السيرفر نايم خالص

[masteregy96]

السلام عليكم

مبدئيًا كدة :رغم إن السيرفر كبير وفيه ناس كتير إلا إنه نايم جداًَ ومفهوش نشاط .. ورغم إني لسه نازل جديد ومعرفش ناس كتير إلا إني كنت بلاقي نشاط أكبر من كدة بكتير في السيرفرت التانية اللي لعبتها .. ياريت يا جماعة حبة تفاعل ونشاط عشان على الأقل الناس اللي عاوزة تنزل جديد تيجي على السيرفر ده ..
يعني اللعبة بقى فيها ملل شديد .. يعني الواحد زمان أما كان يحب بيلعب كان بيلعب PVP قدام بوابة samarkand وأما يزهق يدخل ctf بسهولة ويقتل في الناس لحد أما يجمع 10 tickets ويبدلهم وتديلو حاجة حلوة ويجي بلليل ويدخل الarena وأما يخلصها يبيع الArena coins اللي كسبها بسعر حلو ويزبط نفسه وأما ميعرفش يبيعها بيدخل fgw مع اصحابه سواءً في اللguild أو برة الجيم والfaded اللي بيجمعها كان بيبعها..
دلوقتي ال PVP بقى للlvl العالي بس .. يعني من الآخر متقدرش تلعب PVP إلا لو إنت +101 ومحدش بقى بيدخل ctf وعشان تعرف تدخل لازم تعد تنبح في الشات 100 مرة لحد أما يجيلك بلوك في الشات عشان في الآخر تدخل مع فرقة فيها 6 بالكتير و 3 منهم بيمشوا و 1 بيبقى afk وميتبقاش معاك غير واحد noop كل شوية عمال يموت .. وال arena محدش بقى بيدخلها خالص لدرجة إن ناس كتير مش عارفة إيه هي , وحتى الواحد أما بيجمع arena coins مبيعرفش يبيعها خالص .. ومحدش دلوقتي بيدخل fgw ولا حتى بيشتري faded زي مانا لاحظت

اللعبة اتحولت من لعبة للمتعة لوسيلة للتجارة يعني تقريبًا معظم الناس دلوقتي بيشتروا أكونتات لفل 120 و يعملوا أكونتات تانية صغيرة و يلفلوها لحد أما تبقى لفل 120 وتبيعها .. ممكن تكون الجيم بتفتح بيوت ناس بالشكل ده .. بس كدة هي فقدت غايتها الأساسية .. وهي المتعة

ممكن نعتبرها مناقشة واللي شايف مشكلة في الكلام اللي أنا بقوله ده يقولي أو يصححلي اللي أنا شايفه .. وممكن نعتبرها نداء أو دعوة لتشجيع الناس على إنهم يستغلوا إن عدد المصريين في السيرفر كبير وإن احنا ممكن نرجع زي الأول أيام مكان الواحد بيجيلو DC من كتر اللاج قبل الarena أما تبدأ ب10 دقائق و أما الواحد كان بيفتح الparty matching وينقي التاكسي اللي هو عاوزه .. واما يحب يلعب pvp يلاقي في ناس موجودة .. مش كلها +101
وأنا هبدأ التفاعل ده من دلوقتي أهوه .. وانا ممكن اعمل تاكسيات للناس من لفل 1 لحد لفل 50 free عشان الناس الجديد وكدة .. واللي عايز يكلمني في الجيم اسمي : _Spartacuse_ أو Hero_Of_War ده لو حد عايز يكلمني .. أنا دايمًا فاتح

وشكرًا مقدمًا

[Ortega-10]

والله عندك حق فى كل كلمه قلتها
اللعبه مبقاش فيها متعه
وللعلم متعرفشى تلعب بى فى بى كمان الا بعد لفل 110 ومش عايز اقولك 115و 120
وتبقى لابس ومظبط العمل على الاخر والا هاتبقى ملطشه

انا كنت بحب اللعبه عشان ادخل CTF كان ممتع بصراحه