شرح لعبة Digimon Masters Online

[mega2000x]

الموضوع ده عشان المسابقة

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وكمان عشان الناس تستفيد و تنضملى فى اللعبة



ملحوظة : الشرح ده عادى للنسختين الكورية و نسخة Joymax , لتفتكروا انه خاص بالنسخة الكورية فقط , كل ما فى الامر ان نسخة Joymax فيها عيوب كتير وعشان كده مش بلعبها , لكن فى النهاية اللعبة هى هى فى كل حاجة



أنا قررت أعمل شرح للعبة Digimon Masters Online لأنها للأمانة أكثر لعبة أونلاين شدتنى و أكثر لعبة أونلاين لعبتها , داخل فى 3 سنوات دلوقتى و انا فى العادة ما بزودش عن شهر فى اللعبة , أنا للأمانة بلعب النسخة الكورى من اللعبة و عندى شخصية لفل 73 فيها (كان زمانى دلوقتى لفل 99 بس انقطعت شهور عن اللعبة ) ,وحاليا عندى 38 ديجيمون و فى طريقهم للزيادة ان شاء الله , اسمى فى اللعبة Decade21 , و انا مش ححط لينك موقع Joymax لأنى بصراحة مش مقتنع بنسخة Joymax , لكن ححط لينك النسخة الكورية , واللى يحب يلعبها يبعتلى رسالة ببيناته اللى عايز يسجل بيها عشان اعمله أكونت لأن طريقة التسجيل صعبة شوية و محتاجة بيانات معينة صعب الواحد يجيبها

و دى صور لشخصيتى (مش بتباهى ولا حاجة يعنى )













الموقع الرسمى للنسخة الكورية من اللعبة

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



قصة اللعبة
Story

اللعبة دى مقتبسة من مسلسل Digimon الشهير , أو الأسم العربى اللى اختاروه وقت ما ترجموا السلسل أبطال الديجيتال ,مش عارف ماسمهوش ديجيمون على اسمه وخلاص ليه :dunno: , ما علينا , المهم لعبة الاونلاين دى مقتبسة من الموسم الخامس من المسلسل و اسمه Digimon Savers , فقصة اللعبة أنك بتبدأ بواحد من أربع أولاد ( 3 ولاد و بنت عشان اكون دقيق :glasses: ) , بتختار منهم واحد وبعد ما تختار واحد منهم ,حتختار ديجيمون من أربعة تبدأ بيه و حيكون ده الديجيمون الأساسى اللى حتبدأ بيه و حيكون مرافقك الدائم , يعنى مش حينفع تمسحة زى باقى الديجيمونات اللى حتضمهالك بعد كده , و دوول ما ينفعش تضمهم ليك فى اللعبة , يعنى اللى حتختارة من الاربعة ده بس اللى حيكون معاك , و مش حينفع تضم اى واحد ليك من الثلاثة بعد كده فى اللعبة ,بعد ما تختار بتبدأ اللعبة فى العالم الحقيقى و بتدبأ تعمل مهمات لمنظمة اسمها DATS عشان تبقى عضو فيها , و المنظمة دى معمولة عشان تواجه اى اختراقات للديجيمونات من عالم الديجيتال للعالم الحقيقى , المهم بعد ما تعمل المهمات الاساية و تنضم للمنظمة , حيكون عندك القدرة انك تروح العالم الرقمى مع المرافق بتاعك و هنا بقى بتبدأ متعة اللعبة بجد



و دى صورة للشخصيات اللى بتختار منهم :





ودى قائمة بالديجيمونات الاساسية الاربعة اللى بتختار منها و تطوراتهم :





فكرة اللعبة

اللعبة فكرتها زى ما قلت قبل كده , انك تنضم لمنظمة DATS و تبدأ تواجه المخاطر اللى بيتعرضلها العالم الحقيقى بسبب الانتهاكات اللى بتحصل فى عالم الديجيتال , و اساسا اللعبة انك تجمع الديجيمونات و تلفلها و طبعا كل ديجيمون له أكثر من تطور حشرحهم بعدين , بالنسبة للفل , فأعلى لفل بالنسبة لل Tamer هو 99 , و بالنسبة للديجيمون 90 , و أنواع الديجيمون كتير و عددهم كبير دلوقتى فى اللعبة و بيزيد كل فترة , حاليا اعتقد فيه حاليا فى حدود 60-70 ديجيمون أو اكثر ممكن تضمهم ليك و طبعا كل ديجيمون له تطوراته و سكيلاته و قوته اللى بتختلف عن باقى الديجيمونات




كيفية اللعب

بالرغم ان طريقة اللعب هى طريقة لعب الاونلاين التقليدية من حيث استخدام الماوس فى الحركة , و اختيار الوحوش , و استخدام الأزرا من 1-8 و من F1-F8 , الا ان اللى بيميز اللعبة دى عن غيرها انك بتلعب بانسان و ديجيمون فى نفس الوقت , لكن اللى بيحارب فقط هو الديجيمون و انت بتديلوا أوامر الهجوم , و الانسان بيلقب بالمروض أو Tamer , و اللى بيميزها كمان أن التلفيل مستقل , يعنى ال Tamer بيلفل لوحدة و الديجيمون بيلفل لوحده و طبعا تلفيل ال Tamer هو الاصعب و بياخد وقت كبير جدا , لأكن تلفيل الديجيمون وقته معقول

صور من اللعبة توضح واجهة اللعبة









فيديو للعبة

[YOUTUBE]VL_vQMbdOdA[/YOUTUBE]

