| مـنـاقـشـات عـامـة حـول سيلك رود أون لايـن [ خاص بمناقشات احوال اللعبة وعن كل شىء جديد يتم طرحه فى اللعبة مؤخراً ] |
 |
|
|
أدوات الموضوع | انواع عرض الموضوع |
|
|
27-12-2008, 05:28 PM
|
#1 | ||||||||||
  
|
مقدمه الموضوع ده شباب انا قولت ادور عشان اجيب اقوي لعبتين من وجهة نظر الناس ومشهورين جدا بره مصر وفي ناس كتير بتلعبهم وهما جيلد وارز و وارلد اوف وار كرافت وده عشان كفايه كده لعب لسلك رود والنصب من جوي ماكس وطبعا انا مش بفرض رائ علي حد انه يلعب دي او دي او ميلعبش خالص كل واحد حر طبعا انا مجرد عاوز اعرض عليكم احنا بيتنصب عليا اد ايه في اللعبه المتخلفة دي وعلي فكره الموضوعات هنا هتبقي منقولة للأمانة لان في ناس تاني تعبت فيها يعني مش انا الكاتب الاصلي وقبل منسي تقدر تشوف اليوتيوب وتشوف اللعبتين دول عملين ازاي لو تحب وفي الاخر ارجو من مشرف القسم تثبيت الموضوع لو كويس بسم الله نبداء .guild wars الموضوع الاصلي من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]( مناسبة من وجهة نظري الشخصية ) أسف أن الصور مش باينه :o خلاص يا شباب ... انا طلقت سيلكرود بالتلاتة و رايح عالم تانى ... عالم Guildwars اظن معظمكم عارف انا مين ... انا اللى كنت كاتب موضوع سيلكرود هنا من سنتين و نص و انا اللى قبليها كنت كاتب موضوع WOW على السيرفرات الخاصة و قبليها Mu Online و غيرهم .... بس زى ما عودتكم انى برجع بلعبة جديدة اقوى من اللى قبليها انا جاى المرة دى مع لعبة Guild wars 1- ايه هى لعبة Guildwars ؟؟ تعتبر من اكبر الالعاب الاونلاين شعبية على مستوى العالم و واخدة المركز التانى حاليا على موقع MMORPG و واخدة تقدير 9.2 على Game spot ... + ميدالية ذهبية و اللعبة بتتكون من تلات اجزاء Prophecies Factions NightFalls 2- ايه نظام اللعبة ؟ اللعبة زى كل الالعاب الاونلاين فيها PVE و PVP بس التركيز الاكبر على ال PVP فنظام ال PVE هناك ال lvl cap هو لفل 20 و ممكن تجيبه فى اسبوع ... و انسى كلمات زى Grind او Farm او Bot ... الكلمات دى ملهاش معنى و مش موجودة فى قاموس اللعبة فمفيش Quest اسمه اقتل 1000 وحش او جمع 10000 حاجة ... هناك ال Quests كأنها Missions بتمشى ب StoryLine و Cinematic Cut Scenes يعنى كانك بتلعب لعبة عادية على الكمبيوتر زى Medal Of Honor او Oblivion اما ال PVP هناك فبرضه انسى كلمات زى SoSun او Full Blue او LvL Cap او Full Farm هناك سلاحك مش مهم .... لبسك مش مهم ... اللى بيفرق بس هو ال Skill Skill Skilll و لما بقول Skill مش بقصد ال Skill اللى انت متعلمها بل قصدى ال Skill بتاعتك انت ... يعنى طريقة تفكيرك ... و مفيش حاجة اسمها I فيه حاجة اسمها We ...انسى نظام ان واحد يدخل على جيلد كله يجيبه الارض او اتنين حرامية يطلعوا على يونيون تراد و ينسفوه كله .... فيه Guildwars ممكن واحد لفل 1 يقتل واحد لفل 20 و ممكن اى class تموت اى Class تانية المهارة بس هى اللى بتفرق ... و فيه اكتر من نظام لل PvP هناك زى Hero Battles و Random Arenas و Team Arenas و Heroes' Ascent و Guild versus Guild و Alliance Battle و Zaishen challenges و غيرهم كتير ... يكفى انك تعرف ان فيه قارة بحالها فى اللعبة اسمها Battle isles و دى مخصصة لل PvP بس 3- ايه هى ال Classes و الاختيارات المتاحة ليا فى اللعبة ؟ اللعبة بتتيح 10 Classes مختلفين Warrior المحارب مهمته فى المعارك التى تكون وجها لوجه و بيستعملوا اسلحة زى ال axe , hammer, swords و معظم ال skills بتاعتهم نابعة من ال Adernaline اللى بيزيد مع ازدياد شدة المعركة Ranger الصياد هو صديق الطبيعة فهو مهر فى استخدام الاسلحة بعيدة المدى زى القوس و يستخدم ال Traps لاصطياد ضحاياه ... و بسبب ارتباطه بالطبيعة يمكنه ترويض الكثير من الحيوانات للعمل فى صالحه Elementalist زى ما الصياد قدر يروض الحيوانات لخدمته ... الساحر استطاع ترويض عناصر الطبيعة لخدمته زى النار و الارض و الماء و الهواء و يعتبر الساحر هو ال Nuker فى اللعبة Necromancer المشعوذ يستخدم السحر الاسود لقتال اعدائه فيمكنه احياء الموتى سواء من اصدقائه او من الاعداء او من الوحوش فى صورة undead و يحاربوا الى جانبه كما يمكنه القاء اللعنات على اعدائه ليصيبهم بالشلل او لكى يضعفهم او يمكنه سحب قوة الحياة منهم Mesmer اقرب كلمة بالعربى لقيتها ليه هى الموهم ... و ده يعتبر اصعب شخصية فى اللعبة لانه بيستخدم سحر الاوهام و السيطرة على الغير و سحر الايحاء فيمكنه تقليد شخصية معينة لفترة زمنيه او سرقة Skills من العدو و لكن صعوبته تكمن انه بيحتاج تركيز شديد و خبرة فى اللعب لان لازم تعرف كل شخصية و تعرف ال Skill المناسبة اللى بتأثر عليها ... Monk الكاهن هو اللى بيستخدم سحر الشفاء لعلاج اصدقائه و تعزيز قواهم الهجومية و الدفاعية كما يمكنه استخدام السحر المقدس لتدمير اعدائه و فى معظم الاحيان الفريق كله يعتمد على الكاهن للبقاء فى المعركة Assassin القناص هو مشابه لمحارب النينجا يعتمد على الضربات السريعة القاتلة و على السرعة فى القتل سلاحه الاساسى هو الخناجر و يستخدم سحر الظلال لاضعاف اعدائه (( متاح فى factions فقط )) Ritualist المستدعى يستمد طاقته من تحضير الارواح و جعلها تحارب الى جانبه فالمستدعى يغطى عينيه دائما حتى يمكنه الاتصال بعالم الارواح و يحصل على قوتهم و جمايتهم (( متاح فى Fracions فقط )) Dervish مش لاقى كلمة بالعربى اوصفه بيه ... بس هو يعتبر محارب من طراز فريد يستخدم سلاح اسمه ال scythe و يستخدموا سحر مساعد لتقويتهم (( متاح فى NightFall فقط )) Paragon ده برضه مش لاقيله اسم بالعربى بس هو محارب يستخدم الرمح فى معاركه و يمكنه قذفه لمسافات بعيدة و يستخدم سحر القيادة لتقوية حلفائه او حتى التضحية بحياته فى سبيل انقاذ اصدقائه و يتيميز بزيه الملائكى (( متاح فى NightFall فقط )) بس مش معنى كده ان GW فيها 10 Classes بس ... لان انت عندك خيار اسمه Secondary Profession ... فمع اختيارك مهنة اساسة من المهن العشرة يمكن ايضا اختيار مهنة ثانوية من المهن العشرة و الذى يجعل امامك 90 Build مختلف تماما مش بس كدة فانت امامك 1617 سكيل مختلفة تماما ... و مش هقول Devil Cut دى سكيل و Demon Cut دى سكيل تانية زى سيلكرود ... لا ...