توضيــــــح بسيــــــط و حــــــــقيقة لازم تتعــــــــــرف

[DiaBlo]

و الصلاة و السلام علي اشرف المرسلين سيدنا محمد و علي اله و صحبه و سلم ...



انهاردة كان المفروض نتيجة المرحلة الاولي من المسابقة الرمضانية و كان كله منتظر النتيجة ..... نتيجة المجهود ... اللي سهر ... و اللي عينيه احمرت من كتر القراءه في الكتب و النقل زي ميدو البرو جزاه الله خير و امجد اللي عمل موضوع روعة في اقل من نص ساعة و بصراحة يحسد عليه و انا اللي عملت موضوع عن صحابي جليل معظم الناس متعرفش عنه حاجة و في ناس بتقول عليه كافر مع انه من اعظم الصحابة ........ بعد الافطار و صلاه التراويح دخلت بصيت علي قسم المسابقات لقيت موضوع النتائج قلت بسم الله الرحمن الرحيم يا رب نكسب دخلت الاقي مين في لجنه التحكيم ؟ مصطفي باور ! علي فكره مصطفي من اعز اعز اصحابي و مازال بس معرفش ايه اللي جراله ايه اللي غيره من ناحيتي علي العموم حنرجع ليه تاني المهم ببص علي الRating بتاع موضوع انا و معتز انا واخد 7 و معتز 6 !!!!!!!! لا اله الا الله يعني احنا مدخلناش منتديات تانية و عملنا كوبي بست و منسقين المواضيع و اخر تمام نلاقي Rating زي الزفت انا واثق ف حسين و ادم و عارف انهم عادلين و ناس كويسة انما نفسي اعرف مالو باور ايه اللي جرالو ....... سبب ختاقتي مع باور انا نفسي مش عارفه .... انا لاقيته قلب لوحده عليا و قبلها رايح يقول للناس اني شتمته في شات بالمايك و قلتله كلام قله ادب مع اني و الله ما قلت حاجو و الحمد لله كله يشهد بأخلاقي من اول الادمن عمرو لحد العضو اللي ب 0 مشاركة الاقي امجد بيقولي انت قلت لباور كذا كذا شتيمة عمري ما قلتها لحد بتخانق معاه ازاي اقلها لصاحبي يعني ؟ و بعدين مرة تانية بكلمه مايك اقوله لحظة واحدة بكلم معتز MSE راح قايلي ده رخم فكك منه قلتله لا عيب عليك ده كويس ثواني ارد عليه و مر الموقف الاقي معتز باعتلي اوفلاين مسج يقولي طيب مخنوق مني قولي انما متروحش تقول ل بارو !!!! احييييييييه اللي هو قالوا علي الراجل يقول اني انا اللي قلته ! ده كلام يرضي مين ده يا عالم يعني ؟ ما علينا هو ده سبب اني قلت ان التحكيم ظلم ياريت كان الاستاذ احمد شفيق في لجنه التحكيم علشان عندو دراية بالدين اكتر و سنه كبير و متدين جدا و رأيه الناس كلها بتحترمه و انا اولهم ........ ده كان اختصار لكل حاجة كنت عايز اقولها و انا كده ابقي خلصت اللي عندي و بعتذر لعمرو ماندو علي اي حاجة علمتها علشان بجد الراجل تعب و كان ضغطه مرتفع و هو بيكلمني و هو زعلان علي المصايب اللي حصلت لما يجي واحد واخد موضوع كوبي بست و جاي بيقول انا عملت الموضوع قبل فلان و لازم تمسحوا موضوعه انا ماليش دعوة !!!!!! ايه يا جماعة هي حضانة ؟ عيب اللي بيحصل ده دي مسابقه يعني For Fun مش علشان كل واحد يمسك للتاني علي الواحدة و ده يشتم ده و ده يقول لده انت حرامي بتسرق مواضيع و الهبل ده ......... لو انا قلت حاجة غلط ياريت حد يقولي و انا مستعد اصلحها يا جماعة و لازم عمرو يسافر و هو معاه زكري طيبة من المنتدي و ميكونش زعلان من حد .... ارجو ان الرسالة كمان تكون وصلت .....




و اخر حاجة احب اقولها .......