[YOUTUBE]IejVuj79Qeg[/YOUTUBE]

[YOUTUBE]Z7S3BewJoaU[/YOUTUBE]

[YOUTUBE]bu2tC-8E1H4[/YOUTUBE]

فيديو لل PVP (ملحوظة دلوقتى ال PVP موجود فقط فى النسخة الكورية , لسه مانزلش فى نسخة Joymax على حد علمى

[YOUTUBE]1ITKOYu-ZXU[/YOUTUBE]



و بكده أكون خلصت شرح الأجزاء الاساسية فى اللعبة , و ناوى ان شاء الله اتعمق فى شروحات اخرى فى اللعبة فى الردود الجاية





Part 2








فى الجزء ده حشرح أزاى تضملك ديجيمون جديد غير الأساسى اللى بتبدأ بيه , لأنى زى ما قلت قبل كده, الديجيمونات هم أساس كل حاجة فى اللعبة

بداية فيه طريقة واحدة فقط للحصول على ديجيمون جديد غير الديجيمون الاساسى اللى بتبدأ بيه اللعبة , الطريقة دى هى فقس بيضة الديجيمون اللى انت عايزه , معنى كده ان ما ينفعش تشترى او تبيع او تبدل الديجيمون , الحل الوحيد انك تفقسه , لكن من ناحية تانية ممكن تشترى و تبادل البيوض عادى , لكن كده كده لازم انت اللى تفقسها



البيوض نوعين , بيوض عادية , و بيوض كاش , البيوض العادية دى طريقة الحصول عليها هى تجميعها من الديجيمون اللى عايز تجيبه , الديجيمون له مراحل تطور , فى كل مرحلة شكله و قوته و سكيلاته بتختلف , و طريقة الحصول على البيوض هيا انك تحارب اى ديجيمون من اى مرحلة من مراحله , التطور بينقسم لأربع مراحل , المرحلة الأولى Rookie و ده الشكل الاساسى للديجيمون و هو اللى انت حتفقسه , المرحلة التانية Champion , المرحل الثالثة Ultimate , و المرحلة الرابعة و الاخيرة Mega , فيه مرحلة خامسة لبعض الديجيمونات اسمها مرحلة التطور الخارق أو Burst Mode , ودى لعدد معين من الديجيتالات فى اللعبة مش كلها , و كل فترة بينزلوا تطور خارق جديد , بس التطورات الخارقة مش موجودة كوحوش تحاربها , عشان كده الوحوش اللى تحاربها عشان البيوض مقصورة على المراحل الاربعة بس , المهم بعد ما تحارب الديجيمون اللى انت عايزه و تجيب بيضته ( و يفضل تجمع بيوض كتير للسبب اللى حقوله و انا بشرح الفقس ) , و دى هى البيوض العادية , و دى أمثلة ليها بالصور





و قبل ما اشرح ايه هى بيوض الكاش , حشرح الاول الاشكال المختلفة للبيوض زى ماهى فى الصورة , الديجيمونات فى اللعبة بتنتمى لفئة معينة , و الاشكال اللى فوق دى بتوضح الفئات اللى فى اللعبة و هى :وحشى , ظلامى , زاحف (ديناصور او تنين) , طائر , نارى , حشرى , نباتى , صخرى و اخيرا مائى, و حوضح أهمية التفرقة بين الانواع دى و انا بشرح كيفية الفقس



بالنسبة لبيوض الكاش , دى بتشتريها من Cash Shop بفلوس حقيقية , بس الميزة فى اللعبة دى ان كل اللى بيتباع فى الكاش ممكن تشتريه من اللاعبين من جوه اللعبة و ده اللى بيميزها , المهم بيوض الكاش بيبقى شكلها زى البيوض العادية لكن الخلفية مابيبقاش لونها ازرق , بيبقى الوان مختلفة حسب مستوى البيضة (حشرحة بعدين) , و ده شكل لبيضة كاش من المستوى الرابع



زى ما انتم شايفين البيضة اللى فى الصورة لون خلفيتها مختلف , دى بيضة كاش



بعد ما شرحت أنواع البيوض , نيجى بقى للمهم , طريقة الفقس , بداية و قبل كل حاجة نيجى للنقطة المهمة , زى ما انا وضحت البيوض فئات , و اهمية الفئات دى ان انت لما تييجى تفقس البيضة بتحتاج لكروت أو رقاقات بيانات اسمها DATA Chips , كروت البيانات دى متقسمة زى البيوض فئات , و عشان تفقس بيضه لازم يبقى معاك كروت بيانات من نفس الفئة و اشكالهم مشابهه لأشكال البيوض فمن السهل معرفة كل بيضة و الكروت اللى تنفع معاها



و الكروت ممكن تجمعها من بيوض عادية ( غير بيوض الديجيمونات و حشرحها قدام شوية )


ودى صورة تانية بتوضح بعض انواع الديجيمونات من حيث شكل البيوض بتاعتهم و الكروت المطلوبة لفقسها :





