شـريـط الاهـداءات |
|
| القـسـم الإسـلامـى الـعـام [ قسم يهتم ببناء القيم والفضيلة بمجتمعنا الاسلامي بين الشباب المسلم يهتم بثقافتنا الإسلامية فقط ] [ نرجوا عدم التطرق للأمور التي تضر الدين وعدم الافتاء بشي غير موثوق وعدم المساس بأى دين أخر ] |
 |
|
|
أدوات الموضوع | انواع عرض الموضوع |
27-04-2013, 11:40 AM
|
#1 | ||||||||||||
  
|
السلام عليكم و رحمة الله وبركاته اهلا بكم اعضاء منتدى سلك رود فور عرب و نرحب بكافة الزوار . يلا بقا انا عاوز الكل يصلى على النبى . احيانا بتحس انك مخنوق ، مهموم ، متضايق ومكروب .. بسبب وبدون سبب وبتبقى حاسس انك عايز تنفجر من العياط في وش اي حد ..! عشان تستريح شوية .. صح ؟؟ وقتها بتبقى عايز حد تتكلم معاه وتفضفضله ويطبطب عليك ويهديك شوية عشان تستريح .. تقوم بالليل تفكر تشتكلي لمين ؟ مين هيبقى حنين عليك وسمعك وميزهأش من كلامك ؟؟ تفكر تروح لمين ؟ آه مفيش غيرها .. هي احن مخلوق في الوجود عليا .. امي حبيبتي ..:) بس بردو مش هتقدر تروح تقولها انا مخنوق وعايز افضفضلك هتتحرج بردو ؟ طب اعمل ايه ! خلاص انا هدخلها اوضتها اعمل اي حاجة كده قدامها او اسألها على حاجة وهي اول اما تبص في عنيا هتعرف اني متضايق وتحس بيا وتسألني مالك يا حبيبي .. هو ده الحل عشان اقدر افضفضلها عشان استريح شوية دخلت اوضتها عشان اعمل كده .. اووووف دي نايمة دلوقتي طب اعمل ايه يارب ؟ انا مخنوق اووووووي وحاسس اني هموت لو متكلمتش مع حد تروح لباباك لاخوك لاختك لصاحبك اي حد تكلمه .. بس الوقت متأخر وكلهم نامين دلوقتي يارب بقى اكلم مين يارب .. مش لاقي حد افضفض له .. ومن غير ماتحس تلاقي نفسك بتكلم ربنا اهو ويجي في بالك فكرة ان ربنا موجود وانا اقدر اكلمه وافضفضله دلوقتي وهو احن علي من اي حد صحيح انا ليه ادور على حد يسمعلي وربنا موجود ولا بيغفل ولا بينام ..! انا هقوم اصلي ركعتين اكلم فيهم ربنا واناجيه وانا كده هتسريح ان شاء الله  تروح تتوضأ وتدخل اوضتك والدنيا ضلمة وتصف قدمك قدام ملك الملوك وبصوت حزين ومهموم تقول .. الله اكبر الله اكبر .. اكبر من كل حاجة ومن اي حاجة .. واكبر من اي حد ومن كل حد .. ياااااه احساس حلو اوووي مش عارف توصفه .. تبدأ تقرأ كلام ربنا بخشوع وسكينة الله اكــــــبر وتركع بذل وانكسار .. واخيرا بقى توصل للسجود .. وتحس بحاجة غريبة اوي تحس انك قريب منه اووي ولاول مرة تحس بالمعنى ده ( اقرب ما يكون العبد من ربه وهو ساجد ) وتبدأ بقى تفضفضله وتشكيله وتبكي .. بس في مشكلة انا مش عارف اكلم ربنا وادعيله بالفصحى كده زي الناس .. خلاص بقى انا هكلم ربنا زي مابتكلم كده واصلا انا من غير ماتكلم هو عالم انا عايز اقوله ايه وعالم بالي في قلبي .. ولأول مرة العبد ده يحس انه بيناجي ملك الملوك وبيكلمه يارب .. يارب يا كريم يارب انت نعمك علي لا تعد ولا تحصى وانا رغم كل نعمك دي بعصيك وبجاهر بمعصيتي ليك وانت قادر وانا بعصيك كنت تموتني ويبقى مصيري النار!! بس انت صبرت عليا كتير اوي وكنت حليم اوي عليا يارب انا كنت فاكر ان سعادتي في الاغاني والافلام والحب واصدقائي وكنت فاكر اني عمري ما هبقى متضايق ابدا وانا حواليا كل الي انا عايزه بس دلوقتي فهمت يعني ايه ( ومن اعرض عن ذكري فإن له معيشة ضنكى ) انا فعلا يارب حياتي بقت كلها ضنك بقيت متضايق على طول ومخنوق وبدون سبب لا مش بدون سبب انا عرفت السبب السبب اني كنت بعيد اوي عنك يارب يارب سامحني يـ ـ ـ ـ ـ ـاااااااااااارب اغفرلي يارب اعف عني وتب علي ويبدأ صاحبنا صوته يتقطع من كتر البكاء .. اصل هو اول مرة يناجي ربنا ويكلمه ويصلي بالخشوع ده .. بقاله نص ساعة في السجدة الاولى ومش قادر يقوم  يخلص صاحبنا الركعتين الحمد لله ويروح يبص في المرايا حاسس ان وشه في نور .. حاسس انه استريح يااه هي الصلاة بتريح اوي كده انا ازاي مكنتش بصلي قبل كده انا عمري ماهسيب الصلاة تاني اوعدك يارب انا عمري ماهسيب الصلاة تاني ابدا بحبك اوي يارب .. ياااااااارب متسبنيش ابعد عنك تاني ابداا ..! تم بحمد الله |
||||||||||||
|
| إعلانات google |
|
|
|
27-04-2013, 11:51 AM
|
#2 | ||||||||||||
 
|
ربنا يزيدك يا باشا و يكتر من امثالك
|
||||||||||||
|
|
|
27-04-2013, 05:07 PM
|
#3 | ||||||||||||
   
|
الله على كده جميله بجد ياااااااااااااااااااارب |
||||||||||||
|
|
|
27-04-2013, 05:24 PM
|
#4 | ||||||||||||
  
|
الله يبارك فيك استمر علي شغلك ومجهودك دا
|
||||||||||||
|
|
|
27-04-2013, 05:55 PM
|
#5 | ||||||||||||
 Allah is one 
|
موضوع رائع والله تسلم ياباشا بس انا اذا كان علية مفيش حد من عيلتى ممكن افضفضله فى واحد بس صاحبى مع ان صحابى كتير بس هو ده ال بستريحلو .png "(10)")
|
||||||||||||
|
|
|
27-04-2013, 07:31 PM
|
#6 | ||||||||||||
 
|
لا اله الا الله : ) اللهم فرج كرب كل مكروب و فرج هم كل مهموم يارب ♥ |
||||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