شكرا الف شكر يا مصطفي علي حبك ليا فعلا انت صديق رائع و ياريت متردش علي موضوعي بعمل CV زي اللي عملته قبل كده علي طارق و Lion_Egypt


و السلام ..... ختام


احمد رجب ,,,

اخي الكريم a-r

كان علي ان لا افصح باي مجموعة انا اقيم

انت ظننت ل ثالثت مرة ظن السوء بي انا لم اقيم مجموعتك ولا حتى اعرف نتيجتها

اما انك شتمتي ف هذا لم يحدث سوي في الموضوع المحذوف في قسم المشرفين

و مشكلتى مع M.S.E ومعك خارجة عن المنتدي........

وفي النهاية ارجو التأكد من الكلام قبل الاعلان بة

في امان الله

[XORAYONDARAA]

اولا: لكل مجتهد نصيب
ثانيا: مش كل واحد كسب فى مسابقة يبقى فاز بيها
ثالثا:كفايا عليك تقدير الناس وحبهم ليك (بطل طمع) ^^

[zezo_elooo_pop]

الرد رد مصطفى محدش ليه دعوه

[_kato_]

المشاركة الأصلية كتبت بواسطة a-r

مسابقات ايه يا عم دي حضانة و الله شغل عيال و جقد و غيرة و كوبي بست من المنتديات التانية و واحد يقول بابا بابا واحد سرق موضوعي و انا اللي خطه الاولي الحقوني و شغل العيال ده و بعدين تحكيم زي الزفت و شخصية ملهاش اي لزمة موجوده ف لجنه التحكيم و محكم علي مزاجه و مصالحه الشخصية ........ خلاص خربت

ده كان ردك فى موضوع العضو fire33
انت قلت نقوللك لو انت قلت حاجه غلط
انا من غير ما اعرف ايه اللى حصل زعلت اوى من الكلام اللى انت كاتبه ده
خصوصا انك مشرف و عارف ان الكلام ده مش المفروض يتقال فى المنتدى
و بصراحه لو انت فعلا بتراعى ضميرك يبقى انت اللى تعاقب نفسك على الاساءه دى
و اسف لو كان كلامى جارح شويه

[DiaBlo]

المشاركة الأصلية كتبت بواسطة _kato_

ده كان ردك فى موضوع العضو fire33
انت قلت نقوللك لو انت قلت حاجه غلط
انا من غير ما اعرف ايه اللى حصل زعلت اوى من الكلام اللى انت كاتبه ده
خصوصا انك مشرف و عارف ان الكلام ده مش المفروض يتقال فى المنتدى
و بصراحه لو انت فعلا بتراعى ضميرك يبقى انت اللى تعاقب نفسك على الاساءه دى
و اسف لو كان كلامى جارح شويه

يعني انت ايه رأيك لما تلاقي نفسك سهران طول الليل تعمل ف موضوع و تيجي تاني يوم تلاقي نفسك واجد راتينج زي الزفت و بعدين يا كاتو انا كنت في قمه العصبية من اللي حصل يمكن اكتر من عمرو .... و انا قلت كده علي باور من اللي عمله لما راح يقول للناس كلام انا مقولتوش و اسأل امجد و معتز لو مش مصدق و مفيش جرح ولا حاجة الرسول عليه الصلاه و السلام قال خير اصدقائي من اهدي الي عيوبي ...... شكرا يا كاتو

[omar007]

يا يعم احمد كلنا سهرنين مش لوحدك والله انا والله موضوعى واخد اكتر من 8 ساعات شغل و كان لسه فى ريعه و فى الاخر اتلغى علشان طلع انا و سبيدر عملينوا فى نفس الوقت و الموضوع اللى انا نزلتوا ده مش انا اللى منزل ده لورد اللى معايا فى المجموعه هو اللى عملهولى و حطهولى وانا كنت نايم علشان تعبان من لشغل فى الموضوع اللى اتحذف يعنى كل تعب والله

و كمان عمرو كدا هو اللى اتظلم فى كل ده و الراجل مايستحءش غير كل خير
ازاى نعملوا ب الطريقه دى ده كده شغل اطفال والله

انا اسف لو كلامى فى حاجه غلط

كلنا بنتأسفلك يا عمرو

[DiaBlo]

المشاركة الأصلية كتبت بواسطة omar007

يا يعم احمد كلنا سهرنين مش لوحدك والله انا والله موضوعى واخد اكتر من 8 ساعات شغل و كان لسه فى ريعه و فى الاخر اتلغى علشان طلع انا و سبيدر عملينوا فى نفس الوقت و الموضوع اللى انا نزلتوا ده مش انا اللى منزل ده لورد اللى معايا فى المجموعه هو اللى عملهولى و حطهولى وانا كنت نايم علشان تعبان من لشغل فى الموضوع اللى اتحذف يعنى كل تعب والله

