جرب ده التجربة ديما بتفيد

[.a7la-smile.]

أعـزائـى أعـضـاء و زوار الـقـسـم الـعـام الـكـرام بـعـد الـتـحـيـة والـسـلام ..









جميل انك تبدأ يومك وانت متفائل
والاجمل انك تترجم التفائل ده لحركة
يعني تتصرف تصرفات تخلي اللي حوليك يشوفوا التفائل في عنيك
اظن بالطريقة دي هتنقلهم لوضع اجابي ممكن يكون في اشد الحاجة انهم يعيشوا فيه

التفائل عملة نادرة خصوصا مع كم الضغوط والهموم اللي في حياتنا
لذلك الايام اللي بنتفائل في بدايتها بتتعد علي صوابع الايد

ولكن انت باسلوبك ممكن تخلي كل او اغلب ايامك تفائل
جرب تطلع حاجة لله لحد مسكين ... حتى لو كان جنية واحد
جرب تكون بتحب حاجة تفاح مثلا .. او موز او اي حاجة انت بتحبها
وتديها لشخص مسكين عامل النظافة مثلا او اي شخص حاسس انه يستحق المساعدة حتى لو كان شغال في بنزيمة

طيب جرب كل يوم تذكر ربنا وتحمده علي فضله وتبص للسما وتبتسم
جرب وانت قلبك صافي تتصل علي باباك او اخوك او صحبك او صحبتك لو كنتي بنت وتقوله انا متصل بيك عشان اقولك بحبك

جرب حد يكون زعلان منك او انت زعلان منه وتبدأ انت بالاتصال عليه وتقوله انا متصل عليك عشان اقولك متزعلش وحقك عليا
صدقني مش حاجة تقلل منك

جرب تمسك مصحف وتقرأ سورة انت بتحبها وتتمعن فيها وتتأنى في القراءة
وتحاول تقلد المشايخ الكبار بصوتك ههههه جرب صدقني هتحس بمتعة

جرب تقول كل ما يحصلك حاجة وحشة
قدر الله وما شاء فعل
جرب متتعصبش عشان الحاجة اللي انت بتحبها مقدرتش تشربها النهاردة او خسرتها للابد اي كانت الحاجة دي مهمة

جرب تتفائل بحاجة بسيطة بأكلة انت بتحبها وتفضل تاكل منها لحد ما كرشك يكبر قدامك او بطنك توجعك

جرب تشوف عيوب الناس حوليك بطريقة تانية لمدة يوم بس وشوف شعورك هيكون اية جرب متنتقدهمش علي الحاجة اللي انت بتكرها في شخصيتهم
جرب تتأقلم ولو ليوم واحد عليهم
اكيد هتحس احساس اجمل من انك تتعصب عليهم

جرب ده التجربة ديما بتفيد وبتعلم

نهاركم اجمل مع التفائل
جرب تعمل لايك كده للموضوع
يمكن تخلي صاحب الموضوع يتفائل بمشاركتك او باللايك بتاعك

قبل ما تمشي وتسيب الموضوع جرب تدخل علي اقرب الناس ليك وتساعده في حاجة هو بيعملها او هيعملها خصوصا امك او اختك او باباك او صحبك او زوجتك

جرب والله دي اللمسة الجميلة منك بتخليهم اسعد الناس

بس انت جرب
صباحكم افضل مع التفائل

[ST0P_IM_T0P]

فعلا لو جربنا الحاجات دي حياتنا هتبقى افضل

[.a7la-smile.]

منور .