حكآيه 9 آبريآء فى بلد مآت فيهآ آلضمير وحسبى الله

[Legend_zeko]

بسم الله الرحمن الرحيم

اول حاجه الحمد لله اننا خرجنا من المعتقل بالسلامه مينفعش اقول سجن لئنه فعلاً كان معتقل

هحكى ليكم الحكايه من اولها لاخرها وليكم انتم الحكم فيها بعيداً عن انكم زملكاويه احكمو ع الى حصل كا بشر

بعد ظلم الحكم الظالم لينا فى الماتش هاجت الجماهير وكسرت فى المدرجات وحدفت بالطوب واثارت شغب كتير اوى

نزلت من المدرجات " جرى " عشان اتلاشه ان يصيبنى مكروه لقدر الله وفعلاً نجحت انى اخرج من المدرجات ومشيت لحد قبل الباب الرئيسى بحوالى 15 متر لاقيت الدنيا اسودت فى وشى جيش بيضرب في الجمهور وكلاب بوليسيه بتجرى وراهم قولت بردو اتلاشه ان يصيبنى مكروه وخدت جنب بعيد عن الضرب

وفجأءه وبدون اى مبرر هاجمنى 3 عساكر ومعاهم 3 كلاب بوليسيه ورمونى ع الارض والكلاب فوق دماغى لدرجة ان فى واحد فيهم خنقنى بايده لحد مغمى عليا فوقونى " بالضرب "

وكل الى كنت شايفه قدامى امى وابويا واخواتى وكل متراجهم انهم يسبونى يزيدو فيا ضرب لحد مستسلمت للامر الواقع المؤلم فى نفس الوقت

وقفونى فى جنب وحطو فى ايدى " الحديد " ووقف قدامى حوالى 10 من عساكر الجيش + رتب من الجيش وبصراحه وقتها كنت فى حاله انهيار تام

قبضو ع 10 وجبوهم جنبى وحطو فى ايديهم الحديد ونمنا ع الارض زى " آلكلآب " ويدوسو ع رؤسنا برجليهم

وخدونا جوه الكليه ورمونا فى الارض وحدث الاتى " شتيمه وضرب واهانه من كل نوع "

الموقف المؤلم الى حصل وفعلاً اثر فيا ووقتها بس عرفت ان بلدنا دى هيا بلد الظلم والطغيان

مسئول كبير فى الكليه الحربيه وقف قدامنا وضرب كل واحد فينا بالرجول ووالاقلام ع وجوهنا

ونده لـ 3 عساكر وقولهم روحو دلوقتى اعمله تقارير طبيه انكم مصابين بـ 21 يوم علاج

رد العساكر وقالو " احنا مفينيش حاجه تستاهل الـ 21 يوم علاج رد عليهم بشتيمه وقولهم اعملو زى مقولت "

ووجهنا لينا اللفاظ مشينه بالام والاب وقال " مش هتخرجو منها ياولاد كذا وكذا وابقو خلو النادى ابن كذا ينفعكو " ياجماهير كلآب بتشجعو نادى ابن وابن وابن

وامر ان عربيه تيجى تاخدنا تودينا الوحده العكسريه " سجن 28 " من افظع سجون الجيش

قعدنا لحد الصبح داخل الاستراحه واحنا متجنزرين وفى حاله انهيار تام

جه علينا النهار خدونا تحت فى قلب السجن اهانه وشتيمه وضرب بيتنا فى الحجز لحد بليل

وبعد كدا اصدرو بامر بنقلنا الى " المعتقل .. الى هو السجن الحربى " دخلنا السجن الحربى قلعونا الهدوم وفضلنا بالسلبات فقط حوالى ساعتين من الزمن فى عز البرد

وبعد كدا دخلونا السجن حلقو لينا شعرنا وخلونا مسحنا الحمامات وارض السجن ولبسونا " لبس المساجين عباره عن شىء كريه لا يتحمله " كـلب "

الاكل الى كان بينزل لينا عباره عن " فول بقالو اكتر من عده ايام بدون ملح او اى شىء + عيش مليان رمل ولا يطاق وبقينا ناكل غصب عننا "

وكل شويه عسكرى يجى يضرب فينا ويخلينا نشتم ع " الزمالك " غصب عننا

يتشتم الزمالك يتنضرب بآلجزمه وتتهان

وبقينا نتنقل كل يوم ما بين السجن الحربى وسجن الـ 28 ونطلع للنيابه وننزل من النيابه وننضرب وننهان