المهم , عشان تفقس الديجيمون لازم تجمع بيوضه و كروت الفئة بتاعته , الفقس خمس مستويات حوضحة بالصور بعدين , عشان تفقس ديجيمون لازم على الاقل توصل البيضة للمستوى الثالث فى جهاز الفقس ,ممكن لو حبيت تحاول توصله للمستوى الرابع او الخامس , طيب واحد حيسألنى طب ايه الفرق طالما ان انا ممكن افقسه فى المستوى الثالث , الفرق ان كل ما المستوى زاد , كل ما فقست ديجيمون أكبر فى الحجم و أقوى و ده طبعا بيكون أفضل بكتيير من المستوى الثالث , عموما المستوى الرابع يعتبر معقول و كويس جدا , المستوى الخامس بقى للى بيحبوا يتباهوا بالديجيمون بتاعهم وده برضه ما يمنعش انه حيكون اقوى من المستوى الثالث و الرابع , لكن زى ما قلت الرابع معقزل جدا , لكن ما انصحش حد يجيب المستوى الثالث نهائيا لأن حجمه صغير جدا جدا و ضعيف جدا , عشان تفقس البيضة لازم تحطها فى جهاز الفقس

ده شكل الجهاز



وده شكل الشاشة اللى بتظهر لما تفتحه





عشان تفقس بيضه , لازم تحطها ف الجهاز , و بعدين تدخل كروت البيانات , كل ديجيمون بيحتاج عدد معين من الكروت بيتراوح ما بين كارت واحد لغاية عشرة كروت , مع كل ضغطة بيتسحب عدد الكروت المطلوب من شنطة الادوات بتاعتك , و العدد المطلوب بيكون مطلوب على البيضة , يعنى مثلا ديجيمون معين بيحتاج 5 كروت فى الضغطة الواحدة , مع كل ضغطة فى الجهاز بيتسحب خمس كروت من نفس الفئة , فعشان مثلا توصل الديجيمون ده للمستوى الثالث و يكون 3/5 حيتسحب منك 15 كارت ( 5 كروت لكل مرة ) لكن ده على فرض ان حظك كويس و طلع معاك ل 3/5 من أول مرة , ايوه ممكن حظك يكون وحش و ده الغالب و الخانة ما تطلعش من اول مرة و تحتاج تدخل كروت تانى لحد ما تطلع و لو حظك وحش قوى البيضة حتتكسر و فى الحالة دى لازم تحط بيضة تانية و تجرب تانى , و هنا بقى تظهر ميزة البيوض الكاش , البيوض الكاش بتكون جاية مستواها جاهز , يعنى بتكون اما 3/5 او 4/5 او 5/5 يعنى حتطلع للمستوى بتاعها من اول مرة 100% من غير ما تفشل او تتكسر, وده شكل لبيضة فى الجهاز مع كل مستوى





و ده فيديو ممكن تشوفوا من خلالة عملية الفقس

[YOUTUBE]o2nFV0xubBE[/YOUTUBE]




و بكده يكون شرح كيفية الفقس خلص ,و اختمها بصورة للديجيمونات الموجودة حاليا فى النسخة الكورى اللى ممكن تفقسهم مع التطورات بتاعتهم

دلوقتى حشرح ايه الفرق بين البيوض المختلفة فى اللعبة , زى ماقلت كل نوع من الديجيمونات بيوقع البيضة بتاعته , لكن الامر غير مقصور فقط على بيضة الديجيمون نفسه , فممكن يوقع بيوض تانية مالهاش علاقة بالفقس , لكن بتكون من نفس نوع الديجيمون , يعنى مقلا لو بتحارب Greymon وده من نوع التنين (الزواحف) , يبقى حيوقعك بيوض من نوع Dragon (أو Reptile زى ما مسمينها كده فى النسخة الكورى) , البيوض اللى بتق دى مالهاش علاقة بالفقس , لكن بيتعملها Scan عند الديجيمون PawnWhiteChessmon اللى موجود فى DATS , و برضه ممكن تلاقوا NPCs يعملوا scan فى خرايط تانية و معظمهم حيكونوا PawnWhiteChessmon لكن مش شرط ,المهم البيوض دى لما يتعملها سكان بتديك ادوات مختلفة , يا اما كروت (ودى زى ماقلت محتاجينها فى الفقس) يا اما بيدوك ادوات بتزود ال HP و ال DS , و سعات بيدوك لبس و كمان Chipsets ,و ال Chipsets دى زى كروت بتقوى الجيحيمون بتاعك لما تحطها فى ال Digivice و طبعا لازم تكون نفس نوع الديجيمون عشان تقوية وهى انواع :

DR

Nso

Nsp

JT

WG

DS

ME

VB

UK

المهم نرجع لموضوعنا الاساسى , الادوات اللى بتقع بتتوقف على نوع البيضة :

كل نوع من الديجيمونات بيوقع بيوض من نوعه , لكن البيوض دى نفسها بتنقسم لأنواع مالهاش علاقة بنوع الديجيمون , وممكن معرفة الفرق بينهم من لون البوردر Borders زى كده :



و هنا لون البوردر ابيض , ودى بتطلع فى السكان ادوات ال HP و DS



و هنا لون البوردر اخضر , ودى بتختلف حسب تكلفة السكان , النوع اللى بيكلف 125b عشان يتعمله سكان , هو ده اللى بيطلع الكروت اللى احنا محتاجينها للفقس , لكن لو التكلفة مختلفة فيا اما يطلع ادوات HP , DS , يا اما يطلع لبس و نادر لما يطلع كروت , ودى صورة بتوضح البيضة اللى تكلفة سكان بتاعها 125b اللى بتطلع الكروت :






و اخيرا البوردر اللى بيكون ازرق , البيوض دى هى اللى ممكن توقع ال Chipsets اللى قلت عليها قبل كده



