قــرب قــرب قــرب ، قــرب واتـفـرج يـا بـيـه ،، قـرب يـا كـابـتـن ..

[Kemo Eagle]

بتصلى صح ؟ اجابتك آه ، اجابتك لأ انا مش عاوز اعرفها انا عاوزك تقرأ الموضوع لانك فى الحالتين ان شاء الله هتستفاد

✿ ✿ ✿

طبعا معظمنا بيصلى لكن هل بتحس بالراحه بعد مابتصلى ؟
جيت كده فى مـره وانت مخنووق قولت انا هشكى لـ ربى
بدل ماشكى لواحد صاحبى ولا اخويا ولا ابويا .. إلخ

وكلنا عارفين ان الشكوه لغير الله مذله

✿ ✿ ✿

طب مانيجى نعرف حاجات بسيطه يعنى نقدر نقول شئ من التفصيل
عن الصلاه واهميتها وفضلها ، تيجوا يلا ؟

✿ ✿ ✿

كلنا عارفين ان الصلاه الركن الثانى من اركان الاسلام

✿ ✿ ✿

وبردو عارفين ان اول حاجه هنتحاسب عليها يوم القيامه هى الصلاه

✿ ✿ ✿

واول ما يُرفع من اعمال الامه هى الصلوات الخمسه

✿ ✿ ✿

واللى يحفظ الصلاه يبقى حفظ دينه وحفظ نفسه لان كلنا عارفين ان الصلاه تنهى عن الفحشاء والمنكر

✿ ✿ ✿

وان ربنا سبحانه وتعالى أمر بالمحافظه على الصلاه فى السفر، والحضر، والسلم، والحرب، وفي حال الصحة، والمرض

✿ ✿ ✿

وكمان الصلاه علامة محبه العبد لـ ربه طب يا راجل يا طيب
مش انت بتقول انك تحب ربنا طب ماتصلى اثبت انك بتحبه بصلاتكـ وانت كمان بتقول الحمدلله على كل حاجه بتحمده صح ؟ طب اثبت انك بتحمده وتشكره بـ صلاتك كـلـه الا صــلاتكــ ..

✿ ✿ ✿

ونيجى لنقطه مهمه نختم بيها موضوعنا
ان تارك الصلاه كافر زى مالحديث بيقول تعالوا نقرأوا سوا

« إن بين الرجل والكفر والشرك ترك الصلاة » [رواه مسلم].

مش مقتنع بردو صح ؟ طب ماتيجى نشوف حديث تانى

« العهد الذي بيننا وبينهم الصلاة؛ فمن تركها فقد كفر » [رواه أحمد وأهل السنن بإسناد صحيح]

لأ وايه بقى اللى انت متعرفوش ان اللى مش بيصلى بيتم التعامل معاه كـالأتى
لا يُغَسّل، ولا يُكَفّن، ولا يُصلى عليه، ولا يُدفَن في مقابر المسلمين، ولا يرثه أقاربه، ايه ياعم اومال فلوسه تروح فين ؟؟ فلوسه تروح بيت مال المسلمين يا معلم :) وطبعا لو قعدنا من هنا لـ بكره عشان نقول الاحكام المترتبه على ترك الصلاه مش هنعرف

✿ ✿ ✿

وفى اخر الموضوع احب اقولكم جمله واحده بس
صلاتك حياتك ♥ حافظ على صلاتك تعيش مرتاح

يُسمح بالنقل للافاده