كده اللى فى التحرير شويه عيال طايشين(سورى فى الكلمه)

[ELJoOoKer]

قبل ما تشتم وتضرب وتفهمنى غلط اقراء الموضوع للاخر

طبعا كلنا بنعيش فتره توتر كبيره جدا بسبب احداث التحرير اللى كل شخص مبيشغلش تفكيره غيرها

طبعا كلنا كنا مع ثوار 25 يناير لانهم كانوا صح وماشين صح وماسابوش الميدان غير لما تنحى الرئيس المخلوع

انا نزلت التحرير بس فى يناير


اما الناس اللى موجوده دلوقتى فى الميدان عاوزين يخربوا البلد عاوزين المجلس العسكرى يتنحى هو كمان

واحنا فى وقت كله عينه علينا ومستنين لنا غلطه

يعنى لما المجلس يتنحى انته هترتاح لما يسيب القياده ناس بقالهم اكتر من 35 سنه عارفين كل كبيره

وصغيره فى الجيش

من حقك انك تطالبهم انهم يسلموا السلطه بس بالزوق

روح واعتصم فى التحرير براحتك لكن متخربش حاجه ومتجرش شكل بتوع الامن المركزى

بمعنى انك متجريش على شارع محمد محمود وتبقا عاوز تحرق وزاره الداخليه

لانك ببساطه لو حرقتها هتتصلح وتجدد على حسابك وحسابى لانها هتتصلح من فلوس الضرايب اللى

بياخدوها منك ومنى ومن الموارد والفلوس اللى داخله البلد يبقى انته كده استفادت ايه

وحنا كنا فاكرين ان ثورتنا اعظم ثوره فى الشعوب العربيه ده احنا طلعنا ... بلاش اقول احسن

وهقولك حاجه تانيه بص على ليبيا وتونس وشوف هما بقو ايه بعد ثورتهم ونتعلم منهم

هما اتبعوا كلام الشيخ محمد متولى الشعراوى الله يرحمه لما قال

( ان الثائر الحق الذى يثور ليهدم الفساد ثم يهدأ ليبنى الامجاد)

انما احنا بنخوف كل واحد يفكر انه ياخد خطوه لقدام من اللى ماسكين الوزاره لانه خايف انها متعجبش

الشعب فينزل ميدان التحرير ويامر بحبسه زي ما بيحصل دلوقتى

والناس اللى نازله التحرير دى لو فكرتوا شويه هتلاقوا ان هما مش شغالين ولو شغالين ياسيدى ليه

مايرحوش شغلهم ويفيد المكان اللى هو شغال فيه

ودلوقتى ناس بتطالب البردعى انه يمسك السلطه مؤقتا ده فديو يبينلك ان البردعى كان البوبى بتاع البيت

الابيض

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يبقى الزاى الناس اللى فى التحرير بتفكر بقا

والمصيبه الاكبر انهم مش عاوزين الجنزورى

واحب اوضح ان الجنزورى ده راجل حكيم و خبير فى الامور اللى زى دى وهو اللى هيقدر يمر بالمرحله دى

بسلام تام

وانا من وجهت نظرى اللى ملهاش اى لزمه ان المجلس العسكرى ميسمعش لاى حد غير فى الصح

لان ببساطه كل واحد مش هتعجبه الحال بنسبه 100%

لو البردعى كسب الانتخبات مؤيدى عمرو موسى وحازم ابو اسماعيل هينزلوا التحرير ويطالبوا باسقاط البردعى

ولو عمرو موسى كسب الانخبات وبقى رائيس مؤيدى البرادعى وحازم ابو اسماعيل هيطالبوا باسقاط عمرو موسى وهاكذا


فياريت يا شباب منمشيش وره الماشى ونحاول نفهم الناس انهم كانوا فين وبقوا فين بسب ثوار الاصلين

بتوع 25 يناير

(تــــــــــــحياتى لشهداء التــــــــحرير) DaBoOoR