| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
21-03-2013, 01:29 PM
|
#1 | ||||||||||
  
|
 عيد الام ، عيد سنوى بيحتفل بيه فى مصر و اوروبا و امريكا و بلاد كتيره فى العالم. فى مصر بيحتفل بيه فى يوم 21 مارس لتكريم الأمهات بدأ الاحتفال بيه سنة 1956. اول دعوه لعيد الأم فى مصر قام بيها الصحفى و الكاتب المصرى مصطفى امين سنة 1943 فى كتابه "امريكا الضاحكه" لكن ما حدش وقتها اخد باله من الفكره لكن بعدها بعشر سنين راحت واحده ست لمصطفى امين فى مكتبه فى "اخبار اليوم" و حكت له عن قصة كفاحها فى تربية ولادها بعد ما اتوفى جوزها و ما اتجوزتش و كرست حياتها لتربية عيالها. و بقى ابنها دكتور و بعد ما خطب واحده دفعت له المهر و فرشت له الشقه لكن للأسف لما عزل لبيت الزوجيه مشى من بيت امه من غير حتى ما يقولها ميرسى.  اتاثر مصطفى امين بالقصه و فكر فى جحود الاولاد فإبتدا ينادى تانى بفكرة الاحتفال بعيد الأم لتكريم الأمهات. اياميها كانت افكار العروبه لسه مسيطره فى مصر عن طريق الپروپاجاندا اللى النظام الناصرى كان مدورها وقتها و مالى بيها روس المصريين ، فهاجمت الجرانيل مصطفى امين و اتهمته بإنه بيشغل المصريين عن موضوع غزو تركيا لسوريا، و جمال عبد الناصر نفسه اللى كان وقتها ملهى و لاهى المصريين فى مشاكل العرب بدل ما يشوف مشاكل مصر و ينهض بيها اعتبر فكرة الاحتفال بالأم و تكريمها فكره سخيفه، لكن مصطفى امين استمر فى دعوته و راح لكمال الدين حسين اللى كان وقتها وزير التعليم و عرض عليه الفكره. كمال الدين حسين كان بيحب أمه قوى فقبل الفكره و رحب بيها و اتكلم مع جمال عبد الناصر فى الموضوع و قدر يقنعه لإن عبد الناصر كان بيحبه. نجحت الفكره و بدأ الاحتفال بعيد الام فى مصر فى 21 مارس 1956. و استمر الوضع على الحال ده لغاية سنة 1965 لما عبد الناصر اعتقل مصطفى امين و سجنه، و خاف النظام الناصرى ان الاحتفال بعيد الام كل سنه ممكن يخلى المصريين يفتكرو صاحب الفكره مصطفى امين، فراح مغير اسم عيد الأم لعيد الأسره، لكن برقيات الامهات من كل النواحى انهالت على الديكتاتور فإضطر إنه يرجع اسم عيد الأم.  فى عيد الأم بيهنى الأطفال و الكبار امهاتهم و بيهدوهم هدايا و ساعات بيتعمل احتفال اسرى صغير مليان بجو الحب و بتنتشر فى هوا مصر اغانى بتمجد الأم و من أشهر الأغانى دى أغنية " ست الحبايب " من ألحان الموسيقار المصرى محمد عبد الوهاب.  اتعرض عيد الأم و اسم عيد الأم لهجوم من المتطرفين الظلاميين عدوين الفرحه الانسانيه و الحب و بهجة الاعياد و بحقوق الستات وبالتالى الأمهات ، فقالو انه بدعه و ان كلمة "عيد" المفروض تبقى "يوم" بس عشان يفضو محتوى الفكره الجميله من معانيها و يقضو عليها، لكن العيد و اسمه استمرو و فضل المصريين يحتفلو بيه و يكرمو امهاتهم كل سنه فى 21 مارس مع بداية فصل الربيع رغم كل المحاولات الاستبداديه و الظلاميه اللى اتعرض لها العيد. و ده شعر جميل (انصحكم تقولوه لآمهاتكم)  اسألي دمي وسعادتي وهمي اسألي التوفيق والقدر والضيق اسألي الدعاء اللي في صلاتي والدموع اللي في سجودي اسألي دمي عن حبك يا أمي  في الطفولة علمتيني قبل ما أنطق بالكلام وفي شبابي بترعيني لما بسهر ولا أنام صدقيني يا ضي عيني حبك أنت مش كلام يبتدي في لحظة ميلادي شمعة تضوي في الظلام ست الحبايب والحنان