::: الهروب من الواقع :::

[.a7la-smile.]

::: الهروب من الواقع :::






الواقع بعضه مؤلم

تحسبه ككوب الشاي مر لكن باضافة بعض قطع السكر له تتذوق حلآوته






في الغالب

بعض من واقعنا بيكون خيالات واحلام

بنحاول نرسمها ونستشف منها معاني اكتر للحياة

علشان نقدر نتجاوب مع كل شيء حولنا ونقدر نكمل ونساير الدنيا

ونعيش حياتنا بكل ما فيها حلو ومر

لكن،،،

كتير منا وان كان أغلبنا من كتر ما بيكون حوله مشاكل

وضغوط نفسيه وصعوبات بتقابلنا في حياتنا في كل خطوة بنخطوها

الا إننآ بنحاول بكتير من الطرق نتغلب عليها

وبنجاهد اننا نرفع من روحنا المعنوية بـ الصبر والتفآؤل في بكرة

ان يكون فيه يوم جديد

يوم يجي ويغير مجرى حياتنا

في ناس كتير منا بتوقف حياتها على شخص بعينه

وناس بتوقف حياتها على هدف معين

ناس كل حياتها طموح نفسها توصله

أو

مركز بتجاهد بكل الطرق عشان تقدر توصله

اوقات كتير الواقع بيكون عكس ما كنا راسمين في خيالنا

الخيال اللي هو حلم بنرسمه ونحاول نحققه لكن،

ومع كل الصعوبات اللي بتوآجهنآ

ولأننآ طبعا جوآ المشكلة فـ مش بنقدر نوصل لحلول مناسبة

مع العلم ان اكيد بيكون فيه اكتر من حل واكتر من سبب بردو لكل شيء موجود حولنا وموجود جوانا

ممكن نحاول كتير ونفشل

بنضطر في بعض الاوقات نهرب من واقع عايشينه

والهروب بيكون بأكتر من صورة وأكتر من شكل

وكل انسان على حسب مقدرته على الصمود قبل الهرب

قبل ما يفقد عزيمته

اوقات كتير بنحس ان مبقاش جوانا اي طاقة وان كل طاقتنا بلا استثناء تم استزافها للنهاية

حتى لم يتبقى منها شيء يساعد على الرجوع لنقطة بداية او حتى مفترق طرق

بنهرب وبنحاول ننسى او بمعنى أدق

بـ نتناسى

علشان نقدر بردو نكمل حياتنا

ممكن الهروب دا نعتبره زي فترة نقاهة

بنحاول نجدد افكارنا وطاقتنا

لكن،،،

قبل التجديد اوقات كتير بيحصل عند البعض انتكاسة لسببٍ مآ

واشكال الهروب بنشوفها كتير واكيد بتكون قدامنا مع حد قريب مننا

او معانا احنا شخصيا اكيد بتحصل بوقت من الاوقات

ممكن الهروب يكون بـ العزلة والانفراد ... واللي للأسف بيكون نتيجة احباط ممكن يؤدي للإكتئآب

ممكن بردو الهروب يكون بـ الخيآلات واللي ف معظم أوقآتنا بتسيطر علينا

برسم الاحلاام والتخيل بإننا عايشين فيها

وممكن الهروب يكون بـ التخلي عن افكارنا نهائيا ومحاولة خلق شيء جديد او عمل جديد كليا مختلف كل الاختلاف عن كل ما نطمح او ندرك عامةً

وأخيرآ الهروب بـ المرض

وقتها بِيُهَيَأ للشخص انه غير قادر على المواصلة وغير قادر على الحركة وممكن حتى النطق

وبالتالي بتظهر اعراض كتير عضوية

واللي في الأصل سببها نفسي






بنحاول وبنرسم وبنحقق

وممكن نفشل

وفي النهاية الواقع يكون هو سيد الموقف في الكثير من الأمور التي يصعب ادرآكها

ومحاولة مجآرآة الزمن والحيـآهـ