حاجة أخيرة , البيوض اللى بتستخدم فى الفقس ممكن يتعملها سكان هى كمان , و فى الحالة دى بتطلع حاجة من حاجتين , يا اما كروت من نفس نوع الديجيمون , يعنى مثلا بيضة Agumon Original من نوع التنين ممكن لو اتعملها سكان توقع كروت من نوع التنين , يا اما تطلع اداة اسمها Digicore و دى الطريقة الوحيدة للحصول على الديجيكور فى اللعبة (و طبعا ممكن تبيعها او تشتريها من اللاعبين) , والاداة دى شكلها كده :



و الاداة دى بتستخدمها عشان تشترى ادوات مميزة من محل ال Digicore اللى موجود فى DATA , ممكن تشترى من هناك بيوض فقس على الجاهز بدل ما تجمعهم , و بتشترى منها ال Clones (ودى شارحها قدام ) , او تشترى leaf تستخدمها عشان تزود حجم الديجيمون بتاعك , وممكن تشترى بيها EVO و حاجات تانية كتير , ودى صورة بتوضح المحل و بعض ادواته :





و بكد اكون شرحت كل ما هو متعلق بالبيوض فى اللعبة

الموضوع لسه ماخلصش , حشرح حاجة تانية فى الرد القادم ان شاء الله , معلش طولت عليكم , بس عايز ألم أكبر قدر ممكن من اللعبة فى الشرح بتاعى

يتبع فى الرد القادم.
.................

[mega2000x]

Part 3




فى الجزء ده حشرح التطورات فى اللعبة , لأنى زى ما قلت قبل كده كل ديجيمون له تطورات متعددة و مختلفة بتتفتح كل ما يعلى فى اللفل




التطورات فى اللعبة تنقسم لأربع مراحل :

المرحلة الأولى : مرحلة Rookie وده الشكل الأساسى للديجيمون و هو اللى حتبدأ تحارب بيه عشان تقويه و بطبيعة الحال يعتبر أضعف مرحلة فى المراحل الأربعة

المرحلة الثانية : مرحلة Champion و ده الشكل الثانى للديجيمون و ممكن تفتحة لما توصل الديجيمون للمستوى 11

المرحلة الثالثة : مرحلة Ultimate و ده الشكل الثالث للديجيمون و ممكن تفتحة لما توصل الديجيمون للمستوى 25

المرحلة الرابعة : مرحلة Mega و ده الشكل الرابع و الأخير للديجيمون و ممكن تفتحة لما توصل الديجيمون للمستوى 41

و هى دى مراحل التطور للديجيمون , فيه مرحلة خامسة اسمها مرحلة التطور الخارق Burst Mode , لكن المرحلة دى بيتمتع بيها عدد قليل من الديجيمونات , و تعتبر مرحلة مميزة للديجيمون و بطبيعة الحال أقوى مرحلة فى اللعبة , و ممكن تتفتح فى المستوى 65 , بالنسبة للديجيمونات الأساسية اللى بتختار واحد منها فى بداية اللعبة , كلها ليها تطور خارق , لكن بيختلف عن الديجيمونات التانية اللى بتجمعها أثناء اللعبة , و طبعا ديجيمونات البداية ماينفعش تفقسها جوه اللعبة , يعنى الديجيمون اللى حتختاره منها هو الوحيد من الأساسيين اللى حيكون معاك و مش حينفع يكون معاك باقى الديجيمونات الاساسية , المهم زى ماقلت , التطور الخارق ليهم مختلف شوية , بالنسبة للديجيمونات العادية , عشان تفتح تطرهم الخارق لازم يكون معاك أداة معينة بتختلف من ديجيمون للتانى و ممكن تشتريها من محل الكاش او من اللاعبين التانيين و بتفتح التطور الخارق للديجيمون فى المستوى 65 زى ما قلت قبل كده , لكن بالنسبة للديجيمون الاساسى فيه طريقة واحدة عشان تفتح تطوره الخارق , لما توصله المستوى 71 حيتفتحلك مهمة , المهمة دى تعتبر من أصعب المهام فى اللعبة و اللى حتحتاج فيها فريق يساهدك لأن بتحارب فيها زعماء كتير , أول اما تلصها حتاخد أداة تفتح بيها التطور الخارق للديجيمون الأساسى .


ودى صور لبعض أدوات التطور الخارق لبعض الديجيمونات :



ده اسمه Toy Gun و مطلوب لفتح Beelzemon Blast Mode وده التطور الخارق ل Beelzemon و هو تطور الميجا من Impmon



ده اسمه Victory Sword وده عشان يفتح Victory Greymon وده التطور الخارق ل Wargreymon وهو تطور الميجا من Agumon Original



ده اسمه Gakuran وده لفتح Bancholeomon وده التطور الخارق لكل من Saberleomon تطور الميجا من Elecmon و ل Dinotigermon تطور الميجا من Bearmon



وده اسمه Digi Arc وده لفتح Gallantmon Crimson Mode وده اللتطور الخارق من Gallantmon تطور الميجا من Guilmon

وغيرها من الادوات لفتح التطور الخارق لبعض الديجيمونات لكن أكتفى بدول فى الشرح



زى ما قلت قبل كده , كل مرحلة تطور بتتفتح فى لفل معين , بالنسبة للمرحلة الاولى و الثانية بيكونوا مفتوحين تلقائيا , يعنى بتبدأ Rookie و لما توصل لفل 11 حتلاقى Champion مفتوح تلقائى , لكن لما توصل لفل 25 و لفل 41 حتلاقى التطور مش موجود , السبب انك بتحتاج أداة معينة أسمها Evoluter او للاختصار Evo , الاداة دى مهمة جدا عشان تفتح التطورات وده شكل ال Evo :




