ازاى.تعرف.ان.ربنا.بيحبك

[☜ ĂиTaKą ☞]

ازاى اعرف ازا كان ربنا بيحبنى او لاء؟؟


طبعا نااس كتير فيكو هيردوا زى مصحبتى الى انا اصلا مش فكرة اسمها ردت وقالتلى


بصى ياستى انا عارفة ومتاكدة ان ربنا بيحبنى انا اصلى عمرى مطلبت طلب من ربنا ومش ادهولى يبقى بيحبنى ولا لا؟؟؟


اانا طبعا رديت عليها وقلتلها لاء


قلتلى لاء اية بس ياعشوقة هو يعنى ربنا لو مكنش بيحبنى كان هيدينى الى انا عيزاة؟


انا بقى رديت عليها وقولتها ابليس ربنا بيحبة ولا بيكرهة ؟

قالتلى لا طبعا بيكرهة.........


طيب مهو طلب منة طلب واداهولة

(قال رب انظرنىالى يوم يبعثون قال انك من المنظرين)


معنى كدة ان مش كل الى ربنا بيحبهم بيلبى ليهم طلابتهم


الامام ابن القيم بيقول
(اياك ان تظن استجابة الله لك لكرامتك علية ولكن قد يستجيب الله لدعاء عبدة لهوانة علية او لسقوطة من نظرة فيعطية ليطردة من بابة)

يبقى الموضوع كلة بيعتمد هو ربنا اداك علشان يقربك ولا يبعدك


طيب كلنا متاكدين ان ربنا كريم طب لو ربنا عايز يجوز دى ويدى دة مليون دولار ويخلى دى تخلف ودة يشتغل ويشفى دة هياخد منة اد اية علشان ربنا يعمل كدة وهيكلفة اية

(انما امرة ازا اراد شى فيقول لة كن فيكون)

طب لية ربنا معملش كدة وحقق لكل واحد فينا طلبة؟؟؟؟؟؟؟

هقول ان دة لطف من الله عز وجل لانة هو الوحيد الى يعرف الغيب

طب يعنى ياعشوقة قولينا حاجة نعرف منها ازا كان ربنا بيحبنى ولا لاء؟؟
قوليلنا اى حاجة نعرف منها؟؟

طيب بصو هاتو ورقتين وابدوا اكتبو فى واحدة مايحبة الله والورقة التانية مايكرة الله
وشوف انت ربنا بيحب فيك اية ولا انت اصلا فيك اية يتحب وخدوا بالكو فى فرق انت بتحب اية وربنا بيحب اية؟؟


طبعا فى واحد لزيز كدة هيقولى شكلى حلو وانا عثل اوى والبنات بتجرى وراياهههههههههههه
طب اسمع بقى الحديث دة

(ان الله لاينظر الى صوركم ولا الى اجسامكم ولكن ينظر الى قلوبكم والى اعمالكم)


نرجع بقى ونقول ربنا بيحبنا ولا لاء؟
متملينا بقى ياعشوقة احنا عايوين نكتب.

طب بصواا اقولوكو حاجة سيبكو من الورقة دى وخليكو فى الورقة التانية
ياترى ربنا بيكرة فينا اية؟

طبعا كلنا هنقول لا لا
احنا الحمد الله كويسين اوى وزى الفل ومفيناش اى حاجة انا كويسين وزى الفل ومفيناش حاجة وحشة خااااالص

طب ازاى ازا كان الى ربنا بيحبة مكسلين عنة وخدوا بالكو تانى فى فرق بين الى ربنا بيحبة وبين الى انت بتحبة
وبلاش امثلة لان كل واحد فينا عارف نفسة

يعنى مثلا فى واحد بيحب سيجارة واغنية وفى واحد تانى بيحب الصلاة وقيام ليل وقراءة قران
اقعد انت مع نفسك وقارن وهتعرف ربنا بيحب اية وبيكرة اية............

بصوا بقى كلمتين حلوين كدة من اختكو عشوقة قبل مقفل الموضوع
(من علامات الايمان ان يكرة العبد ما يلائمة من شهواتة ازا علم ان الله يكرها.وتصير لزتة فيما يرضى الله وان كان مخالفا لشهواتة)

اقرب مثال لكدة فى رمضان مثلا بنمتنع عن الاكل والشرب مع انة حلال
رغم ان فى ناس مش بنمتنع عن الحرام


وبقولكم انهى بقى الموضوع بتاعى
يقول الله تعاالى
(من عادى لى وليا فقد ازنتة بالحرب.وما تقرب الى عبدى بشى احب الى مما افترضت علية.ومايزال عبدى يتقرب الى بالنوافل.حتى احبة.فازا احببتة. كنت سمعة الزى يسمع بة وبصرة الزى يبصر بة ويدية الزى يبطش بها ورجلة الزى يمشى عليها ولان سالنى لاعطية ولان استعازنى لاعيزنة)

ازاى تعرف ازا كان ربا بيحبك او لا
ازا لقيت نفسم بتعمل الى ربنا بيحبة واية هو حالك وقتها اكيد مش هتسمع الحرام لان ربنا هو سمعك ومش هبص للحلال لان ربنا هو بصرك

يريت يكون كلامى وصلكو والتوبيك يكون عجبكو
ومرسيى لاى حد هيدخل ويقرا ويقولى رائة

الحب الصادق كالقمر فى بدايتة عندما يكون بدرا
الكسوف هو نهايتة عندما يلاقى غدرا