الشرح الكامل لشخصية الويزارد والبف المساعد لها +لكليرك والبارد

[ahmed625]

بسم الله الرحمن الرحيم

نبدأ الاول بالكلام عن البناء الرئيسي للشخصية وهو ( الويزارد) :

اولا معلومات سريعة عن شخصية الويزارد عامة:

الويزارد هو من اكتر الشخصيات المحببة لينا في اللعبة ومن اكتر الشخصيات اللي الناس بتحب تختار تلعب بيها
لأن لو انت مظبط نفسك صح في الويزارد وفي البف المساعد معاه تقدر تقضي على شخصية قدامك في نفس مستواك او اكبر شوية بضربة واحدة وبنفس الميزان يقدر اللي قدامك يقضي عليك بضربة واحدة عشان كدة مبدأك كويزارد لازم يكون
( ابدأ اولا بالهجوم ) بمعنى اصح ( تدخل المعركة .. تنفذ الهجوم .. وتخرج منه نضيف )

طب ليه انت بتقول كدة؟؟ بقول كدة لان الويزارد من اقوى شخصيات الهجوم .. من اضعف شخصيات الدفاع
(بامكان الويزارد ان يقوم بعمل هجوم مدمر لكن لا يستطيع تحمل اتفه الضربات)

ثانيا نتكلم عن البنية لشخصية الويزارد:

فيه قدامك اختيارين في شخصية الويزارد وهما (الذكاء النقي pure int) او (الهجين hyper)

1- pure int
وهو انك هتذود كل نقاط القوة في ال Int بس

مميزاتها: هجوم اقوى - دفاع اكبر ضد الهجمات الماجيك - نقاط الmp اكتر
عيوبها: دفاع ضعيف ضد الهجمات الفيزيكال - نقاط الحياة الhp اقل

2-hyper
والهايبر في الويزارد بيكون بسيط جدا عشان لازم تحافظ على نسبة الاتزان السحري
بمعنى انك لو عاوز تعمل هايبر في الويزارد يبقى هتزود 20 نقطة بس في الstr طول مشوار حياتك مش اكتر ابدا والا تكون كدة كترت ذيادة عن اللزوم

طيب انا عارف ان الناس لما هتقرا اني كاتب هايبر في شخصية الويزارد هتقول هوة الواد دة اتهبل ولا ايه ^^
بس هقولك لا الهايبر في الويزارد ناجح بس بنسبة 20 نقطة str بس وعن تجربه ان الهايبر بالنسبة ديه احسن بكتييييير من ال pure int ودة لان الفرق في ال mp هيكون 400 نقطة تقريبا ودة مش هيفرق في قوة الهجوم على العكس وجود ال 400 نقطة دول في الhp هتنقذ حياتك في مواقف كتير جدا

ثالثا هنتكلم عن اللبس لشخصية الويزارد:
قدامك اختيارين للبس

1- الروب robe
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

مميزاته: 20% زيادة في السرعة - 20% اقل في استهلاك mp - دفاع كبير ضد ضربات الماجيك
عيوبه: دفاع قليل ضد ضربات الفيزيكال


2- الدرع الخفيف light armor
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

مميزاته: 10% زيادة في السرعة - 10% اقل في استهلاك mp - دفاع متوسط بين الضربات الماجيك والفيزيكال
عيوبه: اقل الدفاعات ضد الضربات الماجيك والفيزيكال من باقي انواع اللبس


رأيي: ان اللبس المناسب لشخصية الويزارد هو الروب , وفيه رأي بيقول ان من الافضل تكون robe لحد 8D وبعد كدة تلبس light armor ودة عشان تقدر تواجه (pure str chines glaivers and bowmen) بسهولة شوية

** ملحوظة: لو انت هتلعب بالbard بف مساعد يبقى لاوم تلبس روب
عشان كدة الاستفادة القصوى من الlight armor بتكون مع الcleric ولو انت قدرت تحافظ على مستوى مهارات الcleric مع مستوى مهارات الويزارد انصحك بأنك تلبس light armor



وبكدة اكون خلصت الاساسيات في شخصية الويزارد ونطلع بنتيجة هي ان الويزارد شخصية قوية جدا في الهجوم لكن مدافع ضعيف بالذات ضد الضربات الفيزيكال فهي ضربات قاضية بالنسبه له وهو ايضا من اسرع الشخصيات في الهجوم وعدوك اللدود في اللعبة هو الوريور ودة لأنه بيمتلك ضربات فيزيكال عالية وكريتك وبيقدر يوقعك ( من الاخر لو الوريور بدأ عليك بالهجوم هتكون خسران بنسبة 95%)



