ممكن كلمه سر على انفراد ....دقيقه من وقتك بس مش اكتر

[!_Omar Mohamed_!]

هو احنا اغبيه للدرجه ديه؟؟؟؟

اه اغبيه والله

ممكن اعرف انت بتعمل ايه علشان تدخل الجنه؟؟؟

انت عملت ايه علشان ربنا يرضى عنك؟؟؟

انت عملت ايه علشان ربنا يبقى معاك فى كل شىء؟؟

انت عملت ايه علشان تشرب من يدى الرسول صلى الله وعليه وسلم شربه لا ظمأ بعدها؟؟؟

انت عملت ايه علشان ربنا ينظر ليك يوم الدين؟؟؟؟


عملت ايه علشان ربنا يخفف عليك ضمه القبر (انت عارف ضمه القبر يعنى ايه يعنى القبر يضيق عليك باقصى قوه تتداخل معها أضلاعك ، وهذه الضمة لا ينجو منها أحد ، سواء أكان مؤمنا تقياً أم كافرا شقياً ، ففي الحديث عنه صلى الله عليه وسلم أنه قال إن للقبر ضغطة ، ولو كان أحدٌ ناجياً منها نجا منها سعد بن معاذ ... متخيل الموقف ....... للاسف لا برده)



عملت ايه علشان القبر لا يكون حفره من حفر النار (كان عثمان رضي الله عنه إذا وقف على قبر يبكى حتى يبل لحيته ، فقيل له : تذكر الجنة والنار فلا تبكي ، وتبكي من هذا! ، فقال : إن رسول الله صلى الله عليه وسلم ، قال : ( القبر أول منازل الآخرة ، فإن ينج منه فما بعده أيسرُ منه ، وإن لم ينج منه فما بعده أشدُّ منه . قال : وقال رسول الله صلى الله عليه وسلم : والله ما رأيت منظرا قط إلا والقبر أفظع منه

ده الرسول صلى الله وعليه وسلم بيقول هذا وهذا سيدنا عثمان رضى عنا يبكى

متخيل الموقف.........للاسف لا علشان لو متخيل كنت عملت للحظه ديه)


عملت ايه وايه وايه؟؟؟؟؟؟؟


اقولك عملت ايه

عمال تقول بكره ان شاء الله هيبقى احسن من النهارده

بكره ان شاء الله هتوب وراجع الى الله

بكره ان شاء الله جاى هعيش حياتى دلوقتى وبكره افوق

بكره بكره بكره

محسسنى انك ضامن تعيش بكره

لو ضامن تعيش بكره فياعم براحتيك اعمل اللى انت عايزه دلوقتى وبكره لما يجى ابقى قولى عملت ايه

علشان اعمل زيك


ملحوظه صغيره..

الكلام ده مش ليكم الكلام ده ليا انا والله بس حبيت اقوله بصوت عالى


وفى اخر كلامى انا اسف لقول كلمه اغبيه

بس اقولها علنى انا غبى علشان الوقت بيجرى بيا وانا زى مانا

انا غبى علشان مابستغلش ابسط الاشياء لاخد الثواب الكثير

احنا هنا فى السايت ممكن ناخد ثواب كتييييييييير اوى واحنا قاعدين هنا

ممكن تعمل توبيك واحد فى اليوم فى الاسلاميات او بلاش نتعبك خش ورد واقرء توبيك ممكن يفيدك او اكيد هيفيدك
خش اتعلم دينك كلها دقيقه او دقتين من وقتك مش كتير بس الثواب ان شاء الله كتيييييييييير جدا فى ميزان حسناتك ان شاء الله

يعنى قدر خير اخوك اللى تعب وجاب وعمل توبيك فى الاسلاميات علشان يفيدك وانت مستخسر ترد عليه


طيب تخيل لو انت عملت توبيك فيه معلومه جديده عضو ما اتعلم المعلومه ده من التوبيك بتاعك وعمل بيها
وانت ممكن ماتكنشى بتعمل العمل ده
بس تخيل انك بتاخد ثواب كانك عملته علشان هو بيعمله بسبب التوبيك بتاعك وانت قاعد ولا فى دماغك
شفت بقى الواحد غبى قد ايه


تخيل لو عملت توبيك فكل واحد يدخل يقرءه بتاخد حسنات وانت قاعد ولا فى دماغك

شفت بقى الواحد غبى قد ايه

وكمان انا غبى علشان حسيت لفتره ان عمرى طويل


ممكن سوال ليك بقى

انت غبى ولا لا ؟؟؟؟؟؟



انا اسف طولت عليكم وخد من وقتك دقيقه ومنعتك من وقت ممكن ترد فيه على توبيكات افيد من ده



امضاء
واحد خايف على نفسة



Omar Mohamed

[!_Ahmed Elabbasy_!]

بارك الله فيك

[!_Omar Mohamed_!]

منور