الدعــــــــــــــــــــــــــــــــــاء ....( الجزء الأول : لماذا نترك الدعاء؟)

[poiu]

الجـــــــــــــــــــــــــزء الأول

" اول سببين "

لماذا نترك الدعــــــــــــــاء ؟؟؟؟

في الجزء ده هنسأل ليه مبندعيش
ونحاول نحل العوائق الي بتمنعنا من الدعاء
عشان ناخد قرار : خلاص هندعي

بداية ليه أحيانا تلاقى واحد عنده مشكلة أو مشاكل كثير ومع كدة مبيدعيش ؟؟؟لو جينا فكرنا وسألنا أمتى ممكن تطلب من حد حاجة (والسؤال هنا عن البشر ) ؟ لو فكرنا كده هنلاقي لو توافرت أربع شروط أكيد هتطلب

1) إنك تكون محتاج الحاجة دى : لإنك لو مش محتاجها طبيعى مش هتطلب

2) إن تكون واثق إن الشخص الى هتطلب نه يقدر يحقق طلبك : فلو مش واثق مش هتطلب

3) إنك تعتقد إنه هينفذلك طلبك لإن ممكن يقدر لكن مش هينفذلك طلبك ففى الحالة دى مش هتحرج نفسك وتتطلب

4) إن ميبقاش عندك مشكلة فى الطلب : بمعنى ممكن جدا تكون محتاج حاجة وعارف الى يقدر عليها وعارف إنك لوطلبت هينفذ هالك ولكن مش قادر تطلب !

يا أما مستكبر تذل نفسك له ... أو متعرفوش فمش قادر تطلب منه ...
لكن لو الأربعة موجودين غالبا هتطلب .




ونقيس على الكلام دة فين مشكلتنا مع الدعاء ؟

وهنذكر 6 أسباب

1) ياترى أحنا مش مستشعرين إحتياجنا لله ؟؟ وافتقارنا إليه ؟؟

سبحانه قادر علينا لو لم ييسر لنا دخول وخروج النفس لما تنفسنا !
لو لم يأمر القلب بالنبض لتوقف ، لو أمر بأخذ أبصارنا لعمينا
لو أمر خلية بنشاط زائد لأصابنا السرطان
فكيف لا نشعر بالإفتقار له وإحتياجنا إليه !!!!!!

{قُلْ أَرَأَيْتُمْ إِنْ أَخَذَ اللَّهُ سَمْعَكُمْ وَأَبْصَارَكُمْ وَخَتَمَ عَلَى قُلُوبِكُمْ مَنْ إِلَهٌ غَيْرُ اللَّهِ يَأْتِيكُمْ بِهِ انْظُرْ كَيْفَ نُصَرِّفُ الْآيَاتِ ثُمَّ هُمْ يَصْدِفُونَ} [الأنعام : 46]

{قُلْ أَرَأَيْتُمْ إِنْ جَعَلَ اللَّهُ عَلَيْكُمُ اللَّيْلَ سَرْمَدًا إِلَى يَوْمِ الْقِيَامَةِ مَنْ إِلَهٌ غَيْرُ اللَّهِ يَأْتِيكُمْ بِضِيَاءٍ أَفَلَا تَسْمَعُونَ 71 قُلْ أَرَأَيْتُمْ إِنْ جَعَلَ اللَّهُ عَلَيْكُمُ النَّهَارَ سَرْمَدًا إِلَى يَوْمِ الْقِيَامَةِ مَنْ إِلَهٌ غَيْرُ اللَّهِ يَأْتِيكُمْ بِلَيْلٍ تَسْكُنُونَ فِيهِ أَفَلَا تُبْصِرُون} [القصص 71: 72]

{قُلْ هُوَ الْقَادِرُ عَلَى أَنْ يَبْعَثَ عَلَيْكُمْ عَذَابًا مِنْ فَوْقِكُمْ أَوْ مِنْ تَحْتِ أَرْجُلِكُمْ أَوْ يَلْبِسَكُمْ شِيَعًا وَيُذِيقَ بَعْضَكُمْ بَأْسَ بَعْضٍ انْظُرْ كَيْفَ نُصَرِّفُ الْآيَاتِ لَعَلَّهُمْ يَفْقَهُونَ} [الأنعام : 65]

{أَأَمِنْتُمْ مَنْ فِي السَّمَاءِ أَنْ يَخْسِفَ بِكُمُ الْأَرْضَ فَإِذَا هِيَ تَمُورُ (16) أَمْ أَمِنْتُمْ مَنْ فِي السَّمَاءِ أَنْ يُرْسِلَ عَلَيْكُمْ حَاصِبًا فَسَتَعْلَمُونَ كَيْفَ نَذِيرِ (17)} [الملك : 16 - 17]



2) ولا خايف تدعي وربنا لا يستجيب !

{وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ} [غافر : 60]

{وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ} [البقرة : 186]

فيقينا هيستجيب
وصور الإجابة ثلاثة

قال ـ صلى الله عليه وسلم ـ : " ما من مسلم يدعو الله بدعوة ليس فيها إثم ولا قطيعة رحم إلا أعطاه الله بها إحدى ثلاث .. إما أن يعجّل له دعوته ، وإما أن يدخرها له فى الآخرة ، وإما أن يرفع عنه من السوء مثلها "

أخرجه الحاكم وقال : صحيح الإسناد .