تاني حاجة ندخل على شرح سكيلات الويزارد كلها وايه هية الحاجات اللي انت محتاجها وايه اللي انت مش محتاجه

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

A - natural sprite series
بتتفتح في lvl 4
ودول اربع سكلات كل واحدة بتذود قوة السكيلات التابعة لها 4% عن كل lvl

**لازم تفتحهم


B - force mentalist series

1-intellegence
بتتفتح في lvl 10
وديه بتقلل استهلاك الmp بنسبة 3% في البداية وبعد كدة 2% عن كل lvl
وبكدة بتذود عدد هجماتك وبتقلل استخدامك لل potion

**لازم تفتحها

2-life control
بتتفتح في lvl 20
بتذود قوتك وتنقص الhp للنص
وديه مهمة جدا في محاربة الوحوش الparty gaint ومهمة عشان توصل للضربة القصوى وتستغل ضربات الويزارد القاضية

**لازم تفتحها

3-magic bound
بتتفتح في lvl 40
بتذود طول المسافة بينك وبين العدو اللي بتهاجمة بمقدار متر واحد لكل lvl
وطبعا كل ما تبعد عن عدوك اكتر كل ما تكون في أمان اكتر

**لازم تفتحها

4-life turnover
بتتفتح في lvl 72
وديه نفس عمل life control بس اقوى

**لازم تفتحها


C - earth mentalist series

1-ground charge
بتتفتح في lvl 4
ديه ضربة صخور لكنها مش مفيدة

**ماتفتحهاش

2-root
بتتفتح في lvl 16
ديه بتثبت العدو في الارض واول ما يستخدم ضربة ماجيك بتتفك لكن انت لو عندك وقت تثبت في العدو مكانه من الاحسن انك تستغل الوقت دة في مهاجمته

**ماتفتحهاش

3-earth shock
بتتفتح في lvl 20
وديه ضربة بتزلزل الارض على قطر10 متر من العدو وبكدة تقدر تصيب اعداء تانية قريبة منه
وتقدر تسيبه ببطئ بنسبة نجاح 30% وديه من افضل الهجمات عند الويزارد

**لازم تفتحها

4-earth barrier
بتتفتح في lvl 30
بتعمل حوليك انت وفريقك درع من الصخور بيدافع عنكم ضد الضربات الفيزيكال 30% وبتذيد 4% كل lvl وبتدوم لمدة 30 ثانية عشان كدة مهمة جدا في محاربة الوريور

**لازم تفتحها

5-ground rave
بتتفتح في lvl 60
نفس عمل ground charge

**ماتفتحهاش

6-mesh root
بتتفتح في lvl 76
نفس عمل root لكن بتأثر على قطر 5 متر من العدو وبكدة تقدر تمسك اكتر من واحد وبردو تضييع وقت للهجوم

**ماتفتحهاش

7-earth quake
بتتفتح في lvl 80
نفس عمل earth shock لكن بتأثير اكتر جمال لأنها بتعمل تكسير في الارض وهية من اكتر الضربات الممتعة في اللعبة واللي بيتميز الويزارد بيها لشكلها الرائع

**لازم تفتحها

8-earth fence
بتتفتح في lvl 80
نفس عمل earth barrier ولكن بشكل اجمل بتكون حوليك صخرتين بدل صخرة واحدة وطبعا اقوى في الدفاع

**لازم تفتحها


D - cold mentalist series

1-ice bolt
بتتفتح في lvl 4
ضربة ثلجية على العدو باحتمال تبطيئ للحركة 40% واحتمالية تجميده في المكان 10%

**لازم تفتحها

2-mana drain
بتتفتح في lvl 16
بتنقص الmp للعدو بنسبة 30% فهي بتستخدم على الاشخاص بس مش على الوحوش وهية مفيدة شوية في الpvp بالذات للقضاء على درع المانا الصيني المقرف باستخدامها عليه هوة هيودع درعه وانت تقوله يللا سلاحف لكن ان شايف انك...

