شركه qnet

[iSlaM_SolM]

يا شباب فى شركه اسمها qnet )‎‏‏. الشركه دى انها انك بشترى منتج وبعدين بتجيب ناس تشترى نفس المنتج وانت بتاخد عليهم فلوس وكل ما هما يجيبو ناس انت بتزيد فلوس فى الشهر انا ليا ناس صحابى فيها وليا واحد صاحبى فيها وقبض 1.5000 جنيه الشهر ده عشان جاب 6
الهم انا عاوز اعرف الشركه دى بعد كدا هتنصب ولا ايه مع ان بسمع انها شغاله فى الموضوع ده من زمان
انا عاوز اعرف منكو لو حد سمع عن الشركه دى او يعرف اى معلومات عاشن انا عاوز اخش فيها

[omar007]

اه انا كنت هخش الحوار ده
استنى هقولك اللى اعرفه

[omar007]

الشركه مش نصب خالص خالص
الشركه ليها منتجات بس وكله ب الدولار
1-اكسسورات مجوهرات وساعاتوخواتم وكده والساعات هى اللى شغاله اكتر حاجه فى مصر عشان رخيصه
2- فلترات منقيا لمياه ودى بتنقى المياه فى 7 مراحل افضل منقى فى العالم
3-تذاكر سياحيه ل5 فنادق فى مصر مش فاكرهم اوى ( مرسى علم - دريم شرم _وريزورت الغردقه _ وواحد فى الهرم كده ومش فاكر تانى )
4- بتديك تخفيض على المكالمات الدوليه بنسبه كبيره جدا الدقيقه لامريكا ب 58 قرش فقط
5 - منتجات الطاقه اللى هى باور بالنس وشبها
6-تعليم كورسات الكترونيا وبتاخد شهاده معتمده من جامعه بريطانيه و

انا حابب اقولك ان الشركه دى مش نصابه خالص بجد واعرف ناس فيها
ولو ضربت معاك بتعدى اوى اوى فيها انت وشطارتك وعلاقاتك

انت بس اقعد مع اى كوتش اكيد هيشرحلك
بس هى مش نصب نهاااااائى
كيو نت كانت عامله اعلان على تى شيرت البرازيل كاس العالم 2006
وبتمتلك حاجات كتيره
وبعدين انت هتدفع وهيوصلك المنتج وبعديها هتعمل دعايا ويوصلك على الاكونت بتاعك نصيب
والشيك هيوصلك كل يوم ثلاثاء لو اتعاملت مع ناس وجبت يعنى

والتيم بتاع مصر اقوى تيم لشركه وكل جمعه بيكون فيه مؤتمر فى قاعه المؤتمرات
وسنويا بيكون ف الانتر كونتننتال
وفيه ناس كتيره داخله فيها
زى خالد الغندور ومحمد صبحى واحمد حلمى وناس تانيه كتير

[iSlaM_SolM]

الكلام اللى انا سمعته من اصحابى اللى فيها طمنى وانت كمان طمنتنى وان شاء الله ربنا يسهل وادخل
انا بس كنت قلق من النصب فى المستقبل :d

[.-Carica-.]

بالتوفيق

[™SilverEye™]

بس يا برنس هفهمك الشركه دي ماشيه ازاي علشان انا شغال في حاجه اسمهاtvi زي دي وتختلف في حاجات بسيطه

انا هقولك ع الخلاصه دي زي المصفوفه بتجيب نـاس تحتك وكل متجيب ناس كل متبقي فوق والفلوس بتعتك بتزيد
وهكذا لحد متبقي ع راس مجموعه بتاخد مبلغ معين وبعد كده ما عليك الا انت تجيب 2 اولا 3 يدخلوا الشركه ويبقوا تحتك في المصفوفه دي

وبعدين انت وشطارتك بقي زي مقالك عمر

[™_MIZ0_™]

ربنا معاك

[MadOmar]

هيا مش نصب

بس هيا صعبة وعايزة دراسه مش زي ما انت فاكر كل ما تجيب واحد تزيد في الفلوس

لا دي ليها طريقة في الحساب بتختلف من شركة لشركة

غير كدة فيها كلام حلال وحرام


اقرا اللينك ده هيفيدك اوي هوا طويل بس اقرا هيفهمك حجات كتير

وده فيديو لرأي الشرع في تحريمها وتحليلها

[YOUTUBE]H4ZfsSs6HBo[/YOUTUBE]

[YOUTUBE]Yyk5Z5zsus4[/YOUTUBE]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[!! Prince World !!]

كنت هدخل فيها بس ماشتغلتش عشان في واحد شيخ بيقولي فيها شبة حرمانية

لان انت مش عارف الفلوس دي بتروح فين !

[☜ ĂиTaKą ☞]

يعني حلال ولا حرام الكلام ده

!! !! !! !!

[™MetaLHead™]

كل الشركـــــــــات عبارة عن ناس بتورط نــــــــــاس .... ده المختصر المفيد :disgust1:
و هتوصل لمرحلة معينة و السوق هيحصــــــــلوا تشبع
ثايـــــا هى حرام لانه ربح من غير تعــــب لانك لما توصــــــل لمكان و ناس كتير تحتيك هتخقق ربح من غير شغل و تعــــب
ثانيا النطام ده مش موجود الا فى الدول النامية زى مصر و الهند و بعض الدول الافريقيا !
يعنى ممنوع فى اوروبا و U.S.A علشان بيفسد اقتصاد البلد
يعنى تخيل معايا لو واحد بيحقق ربح كويس , ممكن يبقتكر فى الشغـــــــــــل ؟!

[عادل 1]

تحذير تحذير تحذير

الشركة رائعة وانا كنت هشترك فيها ونزلت مع كوتش وفهمنى كل حاجة

بس جميع المشايخ قاله عليها حرام

انا احذرك منها رانها ربا ربا ربا

يا راجل دة الدكتور احمد جمعه بنفسه حرمها ( للعلم انا شاكك انه قال عليها حرام بس انا شفت موضوع فى اليوتيوب بس ممسوح )

لاكن مشايخنا الكرام قالوا عليها حرام اذكر اسم واحد الشيخ العلامة مصطفى العدوى ربنا يبارك فيه

يارب تسأل كويس ومش تسأل اى حد

عندك القنوات الاسلامية الناس الخليجية الرحمة ادخل واسأل اى شيخ بس يكون يعرف فيها

مش تسأل شيخ اول مرة يسمع عنها ويقولك حلال !

يارب تفهم المكوضوع كويس لانه ربا

{يَا أَيُّهَا الَّذِينَ آَمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ وَإِنْ تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ} [البقرة: 278، 279].

[7amomagzara]

بوس يا معلم عايز تخوش خوش بس هيا شركه نصابه تعود تجمع فلوس من الناس و تديك فتافيت ومتسمعش كلام اي حاد عشان هو بيبقي عايز مصلحته بس و هو يعود يقولك A+ و مش A+ انا عن نفسي لبست خزوق في الفلتر السبع مراحل دوت ومش عارف ابيعه لغيت دلوقتي و هو اساسا مش هيجبلك ال 5500 جنيه و دي نصيحه مني اوعي تدخولها و هو في الاول و الاخر فرارك انت
سلام :disgust1: