الثورة فين؟؟

[Araghon]

فين الثوره ؟؟
هل تعتقد ان لو مسك مصر واحد زى شفيق او عمرو موسى يبقى احنا فعلا عملنا ثوره ؟!!
O.o
طيب لو اجابتك لا ,,يبقى انت ليه سايب ناس قدامك تقول انا هختار شفيق ومبتنصحهاش ؟؟
ده اقل شىء لازم كل واحد فينا يعمله ,,
وتذكروا حديث من رأى منكم منكرا فليغيره بيده (ده اللى عملناه لما نزلنا الميدان) ,فمن لم يسطتع بلسانه (ده المفروض علينا الفتره دى) ,فمن لم يستطع فبقلبه وذلك اضعف الايمان .....او كما قال صلى الله عليه وسلم

طيب هل فعلا اختيار شفيق ده منكر ؟؟
اى حد بيسأل السؤال ده يبقى لازم الاول يسأل نفسه
هل خلع مبارك من الحكم ده كان تغيير للمنكر ؟؟
ايووووووووون
هو شفيق يفرق ايه عن مبارك ,,او على الاقل نظام شفيق هيفرق ايه عن نظام مبارك ؟؟
(والكلام ايضا عن عمرو موسى)
يعنى على الاقل حتى لو اعتبرنا ان كل واحد فيهم شريف (ده على افتراض يعنى) يبقى اكيد اللى هيساندهم وهيبقوا حاشيه ليهم هما هما اللى كانوا حاشيه لمبارك :(
دول حتى عندهم نفس عبارات مبارك
انا او الفوضى ,,بس تطورت عندهم شويه وبقت
انا او خراب الاقتصاد !

يعنى الموضوع ده انا بطرحه او بتكلم فيه لانى بلاقى ناس كتير بتقولى ان اصحابهم هيختاروا شفيق وعمرو موسى وهما مقضيين الموضوع كده عاااااااااادى :( :(

يعنى على الاقل ننصح بدون شتيمه او تسفيه للرأى
اكيد هتلاقوا المصايب اللى الناس دى عملوها ف عهد مبارك موجوده ع النت ,,
مش هتخسروا لما تدوروا شويه عشان تعرفوا تتكلموا بثقه
وطبعا الامر كله بيد لله واللى مكتوب علينا هنشوووووفه
بس خلوها من باب قوله تعالى
(وإذ قالت أمة منهم لم تعظون قوما الله مهلكهم أو معذبهم عذابا شديدا قالوا معذرة إلى ربكم ولعلهم يتقون @فلما نسوا ما ذكروا به أنجينا الذين ينهون عن السوء وأخذنا الذين ظلموا بعذاب بئيس بما كانوا يفسقون)

وقد اعذر من انذر ^_^
باقى اسبوع او اكثر قليلا ع الانتخابات ي قوم ,,شدوا حيلكم
ارض الواقع مختلفه كتير عن النت ,,
وربناااااااا يستر ,,ودعواتكم

وصباح الفل
:)

منقــــــــــــــــــــول