عدد ال Evo المطلوب عشان تفتح المرحلة الثالثة هو 3 , و عدد ال Evo المطلوب عشان تفتح المرحلة الرابعة 6 أو 8 حسب الديجيمون , بعضهم بيحتاج 6 و بعضهم بيحتاج 8



أما بالنسبة لكيفية الحصول على ال Evo , ففه أكثر من طريقة , الطريقة الاساسية هو شراؤه من الكاش , و ممكن شراؤه من لاعبين أخرين , او شراءة من احدى المحلات الموجودة فى اللعبة لكن مش بفلوس , المحل ده بيبادل اداة معين اسمها Digicore بأداة تانية من المحل , و من الأدوات الموجودة فى المحل ال Evo , لبطريقة الاخيرة هى محاربة وحوش الكروت , اللعبة فيها نظام كروت حشرحة بعدين , لكن بصروة عامة الكروت دى لما تفتحها يظهرك ديجيمونات عملاقة تحاربها , و فيه فرصة انها توقع ال Evo



أخيرا و بعد شرح التطور , دى فديوهات بتوضح أمثلة للتطورات المختلفة :

فيديو يعرض تطور Burst Mode لأحد الديجيمونات الأساسية و هو Agumon

[YOUTUBE]nNDz0R9IuEo[/YOUTUBE]

فيديو يعرض كافة التطورات للديجيمون Agumon Original وده بيختلف عن Agumon الأساسى و يعتبر من أقوى الديجيمونات اللى فى اللعبة

[YOUTUBE]3riWAVQhKxA[/YOUTUBE]

فيديو يعرض كافة تطورات الديجيمون Tentomon

[YOUTUBE]1k3mr8Q7aiA[/YOUTUBE]

فيديو يعرض كافة التطورات للديجيمون Bearmon

[YOUTUBE]Mdja5vYZoDU[/YOUTUBE]

فيديو يعرض كافة التطورات للديجيمون Commandramon

[YOUTUBE]BawBuWEcb6A[/YOUTUBE]

و الفيديو الأخير اللى حعرضة بيوضح تطورات الديجيمون Dorumon Dorugamon Line و يعتبر برضه من الديجيمونات المميزة فى اللعبة و حينزلوا قريب تطور خارق

[YOUTUBE]XVRoRgrmoEI[/YOUTUBE]



و بكده أكون خلصت شرح التطورات اللى فى اللعبة, فاضل شرح نظام ال Clones عشان تقوى الديجيمون بتاعك , هو عامل كده زى ال Upgrade للأسلحة و الدروع فى الالعاب التانية عشان تعليهم ل +12 مثلا , و لو كان فى الالعاب التانية الاسلحة و الدروع بتتوهج لما تعليهما , فنفس الحكاية مع الديجيمونات بس بيبقى حوليهم حاجة اسمها Aura و بتختلف حسب مستوى ال clone بتاعهم زى اللى فى الصورة كده

Part 4

فى الجزء ده حشرح ال Enhancement System أو ال Cloning , باعتبار انه مهم جدا فى اللعبة , اللعبة فيها حاجات كتير جدا من الصعب شرحها كلها , لأكن حتفى باللى أنا شرحته بالاضافة لل Cloning و اعتقد ان ده حيكون كافى جدا لأخذ فكرة شاملة عن اساسيات اللعبة




نظام ال Cloning ده زى ما وضحت قبل كده شبيه بال Upgrading فى العاب الاونلاين التانية , و اهميته بترجع انك بتقوى الديجيمون بتاعك , انت بتختار من ال States ايه اللى عايز تقويه , و هم بينقسموا لأربعة :

AT ودى القوة الهجومية و لما تقوى بتزيد قوة الهجوم و كمان قوة الاسكيلات

CT ودى متعلقة بالضربة الحرجة , كل مازادت , كل ما زادت فرصة ان الديجيمون يضرب ضربة حرجة و دى طبعا بتكون اقوى من الضربة العادية بأضعاف و دورها بيكون حاسم فى المعركة

BL و دى القدرة على صد الهجمات , كل ما زادت تزيد فرصة صد الهجمة بدون التعرض لأى اصابة , لكن فى المقابل كل ما زادت بتقل فرصة ان الديجيمون بتاعك يهجم , لأن كل اللى حيعمله هو انه يصد , فمش حيكون متاح قدامه غير انه يهجم بسكيل لكن حيكون صعب تنفيذ الهجوم العادى , و دو طبعا لو حد حب يعليه , يفضل مع ديجيمون تكون قوة اسكلاته عالية لأن اعتماده الغالب حيكون عليها

EV و دى القدرة على المناورة , فكل مازادت زادت فرصة انك تناور الهجمة و ماتجيش فيك , و نفس سلبيتها و اجابيتها شبيهة مع ال BL

ودول الانواع الاربعة اللى ممكن تقويهم




فى نقطة تانية هامة , كل ما مستوى التقوية يزيد , كل ما تكونت حولين الديجيمون زى طاقة مرئية اسمها Aura , شكل ال Aura و لونها بيتغير حسب لفل التقوية و ده حوضحة بالصور فى الاخر , أقوى لون للأورا بيكون لما توصل نوعين , مثلا AT و CT , ل +12 الاتنين و بيكون لون الاورا فى الحالة دى أحمر و دى اقوى اورا , لكن لو مثلا AT+12 و CT+1 أو حتى CT+11 حتكون الاورا بنفسجى , لأن شكل الاورا بيعتمد على اعلى لفل تقوية لنوع واحد فقط , يعنى زى ما وضحت لو AT+12 و CT+1 حيعتمد على الاعلى فقط اللى هو AT+12 فحتكون بنفسجى , لكن فى حالة واحدة فقط لا غير بيعتمد على الاتنين , و هى ان الاتنين يكونوا +12 يعنى مثلا AT+12 و CT+12 فى الحالة دى شكل الاورا حيعتمد على الاتنين و ياخد اللون الأحمر



