عـــارفــيــن الــمـشــكــلــة فــيــن ..!!

[!! Prince World !!]

عـــارفــيــن الــمـشــكــلــة فــيــن ..!!



مش مشكله ان فى امتحان العربى 3 ثانوى
جالهم سؤال ما جمع كلمه وحى وكمان ضعها فى جمله مفيده !!!!!

ولا المشكله انه سأل ما هو عكس كلمه فجأه !!!!!

ولا المشكله ان فى واحد اخد ورقه الاجابه بتاعته وهرب من المدرسه

ولا المشكله ان الاهالى قطعوا الطريق فى اماكن كتير

ولا المشكله ان الطلاب طلعت عملت مظاهره فى كذا مكان

ولا المشكله ان الامتحان هو اسوأ امتحان عربى يمر على الثانويه العامه فى التاريخ



المشكله ان احنا خلاص بقينا مصدقين ان الدرجه بتفرق وان التعليم شئ اساسى
فى بلد مفيهاش تعليم

يعنى ايه مقفل كمبيوتر ومش عارف حتى تسطب نسخه للجهاز بتاعك

يعنى ايه مقفل فلسفه وانت فاشل فى الحوار مع الناس

يعنى ايه مقفل علم نفس وانت مش عارف ايه الى مضايقك ولا فاهم الناس

يعنى ايه مقفل عربى وانت اصلا فاشل املاء

يعنى ايه مقفل انجليزى ولما تيجى تشتغل لازم تكون واخد كورسات عشان الانجليزى بتاع المدرسه ده ميأكلش عيش

يعنى ايه مقفل ايطالى وانت عمرك ما هتروح ايطاليا اصلا ولا هتشتغل بالايطالى

يعنى ايه تقفل دين وانت مبتركعهاش وماشى مع 9 بنات والكدب والسب على لسانك 24 ساعه

يعنى ايه مقفل جبر وانت مش عارف انت هتستخدمه فى ايه اصلا هو والتفاضل وتكامل ومش عارف الداله دى بيتعمل بيها ايه فى الحياه العمليه ومش عارف تكون منظم اقتصاديا

يعنى ايه مقفل احياء وانت متعرفش ان التعبان بيبيض وان الدولفين من الثدييات ومتعرفش ان الطماطم فاكهه ولو سألتك عن طول الامعاء مش هتعرف (9متر)

يعنى ايه تبقى مقفل كيمياء وانت متعرفش اضرار اكل كتير فى حياتنا زى الشيبسى الماده الحافظه الى فيه هى نفس الماده الى بتستخدم فى حفظ الجثث فى المشرحه

يعنى ايه مقفل تاريخ وانت مؤيد مرسى او مبارك او السادات او عبد الناصر ومتعرفش ان مفيش واحد فيهم مزادش فى عصره ديون مصر وان اخر واااحد عمل نهضه بجد كان محمد على و اول خطوه عملها انه عزل القضاء وحكم منفرداً وطبعا لو حد عمل كده دلوقتى هنقتله

يعنى ايه مقفل جغرافيا وانت هتستفيد ايه لما تعرف ان العراق فيها 33 مليون نخله وان استراليا عدد الخرفان فيها اكتر من سكانها بأضعاف ده انت بتوصل بيتكم بالعافيه

يعنى ايه مقفل فيزياء وتقف على كوبرى على النيل مش عارف انت لو نطيت هايحصل ايه بظبط وتبقى عايش على احتمالات لحد ما تشوف نطه فى فيلم وتنط وانت مش عارف انت المفروض تنزل ازاى بظبط فتتفاجئ ان مفيش عضمه فى جسمك سليمه



استفدت ايه من الى درسته لغايه دلوقتى فى مصر ؟؟

تفتكر الشغل الى هتشتغله لما تكبر هايكون له علاقه بأى حاجه درستها

اسأل اى واحد متوظف فى اى وظيفه جديده ايه اول كلمه سمعها هايقولك قالولى انسى بقى كل الى انت درسته والى تعرفه عن الشغل ده وبدأوا يعلموه

بلد الشهاده فيها مجرد ورقه فى برواز على الحيطه عشان بابا وماما يتباهوا بيها لما يجيلنا ضيوف

• • •
• •
•

[♥MoKa♥]

ايوه يا فيس بوكـ :)

بس تسلمــ

[MịηaTσ]

هى دى مصــر

[HandSome]

ايــوة بقــى فــيس بـــوكـ

[CHI-VA]

يعني تغيب تغيب وتيجي علي مفيش وتتفضح كمان ....

فيس بوكي ... ^^

[GA]GRANTY]]

علي ما اعتقد في ناس ببتعلم علشان وقت الجواز يبقي معاها شهادة ع العموم المعاهد مفيش احسن منها :)

[LightBow]

أنا معاك في كل دا.. بس الشهادة دي بتعملك قيمة وتفرق مابين المتعلم والجاهل علي الأقل..تقبل مروري

[☜ ĂиTaKą ☞]

البلد بتاعتك بلد ورق

بلد بتاع شهادات صحيح

[K!Sh0]

ويقولك مصر ام الدنيا ... ولا الى يقولك ردلها الجميل .. والى يقول اموت فدائها
يا حول العالم

[never give up]

عندك حة والله

[╣VendeTTa╠]

يعنى ايه يبقى ابوك وامك حاطين كل الامل عليك عشان اخوك الكبير خاب وبقى فاشل ومستنينك انت تبقى حاجة وتقعد تطحن طول السنة وفى الاخر الناس ببتجيب الاجابات من على البلاك زفت بيرى ويجبوا مجاميع اكبر منك ؟؟؟

[!! Prince World !!]

معنديش اخوات :)))
و بعديين الناس اللي بتفول فيس بوك دي اؤمروا ما انا عارف انها فيس بوك

[CHI-VA]

المشاركة الأصلية كتبت بواسطة !! Prince World !! عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

معنديش اخوات :)))
و بعديين الناس اللي بتفول فيس بوك دي اؤمروا ما انا عارف انها فيس بوك

ماشي يا عم متشتمش بس

[Ahmed El basha]

تســلم ايدكــ

وبعدين فيــها ايه فيسبـــوكـ

الله ينـــور يابا

[╣VendeTTa╠]

انا بكلمك عليا انا ما هى ديه المصيبة