هل انت صائم؟ ( NeVeR LoSe Gr0uP ) موضوع متجدد

[DrACuLA]

مقدمه : الحمد لله الواحد القهار العزيز الغفار . مكور الليل على النهار . تذكره لأولى القلوب و الابصار . و تبصره لذوى الاباب و الاعتبار . فوفقهمم للدأب فى طاعته و التأهب لدار الفرار و الحذر مما يسخطه و يوجب دار البوار فيبعدوا عمن المعاصى و الذنوب و مع تغير الاحوال و الاطوار

اما بعد
قال تعالى بعد اعوذ بالله من الشيطان الرجيم
( و ما خلقت الجن و الانس الا ليعبدون ما اريد منهم من رزق و ما اريد ان يطعمون )

فمن هذا المنطلق الذى خلقنا لأجله . يجب علينا اتباع اوامر الله و نواهيه و ان نتمسك بما امر به و نجتنب المعاصى و الذنوب و الخطايا . و لعل شهر رمضان هو شهر الغفران
(( ففى اوله رحمه و فى اوسطه مغفره و فى اخره عتق من النار ))
و فيه ليله القدر التى قال الله تعالى عنها انها خير من الف شهر

و لكن هل يمكن ان تنقلب كل هذه المغفره الى سخط من الله و عذاب منه؟
هل يمكن ان تبدل الحسنات بسيئات لا حصر لها ولا عدد؟
هل يمكن ان يصوم المرء و يدخل النار؟
هل....... هل........... هل ..........

كلها اسئله محيره . تدعو اللى التفكير فى عظمه الخالق و رحمته بعباده و عدله المطلق


و لكن يوجد امور عده يجب ان تتوافر فى كل شخص فى شهر رمضان المبارك حتى يكتمل صيامه

و ان شاء المولى عز و جل سنناقش هذه الامور سويا فى هذا الموضوع عله يكون خيرا لنا جميعا و فى ميزان حسناتنا يوم القيامه ان شاء الله



اول ما سنتحدث عنه ان شاء الله تعالى و هو من الاشياء التى لا يجوز الصيام بدونها

(((( الاخلاص و احضار النيه ))))

1- الايات
قال تعالى بعد اعوذ بالله من الشيطان الرجيم
( قل ان تخفوا ما فى صدوركم او تبدوه يعلمه الله ) ال عمران 29
(و ما امروا الا ليعبدوا الله مخلصين له الدين حنفاء و يقيموا الصلاه و يؤتوا الزكوه و ذلك دين القيمه ) البينه 5

2- الاحاديث
قال رسول الله صلوات الله و سلامه عليه
( انما الاعمال بالنيات و انما لكل امرىء ما نوى, فمن كانت هجرته اللى الله و رسوله فهجرته اللى الله و رسوله , و من كانت هجرته الى دنيا يصيبها , او امرأه ينكحها , فهجرته الى ما هاجر اليه ) متفق على صحته (البخارى1 , مسلم 1907 )
(ان الله لا ينظر الى اجسماكم , ولا الى صوركم , و لكن ينظر الى قلوبكم و اعمالكم ) رواه مسلم (مسلم 2564)


اذن فالاخلاص ف النيه اذا لم يتوافر فى صيامك و صلاتك و كل معاملاتك اليوميه فلن يقبلها الله منك لأن الاصل ف الصيام هو الاخلاص لله تعالى

فما فائده ان تصلى دون نيتك ف صلاتك لله تعالى , ما فائده ان تصوم غير مخلص ف صيامك لله تعالى .

اخوانى ف الله .لولا انى احبكم ف الله ما قلت لكم هذا الكلام . فأرجو منكم الالتزام بما قرأتموه هنا فأنتم حتما محاسبون عليه .

اللهم بلغت اللهم فاشهد , اللهم بلغت اللهم فاشهد , اللهم بلغت اللهم فاشهد

اشهد الله تعالى انى قد بلغتكم ان من دون الاخلاص ف النيه لا يقبل صيامكم و عملكم و تحسبون كأنكم غير صائئمين . غير عابدين , غير مصلين و هذا حتما جزاؤه جهنم و بئس المصير


الموضوع الاول كان الاخلاص ف النيه لله تعالى . هانظبقه كلنا انهارده و انا اولكم ان شاء الله .
و كل يوم ف رمضان هاكتب حاجه جديده تخلينا نصوم صح . و صومنا يقبل . و ميروحش مجهودنا هدر وصيامنا يبقى اكل و شرب و خلاص

اسف انى طولت عليكم بس اقسم بالله الموضوع مش منقول
و انتظروا بكره ان شاء الله تكمله الموضوع لأنى هاضيف كل يوم من شهر رمضان حاجه جديده

مشكورين جدا

( NeVeR LoSe Gr0uP )
DrACuLA

تكريما منا ل love_allah الله يرحمه جعلها الله ف ميزان حسناته و جعلها صدقه جاريه له
دعواتكم له و اقرؤا الفاتحه له استحلفكم بالله

[DrACuLA]

