى ( انا مش بحسد ) بس انا برجح اخر أحتمالين و الأخير اقربهم للصواب عشان انا عامل موضوع عن الخروج من الجسم و فية حاجة شبة دى ( و كنت عايز اسمع رأيك فية ) وشكرآ على الموضوع الأكتر من هايل دة |
||||||||||
|
|
|
06-01-2009, 05:34 AM
|
#7 | ||||||||||
|
مشكوووووووووووووور انا فعلا مانت بتحصل معايا كنت ببقى هتجنن كنت فاكر نفسي سوبر مان او حاجه زي كده طلعت انسان ههههههههههههههههههههههه |
||||||||||
|
|
|
06-01-2009, 05:38 AM
|
#8 | ||||||||||
 
|
مشكور يا مان وى بجد تانى موضوع هايل ليك ^^ مستنين المزيد ^^ |
||||||||||
|
|
|
06-01-2009, 06:14 AM
|
#9 | ||||||||||
|
موضوع جامد يا بوب ويا ريت نشوفلك موضوعات تاني |
||||||||||
|
|
|
06-01-2009, 07:08 AM
|
#10 | ||||||||||
|
بجد بجد موضوع اكثر من رائع شكرا على الافــــادة |
||||||||||
|
|
|
06-01-2009, 07:11 AM
|
#11 | ||||||||||||
|
شكرا عن الموضوع الجميل انا فعلا العمليه دى حصلتلى كتير لحد ما قرأت عنها و لقيت انه ال الاخيار التالى هو الارجح فعلا لان العين او المخ بيكون شاف او عمل الحاجا دى و بعدين استوعبها بعد كده >>>>>>>>>>>>>>>>>>
|
||||||||||||
|
|
|
06-01-2009, 01:07 PM
|
#12 | ||||||||||||||||
|
انتو ناس تستاهل كل خير وانا اتشرف انكو تردو على مواضيعى |
||||||||||||||||
|
|
|
06-01-2009, 01:09 PM
|
#13 | ||||||||||||
|
|
||||||||||||
|
|
|
06-01-2009, 01:13 PM
|
#14 | ||||||||||||
|
وانا أوعدك انى ان شاء الله حشوف موضوعك وحقولك رأيى فيه وانا متأكد انه موضوع جامد واستنى ردى وشكرا جدا على ردك الجميل ده يا جميل |
||||||||||||
|
|
|
06-01-2009, 01:21 PM
|
#15 | ||||||||||||
|
وشكرا تانى على الرد الجميل ^^ |
||||||||||||
|
|
 |
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| تفسير بسيط مش مشكلة بس هوا تفسير ممكن | pelalgm | قسم الاسئلة و الاستفسارات لعمل السيرفرات الخاصة | 8 | 21-03-2026 01:53 PM |
| ۩(●̮●){بالفيديو} ۩ احتراق البشري الذاتي ظاهرة مرعبة وغامضة دون تفسير! ۩(●̮●)۩ | CHeeToS | بـعـيـدآ عـن سـيـلـك رود | 14 | 10-04-2013 09:32 AM |
| من انواع الاحراجات اللى بتحصلنا!!! | °•.♥ AhmeD ♥.•° | بـعـيـدآ عـن سـيـلـك رود | 21 | 03-05-2011 03:39 AM |
| كلنا هنبنى مصر كلنا هنشتغل وننتج انا صانع للحياه فى حمله صناع الحياه l!fe makers | _DIDO_ | بـعـيـدآ عـن سـيـلـك رود | 12 | 13-12-2009 12:40 PM |
| دعاء كلنا لازم ندعيه انهاردة و بكرة علشان رمضان كلوا يدخل ^^ | DiaBlo | بـعـيـدآ عـن سـيـلـك رود | 5 | 30-08-2008 05:26 PM |
.gif){kind=icon}
العرض العادي
