تعادل عادل بين الزمالك والأهلي في الموقعة الأفريقية

[DiaBlo]

– انتهت مباراة القمة التي جمعت بين قطبي الكرة المصرية الزمالك والأهلي بالتعادل بنتيجة 2-2 في الجولة قبل الأخيرة لدور المجموعات لدوري أبطال أفريقيا مساء الأحد.

بهذا التعادل يكون الأهلي قد ضمن تصدره للمجموعة الأولى بغض النظر عن نتيجة مباراته مع أسيك في القاهرة في حين تأزم موقف الزمالك الذي يحتل المركز الأخير برصيد 5 نقاط بفارق الأهداف عن فريق أسيك ابيدجان العاجي.

تقدم الأهلي أولا عن طريق اللاعب فلافيو في الدقيقة 8 ، وعادل الزمالك النتيجة عن طريق جمال حمزة في الدقيقة 41. ثم تقدم الزمالك بهدف لأجوجو في الدقيقة 50 ، وتعادل للأهلي محمد أبو تريكة في الدقيقة 70.

أصيب اللاعب هاني سعيد في تمارين الإحماء قبل المباراة ليتم استبعاده من المشاركة مع الفريق الأبيض في اللقاء الحاسم وشارك اللاعب أسامة حسن بدلا منه.

بدأ الزمالك المباراة بقوة، وقاد اللاعب أحمد غانم سلطان هجمة من الجبهة اليمنى وأرسل عرضية خطيرة لم تجد أجوجو في الدقيقة الثالثة.

وفي الدقيقة الرابعة تلقى اللاعب محمود فتح الله بطاقة صفراء مبكرة بعد عرقلته لمهاجم الأهلي فلافيو.

توالت الهجمات من الجبهة اليمنى للزمالك والتي شكلت بعض الخطورة على مرمى الفريق الأحمر.

ورد الأهلي بهجمة خطيرة من نفس الجبهة عن طريق الفنان محمد أبو تريكة الذي أرسل كرة عرضية متقنة مرت أمام فلافيو.

ولكن الأهلي لم ينتظر كثيرا ونجح فلافيو في وضع نادي القرن في المقدمة في الدقيقة الثامنة بعد تحويل كرة مواطنه جيلبرتو في الشباك البيضاء.

اتسم أداء الزمالك بالتوتر بعض تلقي هدف مبكر وحاول جاهدا الرجوع في المباراة بإحراز هدف التعادل عن طريق انطلاقات المجتهد الغاني أجوجو.

وعلى الرغم من تقدمه بهدف، لم يهدأ الأهلي وواصل تهديده لمرمى عبد الواحد السيد ولكن هذه هي المرة عن طريق رأسية قائد المنتخب أحمد حسن في الدقيقة 26.

وبمرور الوقت امتلك لاعبو الأهلي وسط الملعب، وكاد اللاعب رامي عادل أن يضيف الهدف الثاني في الدقيقة 29 برأسية من ضربة ركنية لكن عبد الواحد السيد كان في المكان المناسب.

ورد الزمالك بهجمة معاكسة بعد أن مهد عمرو الصفتي الكرة برأسه إلى أجوجو لكن أمير شتت الكرة بقبضته ليبعد الخطر عن مرمى الفريق الأحمر.

انتفض الزمالك بعد مرور نصف ساعة، وكاد جمال حمزة أن يعدل النتيجة للقلعة البيضاء برأسية قوية من ضربة ركنية لكن أمير عبد الحميد تصدى لها ببراعة.

ومرة أخرى انطلق أجوجو في الجبهة اليمنى وراوغ أحد لاعبي الدفاع وسدد بقوة لكن كرته علت العارضة لتضيع فرصة التعديل على الزمالك.

وتحمل الدقيقة 41 تتويج الهجوم الأبيض عندما توغل اللاعب أسامة حسن في الجبهة اليسرى وراوغ لاعبي الأهلي بمهارة ومرر للموهوب جمال حمزة الذي سدد في المرمى الخالي من حارسه.

وبعد هدف التعديل، اقتحم أبو تريكة منطقة الزمالك وراوغ الدفاع الأبيض وسقط لكن الحكم أشار إلى استكمال اللعب دون احتساب ضربة جزاء لينتهي الشوط الأول بالتعادل الإيجابي لهدف بمثله.

