الـجـروب الـخـاص بـالـمـنـتـدي Silkroad4arab Facebook | Official Group

**DeViL_MaSTeR** · 13-09-2011, 03:07 AM

بسم الله الرحمن الرحيم

النهاردة هقدملكوا المكالمة اللي حصلت بين السفير الاسرائيلي و نتناياهو بعد نزع العلم
________________________________________________

.........- آلو .. مين ؟
...
- انا السفير كوهين

- اهلا صباح الخير يا كوهين

-صباح النور يا ريس

-بلاش ريس دي .. مش بتفائل بيها .. ما انت شوفت اللي حصل

-حاضر يا ريس

-ارغي

-حاجه غريبة .. النهاردة الصبح حلقت دقني وركبت مكروباص الجيزة عشان اروح الشغل .. طلعت السفارة .. ببص من الشباك ملقتش العلم بتاعنا

-ملقتش العلم بتاعنا .. امال لقيت ايه ؟

-علم مصر

- ازاي؟

-والتوراه زي ما بقولك كده

-متحلفش يا كوهين

-يا ريس بقولك والتوراه .. مش مصدقني ليه ؟

-دي شكلها هلاوس صيام يا كوهين .. انت مش انت وانت جعان

-طب والنعمه

-ايه ده .. انا فعلا شايف الخبر قدامي اهو.. احمد الشحات .. ده طلع عشرين دور ابن الجنية

-مش قلتلك

-والكلام ده حصل امتي

-امبارح باليل

-ومكلمتنيش ليه في وقتها .. جي تكلمني الصبح ؟!!!

-ماهي الساعة المجانية بتاعت فودافون مكنتش لسه نزلت

-طب ده كده السفارة مفيهاش علم .. فقدت هويتها .. مفيش اي علم تاني عندك نحطه؟

-لا

-يا كوهين يا زباله .. طب اطبع خلفية اللابتوب بتاعك وحطها

-معقول يا ريس احط صورة اليسا

-طب بص .. مش مهم العلم .. خد بالك انت بس من نفسك لحد ما نبعت نجيبك

-هتجيبوني ازاي يا ريس .. ده انا في الدور العشرين ومش عارف انزل

-فعلا دي مشكله

-معندكوش ناس تطلع الطلعة بتاعت احمد الشحات

-لأ .. عندنا ناس بتعمل السحبة بتاعت مايكل جاكسون

والحل؟

-هنبعتلك فرقة صاعقة ينزلوك .. بس اهم حاجه يكون الاسانسير شغال وبمروحة .. عشان مبقوش يتسلقوا زي زمان

-فيه صاعقة مبيتسلقوش ؟

-معلش .. عندهم تسلخات في الفخدين

-تسلخات ؟؟

-آه

-ليه .. همه بوكسراتهم ايه ؟

-شمعونيل

-طب خليهم يجربوا قطونيل

-ده عند ام نبيل

-قطونيل ممتاز يا ريس .. واحنا اليومين دول عايزين حاجه تلزق فينا وتزنق متطلعش .. النهاردة اخدوا العلم .. محدش عارف بكرة هياخدوا ايه

-خلينا في المهم

-يا ريتني كنت موجود امبارح و الولد كان بينزل العلم .. كنت قلتله ينزلني معاه بدل الحبسة دي

-لا يا كوهين برضه متضمنش

-مضمنش ايه ريس؟

-اللي يتسلق عشرين دور مرة واحده متعرفش لو دخل عليك ممكن يعمل ايه ؟

-تفتكر ممكن يعمل ايه يا ريس

-اللهم ما اني صائم .. بلاش

-طب والعمل ؟

-انا بقول نفجر السفارة ونغسل عارنا بإيدينا

-هتموتوني يا ريس ؟

-متقلقش يا كوهين .. هتبقى بطل .. و مفيش عذاب قبر في رمضان .. هتصحى هتلاقي نفسك في جهنم عدل

-انت جامد (تل ابيب) يا ريس ..

-اصلي يا كوهين

-امال ايه الدوشة اللي عندك دي ؟

-دي المظاهرات يا كوهين .. بيهتفوا

-بيهتفوا ؟

-بيقولوا الشعب والموساد ايد واحده .. ونتنياهو مع نفسه .. شوفت يا كوهين انا ابقى مع نفسي؟

-و ناوي تعمل ايه ؟

-هنزل وحدات من الجيش .. دبابات .. وطيارات اف 16 .. وقنابل مسيلة للعياط

-طب انا جايلك بكرة

-ليه ؟

-هتصور مع الدبابات

-الدبابات رجعت مكانها .. فيه قنابل عنقودية .. وغازات سامة

-خلاص هتصور مع المجندات المهلبيات

-خلاص ماشي

-هسيبك بقى يا ريس عشان الساعة بتاعت فودافون المجانية قربت تخلص

-قشطة يا كوهي

**Solitary** · 13-09-2011, 03:15 AM

مكرركش :D

**Mr_Techno** · 13-09-2011, 03:39 AM

جامده فحتتتت

:fishing_h4h::fishing_h4h::fishing_h4h :

**__Mostafa__** · 13-09-2011, 03:41 AM

ههههههههههه جامد

**apo3li** · 13-09-2011, 03:46 AM

هههههههه حلوه

المواضيع المتشابهه
الموضوع	كاتب الموضوع	المنتدى	الردود	آخر مشاركة
ألة الزمن التى أمرتها بأن تتوقف فورا عن العمل 1	.a7la-smile.	بـعـيـدآ عـن سـيـلـك رود	3	09-04-2015 10:10 PM
المكالمة اللي بتنفخني	mahmoud mahmoud taha	بـعـيـدآ عـن سـيـلـك رود	7	28-06-2013 05:43 PM
رفع العلم المصري على السفارة الإسرائيلية	Q_Q	بـعـيـدآ عـن سـيـلـك رود	21	22-08-2011 09:02 AM
عــــــــــاجل : العلم الفلسطيني يرتفع علي العمارة المقابة لعمارة السفارة الإسرائيلية	♥ ♥.•°YoYo°•.♥ ♥	بـعـيـدآ عـن سـيـلـك رود	8	21-08-2011 04:25 AM

يتصفح الموضوع حالياً : 1 (0 عضو و 1 زائر)

	تسجيل الدخول دائمآ