ارجو ذو الخبرة فى الحياة ان يساعدونى

[abdoemad]

بسم اللة الرحمن الرحيم وبة نسعين وعلية نتوكل

اولا ارجو عدم مسح الموضوع لاننى بجد تعبان وفى حيرة

انا يا جدعان اسمى عبدالرحمن المشكلة هى انى انا فى 3 ثانوى عام وكنت جايب فى 2 ثانوى 94.6% وانا حتى الان يعتبر لا اعرف عن المنهج كثير يعنى فى الضياع ودة لاسباب ان اخويا تعب اوى يعنى كان بيكلم نفسة بس الان احسن الحمد للة فا الموضوع اثر عليا و مذكرتش فلقيت نفسى واقع والمنهج تقيل و انا وامنية حياتى اخش هندسة ودة عشان

انا اكبر اخواتى وامل ابويا الغلبان
اتنين ان انا عندى اخين ذو احتياجات خاصة
فا انا ملقتش حل غير انى اعيد السنة واذاكر بجد انشاء اللة وهشتغل من النهاردة الى شهر 10 او 11 عشان اجيب فلوس الدروس

طبعا فكرت كتيييييييييييييييير قولت اكلم ابويا

ابويا اتفاجىء وزعل جدا حولت اشرحلوا لكن زعل وقلى يبنى خلاص الفات فات لكن انا نفسى احقق امنيتوا
نفسى بجد وامى هكذا بدأ الضغط من اقاربى دة انتا ها تعيد السنة عشان تلعب انتا فاشل الخخخ

ماذا افعل الان ويارت الناس ترد عليا بخبرة وعقلنية مع ان حياتى سوف تتوقف علىكوا وبعد كدة انشاء اللة ها استخير ربنا بس يارت تفيدونى ضرورىىىىى

[™~_EvilPain_~™]

من الاخر ذاكر و قول بسم الله الرحمن الرحيم

و ابدا حياه جديده فى المذاكره ده الحل

عشان باباك و مامتك عوزينك يشفوك مهندس ذاكر و سبها على الله

[ToXi]

ذاكر لحد الامتحانات واللي فيه الخير يقدمو ربنا :)

[Mandren]

ذاكر اوي ولو دخلت الامتحانات و لقيت نفسك هتجيب كمل لو معرفتش عيد و اتكل علي الله كويس انك قادر تحافظ علي حلمك

[iMido]

بص يا عبده انا على حد علمى ان امتحانت 3 ثانوى فى شهر يونيو يعنى معاك شهر
و على حد علمى برضو انك ممكن لو دخلت الامتحان و نجحت و جبت مجموع مش عاجبك ممكن تعيد السنه براحتك
ف على حد علمى برضو بنصحك تدخل الامتحانات و الى فيه الخير هيقدمو ربنا

[GaKsoN]

يا جدعان يذاكر ازاى بس و هو بيقولك ميعرفش حاجة خالص من اول المنهج و عايز يخوش هندسة !

اقسم بالله يابنى الى انت فكرت فيه من راى 100% صح لو عايز تسعد امك و ابوك و تحقق الى انت عيزوه و تخوش هندسة ..

كمان انت بسم الله ما شاء الله 96% فى سنة 2 كويس جدا

الى يجيب الرقم ده يبقى فعلا دماغه نضيفة و عقله كويس و بتاع مذاكرة

فانا من راى شوف انت اوعد ذاكر من ديلوقتى لحد يوم الامتحان

و شوف نفسك لاقيت نفسك بنسبه حتى 70 % هتعرف تحل خوش

لقيت نفسك فى الضياع فانا من راى عشان تخوش هندسة اعمل الى انت كنت عايز تعمله

بس حاول على قد متقدر تذاكر و تعديها السنة ديه لان السنة من العمر هتعرف قميتها اما تكبر

بس زاى مقولتلك برضو عشان متندمش لو لاقيت نفسك مش هتعرف تحل حاجة نهائى و مش هتوصل للنسبة الى انت عيزها يبقى اعمل الى فى دمغاك و هيجى اليوم و تثبت لامك و ابوك انك مكونتش فاشل و انك كنت بتتكلم صح

و القرار قرارك برضو و انت ادرى بمصلحتك

[kazA]