وبدأ الشوط الثاني بتبديل أهلاوي بنزول اللاعب أحمد صديق بدلا من أحمد حسن. وشهدت الدقائق الأولى من الشوط الثاني انتفاضة بيضاء أسفرت عن الهدف الثاني عن طريق الغاني أجوجو الذي تلقى تمريرة سحرية من الفنان جمال حمزة وسدد بقوة على يمين أمير عبد الحميد في الدقيقة 50.

وشعر لاعبو الأهلي بالخطر بعد فقدان التقدم بهدف، وأجرى المدير الفني مانويل جوزيه تبديلا ثانيا بنزول سيد معوض بدلا من التونسي أنيس بوجلبان.

وواصل الزمالك صحوته القوية وحاول تهديد مرمى الأهلي مرة أخرى ونجح في ذلك عن طريق تسديدة أسامة حسن القوية التي مرت أعلى عارضة الأهلي بقليل.

وقام المدرب الألماني للزمالك راينر هولمان بإجراء تبديل لتأمين الدفاع بنزول اللاعب كريم ذكري بدلا من محمود فتح الله.

وعلى الرغم من الصحوة البيضاء إلا أن الأهلي لم يرضى بالتأخر بهدف كثيرا حيث مرر فلافيو كرة متقنة لأبو تريكة المنفرد الذي وضع الكرة بمهارة وهدوء على يسار عبد الواحد السيد الذي لم يحرك ساكنا في الدقيقة 70.

عاد الأهلي وامتلك زمام الأمور بعد الدفعة المعنوية الكبيرة التي جاءت حملها هدف التعادل، وكاد الأهلي أن يحرز الهدف الثالث من هجمة مرتدة قادها النجم أبو تريكة ومرر لبركات المنطلق في الجبهة اليمنى الذي سدد لكن الكرة تصطدم في أحد مدافعي الزمالك وتخرج ضربة ركنية.

وعاد الزمالك لتهديد المرمى الأحمر من ضربة حرة مباشرة إلا أن رامي عادل شتت الكرة قبل رأس الغاني أجوجو، وشهدت الدقائق الأخيرة محاولات متبادلة من الفريقين لإحراز هدف قاتل إلا أن صافرة الحكم منعت كل فريق من تحقيق مراده لتنتهي المباراة بالتعادل بهدفين لكل فريق.

[essam1990]

يا مان ده التعادل ده الاهلى بيقدم لهم هديه الاهلى لو بيلعب بزرة حماس كان الزمالك شال ابح
والاهلى ده وطنى ههههه بيسيب لزمالك المتش علشان يصعده مع ان الزمالك متستهلش بص الاهلى قلبه كبير

[Hellz_Lord]

موقعة افريقية ايه يا راجل دانتا شوية شوية و تقولى غزوة بنى ابوتريكة ^^ :d

[DiaBlo]

المشاركة الأصلية كتبت بواسطة essam1990 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يا مان ده التعادل ده الاهلى بيقدم لهم هديه الاهلى لو بيلعب بزرة حماس كان الزمالك شال ابح
والاهلى ده وطنى ههههه بيسيب لزمالك المتش علشان يصعده مع ان الزمالك متستهلش بص الاهلى قلبه كبير

يا عم الحمدلله ان الزمالك صعد بالرغم من اني اهلاوي بس علشان اخواننا الزملكاوية ميزعلوش احنا مصريين في الاول و في الاخر

المشاركة الأصلية كتبت بواسطة hellz_lord عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

موقعة افريقية ايه يا راجل دانتا شوية شوية و تقولى غزوة بنى ابوتريكة ^^ :d

هههههههههههههه بصراحة ابوتريكة جاب جون 10/10

[hellman]

هههههههههههههه بصراحة ابوتريكة جاب جون 10/10

فعلا جون ابو تريكة حلو اوي
عبد الواحد وقف متنح ههههههههههههه

[Amr Mando]

لا تعليق على كلام الاهلاويه عشان محدش يزعل منى

[DiaBlo]

المشاركة الأصلية كتبت بواسطة amr mando عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

لا تعليق على كلام الاهلاويه عشان محدش يزعل منى

اعتقد ضغطك دلوقت بقي معتدل يا عمرو انا لما انتهي الماتش تعادل حمدت ربنا علشان ضغطك ميعلاش احنا عايزينك يابني :d