ال 1617 سكيل دول كل واحدة مختلفة عن التانية تماما و مفيش حاجة اسمها سكيل مهمة و سكيل مش مهمة ... انت بيكون قدامك تتعلم عدد معين من السكيلز و هنا بقى الابداع فاستحالة انك تلاقى اتنين فى اللعبة نفس ال Build و نفس السكيلز ... هتلاقى تنوع رهيب فى اللعبة 4- نيجى لاشهر سؤال ... اجيب اللعبة منين ؟؟ 1- ممكن تشتريها بالطرق العادية انك تشترى السى دى من اى محل متخصص فى الالعاب الاصلية ... بس للاسف لحد دلوقتى غير متوافر فى مصر ... فممكن حد يجبهولك من برة . 2- تشتريها من على النت و هو ده اللى معظمنا اشراها عن طريقه و دى الطرق اللى ممكن تشتريها بيها من على النت دلوقتى انا حوضح الموقع إلى انا شخصيا اشتريت منه اكتر من نسخة و مرشحه نظرا لنه مضمون من التجربة غير انه سريع نسبيا...و فى طرق دفع كتييير ومتنوعة الموقع هو الخاص بشراء اللعبة الموقع بيتيح شراء CD key فقط فقط لأغلب اللعبة الموجودة حاليا و بأسعار متميزة Guild Wars NightFall CD Key US $32.99 1 x Guild Wars NightFall CD Key و دى لعبتنا :D و دى طرق الدفع المتاحة عالميا طبعا للى كرته مش حيشتغل بطريقة مباشرة مع الموقع ممكن يتعمل MoneyBooker و طبعا دى محفظة الكتورنية معروفة و مدعومة عالميا و امنه جدا جدا جدااااا و كفاية انها داعمة لجميع كروت الدول العربية و باى كرت انترنت ممكن تتعامل معاه western union طبعا هنا انا محتاج اتكلم...اسرع طريقة لتحويل الاموال عبر العالم..بس يعيبها مصاريفها العالية بالأخص لو حتحول مبالغ صغيرة.. e-Gold طبعا دة محظة شهيرة برضه و امنه لكن صعوبة اجرائتها و شحن الأموال من كرتك لحسابك لديها...معقدة شويتين..و مش كل واحد حيقدر حيفهما..لكن مدعومة بطريقة كبيييييييييرة جدا Cashu طريقة امنه و اسعارها معقولة و تتيح لك الشراء من الانترنت بامان و اهم ما فيها انها لا تحتاج لأجراءات معقدة و فيزا و بنوك...و لذلك فهى مفيدة للجميع موقع الشركة..فقط تنشا حساب معهم ثم تشحنه بالفلوس التى تريدها عن طريق شراء كروت الشركة من موزيعها المعتمدين...و هم منتشرين فى كل الدول العربية و محافظات مصر عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] موقع البائعين المعتمدين لكروت كاش يو عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] اختار بلدك و سيعرض عليك البائعين و بأرقان تليفوناتهم 5- ايه وجه المقارنة بين Silkroad و Guildwars و World of warCraft ؟؟ اولا بين Gw و WoW دول فيديوهين على النت عاملين مفارنة بينهم عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] و ده كان اراء الناس اقتباس: GW = People who can't afford fees WoW = People who can't afford good computers GW = Can choose if you want to grind to get titles and armor or go straight to PvP and own some noobs with your guildies using skills and teamwork. WoW = You grind until you get fat from too much grinding. (Life and money has been wasted) Best Armor and Best Weapons > everything. (no skills required اما بقى Silkroad فحدث ولا حرج ..... فبعد ما فضلت العبها اكتر من سنتين اكتشفت انى ضيعت وقتى ع الفاضى ... الناس اللى بتشتكى من ال Hard Grind فى WoW دول بيشتكوا عشان فى اللفلات العالية بيحتاجوا ع الاقل 6 ساعات عشان يزيدوا لفل ...ده بالنسبة لهم كتير و تضييع للوقت انك تقعد 6 ساعات بحالهم تقتل فى وحوش عشان تزيد لفل بس نيجى بقى لسيلكرود ... فلو انت فى لفل 79 و معاك سيلك و معاك Bot شغال 24 ساعة ... فعلى الاقل ... محتاج اربع ايام الكمبيوتر ميتقفلش فيهم عشان تبقى لفل 80 اظن دلوقتى الفكرة وصلت انا عارف ان انا اللى جبت معظم الناس ل Silkroad و عارف ان انا كنت من اشد المؤيدين ليها بس برضه الاعتراف بالحق فضيلة اللى بيلعب اللعبة من مدة طويلة بيكتشف ان Silkroad عمرها قصير يعنى الوقت اللى بتحس بيه بمتعة فى اللعب مش هيزيد عن لفل 40 و بعد لفل 40 بتبدأ المعاناة حتى صاحب اكبر موقع مهتم باللعبة و هو موقع SilkroadForums بعد ما كان من اشد المؤيدين للعبة و من اوائل اللى بدأوا فيها ساب اللعبة دلوقتى و بقى يلعب WoW و فى كذا موضوع ليه بقى يشتم فى سيلكرو و يقارن بينها و بين GW و حتى كان كاتب كدة فى توقيعه فانت فى سيلكرود 99% من وقتك ضايع فى انك قاعد قدام الكمبيوتر بتتفرج على البوت و هو بيلعب او لو معنكدش بوت يبقى 99% من وقتك ضايع فى انك بتموت وحوش من نفس الشكل و 1% بس هو اللى فيه المتعة اما Guildwars ف 99% من وقتك متعة حتى ال PVE هناك فى حد ذاته متعة لانك بتتفرج على قصة مش هتخلص اللى لما توصل لفل 20 و تخلص اللعبة و بعديها تبدأ متعة ال PvP ... هناك لو واحد قتلك مرة ممكن انت ترجعله و تقتله 10 هناك مفيش حاجة اسمها جمود ... فانت لو معجبتكش شخصيتك او لو عاز تجرب جديد ممكن تعمل شخصية تانية و فى اسبوع واحد تبقى لفل 20 و ممكن لو االشخصية الثانوية بتاعتك معجبتكش تغيرها حتى السكيلز ممكن تغيرها للاسف الناس دى بتقارن بين WoW و بين GW و بتقول ان ال PvP فى GW هو المتعة و التانيين بيقولوا ان ال PVE فى WoW هو المتعة ... اما فى Silkroad رايك ايه هى المتعة ؟؟ 6- طيب انا خلاص هجيب اللعبة و هبدأ معاكم فيها ... اجيب انهى جزء ؟؟ اولا عشان اكون صريح معاكم ... ArenaNet اللى مصممة اللعبة بما انها مش عاملة مصاريف شهرية فهى عملت حل تانى عشان تقدر تصرف على اللعبة و هو ال Expansions فهى قالت كل 6 او 9 شهور هتنزل Expansion جديد فكل جزء من التلاتة ليه قارة منفصلة متقدرش تدخلها الا لو معاك الجزء بتاعها و لكن كل اللاعبين فى كل القارات بيتجمعوا فى ال Battle isles و جزء Night Fall و Factions كل واحد منهم فى 2 classes خاصيين بيهم بس ... ده غير ان فيه Skills زيادة ممكن تتعلمها فى كل جزء ... بس على اى حال من الاحوال الكلام ده مش هياثر عليك خالص لو جبت جزء واحد و معظم اللى هيبدأوا انصحكوا تبدأوا ب Nightfall و تمنها 200 جنيه و بعدين لو عجبتكوا ممكن تجيبوا الجزئين التانيين ب 177 جنيه .... 