مش عاوز تتسرق؟ خايف لحسن يتعملك هاك؟ ادخل>>>

[كورابيكا]

دلوقتى زى ماحنا عارفين الهاك انتشر بصورة كبيرة جدا
انا نفسى اتسرقت !

طيب
لا يلدغ المؤمن من جحر مرتين

لازم كل واحد يخلى باله علشان ميتسرقش
ونا مرضيتش اعديها
اتسرقت والى كان كان اه
لكن لازم الكل يخلى بالو من الى هقوله و كل واحد يركز معايا كويس



بصراحة انا مليش خبرة فى موضوع الهاك دا
وبخاف اقرب منه حتى او اتعلمه من على الجهاز عندى لأن احيانا ونت بتتعلم الهاك يكون الى بيعلمك دا مستخدمك كـ ضحية و بيجرب فيك بحجة انه بيعلمك
زى ما بنشوف مواقع لتعليم الهاك
المفروض ان المواقع دى بتعلمك الهاك
بس الحقيقة انها بتتعلم فيك مش بتعلمك :)

ما علينا....


علشان واحد يسرقك لازم يعرف الباسورد بتاعك ودى حاجة احنا متفقين عليها...

هناك عدة طرق لمعرفة باسورد شخص ما
و منهم اخطر الطرق النادر حدوثها
ودا الى حصل معايا نتكلم عليها فى الأخر

نبدا بأول طريقة

اول طريقة دى ممكن ناس تقول عليا اهبل فيها هههههههه
انك تكون مدى واحد الباسورد بتاعك ^__________^

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

تانى طريقة

تكون بتقعد فى سيبر ( Net Café )
و يكون الجهاز مزروع فيه جيلوجر وانت طبعا بتروح فى 60........

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

تالت طريقة

تكون برضو بتقعد فى سيبر ويجى واحد ( طفل )
يقف وراك و يشوفك وانت بتكتب الباسورد
و العيال دى عنيها عيون صقوور بنت لزينة
بتلطش الباسورد فى ثانية ههههههه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

رابع طريقة

طبعا ونت بتدخل اللعبة بتكتب ال ID & PW
لو واحد قعد على الجهاز بعد منت كتبت ال ID & PW

هيقدر بطريقة ما ( سورى مش هقدر اشرحها علشان محدش يستخدمها فى الغلط )
انه يحول الباسورد الى على شكل رموز الى الباسورد الحقيقى
و بالتالى عرف الباسورد بتاعك
علشان كدا متخليش حد يلوجن لك
يعنى مش واحد يقولك السيرفر زحمة اوى قوم انا احاول ادخلك شوية
دا ممكن ياخد الباسورد الى انت كتبته و يعرفة
و هكذا....

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

خامس طريقة

واحد يقولك هات الباسورد بتاعك يامان اشوف الكراكتر
وطبعا بعد ما هيخليك تثق فيه جدااااا
او ممكن بطريقة ملتوية زى...

مثلا من اكونت صغير يقولك هاااى انا فولان
و طبعا فولان دا يكون واحد مشهور اوى فى السيرفر
عامل اية يمان و بتاع و يبدأ فى الشغل السليم

وانت طبعا تثق فيه و تديلو الباسورد
او برضو فى ظاهرة ظهرت من فترة
انه ممكن يشوف اكونت مشهور اوى فى السيرفر يكون فى اسمه حرف l و يعملو i كابيتل
لو حرف W يعملو اتنين V ورا بعض
و يكلم اى حد و ياخد منه الباسورد
وطبعا كل الناس بتثق فى الشخص دا

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

سادس طريقة

وهنا نبدأ فى الجد
واحد عادى جدا عندك على الياهو / هوت مال
يبعتلك صورة يقولك خد شوف مثلا الكريت دا
غلط

واحد يقولك شفت الى حصل كذا كذا بص الصورة دى
غلط

بنت تقولك ممكن تبعتلى صورتك؟ طبعا انت تقولها sureee
و بالتالى هتدفعك لـ انك تسألها و تقولها طيب انتى ابعتيلى صورتك
و هو دا الى هيا عاوزاه انك تقولها هاتى الصورة بنفسك علشان ميكونش فى اى شك
لأ و ممكن كمان تقولك لا انا بتكسف ! ههههههههههه
لحد مانت تتحايل عليها و هيا تبعتهالك وطبعا انت زى الشاطر كدا واثق فيها لأنها اصلا مكانتش عاوزة تديلك صورتها وانت الى اتحايلت عليها

