|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
03-10-2008, 06:16 AM
|
#1 | ||||||||||
  
|
بسم الله الرحمن الرحيم انا مش هطول عليكو بس كل اللى عاوز أقولو ان دول شويه افلام تحفه بمعنى الكلمه نبدأ مع أول فيلم على فكره هما 3 افلام انشاء الله هيكون كل يوم فيلم بس عشان انا اللى بكتبهم (مش مألفهم) بس انا اللى بكتبهم على الكومبيوتر الفيلم الاول فيلم رجـــلأ المستحيل نبذه عن الفيلم : الفيلم هو محاكاه ساخره لقصه رجل المستحيل ادهم صبرى المشهور برقم (ن-1) طبعا كلنا عارفينه الفيــــلم : .................................. (أ-ص) ضابط مخابرات مصرى جامد جدا داخل على الستين من عمره ,يرمز له بالرمز (ب-516) حرف الباء يعنى انه من بولاء ,اما 516 ف ده رقم الاوتوبيس اللى بيركبه عشان يوصل منه محطه البحوث ومنها يوصل لرمسيس عشان يغير المترو عشان ينزل محطه القبه بتاعت المخابرات هذا لأن (أ-ص) رجل من نوع خاص حيث يجيد قياده كل انواع المواصلات من الطائرات و الغواصات مرورا بالسوبر جيت و التوك توك , و يجيد استخدام كل انواع الاسلحه من المسدس و بمب العيد و حتى القنابل النوويه و الهيدروجينيه , ويجيد 66 لغه- بالصلاه ع النبى - انه من المستحيل - وربنا - ان يجيد رجل واحد كل هذه المهارات و لقد اجمع الكل و منهم -انا- انه يستحق لقب ...رجل المستحيل المغامره رقم 65468 بعنوان (اختطاف محسن ) ....... ازاى الكلام ده ؟؟؟؟ جلس مدير المخابرات الجديد على مكتبه و هوا يتذكر ما حدث حتى الان فى هذا الامر الصعب الذى تمر به مصر و ما حدث من (أ-ص) لمزيد من التفاصيل راجع العدد السابق رقم 65467 الجزء التاسع من المغامره بعنوان (أل عاوزين يخطفو محسن !!!!!) وبعد قليل طرق الباب (أ-ص) فأذن له المدير بالد*** و استنشق بعض الاوكسجين من الهواء حيث ان من حق كل مواطن تنشق الاوكسجين (حقيقه علميه) طبعا لأن مكتب المدير مكيف المهم ... قال (أ-ص) : الامر اتأزم جدا يا -516 نص محافظات مصر مش لاقيه تشرب ميه و الناس خرجت بالجراكن و عاملين ثوره اسمها ثوره الخراطيم كل واحد جاى بالخرطوم و هيقطعنا ... و القياده العليا بتشك فى ان ده ملعوب من المخابرات المعاديه الاس......(لألأ مش الاسرائيليه طبعا)وكمان التقارير بتقول ان سونيا جراهام هنا.. يغضب (أ-ص) و يقول : - يبقى جيه الوقت اللى هقدر اخذ ابنى الرضيع منها !!! -رضيع ايه يا عم ؟؟ ابنك زمانه قدى دلوقت ده انت سايبه من العدد 100 و بعدين هما عملو حاجه عشان يجبروك انك انت بالتحديد اللى تقوم بالعمليه ده -عاااارف عاااارف اكيد خطفو (قدرى) يا فندم الراجل ده اتخطف اكتر ما زور جوازات !!! -يرد المدير : ده تذكره الطياره اللى هتسافر فيها للمنصوره بعد 3 ثوانى عشان مفيش ميه هناك فى نص المراكز .. الحق غير هدومك وزور قرايبك على السريع و الحق الطياره !! اخذ (أ-ص) التذكره وهو ينظر اليه جامد جامد... جامد... جامد... ينفع كده؟؟!!! هبط (أ-ص) بالطائره فى المنصوره متنكرا بشكل طفل فى رابعه ابتدائى و اشار الى توك توك و هو يلاحظ السيارات التى تتبعه و فهم فورا بذكائه ازاى العصابه عرفته رغم تنكره فقد اخطا و قال لسائق التوك توك( احلى صباح) فعرفو على طوول انه هو عشان حرفين الالف و الصاد المشهور بيهم المهم رمى (ا-ص) سواق التوك توك و ساقه هوا و تذكر كيف كان اباه يعلمه فى الخمسينات كيفيه قياده التوك توك عشان يبقى جاسوس جامد المهم... انحرف فى حته ضلمه و انحرفت العصابه وراه و ظهر هو فخرج من سياره العصابه 100 شخص مسلح لكنه اخرج مسدسه ابو 6 طلقات و ضرب رشاشاتهم كلهم من غير ما يجرح حد فيهم و بعدين للاسف معدش فيه رصاص لكن (أ-ص) رجل المواقف الصعبه دور الضرب فيهم ففقد 65 واحد منهم الوعى لكن التانيين فهموا الخدعه فعملو دايره حوله لكنه طار فى الجو و نزل عليهم كلهم ووصلت الامدادات وجه 200 واحد لكنه ضربهم برضه ووصل 500 واحد كمان فالكثره غلبت الشجاعه يعنى حوالى 800 على 1 يكون موقف صعب فوقع (أ-ص)فاقد الوعى امام العدو اللدود ... الفظيع الشنيع المريع والله ما يحصل!!! افاق (أ-ص) فوجد نفسه فى مخزن وبجانبه المحروس (قدرى ) كالعاده مربوط .