لحد منزلت القضيه المحكمه ووقتها حسينا ان ممكن يكون فى امل

وكلنا اكثر من 4 محامين لينا وبعد مرافعه دامت اكتر من ساعه ونص " جه القاضى بكل طيبه وحنيه اجل الجلسه للغد لحين سماع شهاده العسكرى المصاب قولنا يافرج الله يمكن نخرج

نزلنا تانى يوم المحكمه فى قلب " القفص " وجه العسكرى ولم يتعرف ع احد فينا وخرج القاضى بره القاعه ورجع بالبرائه




" اغرب وقعه حدثت ان كل التقارير الطبيه الى كانت مقدمه ضددنا مزوره "


ابتسم القاضى وتعجب واصدر الحكم باطلاق سراح 9 من الابرياء


الواقعه التانيه المؤلمه هيا المحترم " علاء مقلد "

احد اهالينا اتصل بيه وقال ليه انجد اولادنا قاله طب اقفل واتصل بيا بعد شويه اتصلو عليه تاني " قالهم وانا هعمل ليهم ايه "

وكل ميتصلو ميردش عليهم

شكراً رجال الزمالك المخلصين الى وقفو جنبنا فى عز محنتنا

شكراً لاعيبه الزمالك الى كنا منتظرينهم يجو ولو حتى دقائق يقعدو معانا عشان نحس ان فى حد جنبنا لكن للاسف " طلعو اوفياء "

لكن فى النهايه كان لينا رب كريم اظهر الحق



" رساله لكل زملكاوى من شخص عاش فى اهانه طوال اسبوع ياريت وعشان خاطر الديقه الى كنت فيها تحافظو ع نفسكم تخلو بالكم من نفسكم ومتحاولوش تكونو مكانى فى يوم من الايام



الموضوع منقول بلسان احد المشجعين الزمالكاويه من ال9 اللى حصل لهم الموقف ده

[essam1990]

فعلا نادى يستحق التشجيع
انا حاسس اللى الزملكويه انقراضه خلاص يعنى لو حكايه ديه صح يقى النادى ده من حقه انا يقلبه منطقه سكنيه اهو تخدم الشعب بدل ما الناس بتضرب علشانه
طيب انت تعرفه ان فى مشجع مغربى مسح اسم الملك وحتى اسم برسلونه فى مدرسه اعتقاله فى المغرب عارف برشلونه عملت ايه بعتت محامى كبير للمشجع وحرضت منظمة حقوق الانسان علشان تتدخل

[omar007]

انازملكاوى بس مش مصدق على العموم حسبى اللله ونعم الوكيل

[zikoo]

حسبى الله ونعم الوكيل

[Legend_zeko]

المشاركة الأصلية كتبت بواسطة essam1990 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

فعلا نادى يستحق التشجيع
انا حاسس اللى الزملكويه انقراضه خلاص يعنى لو حكايه ديه صح يقى النادى ده من حقه انا يقلبه منطقه سكنيه اهو تخدم الشعب بدل ما الناس بتضرب علشانه
طيب انت تعرفه ان فى مشجع مغربى مسح اسم الملك وحتى اسم برسلونه فى مدرسه اعتقاله فى المغرب عارف برشلونه عملت ايه بعتت محامى كبير للمشجع وحرضت منظمة حقوق الانسان علشان تتدخل

ايوة هو اتحكم عليه ب 6 شهور سجن


ما هو ده الفرق بين الكورة المصريه وا لأسبانيه

[HelL_l3OY]

bos ya basha ana makontsh naway en 2kteb be 2mana
bos ya sayedy el fadel anta kont fe match myhmesh men m3a men
we 7sal sh5eb lazem el 7okoma ttde5el b2ay wasyla drb we kolo l2n low dah m7slsh htt2lb le mzb7a we ana 3arf ana b2ol eih ana men portsaid we bashof ely by7sal fe el ssad lma t7sal sh3'b kolo bymsek fe b3do we we fe 7gat keda btzher zay skina we syof we 7gat tnya
3ayez el 3saker t2f ttfrg wla t3mel eih

[takelook]

انا لو مكان الى حصل فية كدة اشتم كل لاعيبة الزمالك