و دى صور بتورى ديجيمون تم تقويته ل AT+4 و CT+4 و الملاحظ ان الاورا غير واضحة بالمرة (ملحوظة الاورا اللى واخدة اللون اللبنى دى مش اورا التقوية , دى اورا اللفل و ححط بعدين صور للنوعين )





وطبعا زى ما بتزيد قوة الهجوم و الضربة الحرجة زى ما فى الصورة , بتزيد برضه قوة السكيل , زى اللى فى الصورة دى :






نيجى بقى لأهم نقطة , ازاى تقوى الديجيمون بتاعك , بداية انت محتاج اداة اسمها Clone ودى اللى حتحتاجها عشا تقوى الديجيمون بتاعك , ال Clone اربع أنواع A و B و C و D , طيب ايه الفرق مابينهم ؟
الفرق ان كل نوع مخصص انه يقوى لحد لفل معين :

Clone D بتستخدم عشان تقوى الديجيمون من +1 ل +3 فقط

Clone C بتستخدم عشان تقوى الديجيمون من +4 ل +6 فقط

Clone B بتستخدم عشان تقوى الديجيمون من +7 ل +9 فقط

Clone A بتستخدم عشان تقوى الديجيمون من +10 ل +12 فقط

وطبعا +12 ده اعلى حاجة للنوع الواحد ,يعنى مثلا وصلت AT+12 ماينفعش تعلى اكتر من كده

وفيه حاجة فى غاية الاهمية , لكل ديجيمون 24 لفل تقوية توزعهم زى ما انت عايز ,عشان كده لو وزعتهم على اكتر من اتنين , استحالة توصل بنوعين ل +12 و بكده استحالة انك تجيب الاورا الحمراء ,أقوى أورا ,يعنى مثلا لو وصلت AT+12 و EV+5 وعايز تعلى CT يبقى مش حينفع تعلى ال CT الا ل CT+7 فقط

و كده خلصنا انواع الكلون , فاضل بس اداتين مهمتين , ال Back up و ال Reset Capsule

Back up مهمته انه يحفظ التقوية من انها تقل عند الفشل , يعنى مثلا لو بتقوى من AT+10 ل AT+11 لكن فشلت , وماكنتش بتستخدم back up , التقوية حتنزل ل AT+9 , لكن لو استخدمت back up حتفحافظ على التقوية اللى وصلتلها , يعنى حتفضل AT+10

Reset Capsule دورها انها تلغى تقوية بدرجة واحدة , يعنى مثلا تنزلك من AT+11 ل AT+10 , و اهميتها بترجه لحاجتين , الاولى انك مثلا تكون قويت 3 انواع و عايز تعلى اتنين ل +12 يبقى تستخدمها على التالت عشان تنزله ل 0 , الثانية ان كل تقوية بتعملها بتقوى الديجيمون فى حدود معينة , يعنى مثلا عشان ترفع الديجيمون من AT+0 ل AT+1 لما تنجح تترف قوته بمقدار من 1-3 مثلا انت وحظك ,فممكن يقوى بمقدار 1 فقط , لكن انت عايزه يقوى بمقدار 2 او 3 , تقوم مستخدمها عشان تقلل تقويته و تقويه تانى و تكرر ده لحد ما توصل للتقوية اللى انت عايزها



عشان تعمل كلون بتروح لقائد DATS اللى بيبقى موجود فى مركز الخريطة بتاعة DATS و بتختار انك تعمل تقوية من عنده

بعد كده بتختار النوع اللى عايز تقويه , AT مثلا و تختار الكلون المناسبة A , B , C , D حسب لفل التقوية زى ما وضحت ,و بعدين تحط back up لو عايز , او تجرب من غيره

بعد كده حيظهرك مجموعة من الكروت ,حتختار منها واحد , لو طلع Succes حتنجح التقوية , لو طلع Fail يبقى فشلت التقوية و حيفضل زى ما هو او يقل

ودى صورة سريعة بتوضح الموضوع ده



وده فيديو بيورى ازاى تقوى الديجيمون

[YOUTUBE]WlbZM4QzO3M[/YOUTUBE]



وده كل ما يتعلق بالتقوية , نيجى بقى لأنواع ال Aura ,زى ماقلت قبل كده الاورا نوعين , اورا اللفل و أورا التقوية , و كل اورا بتختلف حسب اللفل و حسب مستوى التقوية

و دى صورة توضح انواع الاورا بحسب اللفل



و دى صورة توضح انواع الاورا بحسب مستوى التقوية



الصورة مفيهاش الاورا الحمراء اللى بتظهر لما تقوى نوعين ل +12 , لكن هى شبيهة بالاورا الاخيرا لكن لونها احمر و لو عايزين تشوفوها هى موجودة فى الفيديو الخاص بال PVP اللى موجود فى بداية الموضوع

و بكده أكون شرحت كل الاساسيات اللى فى اللعبة و اتمنى ان الموضوع يعجبكم

مستنى الردود




.................

[UnderCover!]

