شاعر مواقف .. { خواطر شخصيه_2 }

[Noha Elazwy]

أحب أن أقدم لكم

شاعر مواقف

هو عباره عن شخصيه مصريه
يكتب فى أشياء كثيره
مثل:

{ خواطر شخصيه _2}

__.__.__.__.__.__.__


مهما زاد الشتا فى بروده..

ومهما طال علينا وجوده..

مسيره فى يوم راح ينتهى..

ويطل علينا الربيع بوروده..

__.__.__.__.__.__.__


شوفت كتيير من ألوان الخداع ..

رغم انى فى السن لسه صغير..

فيه اللى خاين واللى باع..

واللى بالفلوس فى طبعه بيتغير..

__.__.__.__.__.__.__

أنا اللى الحب غيرنى ..

خلانى أبص قدامى ..

أنا اللى البعد عذبنى..

خلانى أشوفك حتى فى منامى ..

__.__.__.__.__.__.__

مالك يا بحر أسكندريه ياللى موجك عالى !!

ايه بس اللى جرالك متسيبنى فى حالى !!

قالى فين حبيبك اللى كلمتنى عنه أيام وليالى !!

قلتله بعيد عن العين

بس مربع جوه قلبى وساكن خيالى



__.__.__.__.__.__.__


أفتحى المجال بيننا..

وأفسحى المجال لحبنا..

ان فى يوم شككتى فى حبك لى..

فيكفيكى حبي أنا..


__.__.__.__.__.__.__

أعشق الحياه

_________________


أنى أعشق الحياة بكل ما فيها..

من أيام السعاده والفرح..

وايام الحزن الكئيبه..

وليالى السهر والضحك..

وسنين المذاكره والجد..

من لقاء الاحبه ,يا محلاه..

مهما وصفت وقولت مش هقدر أوصف معناه..

ولقاء الاقارب بعد غربه سنين..

والاخوه فى العائله مع بعض فى الشده متماسكين..

وفرحة الام ليلة عرس بنتها..

والصاحبه , لما تفرح لصاحبتها بجد من قلبها..

والصديق لما يكون جنبك وقت أحتياجك..

ولما تتعب وتسعى وتحقق كل أمالك..

والاخت لما تكون دلوعت العيله..

والاخ المسئول عن كل صغيره وكبيره..

والاب اللى بيتعب ويشقى عشان يجيب اللقمه لعياله..

مهما لفيت ودورت مش هتلاقى زى أبوك فى خوفه عليك وحنانه..

وشهر رمضان والفطار مع العيله..

والعيد لما يهل وخرجوات كل ليله..

............... ألخ ألخ
( أنى أعشق الحياه بكل مافيها )

__.__.__.__.__.__.__.__.__

من المواضيع السابقة

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[SŦorm]

الله ينور

[Noha Elazwy]

أشكرك على مرورك الكريم , هذا يعنى لى الكثير .. شكراً .