شـريـط الاهـداءات |
|
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
06-11-2008, 10:48 PM
|
#1 | ||||||||||
 
|
من الاول كده هات لك كوبايه شاى او قهوه و اعد استربع واقرى واقفل الباب عليك علشان صوت القهقه الى هيطلع:D:D:D واحدة ضاع ابنها الناس قالولها ماتخفيش الحلال مابيضعش قالت يالهوى ضاع الولد. ناظر اتجوز وزع على المعازيم ارقام جلوس. واحد مستعجل اتجوز واحدة مستعجلة خلفوا واحد مش فاضيلهم. ندل راح المقابر شغل شريط الحياة حلوة . واحد كريم اتجوز واحدة كريمة خلفوا ولد واعطوه للجيران. سودانى اتجوز سودانية خلفوا ولد اشقر وعيونه زرق سموه المستحيل. واحد احول استقبل ابوه فى المطار.... باس الشنطة وشال ابوه . فيه عجوز راحت تعزي ناس . قالت لهم :" كيف مات أخوكم ؟ قالوا لها : كان واحد من أصحابه يمزح معاه بمسدس .. فطلعت رصاصة بالغلط على راسه قالت العجوز : ايه .. الحمدلله ما إجت في عينه فيه جندي دايماً يسكر، إجاه ضابط يقوله : بطل الشرب مشان نرقيك ..... قال الجندي : أصلاً إن شربت أحس إني عقيد المدرس : كم حاصل ضرب واحد في ثلاثة ؟ التلميذ : ثلاثة ـ ثم أعطاه المدرس ثلاثة ريالات فقال التلميذ : ليتني قلت عشرة مدرس بيقول للتلاميذ اكتبوا ورايا ذهب محمد إلى مصيف بلطيم يوم الأربعاء فطالب سأله لو سمحت يا أستاذ هي الهمزة علي السطر ولا على ألف، سكت المدرس شوية وبعدين قاله خلاص يا ابني خليها الخميس واحد واقف أمام محل عصير ومعهوش غير 25قرش قال اشرب عصير ولا اركب الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن مرة مدرس دخل الفصل فقال للتلاميذ يعيش السمك في الماء رد التلاميذ يعيش يعيش يعيش محشش فتح محل سماه بقالة الاقمشه لحلاقة الاحذيه الغذائيه مرة دكتور راح مستشفى المجانين لقى كل العيانين بيتنططوا على السرير,لقى واحد قاعد لوحدة راح ساله قالة هما بيعملوا كدة لية ،رد عليه وقالة فاكرين نفسهم فى حله فشار قالة وانت قاعد كدة لية قالة اصلى لزقت فى قعر الحله وحده اديت صاحبتها بغبغاء هديه تاني يوم سالتها عن البغبغاء قالتلها عادي زي طعم الفراخ اثنين محششين قاعدين قدام مرايا الاول قال للثاني قوم نسلم على اللي قدامنا ولما وقفوا الثاني قال اقعد اقعد هما جاين علينا بخيل واقف فى البلكونة... ابنه جاى من بعيد يقول له بابا بابا بابا ... قاله: يا ابن ال*** بابه واحده كفاية مرة ديك بقول لفرخة تتجوزيني عرفي قلتلة ده بابا يدبحني مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله جماعة صعايدة بيلعبوا كهرباء على الطريق السريع اللى تخبطه عربية يطلع برة مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة البقال نعم عندى فقال الطفل طيب بكام التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد واحد بيقول لمراته تيجي نعمل جمعيه.اديكى كل يوم بوسه واديكى جنيه !قالتله ماشى. جه على اخر الشهر لقى معاها تسعين جنيه.قالها ايه ياوليه انا مشبديكى كل يوم بوسه وجنيه .قالتله ماتسكت مش ابو هيثم جارنا دخل بنفرين. بياع جرايد ابوه مات مشى فى الجانازة يقول اقرا الفاتحة حكم كوره أعد على قهوه ...طلب واحد صفر عربجى كارو دخل الفرح قال رفصنى يا جدع بلدياتنا و امريكى و يابانى عرضوهم على جهاز كشف الكذب اليابانى: إحنا بنفكر نعمل انسان آلى و نستغنى عن البشر ، راح الجهاز ضربه.. الامريكى: احنا بنفكر نطلع المريخ و نعمل مستوطنات عليه، راح الجهاز ضربه.. بلدياتنا: إحنا (بنفكر) ولسه مكملش ،،،،،،،،،،راح الجهاز ضربه!! واحد أشترى عربية بالكمبيوتر فلما عدى التسعين قال الكمبيوتر "بعد التسعين تعمل حادثة..احذر. "ففرح الراجل وفضل يزود فى السرعة والكمبيوتر يحذره لغايه ما وصل إلى 180. كيلو فصاح الكمبيوتر"يخرب بيتك نزلني هنا" واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط مرة صرصار دخل المستشفى بيسال الصرصار اللى جنبة بيرسول؟ قالة لا زنوبة واحد أعمى فتّح ... من الفرحة اتشل مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي ال*** جماعة محششين قاعدين في خيمة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال شباب ألاقى عندكم كبريت قالوله استريح لسه باعتين واحد أول ما يرجع نديلك واحد فار وخطيبته ماشيين,شاف الفيل فحب يعمل منظر اودمها,فقعد ينده علي الفيل ويقولو "خد يا فيل انت أيوة انت يا عجل" واقعد يهزء فيه تاني يوم راح للفيل وقالو "معلش سامحني انا كنت بعمل منظر قدام خطيبتي وهطلع أبوس دماغك" وهو فوق دماغه لقي خطبيبته معدية قالوا يعني أكسرلك دماغك دلوقتي واحد غبى شاف قشرة موزه على الأرض فقال يييه هاتزحلق تانى مرة واحد بلدياتنا وقع فى حفرة نزلولوا حبل طلع مخنوق واحد بلدياتنا النار مسكت فيه ودوه لدكتور العظام ليه؟ اخوه طفاه بالكوريك مرة واحد صعيدى كبر دماغه ما عرفش يقلع الجلبية مرة واحد صعيدى وقع من الدور العاشر شنبه اتجزع سألوا واحد صعيدي : مين أهم الشمس ولا القمر رد : القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ مرة اتنين صعايدة واحد منهم معاة قفة فقال للتانى لو جولتلى الجفة دية فيها اية حديلك منها بلحتين قالة هع --جوافة مرة واحد مش عايز يزعل صاحبة الصعيدى لكن عايز يقولة نكتة فقالة مرة واحد اسكندرانى ففرح اوى لكن كمل النكتة وقالة كان مربى واحد صعيدى فوق السطوح واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامامي هقولك أنت واحد سرق كرسي من القهوة وطلع يجري ... فالواد الاهوجي شافه اخد ديله في سنانه و جري وراه ... قام الحرامي لمحه بيجري وراه ....... راح وقف فى نص الطريق وقعد على الكرسى .. قال للاهوجي هات لى واحد شاي واحد راح للدكتور بيحكى له عن حالته وبيقول انا كل يوم باصحى الآقى نفسى مندهش ، كل مرة بأ صحى الآقى نفسى مندهش .... راح الدكتور كاتب له على علاج .... فصحى تانى يوم لقى نفسة مش مندهش ............. فإندهش كان في واحد شكله وحش قوي قوي قوي عايز يتجوز فراح واتقدم لوحده فبقول لابوها :انا يا عمي بلا فخر عملت نفسي بنفسي. فقاله الأب : ما انا برده بقول استحاله تكون خلقه ربنا قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى فارسلت لهم الاوقاف شيخا آخر وحذرته من الاطالة وصل الامام الجديد فدخل المسجد وصعد المنبر وحيّا المصلين وسأل : اتعرفون قصة سيدنا يوسف عليه السلام؟ فرد المصلون كلهم: نعم فنظر الامام الى المؤذن وقال: اقم الصلاة ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟ فرد المصلون : نعم فقال لهم : ماتجوش الجمعة الجايـــة واحد ندل فتح مصنع بيبسي كتب على كل علبة : رج جيدا قبل الفتح سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك خرج الطفل فرفر بقدونس يشترى عشرة أرغفة من منفذ العيش المجاور لمنزلهم لكنه تاه فى الطابور منذ يومين ولم يعد... والده يوجه نداء لأولاد الحلال ان من يعثر عليه يقول له: أبوك فى أزمة.. رجع الخمسين قرش!!! سأل المدير مراقب الامتحان ليه طردت التلميذ من الامتحان؟ المراقب: كان بيغش .. شفتة بيعد ضلوعة في مادة العلوم دخل طفل فى الاستاد وأعد فى قسم كبار الزوار فجية المراقب وقالة ممكن التذكرة فلقاها صحيحة فقالة انت جاى مع بابا يا شاطر قالة لأ بابا فى البيت بيدور على التذكرة واحد مفلس بيقول انا اشتريت خزانه فلوس النهارده رد عليه الاصلع وانا اشتريت مشط وقزازه صبغه مرة واحد احول بيعاكس واحدة حولة قالها والله انتم التلاتة احلى من بعض قالتلة والله و انتم شباب قلالاة الادب النكتة دى للبيلعب طولة اوك اتنين صعايدة قاعدين على القهوة الاول : دش التانى:جهار يك الاول :دش التانى:جهار يك صاحب القهوة قال للصبى :روح شيل الشطرنج من قدامهم واحدة سمعت صوت حرامى فى المطبخ راحت مناديه لجوزها من على القهوة جه بيشوف لقى واد صغير بيسرق قاله اسمك ايه قاله كريم راح ضاربه وسابه يمشى يروح بعد كده مراته سمعت صوت حرامى تانى نادت جوزها جه بيفتح المطبخ لقى واحد طويل وضخم راح قايله امال فين كريم مرة واحد قاعد على القهوة زعلان وقدامه كباية شاى راح جاى واحد فتوة ومفترى شرب الشاى وقاله ايه تقدر تعمل حاجة راح الراجل قعد يعيط راح الراجل المفترى قاله كل ده عشان كباية شاى قاله اصل انهارده الدنيا ملطشة معايا قمت من النوم المية مقطوعة وصاحب البيت عايز الايجار والموتسكل بتاع الشغل اتسرق واطردت من الشغل حتى كباية الشاى اللى حطيت فيها السم جيت انت وشربتها واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام فراح داخل فى مكنة التذاكر يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة محشش مش عارف مواعد واحده الساعه اتنين والا مواعد اتنين الساعه وحده عبيط راح محطة بنزين فشاف شلة بنات جنبه فحب يتفشخر فقال عبي بخمسمائة اتنين مساطيل طينة طلبت معاهم ان اول واحد هيعدى من الشارع يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها مره واحد مسطول قاعد بيحشش مع مراته لغايه ما نسيوا نفسهم وفجأه حد خبط عليهم فقامت الزوجه وقالت جوزى فقام جوزها ونط من الشباك؟؟؟؟؟؟؟؟؟؟؟؟؟؟ محشش اتصل بخطوط الطيران يحجز تذكرة ، قاله الموظف: ذهاب واياب ؟؟؟؟ قال له : لا خروج المغلوب مرة حرامى دخل على واحد مسطول البيت قالو هات فلوسك و الا هقتل مراتك قام الرجل قعد يضحححححححك.......الحرامى قتل مراته وقاله هات الفلوس قبل م اقتل ابنك الرجعل قعد يضحححححححك........الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر مره واحد مسطول امه بتصحيه وبتقوله قوم يابنى الشمس طلعت قالها دخليها وقفلى الباب وراكى واحد مسطول راكب تاكسي سأله السا ئق ممكن تشوف لى الاشارة اليمين شغاله ولا لا! بص من الشباك وقال له شغاله مش شغاله شغاله مش شغاله !!! مرة واحد اشترى غسالة فول أوتوماتيك مراته عزمت الجيران علشان يشوفوها حطت في الغسالة 20 كيلو غسيل والغسالة يا عيني بتاخد بس 7 كيلو بس وشغلتها والجيران باركولها وعزمتهم على كباية شاي وبعد شوية الغسالة بدأت تنشف الغسيل ومن كتر الحمل عليها قعدت تتحرك ناحية البلكونة شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!! قائد جيش بيقول لجنوده ... العدو من امامنا ومن خلفنا وعلى يميننا وعلى يسارنا ... يبقى مش هيفلت مننا المره دى واحد عصبي اتجوز واحده عصبيه, يوم الولاده... الولد بيقول للدكتور وسع إنت .. ابعد ...أنا هأنزل لوحدي مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن وفي يوم راح الشغل ونسي المفتاح. مراته فتحت الدولاب لقت 20 الف جنيه وبيضتين. لما رجع سالته ايه حكاية البيضتين قالها بصراحه كنت كل ماخونك أحط بيضة في الدولاب الست قالت عشرين سنه جواز ومرتين بس مش مهم وسالته طب والعشرين الف جنيه قالها كنت كل ماجمع كرتونه ابيعها واحد ضابط مظلات امه حلمها ما بيخيبش. كان عنده عرض أمام الوزير ...