موضوع خاص لجميع مستخدمى Ibot >>>

[mbdorai]

السلام عليكم ورحمه الله وبركاته ...

اولا انا عارف ان معظم اللى كانوا بيلعبوا سيلك رود معظمهم معتزلين وده باين اثاره على السيرفرات فاضيه بطريقه رهيبه وكان مفيش حد بيلعب .. وده اللى لاحظته فى سيرفرات كتيره ... وده ادانى احساس برخامه الجيم لان زمان كان الواحد يخش يلاقى السيرفر مليان والتاكسيات شغاله على ودنها ..

عامه دلوقتى مع وقوف الايبوت بان ان فى مستخدمين كتير جدا كانوا معتمدين عليه وبشكل اساسى ويتعدوا مستخدمى البوت اللى بفلوس ...

طب انا بتسأل هوا طالما كده المعظم اعتمادهم الكلى على الايبوت فى الجيم ليه منفكرش نبرمج برنامج شبيه بـ ibot ويكون بوت فرى خاص بينا ومظنش حنحس اننا عاملين زى الناس الجعانه مستنين صاحب الاى بوت يحن علينا بنسخه جديده واللى هيه احتمال كبير انها مش حتنزل وممكن كمان يكون اصلا صاحب الاى بوت شغال مع الجنرال مانجر ..

فاقتراحى للاعضاء ومحبى سيلك رود ان كل واحد ليه فى البرمجه او يعرف حد قريب منه قريبه صاحبه جاره ليه فى البرمجه انه يعرض عليه انه يبرمج برنامج زى الاى بوت .. كمثال اننا لو اصبحنا مجموعه مثلا من 5 اعضاء نتحد اننا نفهم البوت ده شغال ازاى ونبدأ نبرمج بوت سبيه بيه او احسن منه ..

اصله استحاله يا جماعه يكون صاحب الاى بوت ده ابو العبقريه ولا اينشتاين التانى .. وانا متاكد ان المصريين لو حطوا حاجه فى دماغهم بيعملوا ابوها بس هيه مشكلتنا اننا كنا مدين اعتمادنا الكلى اننا نستنى الحاجه مش احنا اللى نصنع الحاجه دى ..

فانا مش عارف هل حد حيهتم بموضوع زى ده ولا اساسا كله معتمد على انه يشوف بوت وخلاص وميوجعش دماغه .. ومااظنش ان الاقتراح ده صعب وصدقونى لو الموضوع ده اتعمل حيبقى نقله كبيره جدا فى سيلك رود لا حيكون على مستوى البرمجه فى اى لعبه .. فياريت الخبراء اللى جربوا فكرتى لان مؤكد فى ناس فكرت كده فى الموضوع ده وممكن تراجعوا عشان فى حاجه عصيبه عليهم فى امكانيات او اى شىء اخر فياريت مشاركه الجميع عشان نعرف اخر الموضوع ده ايه ....