شوية عجبوني من علي الفيس بوك

[goosa]

يا ويلكم يا ويلكم بكل أعضائنا

جايبلكم شوية حاجات من علي الفيسبوك
تستاهل ضحكتكم



أول حاجة

الواد فبطن امه.. ف الشهر التاسع من شهور

قـالــتــلـه اوعــى تــنــزل ..بابــنـي الـبــلـد بتثور
... ...
... و انـــا بــوعــدك..هـبـقـى أولــدك ,,لـمـا الــريـس يـغـور
... ...
-------------------------------------------------------------

D: أنزِل يا أماا ؟-

يابــنــي اسـتـنى الريس غار -

بـــــــس مـــــافـيش استقرار

علشان تلقى رغيف العيش

! اُصبُـر ست شهور عالجيش

--------------------------------------------------------------

:) انزل يا أماا ؟-

يا بني استنى ماتستعجلش !!-

!انا عايزاك يعني ماتنزلش ؟

سيب الجيش شغال بمزاج

ليه تفسي كاوتش الانتاج ؟

و خلاص بيحاكموا اهو المخلوع

يعني اتطمن م الموضوع

و بكرة جمعة التطهير

يوم السبت اِنزل على خير !

------------------------------------------------------------------

: ] هااا.. انزل يا أماا ؟ -

لا استني كمان معلش-

اصل الناس يومها مانزلتش

يا أما ازاي ؟ ده أنا لسة شايف ف المصري اليوم-

! التحرير فيه كذا مليون ...

ما تبقاش خايب زي ابوك -

! دول فوتوشوب .. ازاي خدعوك

-----------------------------------------------

:O انزل يا أماا ؟؟-

اسكُت يابني -

شفت ابوك راح يشتري فول

راحوا مسكوه على انه فلول ,,,

يا أما ازاي ؟؟؟ منغير قضية ؟؟-

لأ محاكمة عسكرية -

-------------------

:S طب أنزِل يا أماا ؟؟-

شفت في حادثة ناحية بيتنا -

كنيسة اتضربت فحصل فتنة

ازاي يا أما !! و الجيش فين؟؟-

أمما صحيح مجلس مساطيل

يا بني بس ماتظلمهوش-

!كانت الساعة اتنين بليل

------------------------

أناا ناااازل يا أماا -

:@@@@@@@@@

مش عارفة ليه مستعجل انتَ-

فاكر انك أجدع م الشرطة ؟!

اُصبُر شهر اتنين ب كتيره

و اِنزل على تسليم السُلطة

:S
لأه خلاص يا أما و لايهمِك-

خدت خلاص عالقعدة ف بطنِك..

بس فحالة اني زهِقت

و صللي عندي كابل الِنت

و لو الكابل هيعمل زنقة

حطي بداله واي فاي مش فارقة

و بلاي ستايشن و دراع مالتي

نلعب أنا و أخويا يا مامتي

اه ب الحق اخوك عامل ايه ؟-

سلملي بالمرة عليه

:اخويه كويس اهو بيقوللك -

ماتنسيش تبعتي ليه بلالين..

..بكره هيتم التلاتين

,,,

: و بيسأل

D: ينزِل يا أما؟؟



و صلتم بالسلامة ولا لسة؟!



محشش بيحل امتحان
:
:
:
:
... ... ... ... :
س : ماذا تعرف عن اشهر قاده الحرب العالميه الأولى ؟
ج : كلهم ماتو
:
س : اعط مثالا للاشياء التي لا تذوب في الماء ؟
ج : السمك
:
س : اذا اعطاك شخص برتقاله ماذا تقول له
ج : قشرها
:
س : حول عبارة تذهب امي الى السوق إلى صيغه الماضي ؟
ج : تذهب جدتي الى السوق
:
س : خمسة بنطلونات + خمسة قمصان + اربعة احذية . فما الناتج ؟
ج : خمسة رجال واحد منهم حافي



صباح اللي بتغني



عشر اسباب ليه البنت احسن من الولد
.
.
.
... .
... ... .
(1) لو البنت فى وسط المحاضرة وعطشت وحبت تشترى كانز تقول للدكتور من قضلك يا دكتور عايزه اخرج يسالها ليه متردش و تلاقى الباب اتفتح
اماالولد لو جاله تليفون ان ابوه مات واخواته اتحرقوا وامه فى الانعاش يقوله هى دى جامعة ابوك روح اترزع مكانك ومش مهم تحضر الدفنه كفايه تحضر العزاء

(2)لو البنت زعلت مع باباها مش حيطردها شخطتين وقلم خفيف عشان البنت عضمها طرى
اماالولد هاتك شلاليت وضرب ويطرده من البيت وعينك متشوف الا النور ويدوبك يلحق مكان ينام حنب البواب

(3)لو فى اتوبيس وبنت دخلت وملقتش مكان كل واحد يعمل فيها صلاح الدين الايوبى وابو العريف والشهامه ويقوم واتفضلى يا انسه
اماالولد اول ما يدخل التكشيره تترسم على الوشوش وكل واحد يطلع راسه من الشباك يتفرج على المحلات

(4)لو البنت سقطت اخر السنة تروح تعيط لمامتها شويه ومامتها تقولها معلش خيرها فى غيرها البنت مسيرها لبيت جوزها
اماالولد يا خرابى يا تعبى يا خسارة تربيتى فيك يا ابن ال روح شوف ابن عمك بيطلع من الاوائل كل سنه (وهوه كل سنه بيعدها وبيسقط) انت من بكره تنزل تشتغل مع الاسطى بليه الميكانيكى تعمل بلوقمتك

(5)لو بنت فشلت فى التعليم تقعد تستنى العريس وهيا بتغنى البحر بىضحك ليه وانا نازله ادلع واغسل الحلل
اماالولد ينزل يشتغل صبى ميكانيكى او ينزل يبيع مناديل فى الاشارات

(6) لو حرامى دخل الشقة الاب والام يدخلوا على البنات ويطبطبوا عليهم ومتخافوش
اما الولد الاب يمسكه يضربه ويقوله مانا لو كان عندى راجل مكنش حد دخل البيت لكن الكل عارف ان انا عندى نيفين يا ابن ال...