أنتي يا أمي لو كنت صغير ولا كبير تتبطبي وتضمي تفرحي لفرحي وفي الشدة بتحملي همي ساكنة في قلبي وأسمك بيجري في دمي لما أزعل بترضيني لما امرض بتدويني أمي أنت في نن عيني حبيت الكون علشانك وفي قلبي وروحي مكانك تسلملي كلمة يا ضنايا لما ينطقه لسانك أمي يا كل الأمان أمي يا نور في طريقي أمي يا حضن الحنان أمي يا حبي الحقيقي ماما يا لحن في الوجدان يا همسة حب .. يا موجة حنان في عيدك بتخضر الالوان وبحبك ينطق قلبي الولهان ماما حبيبتي حبك في قلبي طول الليالي حافظ ودادك .. كاره بعادك لوغبتي عني روحي تخدني لحد عندك وأنول بقربك وأعيش معاكي عالم خيالي اسمك زي شعاع النور بيدخل قلبي يمد جسور أنت حبيبتي يا أمي الغالية ليكي بوسه وعقد زهور ليكي شوق وحنين ومحبة بيخليني بيكي مسحور ماما حبيبتي يا أطيب قلب اسمك موجة في بحر الحب كلمة رقيقة بسمة بريئة تفتح قلبي وتمحي الذنب جيناكي يا نينة يا زينة يا حب غالي آوي علينا جيين نجمع بعضينا في عيدك بتخضر أمانينا أنت اللي غاليا علينا وانت اللي ضي عنينا تمر الايام وحبك طول عمرة في القلب يا نينة يا طيور الكناري يا زهور البراري ميلوا وغنوا شمال ويمين غنوا معايا لنور العين ماما يا ماما يا نور العين غنوا معايا صبح وليل لأمي حبيبتي كل الخير ماما يا نبع المحبة والحنان قلبي بين أديكي عرف معني الأمان أنتي السما والأرض أنت جنتي أنتي وطن قلبي علي طول الزمان لو كان بأيدي لو كان لعملك الدنيا بستان ورد و فل وريحان وأهدية ليكي يا امي كلمة منك تحميني بوسة منك تحييني بيبقي الكون في أديا لما يا ماما تضميني الدنيا أم وأمي أوطان عنيكي ملجئ قلبي الولهان لمسة أيدك كل الحنان تحت رجلك جنة رضوان ربي يخليها طول الزمان عيدك يا أمي اسعد الأعياد لولاكي يا أمي مكنش ليا ميلاد قلبك بيرعاني يا بهجة القلب مش ممكن ينساني في البعد والقرب يا ما شلتيني وتعبت إديكي وربتيني بدموع عنيكي عمري ما أنسي أبدا دعاكي قلبي وروحي ديما فداكي لولاكي يا ملاكي قلبي بلا دقات ليلي بلا سهرات عمري صدي حكايات لولاكي يا أمي يا كل الأحلام يا صوت المواعيد نجمة ما بتنام يا كل الأناشيد غنيتي ليا عشان أنام ودبحتي ليا جوزين حمام حضنك أنت الأمان لمسة كل الحنان بسمتك تضوي المكان يا ماما ما في زيك في الدنيا قلبك حنين عليا يا أغلي من ضي عينيا الدنيا في عيدك تغني وأحبابك جيا تهانيكي وأنا قلبي بيرقص من الفرحة يوم عيدك ربي يخليكي أمي الحبيبة إطمني يالي حضنك شال همومي وضمني كل سنة وأنت طيبة يا أمي يا أجمل ما في الدنيا يا أمي أنا عمري ما أنسي يا امي حنانك لما تضميني مابين أحضانك ليكي بسمة ليكي غنوة ليكي حبي وروحي عشانك قلبي دق لما كنت أنا الوليد أمي أنتي بسمتي وقلبي السعيد ضمتيني كنت في الشدة ترعيني ولما ابكي تمسحي دمعي الشريد عشق الكون وياكي حكاية يالي صلحتي الحب معايا أنتي يا أمي اغلي هدية ربي وجدها في دنيايا نينة يا ست الكل يا نور في طريقي يهل يا وردة يا عنقود فل يا قمر ليالينا لما يطل فيديو ست الحبايب [YOUTUBE]hOcllIlWBac[/YOUTUBE] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] وكل سنه و انتم طيبين |
||||||||||
|
التعديل الأخير تم بواسطة !! Prince World !! ; 21-03-2013 الساعة 06:23 PM
|
| إعلانات google |
|
|
|
21-03-2013, 01:38 PM
|
#2 | ||||||||||
  