7- طيب انا عايز العب بس الفلوس مشكلة معايا ؟؟ لو انت بتلعب سيلكرود و من الشخصيات اللى بتشترى سيلك فاعتقد عمر ما 200 جنيه هيبقوا مشكلة معاك ... و لو انت مش بتجيب سيلك تقدر تبيع شخصيتك فى سيلكرود او على الاقل تبيع فلوسك و تشترى Gw ( ده على فرض ان مبلغ 200 جنيه كبير عليك ) على فكرة معظم الناس القديمة اللى كانت بتلعب Silkroad و الناس اللى يعتبروا من مؤسسين اللعبة سابوا سيلكرود و بدأوا فعلا فى Gw ... ------------------------------------------------------ خلاااااااااااااااااااااااااص وداعـــــــــــــــــــــــا وبالأحضـــــــــــــــــان يا جماعة انا بمجرد اني قريت الجايد بتاع اللعبة دي في الموقع وشوفت كام screenshot عرفت اني كنت متخلف بلعب لعبة متخلفة اسمها Silkroad، وضيعت فيها أيام شبابي الغالي،عشان كده قلت اجيبلكم شوية screenshots على كام فيديو ونشوف رأيكم ايه. أولا نبدأ بالفيديو أول فيديو هنا هو Guild Wars Nightfall Trailer #3 وده جايب لقطات جوه اللعبة نفسها يعني Gameplay مش Cinematic. وانا جايب نسختين من الفيديو الأولى درجة وضوحها عالية وحجمها48,4MB عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] والتانية درجة وضوحها أقل شوية وحجمها33,2MB. عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] :::::::::::::::::::::::::::::::::::::::::::::::::: ::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::: الفيديو التاني هو Guild Wars Factions Cinematic وده لنسخة Factions والمرة دي Cinematic مش Gameplay، وبرضة جايب نسختين الأولى درجة وضوحها عالية جدا وحجمها كبير شوية 60,5MB عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] والتانية درجة وضوحها أقل وحجمها أقل بكتير 16,6MB عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] :::::::::::::::::::::::::::::::::::::::::::::::::: :::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::: والأن مع مجموعة من الـ Screenshots اللي من جوة اللعبة واتحسروا على الوقت اللي ضاع في سيلكرود. :::::::::::::::::::::::::::::::::::::::::::::::::: :::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::::::::: نيجي بأه لبعض الـ Wallpapers ونبداها لصور للـ Professions E L E M E N T A L I S T M E S M E R M O N K N E C R O M A N C E R R A N G E R W A R R I O R A S S A S S I N R I T U A L I S T D E R V I S H P A R A G O N -------------------------------------------------- يا جماعه اللعبه واضح انها جميله جدا جدا واعلى من اى لعبه تانيه دا واضح ...و على فكره انا كنت عارف اللعبه دى من فتره طويله بس ملعبتهاش خالص ليه؟؟؟؟؟ لانها مش مجانيه وهى دى المشكله اللعبه مفيش عليها اختلاف بس النقطه دى ...