بسم الله الرحمن الرحيم

بعد ماتكلمنا عن ( الاخلاص و النيه )
موعدنا اليوم مع ما هو من اهم ما يعطى الاجر و الثواب ف رمضان و هو
((((( القرأن )))))

1- الايات
قال تعالى بعد اعوذ بالله من الشيطان الرجيم
( ان هذا القرأن يهدى للتى هى اقوم) الاسراء
( ان الذين يتلون كتاب الله و اقاموا الصلاه و انفقوا مما رزقناهم سرا وعلانيه يرجون تجاره لن تبور ليوفيهم اجورهم و يزيدهم من فضله انه غفور شكور ) ( فاطر 29-30)
( نا نحن نزلنا الذكر و انا له لحافظون ) الحجر 9
(و لقد يسرنا القرأن للذكر فهل من مدكر) القمر 17
( كتاب انزلناه اليك مبارك ليدبروا اياته ) ص 29
(تبارك الذى نزل الفرقان على عبده ليكون للعالمين نذيرا ) الفرقان 1
( و الذين يمسكون بالكتاب و أقاموا الصلاه انا لا نضيع اجر المصلحين ) الاعراف 170
(شهر رمضان الذى انزل فيه القرأن هدى للناس و بينات من الهدى و الفرقان ) البقره 185


2- الاحاديث
قال رسول الله صلوات الله و سلامه عليه
(من قرأ حرفا من كتاب الله تعالى فله به حسنه و الحسنه بعشر امثالها . لا اقول ألم حرف و لكن ألف حرف و لام حرف و ميم حرف ) الترمذى 2910
(ان الذى ليس فى جوفه شىء من القران كالبيت الخرب) الترمذى 2913 و ضعفه الشيخ الالبانى
(يؤتى يوم القيامه بالقرأن و اهله الذين كانوا يعملون به ف الدنيا تقدمه سوره البقره و ال عمران , تحاجان عن صاحبهما) مسلم 805
(خيركم من تعلم القران و علمه) البخارى 5027
(ان الله يرفع بهذا الكتاب اقواما و يضع به اخرين) مسلم 817


اخوانى و اخواتى ف الله اعضاء المنتدى الكرام
بما انكم قرأتم هذه الايات و الاحاديث فأنتم محاسبون على ما قرأتوه و لم تعملوا به
يجى واحد يقولى انا مش هاقرأ مواضيعك تانى عشان ماتحاسبش على اللى بقرا :D
اقولك يا ناصح لو ما قرأتش المواضيع دى هايبقى عليك ذنب اهمال العلم و عدم العمل به

اذن احنا اتفقنا انك مش هاتضر ربنا ف حاجه لو قرأت القرأن . و كمان مش هاتنفعه
بالعكس تماما
دا ربنا سبحانه و تعالى بيقولك الحرف الواحد " شوف لدرجه ايه " الحرف الواحد ب حسنه و الحسنه بعشر امثالها و الله يضاعف لمن يشاء . يعنى مش عايز تاخد على كل حرف 10 حسنات . دا غير انه يمكن ربنا يكرمك و يضاعفلك الثواب

لحظه

احنا كل دا بنتكلم على الايام العاديه . يعنى مش ف رمضان . و ف رمضان كل الاجور مضاعفه لأى عمل . و متنساش . احنا كل دا بنتكلم ف حرف واحد

ما بالك لو ختمت القران ف رمضان . بدال ما كل واحد يصحى الصبح يشوف مسلسل ولا فيلم
و ييجى ساعه الفطار يتفرجلى على بكار :D .. و يقولى TaLK ShoW هايبتدى
ياخى اتقى الله و اقرأ شويه قرأن ينفعوك
انا عايز افهم حاجه
حد فيكم قعد مع نفسه و فكر مره هوه ايه اللى بيستفاده من الهباب للى بنتفرج عليه دا؟


و الله هوه دا اللى احنا فالحين فيه . نتفرج وننسا اللى المفروض نعمله
يا شباب ماتنسوش انا كل دا بتكلم على حرف واحد ف القران
ما بالك لو خلصت كل يوم جزىء
على القرائه السريعه تقدر تخلص الجزء كاملا ف 20 دقيقه
يا سلام 20 دقيقه
اه 20 دقيقه . و الواحد ممنا يعد يرقص ف فرح 3 ساعات و مايحسش انه عمل حاجه
و لما ييجى يقف ف الصلاه و الامام يقرأ بسوره الاعلى يقول ف نفسه " ايه الامام الرخم اللى بيطول دا , هوه مش عارف ان الناس عندها مصالح "
و تكون المصالح بتاعته انه يلحق الفرح او يقابل البنوته على الكورنيش

و مستخصر ف نفسه 20 دقيقه من ال 24 ساعه اللى ف اليوم

و ف النهايه قراءه القرأن من اعظم الامور ف رمضان التى تعطى خير الاجر و الثواب
اتمنى انكم تكونوا استفدتم و عرفتوا ان من دون القرأن لا يصح رمضان