**ماتفتحهاش ^^

3-snow wind
بتتفتح في lvl 20
عاصفة ثلجية بتضرب على قطر 10 متر من العدو وبكدة تقدر تصيب اعداء تانية جمبه وباحتمالية 80% لتبطئ حركته واحتمال 20% انه يتجمد في مكانه

**لازم تفتحها

4-invisible
بتتفتح في lvl 30
وديه السكيل المشهورة بتاعت الاخفاء وماحدش يقدر يشوفك غير الاعضاء بتوع فريقك وبتفضل مختفي لمدة 60 ثانية بتذيد 15 ثانية لكل lvl ومهمة جدا في اي job وفي الكهف والevent باختصار افتحها او حضر نفسك للموت

**لازم تفتحها

5-frozen spear
بتتفتح في lvl 60
بتضرب العدو بتلات ضربات تلج متتالية مع احتمال تبطئ الحركة 40% واحتمالية تجميد 10%
وهية مفيدة جدا في الjob عشان تقتل حصان العدو وفيه عيب تقني في الهجوم دة انك لما بتدوس على هجوم تاني اثناء استخدامها بيختصر وقت الهجمة ديه لكن اطمن بيوصل ضررها كامل على العدو

**لازم تفتحها

6-mana drought
بتتفتح في lvl 76
نفس عمل mana drain لكن بقطر 8 امتار وبكدة تقدر تصيب بيها اكتر من عدو لكن بردو نفس رأيي عن اختها

**ماتفتحهاش

7-blizzard
بتتفتح في lvl 80
نفس عمل snow wind لكن بقطر اكبر 15 متر

**لازم تفتحها

8-crystal invisible
بتتفتح في lvl 80
بتخفيك انت وفريقك لمدة 30 ثانية فهي مهمة جدا جدا في الjob

**لازم تفتحها


E - fire mentalist series

1-fire bolt
بتتفتح في lvl 4
وديه قذيفة نارية من اقوى الهجمات عندك وهية هجمتك الاساسية اللي بتستخدمها مع كل وحش

**لازم تفتحها

2-fire trap
بتتفتح في lvl 16
دة فخ ناري مخفي عن العدو بيصيبه بضرر كبير لما يقع فيه هية اه سكيل مش هتستخدمها كتير لكن صدقني فوايدها كتيرة وبتحتاجها في مواقف مهمة في الjob بالضات انك تنصب الفخ وتختفي

**لازم تفتحها

3-fire blow
بتتفتح في lvl 20
ديه بتفتح لهيب من النار على عدوك تضربه 7 ضربات في 9 ثواني وبردو بتصيب الاعداء القريبين منه وهتحتاجها كتير في محاربة الparty gaint وكمان محاربة الاشخاص اللي لفلهم اعلى منك

**لازم تفتحها

4-detect
بتتفتح في lvl 30
وديه الاسكيل اللي بيها تقدر تكشف العدو المختفي لكن بشرط انه يكون مختفي عن طريق مهارة الويزارد الinvisible مش مهارة الrouge اللي هية الstealth ولو انت عرفت قيمة مهارة الاخفاء يبقى اكيد هتعرف قيمة مهارة كشف الاخفاء عشان كدة....

**لازم تفتحها

5-meteor
بتتفتح في lvl 60
بتضرب العدو بنيزك بينزل فوق دماغه من السما وبتأثر على الاعداء حواليه بقطر 3 متر والضربة ديه من اقوى واجمل الضربات في اللعبة واول ما تفتحها ودع كل اللي فات انت معاك دلوقتي اقوى ضربة هجومية للويزارد

**لازم تفتحها

6-lava trap
بتتفتح في lvl 70
نفس عمل fire trap

**لازم تفتحها

7-salamander blow
بتتفتح في lvl 80
نفس عمل fire blow

**لازم تفتحها

8-sprawl detect
بتتفتح في lvl 80
نفس عمل detect لكن مساحة 20 متر وبتفضل لمدة 20 ثانية

**لازم تفتحها


F - lightning mentalist series
وانا شايف انك ممكن تستغنى عن كل مهارات الكهرباء وماتفتحش فيها اي حاجة نهائي غير لما توصل للاخر وتبدأ تعمل جاب ويكون معاك sp كتير والاكونت ff تبدأ تفتحهم لأن وجودهم كلهم زي قلتهم وعن تجربه

1-lightning bolt
بتتفتح في lvl 4
وديه ضربة برق بتتنقل من عدو للتاني بمسافة 10 متر وهية شبيهة بضربة البرق الصينية
ممكن تحس انها مش قوية في اللفلات القليلة لكن بعد كدة هتكون ضربة مفيدة وقوية جدا

**لازم تفتحها

2-lightning shock
بتتفتح في lvl 16
بتشل العدو بنسبة نجاح 80% وهية كويسة وممتعة في الpvp لكن لو جيت للضرر بتاعها ومدى كفائته تلاقيها مش عملية وان رأيي...

