نبأ عاجل : قيام بعض اللصوص بسرقة الأستبل المتواجد بالأسكندرية الجنوبية ^^

[Kemo Eagle]

فـى بــدايــة الــمــوضــوع بــشــكر جـرجــس عــلــى الفـكــره الـجـامــده دى ^^
يلا نــبــدأ ولا ايــه ^^



بـعد ماراحوا الحراميه عشان يسرقوا الاٍسطبل يا معلم قاموا لاقيين
التجار واقفلنهم ومعاهم بقا العصيان والكذالك والمطاوى وفى ناس معاها
بلطه ^^ كل واحد على قده بقا ومعاهم مين يا عم الحاج معاهم الهناتر بتاعت
اسكندريه كلهم ياعم الحاج ! يا شتات الشتات يابا رشدى كلهم !!
فا يا معلم التجار مسكوا حبه والهناتر مسكوا حبه و تك تك تك بس على مين يابا
الحراميه كانوا ناصحين كان معاهم واحد Wiz عمل الاٍسكيل بتاعت الاخفاء للفريق كله
وقاموا مستخبين وكل واحد ضرب الDrug وهاتك يا جرى ليه عشان الجرى نص الجدعنه ^^
بس على مين باردو ده تلت تربع الهناتر Wizz يعنى معاهم Detect يعنى اوعى يغرك جسمك
يا ليمبى قام الهناتر عاملين الاٍظهار فظهروا الحراميه وهما لسه يجروا بس بعدوا عنهم شويه ^^
قام كا هنتر مطلع الحصان بتاعو انت هتقولى طيب فين التجار هقولك اصبر مهما اللى ادوا للهناتر
الأحصنه وهما كمان ركبوا الأحصنه وطـــارو ورا مين الحراميه لأ عايزك تركز معايا ^^



ووالحراميه بيجروا يا معلم قام ايه اللى حصل الظاهر كده اٍن الهناتر والتجار كانوا ناصحين جامد جدى
انت هتسأل ليه اقولك انا عشان كانوا راميين زيت معفن لسه طازه فى المدينه
وفعلاً الحراميه اتزحلقوا وطلع عينهم اللى وقع ومقدرش يكمل اتنفخ واللى وقع ولسه فى الصحه
كمل جرى وتفكير ازاى يخلص من التجار والهناتر المهم اللى مكملوش كلوا علقه صعبه صعبه
وهما دلوقتى فى القسم الشرقى للاٍسكندريه ^^ الهناتر بيحاولوا يخليهوم يعترفوا
بس هما طلعوا رجاله مع أول قلم خرو على المكان اللى جرى ليه باقى الحراميه
المهم يا كبير قام الهناتر والتجار لمين العده والأسلحه البيضا اللى كانت معاهم
وهُب على المكان وطبع فين المكان ده جنب الواد سكسكه بتاع الفوول اللى على أول النصيه
جنب بتاعت الHp والMP قاموا داخلين عليهم وهاتك يا ضرب لكن بردو الحراميه طلعوا
صايعين وكانوا عاملين فخ أول ما رِجل الهناتر دخلت الشقه اللى كانوا فيها قاموا اتعلقوا بقوا
مابين السما والأرض متشعلقين كلهم دوون استثناء لأى حد قام الزعيم بتاع الحراميه
قال ايه نقتلهوم قام تلميذوا قاله لأ يا باشا احنا نسيهم يٍِستوو براحتهم واحنا نروح نسرق
المدينه بقا خلاص مبقاش فيها ولا تجار ولا هناتر قالو انت برنس يا ولا تلميذى بجد
قام مين اللى سمعهم الواد الصغير اللى كان بيضرب معا واحد من الهناتر اللى كانوا متشعلقين



المهم راح فكهم من الشُعليقه اللى كانوا فيها ^^ وقالهم كذا كذا كذا على الحراميه
انهم رايحين المدينه قاموا خارجين عشان يركبوا الاٍحصنه بص بقا المفجأه
ملقوهاش الحراميه خدوها عشان يرجعوا بيها مكان الأستبل عاسن السكه طويييله
قام بالصدفه واحد مدى كلموا رئيس الهناتر المهم يعنى استلف منه حوالى عشرميت حصان
عشان الهناتر كلها تركب وبالفعل راحوا لقوا الحراميه متكيفين هناك وبيسرقوا براحتهم
وبينقلوا البضاعه على اقل اقل اقل من مهلهُم قاام الرئيس ققالهم ايه احنا مش عايزين نغلط
زى المره اللى فاتت احنا عايزين نتقسم حبه من على اليمين وحبه من على الشمال
وحبه من قدام وحبه من ورا قاموا بالفعل داخلين عليهم وبالفعل تم القبض عليهم



