.•°« إن لـم تـكـن ذئـبـاً ... أكـلـتـك الـذئـاب »°•.

[Stǿρ_Iąm_Tǿρ]

أهــلاً ومــرحـبـاً أعـضـاء وزوار مـنـتـدانـا الـعـزيـز SilkRoad4Arab





إن لـم تـكن ذئبـاً أكلتك الذئـاب



فى يوم من الأيام نصحنى واحد وقالى :



إن لم تكن ذئبا أكلتك الذئاب






طلب منى انى افكر واستفيد من المثل دا فى حياتى

عشان اعرف اعيش فى وسط الزمن اللى احنا فى دا بقوة وبثبات





قعدت افكر فى كلامو وبدأت اعمل بالنصيحة

لأن الذئاب و المخادعين دايماً موجودين حولى وعانيت منهم كتير





وحاولت إنى أتأقلم على العيشة كذئب فى الزمن

اللى بتحكمه شريعة الغاب .. شريعة القوى ياكل الضعيف و يمسحه من الوجود





وروحت أدرس واتعلم ازاى الذئاب دول بيفكرو من حيث الخداع و المراوغة

قبل ما ينقضو الانقضاض على فريستهم وينهشو فى لحمها





ولكن اكتشفت ان الذئاب دى أرحم من كائن منتشر فى الزمن دا وهو الذئاب البشرية





كائن شبهنا من شحم ولحم و لسانو معسول وكلامو موزون

و لكن قلبه قلب ذئب يخدعك بأى طريقة عصرية و يصطادك على سهوة من غير ما تعرف ولا تعمل احتياطاتك





وروحت حاولت ادرس طريقة تفكير الاتنين الذئب و الذئب البشري

عشان ابقى انسان زى اى واحد ورغبتنى فى اثبات نفسى وذاتى

ورغبتنى أن أصير ذئبا كي لا تأكلني الذئاب





بدأت أموت كل حاجة حلوة جوايا من مشاعر عاطفية وكلام معسول إلى مشاعر ميتة وكلام حلو كلله كدب





وتانى حاجة عملتها بدأت اهتم بمظهرى الخارجة من حلاقة ولبس شيك وبرفانات وغيرو





وبعدها اتعلمت شوية حيل وخدع بالكلام

كنت بس بتعلم ازاى هوما بيقولى كدا و أدرب نفسي تدريجياً ومبدأتش لسه فى التنفيذ





وفى الوقت اللى انا مهتم بيه بتنفيذ اللى اتعلمته بصيت لنفسى فى المراية

لقيت وش وشكل واحد معرفوش !!! حسيت انى مش شايف نفسى فى المراية





حسيت بخوف من نفسى وقعدت مع نفسى فى لحظة تفكير عميقة





فكرت اكتر من مرة وراجعت نفسى بدل المرة مليون

وافتكرت كل واحد خاننى وطعنى فى ضهرى لدرجة اننى معرفتش اعدهم

لكن لما فكرت بدقة لقيت ان كل الناس دى متساويش انى اغير نفسى عشانهم

مفيش حد منهم يستحق انى اتحول لذئب





تأكدت انى مينفعش اكون ذئب أنا إنسان

ومش أى إنسان أنا انسان مسلم وعلمنى دينى القيم إنى أكون

فى ضهر صاحبى أو اخويا لو احتاجنى




عمرى ما حبقى ذئب مهما عملت الـذئـاب البشرية من حواليا

حفضل دايماً مخلص وصادق مع الناس





لن أكون ذئبا حتى لو أكلتني الذئاب