**ماتفتحهاش

3-charged wind
بتتفتح في lvl 20
ضربة برق ضعيفة جدا عبارة عن 3 ضربات متتالية بفرصة 80% لابعاد العدو لكن فايدتها هي ابعاد العدو عنك من الاخر ديه بتستخدمها في الموقف المشهور ( اتلموا عليا ولاد التيت)

**لازم تفتحها

4-teleport
بتتفتح في lvl 30
ديه بتنقلك 10 متر للأمام وبتذيد المسافة 2.5 متر لكل lvl
وديه مفيدة للتنقل بسرعة وتعتبر حركة تحميسية مخيفة للعدو اللي قدامك (مزربة يعني)

*لازم تفتحها

5-chain lightning
بتتفتح في lvl 40
نفس عمل lightning bolt

**لازم تفتحها

6-lightning impact
بتتفتح في lvl 76
نفس عمل charged wind لكن بقطر 12 متر من الهدف وبكدة تقدر تصيب اكتر من عدو

**ماتفتحهاش

7-charged squall
بتتفتح في lvl 80
نفس عمل charged wind

**لازم تفتحها

8-aerial teleport
بتتفتح في lvl 80
نفس عمل teleport

**لازم تفتحها


وبكدة اكون خلصت كل شرح سكيلات الويزارد وعرفتم ايه السكيلات المهمة وايه المش المهمة بس طبعا انا لية اراء عن طريق تجارب ممكن انتم تخالفوها عشان كدة موضوع السكيلات اللي تفتحها او لا ديه حاجة ترجعلكم




بعد كدة هنتكلم عن البف المساعد للويزارد

لاحظت كتير في قسم اسأل واستشير ان السؤال دة بيتكرر (أنهو بيلد احسن ويزارد كليرك ولا ويزارد بارد؟)
عشان كدة انا هشرح كل سكيلات الكليرك اللي تقدر تساعد وانت ويزارد وكمان كل سكيلات البارد اللي تقدر تساعدك وانت ويزارد وهقولك رأيي وانت عليك الاختيار


اولا:
هنبدأ في شرح سكيلات الbard اللي هتحتاجها مع الويزارد بف مساعد يعني مش هشرح اي ضربات هجومية لكن هشرح المساعدات بس وكمان مش كلهم مهمين تقدر تشوف انت لو مش عاوز تفتح كله لكن تفتح حجات معينة وبعد كدة في اللفلات العالية تبقى تفتح الحاجات التانية لو عاوز

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

A- bards dream

1-music life
بتقلل استهلاك الMp

B - music pleassure

1-moving march
وديه بتزورد السرعة ليك انت وكل فريقك


2-guard tambour
ديه بتعمل حماية ليك انت والفريق ضد الضربات الفيزيكال 20%


3-mana tambour
بتعمل حماية ليك انت وفريقك ضد ضربات الماجيك 23%


4-hit march
بتذود الhit ratio وال attack rating لكل الفريق

5-swing march
نفس عمل moving march بس اسرع بكتير لما بتفتح ديه بتبقى صاروخ ارضي جوي ماشي ع الارض


C - melody

1-holding clamor
ديه بتعمل تقييد للعدو بنسبة 80%

2-cure melody
وديه بتعالج اي واحد من التلات انواع للabnormal status عشوائيا
اللي هما restrictions status - curse status - weakening status
وهية مش مهمة للدرجة لكن حبذا يعني لو تفتحها

3-temptaion
وديه بتعمل تشويش للوحش وتخليه طيب وعبيط واهبل ويسيبك ويروح يضرب في الوحوش التانية بس بشرط تكون على نفس اللفل بتاعها وتكون وحوش عادية او بارتي مش شامبيون ولا جينت هية ممتعة جدا ونسبه نجاحها عليه 80%

4-rave melody
بتحول شوية من الhp الى mp

5-patter clamor
نفس عمل holding clamor بس على 3 اشخاص بقطر 7 متر

6-Curious Temptation
نفس عمل temptaion

7-Cure Music
نفس عمل cure melody


D - sound

1-mana cycle
بتذود الmp لأي حد لمدة 16 ثانية

2-noise
ديه عبارة عن غلاف حواليك بيخلي الوحوش ماتهاجمكش بس بشرط تكون على نفس اللفل بتاعها وتكون وحوش عادية او بارتي مش شامبيون ولا جينت وهية شبيهة بسكيل theraby ring في الصيني

