أرجو المساعدة من كل من عنده خبرة عن "ISP" شركات DSL فى مصر

[eslam22]

انا مشترك فى شركة TeData لمدة سنتين او اكتر وكان النت شغال كويس احيانا كانت بتحصل مشاكل بس كانت بتتحل

بسرعة و لكن فى الفترة الاخيره من حوالى 3 اشهر ظهر عندى مشكلة فى ال Ping وهى Request time out هيه مش كتيره

اوى يعنى مثلا فى 35 Reply موجود 4 او 5 Request time out و احيانا اقل و احيانا اكثر الحكاية دى مش مؤثرة على التصفح او

الدونلود ولاكن زى ما أنتم عرفين ان الموضوع ده مهم جدا بالنسبة للالعاب الاونلاين عموما انا سرعتى 1 ميجا و انا كلمت الشركة اكتر

من مره على الموضوع ده وكانت الردود مابين "نحن لاندعم online games " او "نسبة ال Request صغيرة بالنسبة للمجمل وهى

لاتسبب اى مشكلة" طبعا استمريت مع خدمة العمله ولاكن حتى الان لم تحل المشكلة ولذالك قررت ان اقوم بتغير الشركة

وعموما فيه 3 اختيارات LinkDSL او Vodafone DSL او Etisalat DSL على ما أظن دول الشركات الموجودة بعد TeData بس انا مليش خبرة فى الموضوع ده و مش عارف اختار بينهم وكمان سمعت ان اتصالات و فودافون تدعم نظام الاستخدام العادل فممكن لو حد يوضحلى ايه هو الستخدام العادل ده و ينصحنى اروح اي شركة بظبط كمان انا قرائة موضوع قريب من مشكلتى وعرفت ان العملية هتفرق من سنترال لاخر حسب سعة المشتركين على سبيل المثال انت فى حى السيدة زينب مثلا
فى السنترال شركة تى اى داتا علية 1000 مشترك وشركة لينك 500 مشترك وشركة اتصالات 100 مشترك .. هتكون اتصالات افضل علشان العدد اللى محمل على السنترال اقل. على العموم انا من الاسكندرية من سنترال مصطفى كامل فلو حد عنده اى معلومة تخص الموضوع ده اتمنى انه يشاركها كمان لو حد متواجد فى نفس السنترال بتاع مصفى كامل وعنده الخدمة كويسه و البينج كويس يقولى هو مشترك مع مين و ينصحنى اعمل ايه و شكرا ..

شكرا لكل من يشارك و يعطى رأيه

[eslam22]

ارجو التفاعل و المساعدة

[Loleta]

انا مبفهمش فى حوار النت ده خالص
لكن انا مشترك فى نفس الشركة دى وبرده 1ميجا
وحصلتلى المشكلة دى من 6 شهور تقريبا كلمتهم وقالولى نفس الكلام احنا ملناش دعوة بلالعاب الاونلاين فا اتخانقت معاهم يوميها قالولى هنراجع الخط واعمل اسكان على الجهاز يمكن فى فيرس واليوم الى بعديه اتحلت المشكلة

ولحد دلوقتى معرفش المشكلة كانت بسبب ايه :D

[3ashek El7ozn]

المشكلة عامة ومش خاصة عندى فى المحل 6 خطوط بنفس الموال لدرجة انى اتعاقدت مع Link وخربوا بيتى بسبب سياسة الاستحدام العادل وانا شغال حاليا بسرعة 265 ك/ث
انت زعلان على خط 1 ميجا انا خاربين بيتى فى 6 خطوط الواحد 4 ميجا
بدفع للخط الواحد فى الشهر 380 جنيه يعنى 2280 جنيه ,,
ويرجعوا يقولولك المشكلة من عند حضرتك الفرعية اللى انت واخدها مش هتستحمل غير فرعيات ..
تغير فرعيات وموال مع السنترال وتتصل بيهم نفس المشكلة يقولك هنبعتلك واحد من الدعم ..
ينزلك واحد من الدعم يقعد يلف ويدور حولين نفسه علشان ياخدله 50 جنيه وهو ماشى ومش هيعمل حاجة مفيدة .
انا مجرب كل الحوارات دى
ولو مش هيبعتلك حد يقولك هقدملك شكوى وهنرد عليك خلال 24 ساعة سيب رقم للتواصل
وبعد ما يديك رقم الشكوى اللى هيرد عليك هيقولك جملتين بالظبط
افصل الكهرباء عن الروتر 10 ثوانى ورجعها ,,
حضرتك الروتر عايز كونفجريشن ,,
هتتابع معاه الخطوات النت اشتغل كويس و100 فل ,,
تققفل معاه تلعن اليوم اللى اشتركت فيه معاهم
ولا كانك عملت حاجة ولا اتصلت ولا دفعت رجعت ريمة لعادتها القديمة
حرام ولا حلال !!

[eslam22]

طيب وبعدين مع المشكلة دى انا مش عارف اعمل ايه كمان انا ميعاد تسديد الاشتراك بتاعى قرب اوى فمش عارف اجدد الاشترك و لا ألغى التعاقد معاهم ؟؟؟؟؟؟؟؟؟؟

[3ashek El7ozn]

والله هيقولك ادفع وبعدين اشتكى