[Bilamose]

المشاركة الأصلية كتبت بواسطة Amr Mando عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

لا تعليق على كلام الاهلاويه عشان محدش يزعل منى

الحمد لله انه تعادل انتا كنت هتطردنا كلنا:p

[omar007]

اقولك على حاجه
انت ليه متكلمتش على ضربه جزاء الساحر جمال حمزه
و انت هشهد مصر كلها هدف جمال حمزه ولا هدف ايوتريكه و شكرا على التحليل

[omar007]

انتم سايبين الماتش
هههههههههههههه والله ضحكتنى اذا انتم اصلا مش بتحبوانا ماتش مين اللى يتسابلنا
من غير زعل
كـــفــايـــه غـــــــرور

اللعيبه اصلا كانت بتلعب ب ايديها و سنانها يبقى منين سايبين الماتش اقولك على حاجه من غير زعل
كـــفــايـــه غـــــــرور

على فكره حكومتنا حكومه اهلى بس مش حكومه عدل هتقول ليه هقولك ليه

1: و احنا داخلين الاستاد خدوا مننا المياه و الاكل والصورايخ و الزمامير q_q

2:كل ما نمشى 4 متر والله والله والله العظيم كنا بنتفتش و المصيبه اللى كان بيفتشنا كان شايفنا و احنا بنتفتش من اللى قابلوا اكننا داخلين على نقابل جورج بوش

3:اللى كان بياخد التذاكر مننا كان بيقطع نصها دى عادى _ لا مع الزمالك لا لازمالتذاكر تقطع مرتين من نفس البوابه لاغاياه ما التذكره بقيت عباره عن حته مربعمش عارف امسكها

4: كل اللى انا قولتهولك ده حصل مع الاهلى بس العكس صاحبى هو اللى قالى ان مافيش اى حاجه من دى حصلت معاهم علشان هما اهلويه _لاكن الزمالك اذاى يدخل عادى لازم معامله الارهبيين دى

5: مش مصدق شوف لما اجوان الاهلى كانت بتييجى كان فى كام صاروخ بيدحف والزمالك كانوا بتداخد مننا على الباب

6: و احنا خرجين عارفين ايه اللى حصل كانوا بيفتشونا

كفايه بقى احنا مش ارهابيين والله

[DeathDance]

يعني لو ضربت صواريخ يا عمر كان الزمالك هيفوز =))
انا عاجبني الماتش جدا وانا بصراحة اهلاوي وبعذر الزمالك كان ناقص عناصر كتيير مهمة في الفريق ( منهم شيكابالا و ايمن عبد العزيز ... ) وكويس انهم لعبوا بالاداء ده مع اني عارف ان الزمالك لما بيكون في نجوم بيتغلب دايما =))
سيبك من كل ده مش عاجبني غير حاجة واحده هيا :



بصة عبد الواحد لكل كرة بتخش الشبكة بتاعته وكأنه بيقولها والنبي بره باأه =))

[love silkroad 4arab]

zmalk 4 ever وان شاء الله هنوريكوا المرد دية تعادل المرة الجاية _______________

[! FiRe !]

هههههههههههه
تعادل وعادل
انا اهلاوى اه
بس كان نفسى الاهلى يتغلب والله
عشان العالم بتوع الاهلى دول
شبعوا فلوس وشبعوا انجازات
فمش فارق معاهم حاجة
خسروا ماتش يكسبو اللى بعديه
دول لو جابوا وزة ماشية فى الشارع كانت هتلعب احسن
وبراحة يا عمرو على نفسك لحسن يجيلك ضغط ولا حاجة
انتا لسه عشرين سنة والشوجار ماشى فى البلد
ههههههههههههه
السلام ختام ومع السلامو عليكو

[zezo_elooo_pop]

الاهلى هو اللى سايب الزمالك بقرار من الكابتن:حازم عماد
و دى عارفها من مصادر موثوق بها و جت فى الجرنان عشان دى سياسة بين الكابتن :حازم عماد (صاحب النادى الاهلى) و المدير الفنى للزمالك عشان بس يخلى الزمالك تصعد و كلنا ولاد بلد لاكن لو كان فى الدورى مكناش اتساهلنا معاكم و باكلكم مصار موثوق بها كل الثقة و
اخر الكلاموز سلامموز