جزاكم الله خيرا على القرأه و انتظروا الجزء رقم 3 ان شاء المولى تعالى


( NeVeR LoSe Gr0uP )
DrACuLA

تكريما منا ل love_allah الله يرحمه جعلها الله ف ميزان حسناته و جعلها صدقه جاريه له
دعواتكم له و اقرؤا الفاتحه له استحلفكم بالله

[DrACuLA]

بسم الله الرحمن الرحيم

كلامنا انهارده ان شاء الله هايبقى عن
((((( الاستغفار )))))

و زى ماكلنا عارفين طبعا ان رمضان شهر المغفره و العتق و الرحمه

ف دى فرصتك الوحيده ف السنه انك تبقى ضامن 100 % ان ربنا سبحانه و تعلى هايقبل توبتك و ان كانت مثل .بد البحر

اذن فعليك بالاستغفار . و دا هوه موضوعنا انهارده


نبدأ ببسم الله

1- الايات
قال تعالى بعد اعوذ بالله من الشيطان الرجيم
(و استغفر لذنبك و للمؤمنين و المؤمنات) محمد 19
(و استغفر الله ان الله كان غفورا رحيما) النساء 106
(فسبح بحمد ربك و استغفره انه كان توابا ) النصر 3
(و من يعمل سوءا او يظلم نفسه ثم يستغفر الله يجد الله غفورا رحيما)النساء 110
(وما كان الله ليعذبهم و انت يهم و ما كان الله معذبهم و هم مستغفرون) الانفال 33
(والذين اذا فعلوا فاحشه او ظلموا انفسهم ذكوا الله فاستغفروا لذنوبهم و من يغفر الذنوب الا الله و لم يصروا على ما فعلوا و هم يعلمون) ال عمران 135


2-الاحاديث
قال رسول الله صلوات الله عليه و سلم
(...... و انى لأستغفر الله ف اليوم مائه مره) مسلم 2702
(و الله انى لاستغفر الله و اتوب اله ف اليوم اكثر من سبعين مره) البخارى 6307
(و الذى نفسى بيده لو لم تذنبوا , لذهب الله تعالى بكم , و لجاء بقوم يذنبون فيستغفرون الله تعالى فيغفر لهم) مسلم 2749
(من لزم الاستغفار , جعل الله له من كل ضيق مخرجا , ومن كل هم فرجا , و رزقه من حيث لا يحتسب) ابو داود 1518
(قال تعالى ف الحيث القدسى : يا ابن ادم انك ما دعوتنى و رجوتنى غفرت لك ولا ابالى , يا ابن ادم انك لو بلغت ذنوبك عنان السماء ثم استغفرتنى غفرت لك ولا ابالى , يا ابن ادم انك لو اتيتنى بقراب الارض خطايا , ثم لقيتنى لا تشرك بى شيئا لأتيتك بقرابها مغفره ) الترمذى 3540


بما ان رمضان دا كله شهر عباده و تقوى و استغفار . ربنا سبحانه و تعالى زى ماشفته ف الايات و الاحاديث هايغفر ذنوبك مهما كانت كبيره

بس اهم حاجه يبقى استغفار صادق و توبه صادقه و نيه عازمه على عدم الرجوع للذنب مره تانيه
مش لحد رمضان مايخلص
لأ رمضان دى بدايه و النهايه بنهايه عمرك و اللى ان شاء الله هايكون على خير

و لكن ما صيغه الاستغفار؟؟؟؟

عن عائشه رضى الله عنها قالت : كان رسول الله صلى الله عليه و سلم يكثر ان يقول قبل موته (سبحان الله و بحمده , استغفر الله و اتوب اليه ) مسلم 484

و عن شداد بن أوس رضى الله عنه عن النبى صلى الله عليه و سلم قال : سيد الاستغفار ان يقول العبد (اللهم انت ربى , لا اله الا انت خلقتنى و انا عبدك و انا على عهدك ووعدك ما استطتعت . اعوذ بك من شر ما صنعت , ايوء لك بنعمتك على , و ابوء بذنبى فاغفر لى , فأنه لا يغفر الذنوب الا انت ) البخارى 6306

و اجاز العلما كثيرا من طرق الاستغفار و لكن يعتبر هذه افضلها

اتمنى منكم و انتوا ف العربيه و انتوا ماشيين ف الشارع و انتوا ف اى مكان بدال مانتوا ساكتين كده و كل واحد عمال يدندن ف اغانى يقول استغفر الله العظيم علها تكون ساعه اجابه , خصوصا ف رمضان

تحياتى و ارجو انكم تكونوا استفدتم
و ارجو تقدير المجهود الذى بذلته و انا اقسم بالله العظيم ان الموضوع مش منقول من اى منتدى و انما دا مجهود ذاتى و تعب كبييير جدا فوق ما يتخيل اى حد و الله


و لكن جعله الله ف ميزان حسناتى و جعله صدقه جاريه على روح محمد الله يرحمه

( NeVeR LoSe Gr0uP )
DrACuLA





تكريما منا ل love_allah الله يرحمه جعلها الله ف ميزان حسناته و جعلها صدقه جاريه له
دعواتكم له و اقرؤا الفاتحه له استحلفكم بالله