قالتله بلاش تنط عشان أنا حلمت ان البراشوت مش هيفتح. المهم جه ينط ... خاف وافتكر فزميله سأله أيه الحكاية؟؟ فلما قاله رد عليه زميله ...ولا يهمك خذالبراشوت بتاعي وهات البراشوت بتاعك. نط صاحبنا وفتح البراشوات ..أتفتح معاه شوية ولقى زميله نارل بسرعة وبيصرخ . الله يخرب بيت أمـــــــــــــــك قردين واحد حظه حلو و التانى حظه وحش قاعدين مع بعض فى الغابه وجعانين أوى فاللى حظه حلو بيقول للى حظه وحش أنا اعرف مكان شجرة موز وهم فى مزرعة واحد تعالى نروح ناكل منها قاله ماشى..لما وصلوا فاللى حظه حلو قال للى حظه وحش استنا انت هنا انا هاطلع اهزلك الشجره من فوق وانت لم الموزماشى ,ماشى و طلع هز والموز وقع فالقرد اللى حظه وحش مسك أول موزه ولسه بيقشرها جه صاحب المزرعه راح ماسكه رازعه حتة علقه وهربوا ,,جم تانى يوم هايموتوا من الجوع قالوا مابدهاش بئه راحوا وطلع اللى حظه حلو فوق وهز الشجره واللى حظه وحش تحت مسك اول موزه جه صاحب المزرعه راح ماسكه مبهدله وهربوا جه تالت يوم كانوا موحوحين قالوا ياروح مابعدك روح راحوا عالشجره فالمره دى اللى حظه وحش قال للى حظه حلو استنا انت هنا النهارده وانا هاطلع فوق ماشى,ماشى وطلع فعلا وجه صاحب المزرعة هو وابنه فابنه مسك اللى حظه حلو فابوه قاله لأ سيبه دانا ضربه يومين ورا بعض هاتلى ابن اللذين اللى فوق ده................ واحد صاحب مزرعة فراخ محمل العربية فراخ و سايق وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح والبلد مش لاقية تاكل؟؟". و هو مكمل وقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكل الفراخ زبالة عشان تسمم الناس؟". الراجل مكمل ع الطريق وقفته لجنة، الظابط سأله "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا بادي لكل فرخة مصروف وهي تجيب الأكل اللي هي عايزاه" واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور! واحد بلدياتنا وقع في خلاط الأسمنت طلع منه قال يخرب بيت الملاهي. سئلوا صعيدى : ليه قتلت أبوك كانوا عاملين رحلة للأيتام , كنت عايز اروحها طب ليه قتلت عمك ؟ كنت عايز ابن عمى يسافر معايا طب ليه كنت عايز تنتحر أصلهم لغوا الرحلة ثلاثة صعايدة قرروا أن يعملوا مزرعة كتاكيت فحفروا حفرة ورموا فيها الكتاكيت وردموا الحفرة واستنو يوم .. يومين.. ثلاثة وشجرة الكتاكيت مطلعتش، جربوا مرة تانية ومفيش فايدة فقررو يبعتوا أخوهم اللى بيدرس في أمريكا و بيحضر دراسات عليا. فقال لهم ابعتو لي بعض العينات من التربة عشان احللها صعيدي سافر امريكا شرب من حنفية اوتوماتيك معرفش يقفلها قام رجع ف اول طيارة لمصر..قام سالوا: ازي امريكا؟ قالهم :اسكتو زمانها غرقت يا بوووي واحدصعيدى راح يشترى لمراته جزمة فراح لمحل وقال لصاحب المحل عايز جزمه من غير كعب وخفيفه شويه ورخيصه صاحب المحل قال ماشى وجاب الجزمه فقالت مراته ده مينفعش انا عايزه بكعب ودبت خناقه فصاحب المحل قرف منهم فقال للصعيدى متخدها بكعب هو انت الى حتلبسها قال لع من غير كعب هو انت الى حتنضرب بيها واحد صعيدي رايح حفلة تنكرية .. بعت اخوه واحد بلديتنا حب يعمل ارهابى خطف ابنه محدش سال عليه قتله صعيدى عمل عملية .. نجحت راح عملها مرة تانية واحد بلدياتنا لقى مصباح علاء الدين ،طلعله العفريت شبيك لبيك عبدك ملك اديك تطلب ايه عايز كوبري طوله 1000 كيلو يوصل بين الشرق والغرب لأ دي صعبه أوي شفلك طلب تاني طب عايز الصعايده كلهم يبقول أذكيا انت قلتلي الكوبري رايح جاي والا رايح بس؟! واحد بلديتناقاعد في موتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول اتنين مساجين اتفقوا يكسروا باب السجن ويقتلوا الحارس ويهربوا. كسروا باب السجن ملقوش الحارس قعدوا يستنوه فيه واحد غبي قاعد يصلي وسمع اثنين بيشكروا ف صلاته، قطع الصلاة والتفت وقالهم: وكمان صايم اتنين مساطيل قاعدين مر عليهم جنازة - جنازة مين دي؟ - عبد اللطيف تاني يوم نفس الحكاية - جنازة مين دي؟ - عبد اللطيف تالت يوم نفس الحكاية - جنازة مين دي؟ - عبد اللطيف - هو ماله حظه مهبب كده ليه؟ في واحد كريم انحرق بيته لما جت المطافي حلف عليهم ما يعملوا حاجه لحد ما يشربوا القهوة واحد بيقول لتانى انت مواليد 80 قالة ايوة مواليد 80 قالة يبقى اكيد تعرف محمود مرة شحات بيقول لله رد علية واحد قالة ربنا يسهلك قاله وان ماسهلهاش ارجعلك واحد بقول لجاره من فضلك لما تبوس مراتك ابقي اقفل الشباك انا امبارح شايفك وانت بتبوسها حرام عليك دانا كنت امبارح بايت بره واحد حشاش ازعجتة دبانه قطع جناحتها وقلها يلا خديها كعابي مرة شوية مجانين فى مستشفى رسموا باب على الحيط وقعدوا يخشوا فية بكتفهم علشان يتفتح فالدكتور دخل عليهم لقى واحد قاعد على جنب قالة انت اللى عاقل فيهم والله انت مبتعملش زيهم لية قالة ...... قالة حمير ميعرفوش ان المفتاح معايا مرة واحد بتاع سمك ابنه مات فماشى فى الجنازة يقول :ده كان صاحى وبيلعب اتنين بلدياتن فكرو يلعبوا شطرنج،،، الملك ضرب نفسه بالنار بلدياتنا الصغير بيعيط سأله أبوه بلدياتنا الكبير عا تعيط ليه ياواد قال الصغير : موش عارف يابااصحابى الصغيرين اللي عاالعب معاهم دلوكتى لما يكبروا ألعب أنا مع مين؟؟؟؟ مره صعيدي راح للدكتور، فالدكتور أعطاه دواء شرب. بعد اسبوع رجع الصعيدي للدكتور. قال له الدكتور: ايوة الدواء عامل ايه؟ الصعيدي رد: معرفتش أدخل المعلقه في الازازه واحد هو وزوجته عالبحر، فقالت له زوجته شايف القمر يا حبيبي، الزوج ايوى شايفه. الزوجة: ريحة شرابك واصلةله بلدياتنا للدكتور البيطرى : الحمار تعبان جوى يا دكتور الدكتور البيطرى : حط الدواء ده فى خرطوم وحط طرف الخرطوم فى بقك والطرف التانى فى بق الحمار وانفخ تانى يوم لقى بلدياتنا جاى وتعبان جدا ساله: مالك؟؟بلدياتنا: الحمار هو اللى نفخ الاول عشرة صعايدة بيتعلموا ربط الكرافتات تسعة ماتوا وواحد فى حالة حرجة واحد ماشى فى الصحراء قابل واحد بلدياتنا فبيقلوا انا حران من الشمس فبلدياتنا قاله وانا محمدين من الارض في مره واحد فتح الثلاجه لقى باباغنوج بيبوس أم علي هندي لقي فاتوة كهرباء واقعه على الأرض، أخذها ودفعها قهوجى خلف ولد من غير وش واحد مؤدب متغاظ من مراته و عايز يشتمها ...طلع فوق الدولاب و قاللها يا واطية مره واحد لبان أشترى عمارة (ملك) مراته راحت تلم القشطة من علي السطح مرة واحد فرحان تزوج وحدة زعلانة، خلفوا ولد سموا يا فرحة ما تمت مرة واحد اسمة عزوز راح اشتغل عند ميكانيكى صبى صغير .فى يوم قال عزوز لصاحب الورشة انا اعرف رئيس الحى صاحب الورشة مصدقوش ولكن بعد يومين فعلا مر من قدام الورشة رئيس الحى وسلم على عزوز سلام حار صاحب الورشة اعجب بعزوز وشغلة اسطى فى الورشة وبعد يومين عزوز قال لصاحب الورشة انا اعرف الوزير قال لة لا ديا صعبة جدا وفعلا بعد يومين مر الوزير من قدام الورشة وسلم على عزوز ...صاحب الورشة اتجنن وقال لعزوز يابنى انا هجوزك بنتى وتمسك الورشة مكانى... وبعد يومين قال عزوز لصاحب الورشة انا اعرف كلينتون ولكن صاحب الورشة المرة ديا قال لعزوز بلاش تهتش على ديا واسعة قوى ..عزوز قاله تعال نسافر وانا هعرفك وفعلا سافروا امريكا ووقفوا امام البيت الابيض وعزوز قال لصاحب الورشة بص على الشباك الابيض الى فوق ده ..هطلع كمان شوية انا وكلينتون ونقول لك هاى وفعلا عزوز طلع هو و كلينتون بعد خمس دقائق الراجل صاحب الورشة اغمى علية وراح المستشفى . ولما فاق عزوز بيسألة انت اغمى عليك علشان شفتنى انا وكلينتون .صاحب الورشة قال لا يابنى انا اغمى علية علشان انت والريس وافقين فى الشباك عدا من قدامى اثنين امريكان بيسألونى من الى واقف جنب عزوز ده مره واحد لاقى جيرانه عاملين دوشه فنده انتو ياللى فوق بطلو الخبط ده فرد ابنهم الصغير عليه و قال: معلش يا عمو اصل ماما بتنفض البنطلون بتاع بابا فقاله: البنطلون تقيل قوى كده لدرجه انه يعمل الدوشه دي كلها فرد الولد و قاله: اصل بابا جوه البنطلون مرة اتنين أصحاب كانو في السينما فواحد قال للتانى تراهنى انى اضربلك اللى قاعد هناك دة علي قفاة رد علية صاحبة وقال طبعا متقدرش راح قايم وضربة وقاللة محمد انت هنا من بدري راح الراجل بص لة وقالة انا مش محمدقالة انا اسف كنت فاكرك محمد المهم رجع لصاحبة تانى قاللة تراهنى اضربة لتانى مرة علي قفاة قاللة المرادى بقي متقدرش راح قايم وضربة وقاللة محمد انت هنا من بدري قاللة يا عم قلت لك انا مش محمد قاللة انا اسف كنت فاكرك محمد راح الراجل زهق راح غير مكانة راح اراجل اللى بيضرب قال لصاحبة تراهننى ولتالت مرة اضربهولك علي قفاة قاللة المرة دي بقي متنفعش راح قايم ولف وراح ضربة وقاللة انت قاعد هنا ونا عمال اضرب الراجل هناك كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام ابو سريع علي ابو سريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة ذهاب.. وصلوا علي البحر وفرشوا علشان يأكلوا وفجأة صرخت ام سريع "تصدق يابوسريع نسينا اهم حاجة نسينا الملاحة عشان الاكل ..اخطف رجلك وروح البلد هاتها .."صرخ ابوسريع وقال لسه هاروح 15سنة رايح و15 سنة جاي يكون الاكل برد الأحسن نبعت الواد ابوسريع خفيف ولس صغير.."ونادوا ابو سريع وقالولهه بل قالوه وبعتوه مرت السنين...حوالى40 سنة وابو سريع مجاش السلاحف بدأت تقلق فقالت ام سريع احسن ناكل بدل ماالاكل يبرد ومايجي ابوسريع نعمله اكل ثاني "فجاة خرج ابوسريع من ورا شجرة وقال يعني لو كنت رحت كنتم كلتم من غيري مرة 3 ستات واحدة مصرية واحدة امريكانية واحدة فرانساوية كانوا قاعدين يناقشوا مشكلة ان اجوازهم مش بيساعدوهم فى شغل البيت ? قرروا انهم هايتقابلوا بعد اسبوع ? تكون كل واحدة منهم جربت طريقة ? يشوفوا النتايج ? فعلا بعد اسبوع جت الامريكانيه ? قالت: انا سيبت شغل البيت اول يوم ما شوفتش حاجة تانى يوم بردة مفيش حاجة تالت يوم ابتدا يقوم ينضف ? يغسل ? بعدين اتعود علي كدة الفرانساوية قالت : انا بردة اول وتاني ? تالت يوم ماشوفتش منة حاجة ورابع يوم ابتدا يغسل ? ينضف وبعدين اتعود على كدة فالمصرية ٌقالت انا زيكو كدة برضة اول ? تانى ? تالت ورابع يوم ماشوفتش حاجة ? على خامس يوم ابتديت اشوف بعيني الشمال راجل بخيل بيموت, فسأل أولاده: أحمد أنت هنا يا حبيبى؟ أيوة يا بابا أنا هنا. منى أنتى هنا يا حبييبتى؟ أيوه يا بابا أنا هنا. محمود :أنت هنا؟ أيوه يا بابا أنا هنا. الأب :أنتم كلكم هنا يا ولاد؟ الأبناء :أيوه يا بابا كلنا هنا. الأب :أمال يا كلاب سايبين النور اللى بره ده لمين؟ مرة واحد كسب مليون جنيه فراح طاير من الفرحة واتصل بمراته و قالها بقولك ايه يا عزيزة انا كسبت مليون جنيه. حضرى هدومك بسرعة , قالتله طيب احضر هدوم صيفى ولا شتوى؟ قالها مش مهم المهم اجى ملاقيش وشك فى البيت واحد ماشى فى الطريق الصحراوى بسرعة 150كم لقى يفطه بتقول (خفف 100كم)قال اتبع تعلمت المرور أحسن شويه لقى يفطه اخرى خفف70كم، شويه ويفطه تانيه خفف 50كم والراجل متبع التعليمات، شويه ويفطه تانيه خفف 10 !!!! ،ثم وجد يفطه مكتوب فيها(مرحبا بك فى خفف) واحده ست جالها وجع الولاده اتصلت بامها جت امها لقتها ولاده اتصلت بالدكتور - الدكتور دخل يولدها جاب العيل ومسكه من رجليه وضربه صرخ الطفل فاطمئن الدكتور وبص لقي عيل تاني مسكه من رجليه وضربه فصرخ الطفل فاطمئن الدكتور - بعد كده الدكتور غسل ايده و مشي المريضه قالت لامها انا حاسه بحاجه بتتحرك كشفت الام لقيت عيل بيبص و بيقول هو الراجل الي بيضرب العيال مشي ولا لسه مرة واحد يهودى بخيل قام الصبح من النوم قال لمراته الفطار بضتين بس سمعانى اتنين بس قالت له حاضر بعد كدة قال لها انه طالع يصلح الاريال فوق السطح علشان الصورة وحشة و هو بيصلح الاريال و قع من فوق السطح وهو بيقع عدى على شباك المطبخ راح قايل لمراته بيضة وحدىىىى واحد بلدياتنا حب يعمل جدع فى الأتوبيس قام لواحدة وقعدها مكانه وبعد ماقعدت قالها : لما انتى واجفة من بدرى ماجلتليش ليه اجعدك قالت له : خفت احرجك قالها تحرجينى ياخى يحرج "يحرق" ابو اللى جابك مرة واحد سافر لأمريكا ولما رجع اصحابه سألوه :ايه ايه الي لفت نظرك هناك,فقال:انا شوفت العجب في امريكا تخيلو العيل الي عندو تالات سنين بيتكلم انجليزي واحد خارج فى رحله خلويه مع واحد صاحبه لسانه تقيل .وكانو طالعين على جبل .فقال اللى لسانه تقيل لزميله. نس...ن..نسي.. الثانى:نس ايه مش وقته الاول: نس نس...نسي..الثانى:بقولك ايه .اصبر لحد ما نطلع و اتكلم براحتك. المهم طلعوا فقال له: ها كنت عايز تقول ايه؟قال له: نس ..نسى.. نسينا... نسينا الخيام تحت.الثانى:حرام عليك و جاى تقولى دلوقتى ..تعالى اما ننزل نجيبها.المهم وهما نازلين قال اللى لسانه تقيل لزميله :كو..كو...كوالثانى: كو ايه عايزين نخلصالاول كو... ك..الثانى:استنى اما ننزل و اتكلم براحتك.ولما نزلو قال له :ها كنت عايز تقول ايه فوق ؟الاول: كو.. كككككككككو.. كوت..كنت باهزر معاك مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها سواق تاكسي قعدت جنبه بنت حلوة قوي قاللها : تعرفي تسوقي؟ قالتله : لأ ،،، قالها : أنا تسوقي واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم مرة واحد جزار قال لمراتة : انت ما حطيطيش احمر لية قالتلة: الاحمر خلص احطلك دهن مرة واحدة قالت لحبيبها البخيل (اكلها معاك بدقة اعيش معاك فى جحر)راح قال انتى ليه مادية قوى كدة يا حبيبتى مرة واحد صعيدي حب يعمل روش كتب على الشومة أديدس اثنين محششين واحد قال : تسدأ الدنيا دي مآســــي ،، قاله الثاني ليه أنتا بتلبس كام ذهب رجل إلى البحر فوجد فتاة تغرق وتطلب النجدة فقال لها : اعطيني يديك فقالت اطلبها من أبي حشاش راح يخطب قالو ابوها الشقه عليك قالهم ماشى وانتم عليكو البيره والنسوان واحد صعيدى حب يخوف مراته راح رمى على وشه ميه نار ايه أسرع ثلاث وسائل للاتصالات؟ Telephone Television Tell -a- Woman واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... طلع الدور الثالث وقابل موظف اخر وسأله عن الفراخ المدبوحة ومقطعه …. فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع ..... طلع الدور الرابع وقابل موظف اخر وقال له عايز فراخ مدبوحة ومقطعه ومكيسة فرد الموظف وقال له مافيش فراخ بس ايه رأيك فى النظام مرة اتنين مساطيل بيتفرجوا على مطش فالمزيع بيقول ودربكة فى خط الوسط ودربكة فى الهجوم وهبااااااااااا جوة الجون فواحد من المساطيل بيقول للتانى الضاهر دربكة دة لعيب كبير مرة واحد صعيدى راح يجيب عيش راح لقى الفرن زحمة اوى زعل اوىىى وراح اعد على الترعة عبال ما الفرن يهدا شوية من الزحمة وهو حاطط رجله فى الميه خبط فى رجله حاجة بيحط ايده فى الميه لقى فنوس دعك الفنوس طلع العفريت اله شبيك لبيك تطلب ايه اله انا عايز عيش العفريت اله بس كده؟ اله اه اله ماشى حجبلك العيش وجى اله ماشضى راح العفريت غاب ساعة واتنين ومجاش الصعيدى اخر ما زهق دعك الفانوس تانى طلع العفريت اله طلعتنى من الطابور ليه؟ مره ولاد كانوا بيكتبوا مع الاستاذ محاضره كل لم يمسح الصبوره يقطعوا الورقة ***** صعيدي قالوله بكره عيد الحب قال : يوووه ايه الورطة دى! وده صلاته ازاي ***** حشاش شاف سوداني لابس جلابية بيضة ... قاله دي اول مرة اشوف ثلاجة موتورها لفوق ***** صعيدي وامريكي الامريكى قال للصعيدي وصلتو فين بالتطور الصعيدي رد وقال ياعم تطور ايه دا اححنا رجعنا لورا، ثم سأل الصعيدي الامريكي انتو وصلتو فين بالتطور الامريكي قاله اححنا وصلنا بالتطور اذا القمر الصناعى عطل في السما نقدرنصلحه الصعيدي فكر شويةوقل يااااااااااااااه هو المفك بتاعكم طوله أد ايه *****ا ايه أسرع ثلاث وسائل للاتصالات؟ Telephone Television Tell -a- Woman ***** مره واحد صعيدى قابل واحده سالها : انتى منين قالتله: وات؟ قالها: اجدع ناس الوتاوته ***** حشاش بيقول لصاحب أنا حلمت امبارح أننا بقينا فناني أنت فنان تشكيلي ..... وأنا فنان أشكيلك ***** واحد في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور ***** مرة واحد مسئول بيفتتح حمام سباحة (للصعايده) فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم ياعوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملى الحمام ميه ***** واحد بلدياتنا واقف قدامه خمس شياطين .... واحد يوسوسله و اربعه يفهموه ***** واحد بشتكي لصاحبته قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد .....عرفني على محسن ***** مرة واحد حب يسكر فقرر الذهاب إلي اقرب بار و في البار حدث ما لم يكن في الحسبان جلس صاحبنا علي البار و أستمع إلي حوار يدور بين أثنين سكرانين تعالوا نشوف ايه اللي سمعه 1: مساء الخير 2: مساء النووور 1: هو الأستاذ منين ؟ 2: انا من القاهرة 1: يا محاسن الصدف اصل انا كمان من القاهرة 2: هو حضرتك منين من القاهرة 1: انا من المطرية 2: يا محاسن الصدف اصل انا كمان من المطرية 1: هو حضرتك منين من المطرية 2: ش التحرير 1: معقولة ؟ اصل انا كمان من ش التحرير 2: يااه مش ممكن 1: ليه ؟ 2: مش عارف 1: ان شاء الله طبعا ً صاحبنا استهتر بالحوار و قال عادي اي اتنين سكرانين ممكن يقولوا اي كلام لكن تعالوا نشوف بقية الحوار 1: هو حضرتك منين من ش التحرير 2: انا من عمارة رقم 40 1: مش ممكن اصل انا كمان من نفس العمارة 2: هو حضرتك ساكن في الدور الكام 1: انا في الدور الثالث 2: مستحيل دا انا كمان في الدور الثالث 1: يااااااااااااااه شوف الصدف يا اخي تبقي ساكن في نفس المنطقة و الشارع و كمان نفس الدور في العمارة و مانعرفش بعض 2: اه والله حاجة غريبة فعلا 1: هو حضرتك في اي شقة بالظبط 2: اللي جنب السلم 1: مستحيل دانا كمان ساكن في نفس الشقة و طبعا صاحبنا في اللحظة دي كان هايتجنن جه صاحب البار و قال له : ياعم ماتخدش في بالك ده واحد و ابوه بيجوا يسكروا هنا كل يوم ***** واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوي ***** واحد فشار بيحكي مغامراته لصاحبه الغلس الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها الغلس : يا كداب هو في الصحرة في عماره الفشار : اه اسف فضلت اجري اجري لغاية ما لقيت شجره طلعت فوقها الغلس : قال له يا كداب هو في الصحرة في شجره الفشار : اه اسف فضلت اجري اجري لغايه ما لقيت جراج دخلت فيه الغلس : يا كداب هو في جراج في الصحرة الفشار : فضلت اجري اجري لغاية ما أكلني ارتحت ؟ الغلس : يا كداب هو في اسد في الصحرة ***** `بيقولك مرة واحد قرر يرشح نفسه رئيس الجمهورية، مسكوه بتوع أمن الدولة و قالولوا أنت عبيط ولا ايه، قالهم هو شرط؟ ***** مرة واحد راح السودان بالليل ملاقاش حد رجع بلده ***** صومالى ركبه عفريت العفريت مات من الجوع ***** مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورة: هذه صورة زوجتى مع القرود (ملحوظة: زوجتى الثالثه على اليمين) ***** المنتخب السوداني بيلعب ماتش كورا, فالمذيع بيعلق على الماتش و بيقول "المنتخب السوادني مكون من عثمان في حراسة المرمى و خط الدفاع عثمان و عثمان و عثمان و خط الوسط عثمان و عثمان و عثمان أما خط الهجوم عثمان و عثمان و عثمان و محمد !!! ايه ده مسيحي ده و الا اي ***** الاول : آبا .... انا حلمت اني دست على ازازه ورجلي اتفتحت الثانين : احسن علشان تبطل تنام حافي ***** واحد طلع برج القاهره .... وكان بيشب من السور وهو بيتفرج ... فطبعاً وقع .... وهو في السكه قال ابقى عيل لو طلعت البرج ده تاني ***** عملوا مسابقه لتعجيز الكمبيوتر عن اي سؤال كل ما حد يسأل سؤال عن اي حاجه .. يجاوب عليه الكمبيوتر بالتفصيل في اقل من دقيقه جه واحد حط ورقه فيها السؤال بتاعه ...... الكمبيوتر اتحرق وطلع دخان وهباب الناس قالتله : سؤالك كان ايه ؟؟ قاللهم : قلت له ابو قردان قبل ما يخلف قردان كان اسمه ايه؟؟؟ ***** واحد عمل حادثه بالعربيه .... فرجع البيت زي الحصان وحكى لأبوه الاب : العربيه اللي خبتطك رقمها كام؟؟ الابن : 24999 الاب : يعني قول 25000 ***** واحد دخل فندق 5 نجوم كان في فرح وهو كان عايز يروح دوره المياه فبيسأل واحده في الفرح وهو مكسوف جداًً ... وبيوشوشها في ودنها لو سمحتي التلاوَت منين ؟؟ البنت ضحكت وقالت : قصدك التواليت ؟ .... من الناحيه التانيه فراح لف وشوشها في ودنها التانيه : التلاوَت منين؟؟ ***** كل لما عم عوض الفلاح يعمل حاجه غبيه جداً ... فيه اثنينن يعملوا حاجه اغبى بكتييير لحد ما عم عوض راح باني كوبري في الصحراء تاني يوم لقاهم واقفين عليه وماسكين سناره وبيصتادوا ***** واحد خرج من محطه القطر في الجيزه (قدام مجمع الجيزه) لقى واحد لابس بدله شيك قوي وواقف محطه الاتوبيس ...... في واحده ست عجوزه جات قالتله : قولي يابني انا عايزه اروح السيده زينب اركب ايه ؟ ....... الراجل الشيك : إركبي اتوبيس 923 شاب جه سأله : قولي يا استاذ انا عايز اروح لعبد المنعم رياض اركب ايه؟؟ الراجل الشيك : اركب اتوبيس 109 اجا صاحبنا بقى راح يسأله : قوللي يا بيه ... انا عايز اروح لعتريس ابن عمي اركب ايه؟؟؟؟؟؟؟ ***** صعيدي تاه في الصحراء هو وواحد امريكي وواحد الماني لقوا مصباح علاء الدين السحري .... مارضيوش يخلوا الصعيدي هو اللي يدعكه علشان ما يموتش الجني ....... الامريكي دعكه طلع الجني وقال : كل واحد ليه طلبين بس الامريكي انا عايز احدث كمبيوتر في العالم وطياره ترجعني بلدي في ثواني كانت الحاجه عنده ومشي الالماني : انا عايز احدث عربيه مرسيدس وطياره ترجعني بلدي في ثواني كانت الحاجه قدامه ومشي الجني قال للصعيدي: وانت ؟؟ الصعيدي : عايز طبج كشري الجني جابله الكشري وقعد يأكل فيه ............ وبعد لما خلصه الجني سأله : طلبك التاني ايه؟؟ الصعيدي : واحد كمان وحياه ابوك ***** مسطول خبط واحد بالعربيه ... وفي التحقيق دار الحوار ده الضابط : خبطته بالعربيه ازاي ؟؟ المسطول : يا بيه انا اديتله كلاكس ... وجبتله نور .. وادتله فلاشر .. وهو اللي ما رضيش يبعد : عن طريقي .. اعمل له ايه اكتر من كده ؟؟؟ ................ الضابط قال للمصاب بيقول انه ادالك كلاكس وفلاشر وانت مارضيتش تبعد عن طريقه..... ليه ؟؟ المصاب : يا بيه انا قاعد في البقاله بتاعتي ... ابعد اروح فين؟!؟!؟!؟!؟ ***** اثنين مساطيل الاول : ولع الراديو الثاني : ماعييش كبريت الاول : ولا ولاعه؟؟؟؟؟؟ ***** الميكانيكي : الكاوتش ده ضرب ازاي ؟؟ الراجل : دست على ازازه الميكانيكي : وما شوفتهاش ازاي وهي بتلمع في الشمس الراجل : ما هو الراجل الحمار كان حاطتها في جيبه ***** اتنين مساطيل طينة طلبت معاهم ان اول واحد هيعدى من الشارع يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها ***** مين أكثر إنسان صابر في الدنيا؟؟؟ صعيدي ينتظر إليسا علي قناة إقرأ ***** واحد سوداني اتجوز واحدة سودانية خلفوا ولد أشقر و عينيه زرقا سموه رجل المستحيل ***** واحد مسطول لجاي لابس جزمة سودة و جزمة بيضة .. صاحبه بيقوله ايه ياعم الشياكة دي... قاله ايه رأيك عندي جوز زي ده بالضبط في البيت ***** واحد صعيدي مات جاله خمس ملايكة اتنين يحاسبوه و تلاتة يقنعوه انه مات ***** ليه السودانيين ايديهم بيضا من جوا ؟؟ عشان كانوا ساندين على الحيطة و هما بيرشوهم ***** حلاق راح السينما شاف فيلم سوالف النينجا ... ***** واحد أعمى فتح من الفرحة اتشل ***** فيل اتجوز فرخة خلفوا تشيكن فيليه ***** مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : ذرة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انتي بتوكل الكتاكيت دي ايه قال له رد عليه بوكلهم علف يا بيه فقال له المفتش انتي حمار انتي بهيم دي بتاكل ذدرة وعملل له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انتي بتوكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي عايزه ***** مرة واحد ماشي على الصحراوي لقى يافطة مكتوب عليها خفف 100 كم فراح مخفف سرعته شوية و لقى يافطة خفف 50 كم راح مخفف شوية كمان و بعديها لقى يافطة تانية خفف 10 كم راح مخفف كمان و بعدين لقى يافطة مرحباً بكم في خفف ***** مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف .. ***** كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك للأرنب بطريقة أحسن من كده، قول له هات لى جزر، إذا جاب لك جزر لونه أصفر إضربه و قول له أنا عاوز جزر أحمر، و إذا جاب لك جزر أحمر إضربه و قول له أنا عاوز جزر أصفر. فقال النمر للأرنب أنا عاوز جزر، فقال له الأرنب، عاوز الجزر أصفر و لا أحمر.النمر راح ضربه و قال له إنت ودانك طويلة ليه ***** قررت هيفا وهبي تقديم فوازير رمضان قبل الفطور عملا بمبدأ : من فطر صائما كان له مثل اجره ***** اتنين صعايدة بيلعبوا شطرنج, الأول كل للتاني الحصان, التاني سمله البهايم ***** مره واحد صعيدى دخل محل اجهزه كهربائيه علشان يشترى تلفزيون دخل سال صاحب المحل ابكام التلفزيون ده صاحب المحل قلو امشى ياض مابنبعش لصعايده الصعيدى راح حلق شنبو ولبس بدله ورحلو تانى وسالو بكام التلفزيون ده قالو امشى ياض مابنبعش لصعايده الصعيدى اتجنن راح لبس وحده ست ورحاو تانى وقالو بكام التلفزيون ده قالو امشى ياض مابنبعش لصعايده الصعيدى قالو انتا بتعرفنى ازاى صاحب المحل قالو عشان دى غساله مش تلفزيون ***** مرة واحد اسمة عزوز راح اشتغل صبى عند ميكانيكى. وفى يوم قال لصاحب الورشة انا اعرف رئيس الحى.... صاحب الورشة ماصدقش.. لكن بعد يومين فعلا مر رئيس الحى قدام الورشة وسلم على عزوز سلام حار جدا... صاحب الورشة اعجب بعزوز وشغله اسطى فى الورشة . وبعد يومين عزوز قال لصاحب الورشة انا اعرف الوزير!! قال له : لا صعبة جدا وفعلا بعد يومين مر الوزير قدام الورشة و سلم على عزوز ...صاحب الورشة اتجن وقال لعزوز يابنى انا حمسكك الورشة مكاني... وبعد يومين قال عزوز لصاحب الورشة انا اعرف بوش ولكن صاحب الورشة قال بلاش تفشر على ..عزوز قاله تعالى نسافر وانا اعرفك وفعلا سافروا أمريكا ووقفوا قدام البيت الابيض وعزوز قال بص ع الشباك ده حطلع بعد شوية انا وبوش ونقول لك هاى وفعلا عزوز طلع هو وبوش... صاحب الورشة اغمى عليه وراح المستشفى .. ولما فاق سألة عزوز: ليه اغمى عليك لما شفتنى انا وبوش ... صاحب الورشة قال لاانا اغمى علي علشان وانت وبوش واقفين فى الشباك عدا من قدامى اثنين امريكان بيسألونى مين اللي واقف جنب عزوز ده؟؟ ***** مرة جماعة راكبين عربية أجرة و مسافرين و السواق عمال يجري بسرعة قوي واحد قاله ياعم هدي شوية السواق قاله: بتفهم في البيجو قاله: لأ قاله: طب اخرس سرعة العربية عمالة تزيد فواحد تاني ياعم هدي شوية حتموتنا معاك الله يحرقك السواق زعق: بتفهم في البيجو قاله: لأ قاله: طب اخرس السواق عمال يجري فواحد تاني ياعم انت حتموتنا قاله بتفهم في البيجو قاله أيوة بفهم في البيجو قاله طب تعالى وقفها عشان أنا مش عارف ***** واحد واقف فوق كوبري قصر النيل وعمال يقول 32 , 32 , 32 ,.... فواحد سألو ايه 32 دي قالو بص كدة من فوق الكوبري اول ما بص راح زقو وقال 33 ***** واحد تاكسجى(حلوة تاكسجي) نايم مراتة دخلت علية بالليل وقفلت الباب بشويش..صحى قال لها افتحية واقفلية تانى !!!! ***** واحد نام بالشقلوب صحى لقى رجليه معمصة ***** مرة اثنين عندهم كلاب صيد صاحب ال*** الأول أول ما يضرب طلقة من البندقية يجرى ال*** و يروح يجيب الفريسة و الثاني أول ما يضرب الطلقة ***ه يكّسف فنصحه صاحبة انه يروح أفراح في الأرياف، فال*** هيتعود على صوت الرصاص راح الأرياف وفضل يحضر في أفراح لمدة 6 شهوروبعدين رجع يصطاد، راح ضارب طلقة من البندقية راح ال*** وقف على رجله وقعد يزغرد ***** جرت أحداث هذه القصة في بلده صغيره قرب مدينة موسكو الروسية حتى ولو بدت أحداث هذه القصة كقصص الخيال لكنها حقيقية هذا رجل كان واقفا على جانب الطريق ينتظر أن توصله سيارة عابرة فهو يريد الذهاب للبلدة المجاورة في ليلة شديدة الظلام في وسط العاصفة الليل مر ببطء ولم تمر هذه السيارة عابره مرت ساعات وساعات وهو واقف كانت العاصفة شديدة والليل حالك لم يكن يستطيع أن يرى مكان قدميه أخيرا وبعد طول انتظار مرت سيارة تسير ببطء كأنها شبح شبابيكها سوداء خرجت من خلف الظلام وبلا أضواء مرت ببطء متجهة إليه حتى توقفت أمامه ركب الرجل داخل السيارة وأغلق الباب مبتسما فجأة شاهد ما لم يتوقعه أبدا لا يوجد سائق لهذه السيارة السيارة بدأت تتحرك ببطء مرة أخرى بدأ الرعب يدب في قلب الرجل وبدأت السيارة تسرع قليلاً اقتربت السيارة من منعطف خطير جدا الرجل بدا يدعو ربه من اجل البقاء على قيد الحياة لا محالة السيارة سوف تخرج عن الطريق وسوف يواجه الموت فجاه قبل المنعطف بقليل دخلت يد من النافذة وأمسكت الدركسيون وقادت السيارة عبر المنعطف بأمان أصبح الرجل فرحا مع بقاء الخوف والرهبة في داخل قلبه الرجل أصبح يرى اليد تدخل من النافذة عدة مرات كلما وصلوا إلى احد المنعطفات وأخيرا قرر الرجل الهروب من السيارة ففتح باب السيارة وقفز منها ولاذ بالفرار وذهب إلى اقرب بلده وكان مبتلا وفزعا ذهب إلى احد البارات وبدأ يخبر قصته المخيفة والمرعبة للجميع بعدما تأكدوا من هيئته انه غير سكران أو ناقص العقل وكان الجميع ينصت للقصة في أثناء ذلك وبعد حوالي نصف ساعة دخل رجلان إلى نفس البار وعندما شاهدوا الشخص المرعوب قال احدهما للآخر مش هوا ده الأهبل اللي ركب العربية واحنا بنزقها ***** واحد ندل اشتغل في المطافى عبا حنفيات الحريق بنزين. |
||||||||||
|
| إعلانات google |
|
|
|
06-11-2008, 10:53 PM
|
#2 | ||||||||||
  
|
thx
|
||||||||||
|
|
|
06-11-2008, 11:00 PM
|
#3 | ||||||||||
 
|
heheheheh nice |
||||||||||
|
|
|
06-11-2008, 11:21 PM
|
#4 | ||||||||||
|
مشكور جدا دانا عينى دمعت من كتر الضحك |
||||||||||
|
|
|
07-11-2008, 01:07 PM
|
#5 | ||||||||||
  
|
بجد لا تعليق انت و النكت احسن من بعض
|
||||||||||
|
|
|
07-11-2008, 03:15 PM
|
#6 | ||||||||||
  
|
ههههههههههههههههههجامديش انا طبعا مقرتهمش كلهم ده قاموس يا معلم
|
||||||||||
|
|
|
07-11-2008, 04:21 PM
|
#7 | ||||||||||||
|
مشكوررررررررررررر
|
||||||||||||
|
|
|
07-11-2008, 04:25 PM
|
#8 | ||||||||||||
|
انا اخدتهم Copy31 صفحة ^^ بس هقراءهم كلك مشكور علي الموضوع الهايل دة |
||||||||||||
|
|
|
07-11-2008, 04:28 PM
|
#9 | ||||||||||||
|
واحدة ضاع ابنها الناس قالولها ماتخفيش الحلال مابيضعش قالت يالهوى ضاع الولد دي اجمد نكته عجبتني بس الاحسن كنت عكلتهم في سلسلة كل يوم حبة لحسن الموضوع طويل اوي :) تقبل مروري يا باشا |
||||||||||||
|
|
|
02-01-2009, 12:58 AM
|
#10 | ||||||||||
  
|
ههههههههههه جامدين قوى بس انا تعبت مكملتهمش كلهم
|
||||||||||
|
|
|
28-11-2016, 02:18 PM
|
#11 | ||||||||||||
|
تسلم على رسم الابتسامه لدى بعض الاعضاء .. بس انت عندك مشكله من صغرها مش هتبان يا محترم بعد احترامى لحضرتك لو تعمل فواصل بين كل نقطه ونقطة يكون افضل ولو تضع الرسوم المتحركه داخل الموضوع ترسم الابتسامه بوجه نظر الجميع ترتيب الموضوع يجعله افضل وتداخل الالوان فيه تريح العين من ذلك يستمر العضو فى استكمال قراءه الموضوع شكرا لحضرتك موضوعك رائع
|
||||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| اقفل الباب على نفسكـ من أوله | Ahmed El basha | القـسـم الإسـلامـى الـعـام | 5 | 02-05-2013 02:52 PM |
| لجميع مستخدمى الكراك id`s كتير موله d: | Charmed | قسم المواضيع المكررة و المخالفة | 30 | 18-07-2009 10:20 PM |
| فليم الوداع هتعيط لحد ما تقول يا بس | AleX_FoX | فـيـديـو سـيـلك رود | 4 | 22-02-2008 12:31 PM |
.gif){kind=icon}
العرض العادي