يعني ممكن تعتقد إن الدعوة لم تستجاب ولكنها استجابت بصورة أخرى
وهنتطرق لأسباب إجابة الدعاء في الجزء التاني إن شاء الله
ففي كل الأحوال الدعاء مكسب حقيقي للعبد

فالدعاء نفسه عبادة يغضب عليك الله إن لم تفعلها

لو دعيت ربنا سيعطيك أكثر مما تدعو به

ربنا اسمه الكريم

والكريم يعطي دون سؤال فكيف لو سُأِل ؟
لو سُأِل يعطي أكثر من المطلوب

فمثلا : ربنا أنعم علينا بملاييين النعم دون أن نسأله
من منا دعا الله وهو جنين وتضرع إليه أن يجعله مسلم !!
وأن يجعله معافى وأن يرزقه بصرا وسمعا وأن يعافيه من الأمراض وأن يحسن خلقته وأن.........وأن............!!

حتى فى حياتنا اليومية ملاييييين النعم
من منا بيدعي يارب قلبي يفضل ينبض ، والكلى تفضل تنقي الدم ، ويارب نفسي لا يتوقف ، ويارب الدم لا يتجلط ، ..............
كل شىء بيسير بدقة برغم إننا مبندعيش

فالكريم إذا سُأِل أعطى الكثير

هنتأمل في قصة واحدة في القرآن (قصة زكريا عليه السلام )
وإن شاء الله هيكون عندنا موضوع كامل في رمضان لتدبر موضوع الدعاء في القرآن





ركزوا سيدنا زكريا طلب إيه وربنا أعطى له إيه ...

طلب سيدنا زكريا


{ فَهَبْ لِي مِنْ لَدُنْكَ وَلِيًّا (5) يَرِثُنِي وَيَرِثُ مِنْ آلِ يَعْقُوبَ وَاجْعَلْهُ رَبِّ رَضِيًّا (6)} [مريم : 5 - 6]

{هُنَالِكَ دَعَا زَكَرِيَّا رَبَّهُ قَالَ رَبِّ هَبْ لِي مِنْ لَدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاءِ (38)آل عمران

{وَزَكَرِيَّا إِذْ نَادَى رَبَّهُ رَبِّ لَا تَذَرْنِي فَرْدًا وَأَنْتَ خَيْرُ الْوَارِثِينَ (89 الأنبياء



عطاء الكريم

تأمل كم الصفات والمحاسن التى رزقها الله يحي ولم يدعو بها سيدنا زكريا
والزيادة عليه إنه أصلح له زوجه

{يَا زَكَرِيَّا إِنَّا نُبَشِّرُكَ بِغُلَامٍ اسْمُهُ يَحْيَى لَمْ نَجْعَلْ لَهُ مِنْ قَبْلُ سَمِيًّا (7)} [مريم : 7]

{يَا يَحْيَى خُذِ الْكِتَابَ بِقُوَّةٍ وَآتَيْنَاهُ الْحُكْمَ صَبِيًّا (12) وَحَنَانًا مِنْ لَدُنَّا وَزَكَاةً وَكَانَ تَقِيًّا (13) وَبَرًّا بِوَالِدَيْهِ وَلَمْ يَكُنْ جَبَّارًا عَصِيًّا (14) وَسَلَامٌ عَلَيْهِ يَوْمَ وُلِدَ وَيَوْمَ يَمُوتُ وَيَوْمَ يُبْعَثُ حَيًّا (15)} [مريم : 12 - 15]

فَنَادَتْهُ الْمَلَائِكَةُ وَهُوَ قَائِمٌ يُصَلِّي فِي الْمِحْرَابِ أَنَّ اللَّهَ يُبَشِّرُكَ بِيَحْيَى مُصَدِّقًا بِكَلِمَةٍ مِنَ اللَّهِ وَسَيِّدًا وَحَصُورًا وَنَبِيًّا مِنَ الصَّالِحِينَ (39)}آل عمران

فَاسْتَجَبْنَا لَهُ وَوَهَبْنَا لَهُ يَحْيَى وَأَصْلَحْنَا لَهُ زَوْجَهُ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ (90)} [الأنبياء]




يتبع بباقي الأسباب

فتابعونـــــــــــــــــــــــــــــــــــــــــــ ا

[The_Mask]

جزاك الله خيرا

[Lury]

تسلم بس حاول تختصر احنا شعب يحب الاختصار ^_^

[poiu]

المشاركة الأصلية كتبت بواسطة lury عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تسلم بس حاول تختصر احنا شعب يحب الاختصار ^_^

اكتر من كدا !!

دة انا مختصره علي اد ما اقدر .. اقل من كدا يبئي بلاش منه

[MissDooM]

موضوع جميل

[Kemo Eagle]

ممتاز يمعنى الكلمه

استمر فى السلسله دى بس هتبقى بايخه لو فى كل موضوع سببين

الناس لما تيجى هتقرأ باقى المواضيع هيكونوا نسيو السببين القدام

فــ حاول لو الموضوع بيتكلم ع نحاجه واحده هاتها كلها فى موضوع واحد

الا لو الموضوع هيبقى كبير قسمو على ردين

[Ahmed El basha]

استاذ يا محمد

موضوع رائع

[poiu]

المشاركة الأصلية كتبت بواسطة kemo eagle عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ممتاز يمعنى الكلمه

استمر فى السلسله دى بس هتبقى بايخه لو فى كل موضوع سببين

الناس لما تيجى هتقرأ باقى المواضيع هيكونوا نسيو السببين القدام

فــ حاول لو الموضوع بيتكلم ع نحاجه واحده هاتها كلها فى موضوع واحد

الا لو الموضوع هيبقى كبير قسمو على ردين

يبئي انت مختش بالك من الرد رقم 2

[DeMooN_Hell]

شكرا

[PirateOfHell]

موضوع جميل اوي شكرااا ليك

[☜ ĂиTaKą ☞]

جميل اوى بجد

تسلم