هى الى هتخلى اللعبه ملهاش مستقبل وشعبيتها هتكون ضعيفه جدا جدا هو احنا بنلعب سيلكرود ليه ... باختصار علشان مجانيه مش عشان سواد عيونها . للاسف بعد 14 سنة خدمة فى ثانوى :in_love0: اكتشفت ان كلمة Free 2 Play دى وهم كبير فانت عشان تقدر تلعب و تنافس لازم تدفع فلوس فى اللعبة (( سواء سيلك او بوت او حتى جولد )) و الا هيكون مصيرك انك تكون اداة لمتعة الناس اللى معاهم فلوس .... لانهم هيلاقوا حد يموتوه :sly00000: فبالنسبة للسيلك فهتكتشف الحقيقة المرة انه شئ اساسى دلوقتى لو عايز تدخل المنافسة فى اللعبة مش تبقى مجرد دمية يموتها اللى معاهم سيلك ... ليه ؟؟؟ لان مع السيلك فيه Scroll بتديك 30% dmg و 30% Def يعنى ولا اجدعها SoSun Set و مع السيلك فيه حاجة اسمها Pet يعنى Unlimited Gold و مع السيلك فيه حاجة اسمها Potions pack ... يعنى Unlimted Potions و مع السيلك فيه حاجة اسمها Ressurect Scroll يعنى Immortal Player و مع السيلك فيه حاجة اسمها Global Chat يعنى تبيع حاجتك فى ثوانى من غير Stall او تقرف اللى معهمش سيلك و تخلوهم يشوفوا كلامك غصب عنهم و مع السيلك فيه حاجة اسمها Repair hammers يعنى Immortal items مع السيلك فيه حاجة اسمها Astral و Imortal و دول اس المصايب اللى بسببهم بقيت تشوف حاجات غريبة زى +9 و +11 و اخيرا مع السيلك دلوقتى صنفوا الناس قسمين Premium users و Zebala users ال Premium يدخل فى اى وقت و يطرد اى zebala user مش بيدفع فى اى وقت و فوق كده ليه مميزات كتير نفرقه عن ال Zebala user بالنسبة لنوعية الألعاب اللي بنتكلم عليها هنا Silk أو WOW أو GW فقبل ما نحكم عليها لازم على الأقل تكون لعبت نوعين من الألعاب مرتبطين ببعض جدا ( أنا مش قصدي انك مبتفهمش في الألعاب أو حاجه عشان بس محدش يفهمني غلط) النوع الأول هو RPG أو Role Playing Games ودي عبارة Quests مرتبطة بقصة رائعة جداً بس مش اونلاين نهائي والألعاب اللي من النوعية دي Diablo بجميع اجزائها و Oblivion و NOX و Never-Winter Nights بجميع أصدارتها ولو انت بتحب شغل الكويستات فالألعاب دي ممتازه جدا جدا جدا في الموضوع ده وأحسن من سيلكرود 1000000 مرة . النوع التاني هو ألعاب الـMMORPG أو الـMassivley Multiplayer Role Playing Games وزي ما هو واضح من الاسم دي النوعية الأونلاين من النوع الأول ( على فكرة ألعاب النوع الأول كلها فيها اختيار انك تلعبها اونلاين بس مش بتبأه زي النوع التاني). والنوع ده باه اللي بيتضمن Silkroad و WOW و GW وغيرهم كتير وفي ألعاب كتير منهم شبه بعض بالمسطرة، وبتشترك الألعاب دي كلها مع النوع الأول في انك بتبني شخصية من الصفر وتطورها في اتجاه معين حسب قصة كل لعبة وكلها تقريبا جوها خيالي سواء خيال الFantasy زي الف ليلة وليله كده يعني، أو الخيال العلمي والفضاء. ومن القواسم المشتركة ما بين النوعين برضة هو ان في كويستات او مهمات المفروض بتعملها عشان تطور مستوى وخبرة الشخصية والجولد أو عملة اللعبة مهما كانت، أما الفرق بين النوعين ان الأولى بتلعب ضد شخصيات الكمبيوتر والوحوش فقط PVE لا غير أما النوع التاني فممكن تلعب