3-mana wind
بتذود الmp لتلات اشخاص في الفريق بشرط يكونو قريبين من بعض

4-mana breeze
بتذود الmp لكل افراد البارتي

5-Mana Orbit
نفس عمل mana breeze


وبكدة اكون شرحت كل سكيلات الbard اللي ممكن تستخدم بف مساعدة مع الويزارد لكن طبعا مش كل دول لازم تفتحهم وانت في اللفلات القليلة لكن ممكن تسيبهم لما تعمل جاب ويكون معاك sp كتير لكن اهم حاجة تفتحها في البارد هية سكيلات السرعة واللي بتبعد عنك الوحوش واللي بتذود من قوة ضرباتك




ثانيا:
هشرح سكيلات الcleric اللي انت محتاجها بف مساعد في شخصية الويزارد يعني مش هشرح اي ضربات هجومية لكن هشرح المساعدات بس

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

A - Cardinal Praise

1-healing
بتذود hp بس مش كتير و بطيئة في التجهيز

2-reverse
طبعا من اشهر السكيلات وهية اللي بتصحي بيها اي حد ميت لكن بشرط نفس اللفل اللي مكتوب

3-Healing Breath
نفس عملhealing لكن اكتر

4-Grand Reverse
نفس عملreverse لكن اعلى


B - mental calture

1-faith
لازم تفتحها عشان تقدر تفتح السكيلات اللي بعد كدة


C - recovery

1-Group Healing
بتذودك انت والبارتي بتاعك hp

2-Healing Division
بتضودك انت واتنين من البارتي hp

3-Healing Cycle
ديه بتذودلك الhp لمدة 16 ثانية وهية مهمة جدا

4-Group Healing Breath
نفس عمل Group Healing لكن اكتر

5-Healing Favor
نفس عمل Healing Division بس اكتر وبتعمل لتلات افراد من البارتي مش اتنين

6-Healing Orbit
نفس عمل Healing Cycle بس اكتر


D - Blessed Recovery

1-Bless Spell
من اهم واشهر السكيلات عند الكليرك وهية الدروع اللي بتدافع عنك انت والبارتي لمدة 45 ثانية

2-Recovery
بتذود لشخص hp

3-Recovery Division
بردو من اهم واشهر سكيلات الكليرك وهية كل شوية بتذودلك الhp بتاعك انت والبارتي للافراد القريبين منك وديه بتخليك عامل زي الصيني مقرف وبتذود الدم كل شوية لمدة 5 دقائق

4-Group Recovery
بتذود hp لكل البارتي

5-Holy Recovery
نفس عمل Recovery بس اكتر

6-Holy Recovery Division
نفس عمل Recovery Division بس اكتر

7-Holy Group Recovery
نفس عمل Group Recovery بس اكتر


E - Resurrection

1-Group Reverse
مهمة جدا في الjob وفي الevent لأنك بتقدر تصحي كل افراد البارتي بتوعك بشرط انهم يكونو على بعد 10 متر منك كحد اقصى

2-Reverse Oblation
ديه بتصحي بيها شخص لكنها كمان بترجعلى 10% من الexp اللي ضاعو منه لما مات وبتذيد نسبتها مع كل lvl وكمان بتعمل عليه حركة بتذود دفاعه ضد الضربات 45% وبتذود الhp بتاعه 45% لكن بتقلل قوة الضرب بتاعه 50% ولما بتروح من عليه بيرجع الhp وال mp ينقص بنسبة 20% وكل lvl بتذيد النسب لكن قوة الضربة مش بتقل عن 50%

3-Holy Group Reverse
نفس عمل Group Reverse لكن مستوى اعلى

4-Reverse Immolation
نفس عمل Reverse Oblation بس اكتر


F - Glory

1-Charity
ديه لازم تتفتح عشان نفتح السكلات اللي بعد كدة

2-Glory Armor
لو انت لابس light armor افتحها هتذود دفاعك ضد ضربات الفيزيكال

3-Favor Armor
لو انت لابس light armor افتحها هتذود دفاعك ضد ضربات الماجيك


G - Saint Prayer

1-Holy Word
بتدافع عنك ضد ال Abnormal Status وهية مهمة جدا

2-Holy Spell
نفس عمل Holy Word بس اكتر

H - Blessing
ديه بقى كلها سكيلات مش بتفيدك انت في حاجة لكنها بس على البارتي بتاعك لكن انا انصح بتذويدها لأنها بتقوي افراد البارتي جدا ومهمة في الjob وال event