و كمان عمرو كدا هو اللى اتظلم فى كل ده و الراجل مايستحءش غير كل خير
ازاى نعملوا ب الطريقه دى ده كده شغل اطفال والله

انا اسف لو كلامى فى حاجه غلط

كلنا بنتأسفلك يا عمرو

انا مقدرك يا عمر و عارف اللي حصل بس حرام اللي حصل لعمرو انت لو كنت شوفته و هو بيتكلم كان قلبك وجعك ........ و ربنا يقدم اللي فيه الخير

[DrACuLA]

بسم الله الرحمن الرحيم


مع احترامى ليك

انا قلت الكلام دا ف موضوع عمرو

لو كان حد من الاعضاء اللى ف مجموعتى شتم حد و قال الكلام اللى انت قلته دا

انا اقسم بالله كنت طردته فورا و الله


لأن دى مش اخلاق المسابقات و مش اخلاقنا احنا خصوصا و احنا ف رمضان


اتمنى انك تتأسف للمشرفين حتى يعود الحال الى طبيعته

شكرا يا اخى و تقبل مرورى و تحياتى

[Spiderman244]

يعنى أه cv ,أرجو الرد السريع

يمكن الاستاذ احمد شفيق عنده دراية بالدين اكتر و ده شئ صحيح فعلا ..
بس هل يا تري الاستاذ احمد شفيق كان هيعرف يطلع دول عشان يحكم بالعدل ..

http://www.ibtesama.com/vb/showthread-t_6497.html

http://vb.ozq8.com/showthread.php?t=709842

و اللي تعب بجد ياخد درجة اعلي و اللي متعبش مياخدش درجات
موضوعك من ضمن الموضوعات اللي مكنتش هقيمها و الدرجة كانت لمجرد انك حطيت موضوع ..

يا ريت بس قبل متنفعل تحكم علي نفسك الاول ,

[smiletodeath]

انا مكنتش حاضر ومش فاهم لغايه دلوقتى ايه اللى حصل

و عموما عشان تبئي عارف انك ظلمت واحد معملش حاجة ..
انا اللي قيمت مجموعتكم .. لأن عمرو قالي دي كلها مشرفين و اي حد هيقيمها غيرك هيجاملها .. و انت بتقول انك معملتش كوبي بيست الحقيقة مش هرد عليك هسيبك تشوف الرد اللي فات بتاعي و اسيبك تروح تعتذر لباور الي انت ظلمته انت و الاخ معتز .

[Geucanda]

انا معرفش حوار بوور خالص بس لو تشوفه كل المواضيع المتعلقه بالمسابقه حتلاقو ردي طويل وعريض فيها وياريت تقروه لانه حيعرفكم الحقيقه

[ArabiaN]

.*.*.*.* ألصراحه *.*.*.*.

انا معنديش فكره عن الموضوع نهيائيا ومعنديش فكره ايه الي حصل
انا جيت لاقيت المواضيع مقلوبه متلغبطه وفجات بي خبر الاغاء المسابقه

لاكن الي اقدر اقوله ان كل واحد منا ليه مخ بيفكر بيه وبيحكم بيه
ومينفعش الي بيحصل ده , احنا في المنتدي ديه يعتبر زي بيتنا الثاني يعني كلنا اخوات
والحمد لله كلنا عيشين مع بعض بقالنا فتره وكلنا عارفين بعض وحابين بعض
وبلاش الشيطان يدخل ما بيننا والموضوع يكبر , احنا اسره واخوات في المنتدي , واصحاب . ولعبنا وهزرنا والمنتدي عرفنا علي بعض وتعرفنا علي ناس جديده ....... الخ

* * * * * * * * * * * *
اتنمي ان الموضوع يتحل في اسرع وقت والمياه تعود لمجاريها بدون ميكون حد زعلان من حد , واتنمي سوء الفهم ده يتحل بدون مشاكل او اي خلاف بين الاعضاء او المشرفين , وربنا ومعاكم ومعانا كلنا , ويهدينا ويهديكم
********
وبلاش الزعل من بعض في شهر رمضان المبارك
وصلوا علي النبي , وكل واحد يبدا في المصالحه

.*.*.*.كل عام و انتم بخير .*.*.*.رمضان كريم .*.*.

مع تحياتي