بالشخصية بتاعك ضد شخصيات ناس تانية زيك هما اللي عاملينها PVP وهنا بيبان الفرق في المهارة ما بين اللاعبين. بينقسم النوع التاني ده لـ4 فروع من حيث نظام الدفع النظام الأول Initial Cost+Monthly Fee (تكلفة أولية + اشتراك شهري) بمعنى ان انت بتدفع ثمن اسطوانة اللعبة او بتشتري AU Key مرة واحده بس بالإضافة إلى رسوم شهرية عشان تعرف تلعب وده زي World Of Warcraft أو EVE ONLINE أو Lineage 2 النظام التانيInitial Cost Only (تكلفة أولية فقط) ودي بتدفع التكلفة الأولية للاسطوانه أو بتجيب ال Au key او مهما كان اسمه من على موقع بعد ما تعمل دونلود للعبة،وبعد كده مبتدفعش أي فلوس تانيه ولا تبرعات ولا سلك ولا غيره و طريقة الدفع دي نادرة جدا لدرجة ان مفيش غير تقريبا Guild War بجميع اصدارتها و3 أو 4 لعب كمان النظام التالت Monthly Fee Only (رسوم شهرية فقط) وده مبتشتريش اسطوانه ولا حاجه انت بس بتنزل اللعبة دونلود وتسطبها بس عشان تدخل على السيرفرات بتدفع اشتراك شهري ( عادة بيكون مبلغ يقطم الوسط) والنوع ده برضه مش منتشر أوي والألعاب اللي فيه ملهاش لازمة بصراحة النظام الرابع Free 4 Ever ( مجانية إلى الأبد) ودي يعني الختم على القفا والضحك على الدقون ورزق الهبل على المجانين:D، وفيها سيادتك مبتدفعش ولا تكلفة أولية لأنك بتعمل للعبة دونلود، وكمان مفيش رسوم شهرية عشان تدخل السيرفرات، بس لازم تلاقي خااااااااابووووووووووور في الموضع وده بيختلف شكله وحجمه واسمه ما بين كل لعبة والتانية مرة يباه اسمه Silk ومرة يباه اسمه Points ومرة يباه اسمه Donation أو تبرع ( تسول رسمي يعني) وهنا بتلاقي المشتركين بينقسموا لنوعين الناس اللي بتدفع ودول بيباه ليهم وضع في اللعبة غير الناس الغلابة اللي ما بتدفعش ودول تلاقيهم دايماً هفأ باستثناء بعض الناس المحترفة، وعلى فكرة لو جيت حسبتها هتلاقي ان الألعاب المجانية شركاتها بتكسب كتير جدا أكتر من الألعاب اللي برسوم أولية وشهرية. والألعاب اللي بالنظام ده طبعاً Silkroad Online و Rakion و MU Online، وطريقة الدفع دي منتشره جدا جدا مابين الألعاب الأونلاين عشان بتكسب اكتر بس عادة بتلاقي اللعبة مليانه Bugs بالعبيط و Lag باستهبال و Hack بـ#%$&@. ومع احترامي لأراء الجميع يا اما تلعب لعبة من RPG وتريح دماغك يا أما تلعب لعبةMMORPG من اللي بفلوس عشان تريح دماغك برضه --------------------------------------------------- دى الجوائز الشهرية الى بتقدمها اللعبة فى المسابقات المختلفة كل شهر الجوائز بتختلف و كل شهر بتشوف جوائز احلى و احلى الى بيحصل انهم بيعملوا بطولة كل شهر ما بين اللاعبين و ما بين ال GUILD المختلفة و دى الجوايز بتاعتهم :clap0000::clap0000: لشهر مايو الى فات Guild Wars $100,000 Tournament Series May Championship Prizes |
||||||||||
|
التعديل الأخير تم بواسطة Mr.Mohamed ; 27-12-2008 الساعة 05:50 PM
|
| إعلانات google |
|
|
|
27-12-2008, 05:29 PM
|
#2 | ||||||||||
|
wow قريبا |
||||||||||
|
|
|
27-12-2008, 05:55 PM