بجد انا قريت نصوا و اتزهلت
روعة روعة روعة
و انشاء الله هثبتهولك بعد المسابقة حتا لو مكسبتش
عشان ده موضوع حصري و ملوش حل

بالنسبة للتنسيق هديك شوية ملاحظات برضوا

خلي الخط حجموا 3 بلاش 4 عشان ميبقاش كبير
و خلي العناوين الكبيرة مقاسها 4 او 5

بالنسبة للون فا ده براحتك كل واحد يحب لون يحطوا

و مستنين Vindictus

و الكروت ممكن تجمعها من بيوض عادية ( غير بيوض الديجيمونات و حشرحها فى موضوع خاص ان شاء الله و كيفية تجميعها)

ياريت تشرحها في نفس الموضوع
( اشرحها في اي رد و انا هدمجها معا الرد اللي انتا عاوزوا )
عشان يكون المووضوع ملوش حل و نسبتك في الفوز تزيد
y.png" border="0" alt="" title="Helmety" class="inlineimg" />

[legend_killer]

تسلم ايديك الشرح مفيد جدا و انا بلعب بتاعت joymax بس المشكلة فى الجولد و انا لفل عالى فيها و كونت عايز اجرب النسخة الكوريى بس المشكلة ازاى اترجم الايفنت الى بيبقى فى اول صفحة الى بيتغير كل شهر و لو بس ممكن تشرحلى ازاى احمل النسخة الكوريى و ازاى اترجم الايفت و اسجل يبقى الف شكر و تسلم على الموضوع

[mega2000x]

المشاركة الأصلية كتبت بواسطة legend_killer عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تسلم ايديك الشرح مفيد جدا و انا بلعب بتاعت joymax بس المشكلة فى الجولد و انا لفل عالى فيها و كونت عايز اجرب النسخة الكوريى بس المشكلة ازاى اترجم الايفنت الى بيبقى فى اول صفحة الى بيتغير كل شهر و لو بس ممكن تشرحلى ازاى احمل النسخة الكوريى و ازاى اترجم الايفت و اسجل يبقى الف شكر و تسلم على الموضوع

لا ماتقلقش من الترجمة دى نهائيا , لأن اللعبة ليها ملف ترجمة بيتجدد مع كل ابديت عشان يتضافلوا الحاجات الجديدة فى اللعبة حتى ترجمة الايفينتات , و كل حاجة فى اللعبة مترجمة انجليزى ما عادا بس شرح المهمات و ده مش مهم لأن المطلوب منك فى المهمة مترجم فمفيش اى صعوبة , و كمان فيه منتدى اللعبة الانجليزى اللى حتلاقى فيه كل حاجة عايزها عن اللعبة سواء النسخة الكورية او نسخة Joymax و اى ابديت فى النسخة الكورية بيترجموه بالكامل و كمان بنتناقش حوليه فى قسم التحديثات فبتعرف كل حاجة عنه , و لينك المنتدى اهو

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

المنتدى بيتناول لعبة Digimon Masters و Digimob Battle , فخليك فى قسم

Digimon Masters Online (eDMO, kDMO)

ده حتلاقى فيه كل حاجة متعلقة بالنسختين و كمان حتلاقى اخر سيكشن تحته بعنوان

Korean Server Updates (kDMO)

وده حتلاقى فيه شروحات الايفينتات و الابديت اللى بينزل كل اسبوع


بالنسبة لبرنامج و ملف الترجمة اللينك بتاعهم اهو , و حتلاقى ملف الترجمة بيتجدد بع كل ابديت بيوم او يومين و حتلاقى تاريخ الملف جنبه عشان تعرف ده الجديد ولا لسه

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انت حتحمل منه بس

* DMO Translator App (V.1.11)