يا عم اصبر لسه القصه مكملتش شوفت الواد اللى كان بيتدرب عند الهانتر
ليه أخ بردو كان بيتدرب عند واحد من الحراميه المهم غفل بتاع القسم
ودخل فكوهم وفتح الباب بالطفاشه ماهوا كان حرامى حرامى ^^
وقعدوا يفكروا ازاى ننتقم من الهناتر والتجار قام واحد منهم قال بـــس
احنا نبعتلهم ستات مُزز حلوه كده وأول ما كل واحد يسرح بالمُزه بتاعته على الخيمه
احنا نصورهم فيديو وتبقا فضيحتهم بجلاجل بس احنا مش هنفضحهم احنا هنساومهم
وبالفعل تم المُخطط الشرير من الدماغ السم اللى هى أنا ^^
وبدأوا يساوموهم على انهم يسرقوا المدينه كلها المرادى طماعين بقا
فا كلهم وافقوا ما عدا واحد كان بيخاف ربنا قال لأ مش انا اللى مدينتى تتسرق وأقف بتفرج
تُظ فى الفيديو أهم حاجه المدينه قام رااح للحراميه برجليه !! وتصرف تصرف غبى
قــتـــل الزعيم بتاع الحراميه على غفله قاموا قالوله ازاااااااااااااااااااااااااااااااااااى
قاموا دابحينه وقطعوا دماغه ورموها عند الخيمه بتاعت الهناتر قام الدم غٍلى بتاع الهناتر
قاموا رايحين للحراميه وقعدوا يقتلوا فى بعض لحد ما اٍيه اللى حصل ؟



مفضلش غير الواد وأخوه لسا فاكرينهم قاموا كل واحد مسك السلاح بتاعوا
ورفعوا على بعض السنج والمطاوى وكان مشهد مؤثر جدا
وكل واحد فيهم كان بفتكر الأيام الحلوه اللى بينهم وكانت المطره بتنزل
والمشهد كان درامى موووووت ولسا هيضربوا بعض قامت الحكومه
المركزيه لمدينة الاٍسكندريه وقفتهم واعتقلت الواد الشرير وانتصر الخير فى الأخر

مـن تــأليفى واٍخراجى واٍنتاجى وكله كله ^^

[goosa]

ههههههههههههههههههههه

حلوة أوي ديه

بس مين بقي يا فالح

اللي نبه التجار و الهناتر في الأول؟!

بالتوفيق

[™ └ Jo MaNsOuR ┘ ™]

هههههههههههههههه جامده
انا تهت منك بتاع 5 مرات
بس اى خدعه قول بقى انك مقتبس منى الحكايه بتاعت استخدام الاسكلات دى

معاهم واحد Wiz عمل الاٍسكيل بتاعت الاخفاء للفريق كله

استاذ العربى بيقولك الترجمه هتنزل امته ؟

[Senior007]

ههههههه , جــامده

[Kemo Eagle]

شكرا لأى حد رد ويا جرجس ركز فى الموضوع هتشوف ايه الحوار انا مش ناقصنى حاجه
وانا مش مقتبس اى حاج من حد يا jOalex

[xD4RKH3R0x]

الصراحة موضوع تستاهل تاخد عليه الاول و اعمل حفلة انشاء الله لو كسبت و اعزمنا على فشار ههههههه

[Kemo Eagle]

المشاركة الأصلية كتبت بواسطة DARK_HERO_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الصراحة موضوع تستاهل تاخد عليه الاول و اعمل حفلة انشاء الله لو كسبت و اعزمنا على فشار ههههههه

هههههههههههههههههههه ربنا يخليك
فشار بس ده لو كسبا يبقى فشار وحاجه شاقعه وسينما حفلة من 12 الى 12

[ahmedbazoka92]

هههههههههههههههههههههههههه لا حلوه القصه

[Ultra]

نااااايس قصة :drive1:

[Teto80]

Nice

[bos2love]

ههههههههههه حوار حلو ولله