|
#3 | ||||||||||
|
سريييييييي يا عم |
||||||||||
|
|
|
27-12-2008, 05:56 PM
|
#4 | ||||||||||
|
مشكور للمرور |
||||||||||
|
|
|
27-12-2008, 06:14 PM
|
#5 | ||||||||||
|
الصراحة سيلك رود مفيش بعدها |
||||||||||
|
|
|
27-12-2008, 06:20 PM
|
#6 | ||||||||||
|
يا مان انت بتقول أن اللعبة ب 200 جنيه أوك عادي بس انا معيش فيزا أو أي نوع من أنواع الكروت وأنا هاموت و ألعبها وأنا مش عارف أعمل ايه يا ريت تساعدني |
||||||||||
|
|
|
27-12-2008, 06:25 PM
|
#7 | ||||||||||
|
أولاً شكراً على النقل والإفادة ثانياُ هو صحيح WOW & Guild Wars أحسن من سيلك رود بس كلها بفلوس ( مش غالية لكن للناس اللي مش تعرف تشتريها أو معندهمش فيزا أو مش عارفه طريقة الدفع إزاي ) إضافة إلى ذلك محتاجه ناس " بلابل " في الإنجليزي يعني يكون فاهم إنجليزي كويس لأنه بجد أنا شفت فيديوهات للعبتين على youtube والشاشة مليانه إنجليزي خيارات وسكيللات ومش عارف خصوصاً Guild Wars .. |
||||||||||
|
|
|
27-12-2008, 06:35 PM
|
#8 | ||||||||||
|
سيلك رود طبعا فيها متعة كبييييييييييييييييييييييييييييييييييرة مش زي منتا بتقول وانا عن نفس بستمتع بي التلفيل بفرح قوي كل مجيب لفل انا لفل 90 و بعمل في كراكتر تاني بلفله عشان بحب التلفيل طبعا بعمل كل حاجة بس انا عن نفسي مش بحب pvp بحب حوار الهناتر والثيوف بحب fortress war الحاجتين دول هما المهم مش ال pvp تقبل مروري انا قريت الموضوع كلمه كلمه مشكور علي المجهود المبذول اقله في الكتابة |
||||||||||
|
|
|
27-12-2008, 08:39 PM
|
#9 | ||||||||||
|
يجماعة الالعاب دي مجوده في اي محل العاب اون لاين يعني فيرجين ميجا استور ستي ستارز مثلا هتلقيها هناك او هما يجبهالك مش لازم فيزا ولو حسبنها هتلقيها ارخص من سلك رود يعني 200 ج مره احسن مدفع 500 جنيه كل شهر |
||||||||||
|
|
|
27-12-2008, 09:13 PM
|
#10 | ||||||||||
|
مشكوووووووووور وانا نفسى العب الالعاب دى |
||||||||||
|
|
|
27-12-2008, 09:08 PM
|
#11 | ||||||||||
|
شكراً على النقل |
||||||||||
|
|
|
27-12-2008, 09:59 PM
|
#12 | ||||||||||
  
|
مشكور جداااااااا وانتظر wow |
||||||||||
|
|
|
28-12-2008, 03:12 AM
|
#13 | ||||||||||
|
شكرا شباب نورتوا الموضوع واو قريبا جدا |
||||||||||
|
|
|
28-12-2008, 04:26 AM
|
#14 | ||||||||||
  
|
مشكور يا مان علي النقل |
||||||||||
|
|
|
28-12-2008, 05:55 AM
|
#15 | ||||||||||
|
على فكرة انا عارف اللعبة دى دى واخدة المركز الاول السنة دى طبعا فى ترتيب الالعاب المجانية بس انا لعبتها و سيلك رود احلى منها بس عيب سيلك رود المميت هوا الادارة الفاشلة |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| <> موضوع خاص عن Guild Wars <> | H3ll King | قسم المواضيع المكررة و المخالفة | 9 | 25-07-2010 02:42 AM |
| الى كل البيلعبو ا Guild Wars | _M_E_D_O_ | بـعـيـدآ عـن سـيـلـك رود | 5 | 03-01-2009 05:56 PM |
.gif){kind=icon}
العرض المتطور