|
الله ينور موضوع رائع :fruits_cherry: |
||||||||||
|
|
|
21-03-2013, 02:04 PM
|
#3 | ||||||||||
  
|
رائع ♥ |
||||||||||
|
|
|
21-03-2013, 02:19 PM
|
#4 | ||||||||||
|
تسلموا يا رجالة |
||||||||||
|
|
|
21-03-2013, 02:25 PM
|
#5 | ||||||||||
  
|
جميل جدا ....تسلم |
||||||||||
|
|
|
21-03-2013, 02:36 PM
|
#6 | ||||||||||
  
|
جميل جدا  |
||||||||||
|
|
|
21-03-2013, 02:43 PM
|
#7 | ||||||||||
 
|
جميل جميل |
||||||||||
|
|
|
21-03-2013, 03:30 PM
|
#8 | ||||||||||
  
|
حلو اوى و طريقه عرضك للموضوع احلى :flowers: يثبت بمناسبه عيد الام  |
||||||||||
|
|
|
21-03-2013, 03:34 PM
|
#9 | ||||||||||
|
جميل جدا |
||||||||||
|
|
|
21-03-2013, 06:16 PM
|
#10 | ||||||||||
|
تشكرو يا رجالة ... وبالمناسبة ده احب اوجه رسالة لى امى ست الحبايب يا حناناننتا  |
||||||||||
|
|
|
21-03-2013, 06:25 PM
|
#11 | ||||||||||
|
رائـــع وست الـحبـايـب يا حــبــيــا  |
||||||||||
|
|
|
21-03-2013, 06:25 PM
|
#12 | ||||||||||
|
تسلم ^^ |
||||||||||
|
|
|
21-03-2013, 06:27 PM
|
#13 | ||||||||||
 
|
جميـــل جداااااااا  |
||||||||||
|
|
|
21-03-2013, 06:29 PM
|
#14 | ||||||||||
  
|
رائع ♥ و كل عام وجميع الامهات بخير |
||||||||||
|
|
|
22-03-2013, 04:06 AM
|
#15 | ||||||||||
|
كل سنه و انتوا طيبين ,, مااااااااااااء |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| قلب الأم !! | Klypto | بـعـيـدآ عـن سـيـلـك رود | 1 | 18-01-2010 01:02 AM |
| احذروا غضب الأم..... | CoNaN_MoSLiM | بـعـيـدآ عـن سـيـلـك رود | 3 | 17-06-2008 04:18 PM |
| قصه قصيره (الأم) | _spideregypt_ | بـعـيـدآ عـن سـيـلـك رود | 1 | 03-06-2008 07:11 AM |
.gif){kind=icon}
العرض العادي