و امامهما سونيا جراهام مزه زى القمر ... (أ-ص) : ايه الحلاوه ده يا سونيا ؟؟ انت كل ما تكبرى تحلوى !! سونيا : مش احسن منك انت اللى مبتكبرش خالص يتمتم (أ-ص) :ياللنساااء!!! ويسألها :ليه انتو قطعطو الميه عن نص البلد و الناس مش لاقيه تشرب و بتشرب ميه مجارى و مش لاقيه تغسل و بتغسل فى الترعه ؟؟ سونيا : عشان الشعب يفتكر ان الحكومه بتاعتكم هى اللى عامله كده؟ -يقول (ا-ص) : يعنى بجد والله الحكومه ملهاش ذنب ؟؟؟؟؟؟؟؟؟؟؟؟؟؟؟؟؟؟؟؟ سونيا : لأ طبعا .... حكومتكم احسن حكومه دلوقتى ..الشباب كلهم بيشتغلو...الجنيه بقى اغلى من الدولار....الاسعار نزلت...الانترنت بقى ببلاش فى البيوت....مافيش حاجه بتتباع فى البلد...الفضيله انتشرت فى البلد.. ولغو كل القنوات اللى بتتحدى الملل..الميه واصله البلد كلها و المواسير بقلها250 سنه متغيرتش عشان المحافظه على التراث..انتو اللى شعب غلباوى.. غلباوى.. غلباوى اوى....... (أ-ص) ما تلمى نفسك بقى قطع (أ-ص) قيوده فجأه و متسألش ازاى ((اه نسيت اقول فى المقدمه انه يجيد التخلص من كل القيود و الاصفاد اللى فى الدنيا)) وصفع سونيا جامد يعنى لكن الحارس جه من ورا ادهم و ضربه و لكن فجأه ظهرت منى (اللى عندها اصلا كام و خمسين سنه) من ظهر الحارس و ضربته و انقذت الموقف ...نظر (أ-ص) فى عين منى و قلها تتجوزينى ؟؟ ترد منى فى حياء : ما ينفعش عشان انا جسمى كله واوا ..يغضب(أ-ص) و يخرج من المكان وهو يغنى (ليك الواوا بوس الواوا خلى الواوا يصح) وهو فى الطريق ينحرف الجميع الى اقرب بيت و يطلبو ا منه بعض الماء ليشربوا ... لكن صاحب البيت الحاج بيومى يخرج بمقشه هو و اولاده ويخطفون (أ-ص) ورفاقه و هم يصرخون ((زى ما العصابه خطفت ابنى محسن انا كمان هخطفكم انتو جايين تطلبوا ميه ؟؟؟؟؟؟ هوا فى ميه يا ولاد الذينــــــــــــــــــــــــــــــــــــــا؟؟؟ بكده انتها الجزء التاسع -كيف يخرج (أ-ص) ورفاقه من عند الحاج بيومى ؟؟ -كيف يستطيع (أ-ص) بعد كل هذه الصعا ان يحصل على كوز ميه عشان يشرب ؟؟ -هل يستطيع (أ-ص)ان يحرر محسن ولا هيسيبه يولع بجاز؟؟ -هل يستطيع (أ-ص) ان يوضح الموقف للرأى العام وهو ان حكومتنا زى الفل و دايما الغلط على الاعداء؟ ـــــــــــــــــــ سيب اللى فقيدك و قاتل ب قلبك و رجلك و كبدك مع راجل المستحيل ـــــــــــــــــــــــــ :d كده خلص الفيلم الاول و النهايه مفتوحه حطوها برحتكو ا الفيلم القادم بعنوان (معبوده جماهير 2008 ) انتظرونا عاوز ردود حـــــــــــــــــــــــــلوه |
||||||||||
|
التعديل الأخير تم بواسطة memomostafa2010 ; 03-10-2008 الساعة 06:27 AM
|
| إعلانات google |
|
|
|
03-10-2008, 06:38 AM
|
#2 | ||||||||||
  
|
الفلم الاول مكرر بس حلو و العضو diablo حطو قبل كده شكرا |
||||||||||
|
|
|
03-10-2008, 06:49 AM
|
#3 | ||||||||||||
|
|
||||||||||||
|
|
 |
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| هتموت من الضحك | aaaaa200123 | بـعـيـدآ عـن سـيـلـك رود | 2 | 24-10-2012 01:35 PM |
| هتموت على نفسك من الضحك يعنى هتموت على نفسك من الضحك | !_ToGoO_MorY_! | بـعـيـدآ عـن سـيـلـك رود | 30 | 07-04-2011 04:19 PM |
| ®[سلسلة الضحك هتموت من الضحك]™ | Wally | بـعـيـدآ عـن سـيـلـك رود | 46 | 10-04-2010 02:30 AM |
| فيلم الانيمى الاكثر من رائع جمد طحن هتموت يعني هتموت من الضحك | King_Cribo | بـعـيـدآ عـن سـيـلـك رود | 17 | 07-07-2009 02:54 AM |
| فيلم معبوده الجماهير 2008 هتموت من الضحك | memomostafa2010 | بـعـيـدآ عـن سـيـلـك رود | 14 | 06-10-2008 03:04 PM |
.gif){kind=icon}
العرض العادي
