واخيرااااااااا دلوقتى تقدر تخلى البوت يبدل Snow flakes حتى لو كانوا مليون ^_^

[khorshed]

السلام عليكم ورحمة الله وبركاته
طبعا كلكم عارفين ان البوت دلوقتى تم اضافة ليه الايتمز بتاعة الايفنت كلها
تمام وطبعا معظمنا عارف ازاى يخلى الشخصية بتاعته تروح عند Event So-Ok عشان تسلم الـ Snow Flakes
بس للاسف البوت مش بيعملها غير مره واحده بس وبعد كده يروح يحط الايتمز فى الــ Storage او يبيعها على حسب رغبتك
وطبعا ده ممكن يكون حل كويس للناس اللى عندها بارتى تلفيل او جولد بوت على اساس انهم بيبدلوا كميات بسيطة وفى الاخر بنضطر اننا نوقف البوت ونبدل الباقى بايدينا للاسف ودى بتكون حاجه مملة اوى للى عنده اكتر من شخصية ومملة اكتر واكتر للناس اللى عامله فارم بارتى فى بانديت او اونج مثلا
طبعا دى حاجه خانقة اوى وبصراحه دى حاجه ماكنتش حتى مشجعانى انزل النسخة 11.8.5a بس النهارده لما نزل تحديث جديد للبوت اجبارى طبعا اضطريت اسفا اقفل كل الاكونتات بتاعتى عشان اعمل ابديت للبوت وبعد الابديت ماخلص قلت اجرب بقى الحوار ده واشوف هاوصل لايه ولله الحمد وصلت للحل اللى يخلي الشخصية تفضل تبدل الـ snow flakes اللى معاك بدون توقف لحد ماتخلصهم خااااااااااااااااااااااااااااااااااااااااااااااااا ااااااااااااااااااااالص

من الاخر كده بوت كويست بس :D طبعا حضراتكم مش مصدقين انكم بكل بساطة ممكن تجمعوا اكتر من 3000 وحدة وتخلى البوت مايعملش حاجه غير انه يبدلهم وبس :D وبعد مايبدل يروح يكمل فارم

الطريقة بسيطة وسهلة مافيهاش اى تعقيدات وبردة عشان هاتيجى ناس ممكن ماتظبطش معاهم انا رفعت ليكم اسكربتين معمولين على مدينة Jangan ممكن حضراتكم بكل بساطة تاخدوا الاسكربت وتقلدوه على اى مدينة تانية

نيجى لشرح الطريقة واسمحولى انا هاعمل الشرح كتابى بدون صور او فيديو لانى مرهق جدا فياريت نركز مع بعض

هاتجيب شخصية وترجع بيها المدينة وتيجى على البوت تدخل علي
Loop
Script Creator
Record
Normal Script
New Script
وتبدا تحرك الشخصية لحد الـ Event So-Ok
افتح البوت تانى ودوت على Comment من قائمة اوامر الاسكربت
هايظهر مربع اكتب فيه Event Quest ودوس اوك
بعد كده ارجع بالشخصية لحد الـ storage

اعمل Stop لانهاء تسجيل الاسكربت
Save as واعمل حفظ لملف الاسكربت فى اى مكان باى اسم وليكن اسمه jangan-quest
افتح الملف يدوى عشان نعدل عليه هاتلاقى كود فى الملف اسمه

Event Quest//

احذف الكود ده واستبدله بالكود ده

quest,Event So-Ok quest,Event So-Ok

عشان الشخصية تقدر تكلم الـ Npc
احفظ الملف واقفله
تعالى بعد كده على فولدر البوت وادخل على فولدر Town واختار منه الملف الخاص بالمدينة بتاعتك
انا على سبيل المثال اخترت ملف Jangan_r عشان انا الشخصية بتاعتى فى جانجان وعشان بالعب فى سيلك رود ار
ياريت نركز فى اختيار الملف عشان لو اخترت ملف غلط مافيش حاجه هاتحصل
افتح الملف باستخدام Notepad عشان هانعمل عليه تعديل صغير
دلوقتى افتح ملف الاسكربت اللى انت عملته الاولانى jangan-quest
هاناخد الكود اللى فى ملف jangan-quest كوبى وهانيجى على ملف Jangan_r هانلاقي فى اوله كود زى ده

walk,168,97,1000,1308,-32 walk,168,97,988,1195,-32 walk,168,97,978,1025,-32 DoStorage

هانحذف اول 3 سطور من الكود وهانسيب السطر بتاع DoStorage وهانستبدل الـ 3 سطور دول بالكود اللى اخدناه كوبى من ملف jangan-quest
وزى ماحنا فى الملف بتاع Jangan_r المفروض يكون عندك الكود فى اوله بالشكل ده

walk,168,97,1097,959,-32 walk,168,97,1123,867,-32 quest,Event So-Ok quest,Event So-Ok walk,168,97,994,1030,-32 DoStorage

باختلاف الارقام وعلى حسب المكان اللى بتعمل فيه الكود ماعلينا هاناخد الجزء اللى فى اول الملف ده كوبى وهانعمله نقل فى نفس الملف بمعنى اننا نكرره مره كمان بحيث يكون الكود بالشكل ده

walk,168,97,1097,959,-32 walk,168,97,1123,867,-32 quest,Event So-Ok quest,Event So-Ok walk,168,97,994,1030,-32 DoStorage walk,168,97,1097,959,-32 walk,168,97,1123,867,-32 quest,Event So-Ok quest,Event So-Ok walk,168,97,994,1030,-32 DoStorage

احفظ الملف واقفله

زهقتوا صح ؟ خلاص قربنا نخلص
اخر خطوة بقى هانيجى على البوت وندخل على Loop هاتلاقى عندك اتنين Training Area
Training Area1 ودى اكيد اللى انت شغال عليها حاليا وفيها اسكربت مكان البارتى سيبها زى ماهى
هاتيجى على Training Area 2 هاتقوم بتفعيلها وتدخل على اختيار ملف سكربت وهانختار ملف الاسكربت اللى عملناه فى الاول اللى هو مثلا Jangan-quest
دوس Start Bot وادعيلى

ملحوظة بسيطة الشخصية هاتفضل تبدل فى الـ snow flakes وتروح Storage تعمل تخزين وتروح BlackSmith تبيع الايتمز على حسب ايه الايتمز اللى انت حددت انها تتباع او تتخزن المهم الشخصية هاتفضل تعمل كده حتى لو سبتها 10 ساعات طيب والحل ايه ؟ الحل انك بكل بساطة بعد ما الشخصية تخلص تبديل هاترجع تفعل Training Area1 اللى فيها اسكربت مكان التدريب بتاعك

وده رابط تحميل الملفين اللى انا عملتهم عشان تجربوهم لو حبيتم

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وفى النهاية استودعكم الله ومرة تانية سامحونى ان مافيش صور للشرح بس بجد انا مرهق جدا لدرجة انى مش قادر افتح عنيا بس ماقدرتش اكتشف حاجه زى دى وماوصلهاش ليكم بالمناسبة الشرح ده مش هاتلاقوه فى اى مكان تانى لانى ماظنش ان فى حد تانى قدر يوصل للحل ده

[™ MooKa ™]

تمام الله ينور

بس ماتنساش ان الافاتار مشكله ممكن يملالك الانفنتورى

لان البوت مفهوش خصية ان يحط الافاتار فى الستورج