المهزله الحصلت فالمسابقه

[iZexo]

بسم الله الرحمن الرحيم ,,

من غير دخلات ولا أطول ,, و الكلام الكتير .. لأن أصلا أنا كنت مشغول جدا إنهردا و ورايا مذاكره و إضطريت أخش عشان الحصل ,,

Beckham

Kemo

دلوقتي الكلام الفكسان الحصل ,, بالمواضيع ,, بالتصويت كله كله
Deleted

تمام

يعني من الأخر ,, هتفتح موضوع جديد على بياض ..

مفيش حد فيكم يعتبر إن إتوجهلو إتهام ,, مفيش حد فيكم هياخد إنذار أو إستبعاد من المسابقه ..

أظن الكلام ده مفهوش مشكله ..

<-->

بالنسبه للموضوع الجديد

إستطلاع مرئي لمدة أسبوع ,, مش هيحصل هيصه زي المراضي ..

قسما بي الله لو حصلت حاجه .. لكون مزعل ناس كتير .. إحنا عملين المسابقه علشان تتولد جوانا روح تنافس مش روح عدوانيه .. إحنا عملينا لمسابقه عشان تزود الترابط الما بينا و ما بين بعضنا مش عشان نتخانق و نتهم ناس و ناس تزور و نوجع دماغنا و لو بصنالو فالآخر هنلقيه حوار تافه و يتحل في دقيقتين ..

بعد إذن D3MO طبعا ..

أنا هنزل موضوع بكره بعد الظهر ,,

لو حد عنده أي تعليق ,, أو أي إقتراح ,, يتفضل يقولو قبل ما أنزل الموضوع بكرا ,, لأني مش هسمح بي أي حاجه تحصل فالموضوع..

إفتكرو إني قلت إقتراحات ,, مش خناق ,, ولا إعتراض على كلامي ,,

سلامي ختامي .. يا رجاله

[HecT000R]

انا كنت حعمل نفس الموضوع و اخد نفس القرار بخصوص حزف المواضيع و الاستطلاع المرئى
بس كويس انها جات منك انت يا مصطفى اهو انت من رجالة السيرفر و حتبقى خفيفة و مقبولة شوية منك عن لو كانت جات منى او من ياسر او كريم

شباب الى حصل النهارده و المهزلة الى فى الاهدائات و رسائل الزوار دى متنفعش احنا بنتعامل برجولة احنا شباب كبار مش اطفال حنقعد نتخانق على مين ياخد الجرانت نيم
و رجاء يعنى عشان نخلص الموضوع من غير ما نزعل حد الى يدخل يصلى ع النبى و يقول حصل خير

مش عايزين مبررات ولا اتهامات من حد للتانى

[iZexo]

يا هيكتور كلنا إخوات هنا و لو جت منك من كريم من ياسر كلنا واحد ..

بس الفكره إنهم مش فاهمين كدا .. هما كانو في صراع على الجرانت نيم ,, أنا عايزهم يفهمو إن الجرانت ده لليكون عمل كل العليه مش العندو صحاب أكتر ولا اليعمل عضويات ..

مستني كل المواضيع لحد بكره عشان أغير الموضوع ده بالتصويت

[Fighter Cool]

المراضي

العربي عندك فله

تمام

استني رد كيمو و بيكهام

مكنش جرانت ده الي يعملوا عليه كده

امال لو كانت عضويه زرقه كانوا عملوا ايه xD

[.a7la-smile.]

كلامك 100%

[MadOmar]

الحيخلص الحكايه كلها كيمو وبيكهام مفروض يدخلوا الاتنين ويعتذروا لبعض هنا وخيركم من يبدأ بالسلام

ويرجعوا اخوات وحبايب وما محبه الا بعد عداوه ^^


وسمعني سلام الصلح خيير ^^

[ღ♥:: Beckham::♥ღ]

يا جماعة انا بالنسبالى مفيش اى حاجة ومعتبر مفيش اى حاجة حصلت
اما عن اننا نعتزر لبعض انا وكيمو مع احترامى لكل الرجالة اللى فى الموضوع مش هاينفع
وبالنسبة للمسابقة انا منسحب خلاص منها

[iZexo]

Fighter

بالنسبه لي بيكهم

مش هو ده الرد الكنت مستنيه بصراحه -.-
مش هقولك أكتر من كدا ,,
عيد النظر في قرارك..

[No_Rules]

استاذ بيكهام ..

ياريت نعدى الموضوع بشكل احسن وافضل من كده عشان دى فى الاول والاخر لعبه

لو فكرت فى الموضوع من ناحيه تانيه هتلاقى انها ملهاش لزمه والعصبيه والنرفزه مش هتفيد بحاجه ..

وانا مرضتش اتدخل فى الموضوع من الاول

فيــاريت يبقى فى حل يرضيك ويرضيه هو كمان

[ღ♥:: Beckham::♥ღ]

يا جماعة والله انا مقدر كل اللى بتعملوه وكلامكم ده على راسى بس والله انا ولا فارق معايا ولا جرانت نيم ولا حاجة والله انا فى المنتدى من 2008 ومش بكتب ردود كتير ولا فى دماغى عضو ذهبى ولا جرانت نيم والله ساعات بكتب الرد فى الموضوع وامسحه تانى واخرج ومش برد الا لو بكلمة شكر علشان حاسس ان العضو تعب اوى فى الموضوع او بسأل عن حاجة او ليا رأى عاوز اقوله
وبعد اذن كل الناس اللى اتكلمت فى الموضوع انا عاوز انسحب من المسابقة

[iZexo]

ماشي يا عم إحنا مقدرين كل ده ..

لكن مش بعد كل ده تقولي منسحب ,, يعني بعد كل وجع الدماغ ده و بعدين منسحب !

متفقعليش المراره الله يخليك

[Kemo Eagle]

ماشى كلامك يا مصطفى ويا محمد ويا عبده ويا عمر ويا ياسر
انا معنديش أى مشكله بس هو قالى Kemo Eggs دى اللى ضايقتنى
وبيقول محسوبيه والله كل اللى فى الموضوع ان اصحابى عملوا معايا واجب ^^
وانا خلاص صافى يا لبن عشان خاطر الرجاله المحترمه اللى اٍدخلت وعشان
خاطر SilkRoad4arab

[Mr.D3MO]

خلاص يا رجاله كلام جميل و انا بعتذر لكل الناس اللى زعلوا منى :giveup:

[iZexo]

خلاص كدا تمام ..