* Update KDMO Translation File

سيبك من الباقى , و شرح عمل الباتش حتلاقيه مكتوب فى الصفحة


نيجى بقى لتحميل اللعبة عشان معقد شوية بس سهل, بداية كده لازم تدخل على الموقع من Internet Explorer , لأن مع المتصفحات التانية مش حتعرف تشغل اللعبة من عليهم لأن تشغيل اللعبة بيكون من الموقع , وكمان لازم تسجل دخولك الاول عشان تعرف تحمل , فقولى بيانتك لو عايز اكونت و اعملهولك و بعدين ادخل بيه على الموقع عشان تحملها, انت اول ما تدخل على لينك الموقع الرسمى حتلاقى كلمة داونلود فوق , اختار اول اختيار تحتها حبفتحلك صفحة التحميل , عشان دى اول مرة تفتح موقع اللعبة واللعبة مش على جهازك , حتلاقى ظهرك فوق كده زى تنبيه بيقولك ان الموقع عايز يثبت حاجة , انت حتضغط عليها , عشان لازم يحمل حاجة اسمها DMLauncher و بعد ما تحملها ثبتها عادى على الكمبيوتر على ال C , بعدين ماتحملش اللعبة من الموقع , حملها من اللانشر , انت لو عملت الموضوع ده صح يبقى خلاص كده كل الباقى حيبقى سهل معاك لأن الحكاية دى هى اللى معقدة شوية و سعات ما بتجيش صح من اول مرة , المهم لو عملتها صح الرسالة اللى بتظهر فوق مش حتظهر تانى , بس ممكن تظهر مة كمان مش فاكر لأنى عملتها من زمان , المهم انت بعد ما تثبته , افضغط Start Game من الموقع , لو انت ثبت اللانشر صح لما طلي , حتلاقيه فتح شباك صغير كده لونه ابيض و فيه كلام كورى ونسبة مئوية بتزيد , حتلاقيها ممكن تقف على 20% شوية و تفتكرها هنجت , لكن هى حتكون شغالة تمام , اصبر عليها لحد ماتحلص ممكن تطول شوية 5-10 دقايق بس مش حتزيد عن كده , لما تخلص حتفتحل اللانشر . حتلاقى الزرار اللى فيه لونه برتقالى , حتضغط عليه حيفتحلك المكان اللى عايز تحمل عليه اللعبة , وبعد ما تتحمل حتضغط على الزرار تانى و تختار المكان اللى حملت عليه اللعبة و حيفتحلك بقى صفحة التثبيت , حتثبتها فى المكان اللى انت عايزه و خلاص كده , حتشغل اللانشر عادى من الموقع لما تضغط Game Start و لما يفتح حتلاقى الزرار لونه اخضر ده معناه ان فيه ابديت حتضط عليه و يعمل الابديت و لما يخلص حتلاقى الزرار لونه ازرق و تدخل عليها عادى , ملف الترجمة لازم تعمله باتش بعد م الابديت يخص , لأن الابديت بيضيع الترجمة , فانت بعد كل ابديت لازم تعمل باتش لملف الترجمة لكن عادى مش حياخد منك ثانية , معلش الشرح ملعبك شوية من غير صور , لكن عشان انا مثبتها اساسا فمش حعرف اعملك صور من الجهاز عندى , و كمان مش لاقى صور احطهاك , لكن انت لو مشيت على الخطوات واحدة واحدة حتلاقيها سهلة قوى , اهم حاجة بس تركز فى موضوع تثبيت اللانشر لأن ده اصعب حاجة , و بكده خلاص حتلعب بدون مشاكل , انا اسمى فى اللعبة زى ما قلت Decade21 و بلعب على سيرفر 리리스몬 , انت لو اللغة لكورية ملغبطة عندك حتلاقى اسماء اليرفر رموز غريبة , انا بلعب فى السيرفر اللى حتلاقى فيه 1/2 , ولما تدخل اللعبة حقولك ازاى تظبط موضوع الحروف ده عشان اللغة تظهر عندك كورى مش رموز غريبة , وفعلا اللنسخة دى تستاهل , و تجميع الفلوس فبهها مش صعب , انا اقدر اعملى 5 تيرا فى اليوم الواحد من التجميع بس (ده عشان لفل عالى بجمع من خرايط ال Maze ) لكن حتى اللى لسه بادئين اللعبة ,يقدروا يعملوا 1 تيرا فى كام يوم بسهولة , و حبقى اشرحلك تعمل ايه عشان تجمع فلوس بسرعة و تشترى بقى اللى انت عايزة من ادوات الكاش :) , لو قررت تلعبها ابعتلى الايميل اللى عايز تسجل بيه و اليوزر و الباسورد , وممكن انت تغير الباسورد بعد كده عادى و حبقى اقولك ازاى , ومش عايزك تتخض من موضوع التحميل و تكسل هههههههههههه , لأنها فعلا تستاهل و الموضوع مش صعب , هو شرحى اللى تقيل شوية

ودى صورة اللانشر و هو معموله ابديت للاخر و جاهز انك تلعب , عشان تعرف شكله

[mega2000x]

المشاركة الأصلية كتبت بواسطة $angel$ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بجد انا قريت نصوا و اتزهلت
روعة روعة روعة
و انشاء الله هثبتهولك بعد المسابقة حتا لو مكسبتش
عشان ده موضوع حصري و ملوش حل

بالنسبة للتنسيق هديك شوية ملاحظات برضوا

خلي الخط حجموا 3 بلاش 4 عشان ميبقاش كبير
و خلي العناوين الكبيرة مقاسها 4 او 5

بالنسبة للون فا ده براحتك كل واحد يحب لون يحطوا

و مستنين vindictus



ياريت تشرحها في نفس الموضوع
( اشرحها في اي رد و انا هدمجها معا الرد اللي انتا عاوزوا )
عشان يكون المووضوع ملوش حل و نسبتك في الفوز تزيد
y.png" border="0" alt="" title="Helmety" class="inlineimg" />

خلاص مفيش مشاكل حشرحة و اضمه لأحد الردود


خلاص تم الشرح و الاضافة فى الجزء المتعلق بالفقس

[legend_killer]

الف شكر و انا هنزلها و لو فى اى حاجا وقفت معايا هبقى اسالك شكرااا

[mega2000x]

المشاركة الأصلية كتبت بواسطة legend_killer عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الف شكر و انا هنزلها و لو فى اى حاجا وقفت معايا هبقى اسالك شكرااا

تحت امرك فى اى وقت , بس زى ماقلتك مش حتعرف تحملها غير لما تعمل Log in الأول فى الموقع , يعنى لازم يكون عندك أكونت , فممكن تبعتلى بياناتك و أعملك واحد

[ToXi]

تسلم يا باشا شرح روعه

بس اللعبه تعبانه الصراحه

[mega2000x]

المشاركة الأصلية كتبت بواسطة toxicgeneral عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تسلم يا باشا شرح روعه

بس اللعبه تعبانه الصراحه

شكرا على مرورك ياباشا , و فى النهاية دى أزواق يعنى :)

[momo2012]

رائع ولله يا ريت تقولى انت فى سيرفير ايه و تلعبها الان وله لا

[UnderCover!]

يثـــــبت

سيتم تنسيق الموضوع جزء جزء ان شاء الله
كل م هبقا فاضي هنسق شوية فيه

[UnderCover!]

تم بحمد لله
الانتهاء من التنسيق الكامل للموضوع

[HandSome]

شرح جامد
تسلم

[mega2000x]

شكرا ياباشا على التثبيت