(7) فى الشتا لو جيه ضيوف للبنات ازيك يا اونكل وهاتك يا بوس واحضان فى بناته
اما الولد انزل هات كذا وكذا ..ويا سلام لو البنات حيباتو مع بعض يتلموا كلهم مع بعض فى اوضة اما الولاد يسحبوا مخدة وبطانيه ويطلعوا يناموا جمب لاكى ال*** فوق السطح

(8) لو حصل خناقة فى المنطقة البنات تقعد تتفرج من الشبابيك اما الولاد الى يشد سكينه والى يشد جنزير والى نبوت ويرجعوا الى السكينة فى بطنه وال النبوت فى ودنه والى الجنزير على قفاه

(9) لو الحرب قامت البنت تقعد تتفرج على الاحداث على قناة الجزيرة وتازاز لب وسودانى وتقلب شويه على قناة ميلودى وروتانا
اما الولد يرجع ومعاه الالى وودنه مقطوعه وفاقد الذاكرة وشايل رجله على كتافه ويشوف باباه يقول امال فين اخواتى يا ماما

(10) الولد لو رايح مشوار مع اخته يصحى بدرى ويحط جل ويكوى هدومه وبعدين ينام من كتر الانتظار ولما اخته تطلع تبقا برنسيسه بالميكب والرفيو وهوه طبعا الهدوم اتكرمشت والجل نشف وبقى زى الفرخة والناس يشوفوه يتريقوا عليه ويقولوا الحظ لما ياتى يخلى الشيك قراداتى



علشان تعرفوا أحنا قد إيه مظلومين

"أيوه جاي يا سطي"



اتنين محششين قرروا انهم ميستعملوش التليفون المحمول

ويستعملوا حمام الزاجل للاتصال ببعض

... شوية وبعت الاول للثانى حمامة
... ...
يقلب فيها يمين شمال

مفيهاش اى حاجة

مسك التليفون واتصل بصحبه قاله:

انت ..هتستهبل ولا اية بعتلى حمامة مفيهاش حاجة

رد عليه وقاله : يا غبى دا

please call me



بردوا صباح بس المرة ديه بترقص مش بتغني



اتنين قاعدين بيحششو
واحد فيهم ماسك مراية و بيشوف وشه فيها
?
?
?
?
ويقول لصاحبه : ياخي الوش ده مش غريب عليا !

المحشش الثاني خد المرايه وشاف قاله : يا أبن العبيطه ده أنا !!



شكلنا دخلنا غرزة



البيت الابيض عمل مناقصه لتجديد السور بتاعه فجاب 3 مقاولين
واحد مكسيكي و واحد ايطالي و واحد مصري

.
.
... ... ... .
.
.

.
.
.
. سئلوا المكسيكي هتاخد كام ؟؟ قالهم 700 دولار قالوا ليه ؟؟ قالهم 300 مواد 300 عمال و 100 ليا .

سئلوا الايطالي تاخد كام ؟؟ قال 800 دولار قالوا ليه ؟؟ قالهم 300 مواد 300 عمال و 200 ليا.

سئلوا المصري تاخد كام ؟؟ قالهم الشغلانه دي هاخد 2700 دولار.. استغرب المسئول قاله ليه ؟؟؟؟

قاله 1000 ليك و 1000 ليا ونجيب المكسيكي يعملها ب 700



طبعاً لازم المصري يسيب بصمتوا



أهم حاجة

ضحكتوا؟!



و ريني بقي يا عسل أنت و هوا ردودكم

[HoaxBoii]

يشرفنى انى ارد الاول
بجد هايل هايل تسلم ايدك
انا مسخسخ من الضحك
اول واحده دى شفتها انهاردا على الفيس

[hankabora]

تسلم

[mohamed planet]

حلوة اوى ..تسلم يا عسل

[omarhamad]

حلوه اوي ياض ضحكتني يا حج بس جامد

وinferno لو سمحت بلاش فرانكو

[goosa]

ياااااااااااااااه

دانا أتفاجأت لما شوفت موضوع لسة معداش عليه أسبوع و حد رد

هههههههههههههههههه

[™Tea®s. king™]

بجد تسلم ايدك و احلى حاجة بتاعت الفيس بوك دى مسخرة

[omarhamad]

منورين القسم يا رجاله

[Xology]

ههههههه
جامدة ازى احلى واحدة بتاعة الموبايل

[goosa]

والله أحسن حاجة وجودكم معانا

[_MR_MiCkY_]

ههههههههههههههه



لأ شوية حلوين

مانتا طلعت فاني أهوا

[CError]

بجد تسلم ايدك

[goosa]

المشاركة الأصلية كتبت بواسطة _MR_MiCkY_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ههههههههههههههه



لأ شوية حلوين

مانتا طلعت فاني أهوا

ظريف الأخ

المشاركة الأصلية كتبت بواسطة CError عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بجد تسلم ايدك

شكراً ليك

و نورت التوبيك

[WadCool]

ههههههههههه

حلو اوي الالش ده

تسلم ايدك :)

[Eyes_Moon]

والله جميلة اوىى