و اتضح ان الصورة متفيرسة و هى اصلا مش بنت ههههههههههه كالعادة :)

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

سابع طريقة

واحد يقولك البرنامج دا بيعمل كذا كذا
البرنامج دا مظبطنىىىىىىىى

طبعا هيدفعك لأنك تقوله طيب بليييييييييز ابعتهولى

و ممكن هو يقولك لا يا مااااان دا مساحتو كبييييييييرة

تقوللو معلش بلييييييييز ابعتهولى

يبعتهولك
تمام

انت تقوله دا بيشتغل ازاى؟؟؟
هيقولك لازم تصطبو

ودى اسهل الطرق للنصب
انت صطبت و نحط خط احمر تحت كلمه صطبت !!! برنامج تجسس بنفسك !!!
بيسموه سيرفر
لأ دا كمان يقدر يتحكم فى الجهاز بتاعك !!!
و سعات بيكون مدموج بالبرنامج فيرس انتشار
سعات بيقولو عليه Win32
ودا فيرس بينسخ نفسة فى اكتر من مكان
بحيث انك لما تكتشف ان البرنامج الى الواد بعتهولك دا هاااااك بتروح طبعا ماسحو
بس بعد اية؟؟ بعد ما اتنسخ مليون مرة

!!!

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

تامن طريقة


ويمكن دى الطريقة الى حصلت معايا

انا بقا محدش كلمنى
منزلتش حاجة من النت
الله اعلم اية حصلى بالظبط

بس فى عدة احتمالات

اول احتمال وارد
انى اكون دخلت صفحة ملغمة بالفيروسات الى بتنزل على الجهاز اوتوماتك

تانى احتمال وارد
ان حد يكون بعتلى فيرس على الياهو و بيتعملو Run اوتوماتك اول ما تفتح الياهو

والله اعلم

و الاخ اخترق الجهاز ونا مش موجود
و حطلى file على الديسك توب و بيقولى انه سرقنى

يعنى هاكر , سكامر و مخترق محترف



نيجى للمهم...
ازاى نحمى نفسنا من الكلام دا كلو؟

اول حاجة لازم يكون عندك انتى فيرس و مش اى انتى فيرس
لازم يكون انتى فيرس محترف زى كاسبر سكاى

----------------

تانى حاجة يكون عندك برنامج ضد التجسس و التطفل

----------------

تالت حاجة يكون عندك جدار نارى
و دا مهم جدااا

-----------------

يعنى 3 برامج لازم يكونو فى جهاز كل واحد عاوز يحافظ على نفسو



لو حد بعتلك حاجة فيها تروجان
الكاسبر هيمسكها
و لو لووو ممسكهاش هتقع فى ايد البرنامج الى ضد التجسس
نفترض ان ال 2 برنامج دول فشلو فى انهم يمسكو الفيرس

كدا الفيرس على جهازك !!!

اول ما يبدأ الفيرس فى العمل و التجسس لناس برا
هيقع فى ايد الـ جدار النارى و دا مش بيرحم ^^

يعنى حماية شاملة جدا


نيجى للأهم


لتحميل برنامج KasperSky
internet Security 2009

من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



و هام جدا لتشغيل البرنامج دا يكون عندك مفاتيح التشغيل
ودى هتحملها من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

من غير تفعيل البرنامج هتلاقى شريط احمر فوق بينور
دا معناه ان البرنامج مش متفعل و زى قلته !!
وانت بتصطب البرنامج هيجيلك اختيارات
اختار زى الصورة كدا



وبعدين هتدوس Browse



وتدخل على الفولدر بتاع المفاتيح و تجرب مفتاح مفتاح لحد ما واحد ينفع معاك
و تقريبا هيكون اخر مفتاح





تانى برنامج
دا برنامج ضد التجسس

من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]






تالت برنامج
دا جدار نارى جامد جداااا

من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



اتمنى التوفيق للجميع

ان كان هناك توفيق فإنه من الله
و إن كان هناك تقصير فإنه منى

و ياريت التثبيت للأهمية
و يمكن دى اول مرة اقول فيها ارجو اتثبيت :)