ذاااااااااااااااااااكر وشيل ام الكمبيوتر خاااااااااااالص وان شاء الله هتدخل هندسه
باس متنسانيش بى واحده ساقعه من الحجم العائلى دا :]

[YError]

بص يا حبي انا من رأيي ان انت تذاكر الشهر اللي فاضل ده وتخش الامتحانات لقيت نفسك عارف تحل شويه

جرب وكمل للاخر ممكن تجيب مجموع حلو ولول مجبتش مجموع حلو عيد السنه واللي انت ذاكرته هينفعك

في السنه الجايه


وبالنسبه ان انت عايز تتاكد ان قراراك ده صح ولا غلط انا بقولك وربنا قراراك صح 100000% لان انا ابن خالي كان

نفس الموضوع برضوا وجاب في 2 مجموع حلو وفي 3 مجموع مش قوي عاد السنه وربنا ودخل هندسه انا

مش بقولك كده عشان اطمنك لا والله الموضوع ده حصل بجد

بس بجد تسلم انك متمسك بهدفك كده وربنا معاك

[Iam_Back]

بص يا ريس

انا ف تالته زيك

نفس الحوار حصل معايا السنه اللي فاتت

جدتي توفت و البيت كان مشغول و انا ولد علي بنتين


قبل الامتحان بشهر كنت ف الضياع


بس كان في ماده كنت تمام فيها اوي
هي الرياضه
و الفرنساوي شويه و الكيميا ميييح و العربي شرجه

فضلت اقول برضه هزاكر ان شاء الله و ربنا معايا لان انا والدي صعب شويه يعني لو قولتله ااجل ولا حاجه ممكن يرميني م الشباك ساعتها

اعتمدت علي الله


و بدات ازاكر و الصلاه مانسيتااهش برضه

و جه اليوم الموعود اول يوم ف الامتحانات و كان يوم امتحان العربي

عدي علي خير الحمد لله و كل المواد كانت فله

جيت بقي ع اخر ماده الكيميا كان قبل الامتحان اسبوع

جيت ف اخر يومين اغمي علي
لاني كترت ف الادويه و المسكنات علشان كان عندي مشكله ف العصب بتاع السنان

طار مني يومين كان فاضلي العضويه ماراجعتش عليها
بفضل الله قبل الامتحان ب 5 ساعات راجعتها و توكلت ع الله


النتيجه بقي ظهرت
و الحمد لله جبت 96%

انا مش بحكيلك القصه دي علشان اتباهي بنفسي ولا حاجه

انا بحكيها علشان اقولك توكل علي الله و اجتهد انت بس و ركز ف مزاكرتك

و ان شاء الله خير
فاضلك شهر و عندك خمس مواد يعني لو قسمت الشهر علي اربع مواد تخلصهم فيهم و تسيب الماده الخامسه اللي هي العربي لاول الشهر

و اول الشهر هيكون فاضلك 9 ايام ع الامتحان

تظبط فيهم العربي و تتوكل

و باقي المواد انت بقي مزاكرهم ف الشهر اهو
قبل كل امتحان اي ماده بيكون ع الاقل ف يومين

تراجع فيهم تاني ع الماده و تحل امتحانات

دا غير انك عندك قبل الفيزيا المره دي 9 ايااااااااام يعني فرصه العمر

دا الجدول السنه دي لووز

و بعدين هقولك علي حاجه

انت ماتضمنش السنه الجايه ايه اللي هيحصل

مثلا لا قدر الله مشاكل او اي حاجه وبعدين كماان هتكون ف حاله نفسيه مش كويسه
لان كل اصحابك هيكونوا خلاص ف الكليه و انت لسه ف الثانوي هيكون عليك ضغط يمكن يكون اكتر من الضغط اللي عليك دلوقتي

و ف الاخر ربنا يوفقك و يهديك للي فيه الخير

[™Tea®s. king™]

انا رآى انك تبدء تحل نماذج فقط لا غير السؤال اللى مش عرفو تفضل تدور عليه من الكتاب المدرسى او
الخارجى انتا بنفسك مش حد تانى مش تذكر مع صحابك وتسبهم يجبولك الاجابة وخلاص عشان متنسهاش

عشان مفيش وقت انك تراجل كل المواد من تانى الا انك تحل من دلوقتى ان شاء الله هيفرق معاك جامد وتوكل على الله وان شاء الله هتجيب الموضوع اللى يخليك تخش هندسة

وبتوفيق ان شاء الله

[DeMooN_Hell]

والله الكل بيقولك اجابات احسن من بعض شوف اللي يناسك و اعمله !

