انا رجعت اللعبه عاوز اشتري اكونت يكون اوربي اور صيني وجامد 108+

[DarkMagition]

ازيكوا ياا جماعه انا رجعت اللعبه تاني عاوز اشتري اكونت يكون اوربي او صيني بس يكون108+ ياريت كمان
يكون ff البس بتاعه حلوه انا الاوفر بتاعي من 2500 الى 3000 جنيه انا من القاهره اسمي احمد البيع هيكون وجه لوجه لو حد معاه الموصفات لنا قولتها ياريت يكلمني على 01281937324 انا موجود فقط على الموبايل وياريت اللى يكلمني يكون جااااااد وشكرااا

[Xx_Hitman_xX]

توضيح بسيط للرجالة : الاستاذ دة اتصل بيا وقالي انا اسمي خالد ومن الغردقة وانا صاحب اكونت (جود ويزارد) وانا مشرف علي منتدي سلك رود وعايز اشتري الاكونت بتاعك والاكونت معروف وانا واثق فيك يا باشا وهبعتلك الفلوس .. واتفقنا .. الكلام دة كان يوم الجمعة باليل ..
واتصل بيا السبت الصبح الساعة 8 وقالي هات اسمك رباعي ورقم البطاقة علشان انا هحولك الفلوس دلوقتي من مكتب البريد .. مع العلم انة :
1 - مسألنيش علي اي اسم مكتب بريد ابعتلك الفلوس علية - المنوفية فيها خمسين الف مكتب بريد - اللي بيتبعت فلوس بيعرف محافظة اية ؟ والمنطقة اللي ساكن فيها واللي فيها مكتب البريد علشان يبعت علية

2 - ان يوم السبت اللي فات دة مكاتب البريد كانت اجازة اصلا

3 - اتصل بيا وبعد شوية وقالي انا بعت الفلوس وملاني 14 رقم كدة وقالي هتروح مكتب البريد تديهم الرقم دة هيسلموك الفلوس .. وبرضة اللي انا اعرفة ان الحوالة بتبقي بالاسم ورقم البطاقة بس علشان تستلمها .. لا فية 14 رقم ولا 13 رقم .. ممكن الكلام دة في وسترن يونيون بس

ما علينا ..المهم اتصل وقالي انا بعت الفلوس وخد الرقم اهو وبعد ربع ساعة انزل روح مكتب البريد .. يلا بقي اديني الاكونت اشوفة ؟؟؟!!!!!!! طيب ياعم ما تستني عليا لما اروح اخد الفلوس او اعرف ان كانت اتبعتت ولا لأ اصلا .. قالي ما انا بعت وانت معاك الرقم اهة .. وانا مش معايا حاجة لازم تديني الاكونت افتحة ..
قلتلة يا باشا تفتحة ازاي !! هو انا اخدت حاجة لسة ولا شوفت فلوس او انت بعت فعلا ولا لأ - استني بس ربع ساعة دوول اروح اشوف انت بعت ولا لأ وهديك البيانات هناك انا مش صغير يعني او هنصب عليك..

المعلم اتنرفز بقي وعمل حبتين كدة - انا ياعم مشرف واحنا متفقناش علي كدة وانا مطبق مخصوص علشانك وانا بقالي 8 سنين بلعب سلك روح من ايام لفل 60 وببيع واشتري اكونتات كدة !!!
طيب ياعم خالد انا افرض اديتك الاكونت وهو اصلا مفيش ايميل ضامن علية وروحت زي الباشا بالرقم دة ولقيتك مبعتش حاجة .. وضربت انت الاكونت - اسقي الـ 14 رقم دول في كباية شاي بقي ولا اية؟!!

قالي خلاص انا هروح اوقف الحوالة .. قلتلة ومالة يا باشا روح وقفها انت حر .. هو اي حد يتصل بيا يقولي انا بعت فلوس ويديني رقم هديلة الاكونت ولا اية !! حد بس يفهمني ؟!! طيب ياعم نكلم قناص يبقي وسيط بينا ؟ قالي لا انا مش عايز اي وسيط بينا !! طيب اقولة اية دة بقي ؟
في حاجة تانية قالي هنبقي نفتح الاكونت مع بعض ونلعب علية سوا !! قلتلة عادي يا باشا مفيش مشاكل بس هو كدة كدة بتاعك وهتاخد كل بياتانة والسؤال السري كمان .. قالي لا انا مش عايز السؤال السري !!
طيب يا جدعان في حد بيشتري اكونت يدفع فية + 2000 جنية من غير ما ياخد سكرت انسر !!
وزعق شوية وانا عمال اهدية وبعدين قالي طيب سلام علشان الرصيد وقفل !!
بعد ما راح يحولي فلوس وهو ميعرفشي عنوان او اسم مكتب البريد بتاعي وكمان في يوم اجازة وعايز ياخد الاكونت بــ 14 رقم
معلشي انا طولت عليكم بس انا حبيت اقول اللي حصل علشان ميضحكشي علي حد هنا او ينصب علية
وياريت الرد دة ميتحزفشــــــــي يا استاذ خالد من الغردقة .. وشكراااا