1-Force Blessing
بتذود str

2-Mental Blessing
بتذود int

3-Body Blessing
بتذود الدفاع ضد الضربات الفيزيكال

4-Soul Blessing
بتذود الدفاع ضد الضربات الماجيك

5-Force Deity
نفس عمل Force Blessing لكن اكتر

6-Mental Deity
نفس عمل Mental Blessing لكن اكتر

7-Body Deity
نفس عمل Body Blessing لكن اكتر

8-Soul Deity
نفس عمل Soul Blessing لكن اكتر


وبكدة اكون خلصت شرح كل سكيلات الكليرك اللي ممكن تستخدمها بف مساعد مع الويزارد


ودلوقتي نبدأ في المقارنة بينهم وايه فيهم احسن من وجهة نظر اخوكم المتواضعة ^^
السؤال هوة ايه اكتر حاجة بيفتقدها الويزارد؟؟
الاجابة هية الدفاع والhp
السؤال هوة مين اللي بيذود الدفاع والhp??
الاجابة هية الكليرك
السؤال هوة مين اهم عضو في الفريق والل كل البارتيات بتطلبه؟؟
الاجابة هية اللي بيعمل بف يدافع بيها عننا كلنا ويخلينا مانموتش ابدا
السؤال هوة اللي بيعمل بف يدافع بيها عننا كلنا ويخلينا مانموتش ابدا؟؟
الاجابة هية الكليرك ^^

اما البارد فأهم مميزاته السرعة
وطبعا السرعة بتتباع في المحل يعني البارد مجابش جديد
تاني حاجة الوحيدة اللي مهمة فيه اوي هية الNoise عشان تبعد الوحوش
لكن لو انت مظبط نفسك ومعاك دفاع زي الكليرك هتعوز تبعد عن الوحوش ليه؟؟

الخلاصة البف الافضل مع الويزارد من وجهة نظري هو الكليرك ثم الكليرك ثم الكليرك
ولو هتختار الكليرك يبقى استعد لأنفاق sp بالهبل
لكن انا شرحت كل حاجة
وفي الاول والاخر ليك حرية الاختيار


طيب في الاخر كدة هقدم شوية نصايح للاعبي الويزارد :

** لو بتحارب ويزارد او وارلوك او كليرك عشان تنتصر ابدأ انت اول بالهجوووووووووووووم
**لو بتحارب rouge يبقى اللي هيكسب هو اللي هيطلع اول من حالة الاختفاء -.-'
**لو بتحارب وريور في نفس مستواك وقدرت تغلبه مرة ماتروحش تقوله تعالى لاعبني تاني لأنها هتكون(صدفة عمرك)
**الويزارد من احسن الشخصيات ك thief و hunter لأنك محتاج تضرب وتفرم وتكلكع لكن للأسف الويزارد فاشل ك trader عشان لو مت من اول ضربة يبقى مش هتاخد البضاعة بتاعتك تاني


كدة انا خلصت كل حاجة اقدر اقولها عن شخصية الويزارد واي اسألة انا موجود في المنتدى على طول و يارب تستفيدو من الموضوع واللي كان عاوز يعمل ويزارد ومتردد ياخد قراره دلوقت:)

[jajo66]

تسلم ايديك ^_^

[ahmed625]

ايوة مانتا Dragon_WiZ حد يعرف يغلبك في الوزرد

[omar34]

ده موضوع مكانه القسم التعليمي

مش هنا و إلا يبقى ممكن ننقل كل موضوعات القسم التعليمي هنا

ينقل للقسم التعليمي

[ahmed625]

اوك اسف علي الغلطة دة

[anyw]

الله ينور

[aymann]

كنت عاوز استفسر بس . انا كل ما اشغل سحر ال bles spell والدرع يتعمل اول ما اسيب ال cleric و امسك twohanded stuff السحر الخاص بالدرع بيتلغى كأنى لغيته فهل دا عادى و لو عادى يبقى اى لازمة الدرع (مع العلم انى لما كنت ماسك ستاف زمان مكنش بيحصل كدا )

["Fornax"Bambo]

THX