طريقة البحث الصحيح في الـ Item Filter عن اي ايتم فيه ( ابستروف )

[youssef13]

حصريًـــا وقبل اي حد تــاني ..

انتشرت مؤخرًا مشاكل في عمل الـ Search علي الـ Items التي يوجد " ابستروف "
في اسمها كالـ
Genie’s Lamp و الـ Protector’s Seal و الـ Guardian’s Seal
بتوع الـ Event

وايتمز اخري كثيرة ! مثل الـ unique’s Heart

الحــل عندنا ..

المشكلة كلها في اننا بنكتب الـ ابستروف غلط ..

حتقولي ازاي يا عم الفتك لا انا بعرف انجليزي وبكتبها صح

حقولك لأ
انت بتكتب Genie's Lamp
المفروض تبقي Genie’s Lamp
حتقولي عادي مش فارقة
حقولك فرقت كتير !
حتقولي طب انا كل شوية حفضل ادخل علي الموضوع اعمل Copy
حقولك لأ !!

طريقة كتابتها الصحيحة علي الـكيبورد كالتالي

1- اول لما توصل عند مرحلة كتابتها اقلب الـكيبورد عربي
2- قلبتها عربي ؟ متأكد ؟ يبقي دوس Shift و حرف الـ " ة "

انت بقي كنت بتكتبها ازاي ؟ وانت عامل الكيبورد انجليزي بتدوس حرف الـ ط ؟
غلط !



دلوقتي فيه ناس مش حتشتغل معاها الطريقة دي



حنخليها تشتغل يا باشا متقلقش

طب اعمل ايه يعني علشان تشتغل ؟

اعمل اللي حقوله دلوقتي

1- ادخل ملف الـ data في فولدر البوت

2- افتح ملف الـ Item

3- دوس Edit من فوق وهات Replace
( او دوس CTRL + H ) من الكيبورد

4- في خانة Find What حتكتب الابستروف العادية
( اقلب كيبورد انجليزي ودوس ط )
الاسبتروف دي '



في خانة الـ Replace With حنكتب الابستروف اللي قولنا عليها فوق
-
كيبورد عربي ودوس Shift + ة
اللي هي ابستروف بالشكل دة
’


حندوس Replace All

ونجرب الـ Search بالطريقة اللي قولنا عليها فوق

حيشتغل زي الفل !

(متنساش تقفل البوت وتفتحه تاني بعد كل الكلام دة )






تــــــــــــــــــــــم :)

[abdopasha2011]

المعلومة قديمة بالنسبالى اوى يا يوسف من ايام ابتدائى

بس تسلم للتنويه للى مش عارف

+تقييم عشان التنسيق

[youssef13]

شكرًا :)
لكن في ناس كتير مش عارفها والبحث بيعمل معاها مشاكل زي ما انت شايف في قسم الاستفسارات

[Privacy]

تسلم يا يوسف 10/10 فى التنسيق :D

[عا نت بر]

شكرا انا مكنتش اعرفها وكانت بتتعبنى

[youssef13]

العفو
وممكن الطريقة دي تشتغل مع ايتمز اة وايتمز لأ
حعدل علي الموضوع بكرة اخليها تشتغل علي كله ! :)

[™ MooKa ™]

تسلم ايدك بس انا خد اللى انت كاتبه يا يوسف و حطيته فى الـــــــ Search مظهرتليش ؟

[youssef13]

تم تكملة الموضوع
جرب دلوقتي حيشتغل لو عملت الخطوات زي مانا قايل

[dragon_00]

مشكلة ازاى فى البحث انا بكتب اول الحروف وبتجيلى الحاجة الى انا عايزها مثلا كتبت Protector جالى الافينت مفيش اى ايتيمز كان فيها مشكلة فى البحث انا بسال بس المشكلة الى عند الناس ديت ازاى وتسلم كالعادة متميز

[youssef13]

المشكلة انك لو كتبتها بالابستروف
والناس كلها بتيجي تعمل search بتكتب اسم الايتم كامل .
جرب اكتب Protector's Seal من غير الكلام دة
حيديك Error