[moha1a]

بص انت عارف مصلحتك اكتر من اى حد
لو شايف ان الاحسن انك تعيد السنة ملكش دعوة بحد و عيد ...
بس نصيحتى انك تكمل و تحاول تشد فى الكام اسبوع دول و ربنا هيوفقك بإذن الله و حتى لو مجبتش هندسة يبقى ربنا مش رايدلك و هيديك حاجة احسن اكيد .
اهم حاجة ساندوتشين حلاوة قبل الامتحان و ربنا هيوفقك بإذن الله

[™ No_Name ™]

ذاكر وادعى لربنا انو يوفقك وسيب الباقى على الله

[never give up]

المشاركة الأصلية كتبت بواسطة gakson عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يا جدعان يذاكر ازاى بس و هو بيقولك ميعرفش حاجة خالص من اول المنهج و عايز يخوش هندسة !

اقسم بالله يابنى الى انت فكرت فيه من راى 100% صح لو عايز تسعد امك و ابوك و تحقق الى انت عيزوه و تخوش هندسة ..

كمان انت بسم الله ما شاء الله 96% فى سنة 2 كويس جدا

الى يجيب الرقم ده يبقى فعلا دماغه نضيفة و عقله كويس و بتاع مذاكرة

فانا من راى شوف انت اوعد ذاكر من ديلوقتى لحد يوم الامتحان

و شوف نفسك لاقيت نفسك بنسبه حتى 70 % هتعرف تحل خوش

لقيت نفسك فى الضياع فانا من راى عشان تخوش هندسة اعمل الى انت كنت عايز تعمله

بس حاول على قد متقدر تذاكر و تعديها السنة ديه لان السنة من العمر هتعرف قميتها اما تكبر

بس زاى مقولتلك برضو عشان متندمش لو لاقيت نفسك مش هتعرف تحل حاجة نهائى و مش هتوصل للنسبة الى انت عيزها يبقى اعمل الى فى دمغاك و هيجى اليوم و تثبت لامك و ابوك انك مكونتش فاشل و انك كنت بتتكلم صح

و القرار قرارك برضو و انت ادرى بمصلحتك

الراجل دة كلمة صح 100/100 وانا معة فى كلامة وربنا يوفقق انتا ولى زيك وعلى فكرة مش الهندسة كل حاجة المهم انك تدخل الكلية الى تحس انك هيستفد منها فى ناس كتر متخرجبن من الهندسة وى مش لقين شغل دى وجهت نظرى وفى الاول ولاخر القرار قرارك والسلام ختام

[ALEX_MOON]

بص انا مش مع فكرة انك تعيد خالص عشان ربنا بيسبب الاسباب يعنى ممكن يكون مش مكتوبلك انك تدخل هندسة مش عاوز اقفلها فوشك بس انت ممكن تعيد و ربنا يكتبلك كليه تانية برضه فانت شد حيلك انا معرفش مواعيد امتحانتكم امتى بصراحة بس تعالى قبل كل مادة و اكيد فى ملخصات او مذكرات و انت شكلك طالب ذكى يعنى مش شاء الله عليك يعنى لو جيت قبل كل مادة عصرت نفسك و ذاكرتها كويس بتركيز و تبقى حاطط قدامك حلمك انك تدخل هندسة حتقدر تعمل حاجة لكن لو عدت السنة اولا سنة من عمرك و على فكرة حاجة صعبه او خصوصا كمان لو اول مرة ثانيا لو عدت و مدخلتش هندسة حتبقى اصعب و اصعب و حط حاجة فدماغك الخيرة فيما اختاره الله اتوكل على الله و ذاكر و اللى يحصل بعد كده اعرف ان ربنا اختارهولك و انك لازم تبقى كويس فيه و مش عشان ترضى ابوك و امك لازم تبقى مهندش عادى لو دخلت اى كليه تانية و بقيت انسان ناجح فمجالك حترضيهم