موضوع للكل : أدخل سمّعنا آخر نكتة!

[matrix_omar]

...بسم الله الرحمن الرحيم...

الموضوع ده بأذن الله الكل هايشارك فيه, الكل هايحط أحلى نكتة يعرفها بس هاتحكمنا شروط بسيطة :
1) لو سمحت أقرأ النكت قبل ما تحط نكتك علشان نتفادى التكرار.
2) حاول بقدر الأمكان أن تكون النكت جديدة خالص, يعنى لو حاسس أنها مشهورة بلاش منها, (و أنا أرجو من الأدارة طرد العضو الذى يضع "مرة واحد جاى يقعد على القهوة قعد على الشاى" :p )

---------------------------------------------------------------------------------------
- كمسرى ماشى فى جنازة بيقول يا جماعة الجنازة فضيا قدام

- مره واحد احول سجل في الجيش...... حطوه في قسم القصف العشوائي

- مرة واحد بتاع سمك ابنه مات فماشى فى الجنازة يقول: كان صاحى وبيلعب

- صومالى ركبه عفريت العفريت مات من الجوع

- مرة واحد بلدياتنا عرف ان الجلد موضة مشى عريان

- مره واحدة عجوزة عندها 80 سنه خايفة تموت, لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه مات

- مرة حماة أرادت اختباره اجواز بناتها فاخذت الأول وعملت نفسها اتزحلقت في البحر فنزل وراها وانقذها، تانى يوم وجد عربية بيجو ومكتوب عليها "هدية من حماتك" وفعلت نفس الشئ مع الثانى فاحضر لها الاسعاف ووجد فى تانى يوم عربية بيجو ونفس الرسالة، أما الثالث فسبها تغرق، ففى اليوم التالى وجد عربية مرسيدس ومكتوب عليها "هدية من حماك"

- واحده كانت حامل في 3 عيال المهم جيه الدكتور فتح بطنها طلع العيل الاول وضربه و التاني نفس الكلام جه يدور علي التالت ملقهوش راح قال للمرضه اقفلي بطنها دول عيلين بس ومشي جت الممرضه تقفل طلع لها واد بيقولها الراجل اللي بيضرب
العيال مشي؟

- خمسة صعايدة عملوا فرقه سموا نفسهم الشجعان التلات

- واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد

- مره اتنين مجانين اتفقوا انهم يهربوا من المستشفى واحد قال للتانى لو لاقينا الصور عالى هنهده لو لاقيناه واطى هنط من فوقيه التانى قاله ماشى راحوا مالاقوش صور خالص قالوا يخساره المهمه فشل

- مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له وديه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما

- مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض

يا رب تكون عجبتكم...و فى أنتظار نكتكم

[eurosoul]

ههههههههه جامدة...خد دى
خمس صعايدة بيحششوا فى أوضة لها بابين والفحم خلص راح واحد قال أنا هروح أجيب خرج ورجع من الباب التانى وقالهم عندكو فحم؟
واحد فيهم بصله وقاله تعالى اقعد أحنا بعتنا واحد يجيب

[matrix_omar]

هههههههههههههههههههههههههه جامدة قوى.
- مره واحد راح السرك وقرر انه يعمل حاجه مختلفه راح جاب نمله وقعد يدربها10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وقال عيال صغيره ايه انا هاروح لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله

- مرة مدرس دخل الفصل فقال للتلاميذ يعيش السمك فى الماء رد التلاميذ يعيش يعيش يعيش

- سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

يا رب تعجبكم.. و فى أنتظار نكتكم

[ibrahemmohamed]

شكرا

[mode_show]

lol
nice

[king_shefa]

هههههههههههه
حلوين اوووى

[matrix_omar]

- شيطان ندل عزم صحابه فى حجرة, قفل عليهم الباب و شغلهم قرآن.

كدة أنا خلصت كل إللى عندى,
فى أنتظار المزيد منكم

[matrix_omar]

2 صعايدة بيلعبوا شطرنج, الملك مات مشلول

[Ahmed shafiq]

معلش ما أخدتش بالي من الموضوع بتاعك قبل ما أعمل الموضوع ده
علي العموم تقبل مني النكته دي هديه مني ليك
أحمد عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[ReD_DeviL]

looooooooooooooooool

[matrix_omar]

ولا يهمك يا باشا و شكرا على الردود يا جماعة