أنا ركبت .. تعالى أركب أنت كمان ...

[WELFA]

راكب من كام يوم تاكسيــ و لابس الحتة اللي على الحبل
حتقوليـ ليه
حقولك رايح أقابل الجماعة و حنجيب حاجات
^^

بس و كنت بكلم الجماعة و أنا فيـ التاكسيــ و بقول :
"كان عنديــ Section Mechanics أمبارح و حاجة زايــ ال*** و بعدها Math و كان عنديـ تسليم لوحة "
و أعدت أتكلم و أنا مش ملاحظ خالص ان السواق مركز معايا لدرجة ان هو شوية و حيعد على حجريــ

ما علينا خلصت المكالمة و لاقيت بتاع التاكسيــ بيقوليــ : " ألا انت في كلية أيه يا نجم !! "
قلت باين عله راجل فصيل و حيحكليــ قصة حياته و ان هو كان مظبط مع Shakira و خدت فلوسه و فلسعته
قلت بحسن نية : " هندسة يا أسطى "

و لقيت فجأة الخمسات تتوالى و الضحكات المتعاليا ..

قلتله : " فيــ حاجة آسطى !! "
قال : " أصل انا كنت فيــ هندسة .. و آديــ آخرتها "
متابعا حديثه : " و أنت نازل و متشيك و خارج و أنا هنا بوصلك .. ده أحنا على أيامنا كان بيطلع كفران أبونا عشان نلاقيــ وقت نذاكر .. ده أنت جيل مخموخ ...... و فتح فيــ الكلام .. انا قعدت 5 سنين عشان الاقيــ شغل و مفيش و ظلم و الوسايط شغالة على ودنه و أشتغلت 100 شغالنة قبل ديــ .. فرحان اويــ أنك فيـ هندسة طب البس "

بينيــ و بينكوا أتضمت منه
و آه انا آصد أكتبها بالميم


بس قلت : " على جمب هنا آسطى "
قاليــ : " لسا "
قلتله : " معلش نسيت حاجة "
و بعد اما نزلت أعدت أفكر
لو ده هندسة و أنا كمان هندسة حبئا شبهه !!
طب ما أنا أبويا و أخويا هندسة و شغالين و برا مش هنا ,,
أشمعنا !!

أقضيت اليوم و روحت
و بكلم أخويا الكبير فيــ طب
و بحكيلوا أيه الليـ حصل
قال باللفظ : " ده راجل عدم الا مؤاخذة .. ملعوب فيــ أساسه "
فأنا استغريت
قاليــ أخويا : أنت عارف ان ابوك قبل أما يسافر المفروض كان يبقا مدير عام الشركة من 5 سنين بس عشان الوسايط ممسكش !! بس برده كمل لغاية انا ربنا كرمه .. الراجل ده مجراش على رزقه و أشتغل الحاجة السهلة "
قاليــ : " ان شاء الله يشتغل في مكتب هندسيـ على بال أما يلاقيـ شغل مهندس بجد .. بس هو أنسان أنهزاميــ ... "

أنت شايف مين معاه حق أخويا .. ولا الراجل و انه ملقاش شغل !!
و أنت شايف نفسك فين من دلوقتيــ و حتبقا أنهيــ واحد !!

[.a7la-smile.]

الف شكر

[CError]

فظيع ياض وربنا انتا كدا داخلت مي هارت ^^

عبيبي يابو نسمه ^^.

ايه الجمال دا اموت وا اعرف انتا بتشرب ايه

لمه بتيجي تعمل موضوع^^

[MadOmar]

موضوع جاحد كالعاده ^^

بس اقولك حاجه الاتنين معاهم حق ودي ارزاق فعلا والدك مبقاش انهزامي وكمل ومسكتش

والراجل تاني مش انهزامي بس لأ الدنيا بتتقفل في وشه وكل ما يروح حته يقلبوه

ومش عارف يسافر ولا اي حاجه فقال اشتغل سواق تاكسي وربك يرزق


مهما كان انا شايف ان ده رزق وتوفيق ربنا ممكن واحد خريج خدمة اجتماعيه يشتغل
احسن من واحد خريج هندسه بضربة حظ

عشان ربنا كاتبلوا كده

[Sky_AnGel]

مواضيعك جاااااامدة اووى

[''New_Year'']

تسلم

[™_King_Redsea_™]

انا شايف أخوك عنده حق طبعا وكل حاجه محتاجه تعب عشان توصل بس لازم واسطه عشان توصل عشان احنا في مصر

[! FiRe !]

استسهال بعيد عنك !

[ALEX_MOON]

اخوك طبعا عنده حق ان الله لا يضيع اجر من احسن عملا

[Kemo Eagle]

يخربيت اسامى مواضيعك يا عمر ^^

انا مش عاوز اركب يا عم اعوذ بالله



لأ بس اخوك معاه حق عشان لازم الواحد يجتهد ميقعدش يستنى الوظيفه
( اسعى يا عبد وانا اسعى معاك) ولا ايه ؟

[HiGhVoLTaGe]

قلب امك

[HecT000R]

عليا النعمة حيطلعــــ صايع بالدبلونــــ ،، و بيشتغلكـــ بالحكاية و الرواية و الفيلمـــ ده عشان مترغيش معاه كتير فــــ الاجرة

[lion heart]

موضوع جامد جدا
كل الحكايه ان الواحد يعمل اللى عليه ويخلص دراسته وموضوع الشغل والرزق ده مكتوبلك قبل متتولد

[™ └ Jo MaNsOuR ┘ ™]

تسلم ايدك

[kastel]

‎ايه يا عمر حرام عليك انا جالي عقده بس ان جتلي الحق اللي اتنين صح لان ديه ارزاق ونصيب ومفيش حد بيموت ناقص رزق بس مثلا ميجيش واحد ساقط هندسه 3 سنين ويقول انا عايز اشتغل زي اللي طالع الاول ع الدفعه اكيد هتفرق كتير وربنا معاك يا عم ومتبقاش سواق تاكس او حتى مكوجي و ف نفس الوقت متبقاش زي اخوك وتفارق بلدك وتكمل حياتك في الغربه ان شاء الرحمن تبقى احسن من اللي اتنين وربنا يكرمك ب توك توك :d ‎‏‎