اسألة سهلة جدا لو حليت حاجة ابقى قابلنى

[pepopnd2010]

وزارة هنديك بالشبشب
اختبار اللغة العربية
انشاء الله هنشوفك السنة الجاية يا باشا
وقت الاجابة : خلص نفسك و اجري
=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار أو الوفاة )) : أول ناصية على ايدك اليمين
تليفون المنزل : اتنين صفر و أربعه خضر
=====================
هذا الامتحان برعاية بيبسي كولا
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك))
=============================
ملاحظة: اجب عن الأسئلة التعجيزية التالية و عددها ( 6) إجباري و ( 1 ) اختياري على أن يكون مجموع الأسئلة (7)

1. ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( و طبعاً ماحدش عارف حاجة عشان يديك يا حلو ))
=============================
السؤال الأول (20 درجة)
=============================
قال ريكو في أغنية (( خلي الشعب يعيش )) مايلي :
راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
============================= (سوري هو الامتحان كده)
الأسئله
=============================
1- اشرح الآبيات الأربعة الأخيرة من النص بما لا يقل عن 90 سطرا باختصار شديد (9 درجات)
2- لماذا أكد الشاعر على القصد الشريف و النية الصادقة و علام يدل قوله (( هزيها بشويش بشويش )) ؟ (3 درجات)
3- استخرج من البيت الأول محسن إبراهيم و محسن إسماعيل مبيناً نوع كل محسن منهما . (3 علامات)
4- استخرج من البيت الثالث صورتين فوريتين مبينا نوع
الكاميرا( 3 درجات)
=============================
مساحة خالية للإعلان- ت : واحد اتنين .. الجيش العربي فين
=============================
السؤال الثاني ( 8 درجات)
=============================
أعط أسباب ما يلي مع شرح وافي :
))ياعم كبر يا عم بص .. ده حتى بص ده الواد بيلظ))
=============================(سوري هو الامتحان كده)
1- تم نقل السوق المالي إلى سوق السمك ؟ (2 درجات)
2- إقبال الناس الى شراء نوكيا 9990 و عدم شراء نوكيا 9900 ؟ (2 درجات)
3- إغلاق شبكة الأخبار Pnn بعد زواج شارون ستون ؟ (2 علامـة)
4- أسباب اندلاع الحرب بين ..... ما فيش فرق، اختر أي حرب، ما هو أنت هتعيد كده كده ؟ (2 درجات)
=============================
*** أخي الممتحن أقلب الصفحة: وصدقنى هتندم عالساعة اللي دخلت فيها المدرسة ***
=============================
السؤال الثالث – اختياري( 5 درجات)
اكتب الاسم المستوفى من السؤال
ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 -؟ (ورد ذكر اسم هذا الرجل في اكثر من مسلسل تليفزيوني )؟ (5 درجات)
=============================
فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))
=============================
السؤال الرابع (8 درجات)
=============================
ورد في قناة روتانا فيديو كليب " ليلي نهاري " للمخرج
كاميرون كايسي و غناء عمرو دياب :
" احكيلك إيه خلاص ما أنت شايف من غير ما أقول أكيد أنت عارف كلام كتير أنا نفسي أقوله و كلام كتير يا ريتك تقوله جنبك حياتي دي أجمل حياة "
الأسئلة
=============================(سوري هو الامتحان كده)
1-ماذا كان يريد ان يقول عمرو دياب للبنت؟ (4 درجات)
2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (2 درجات)
3- ما اسم صبي الخياط بتاع ام الموديل اللي كانت مع عمرو في الكليب ؟ 2) درجات(
=============================
السؤال الخامس (20 درجات)
=============================
موضوع تعبير
قال أحدهم: " حسن زعبولا.. ماشي بيتسالا .. محندق الجاكيته و بيتعايق بالقلة "
أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة زوجته الاولى (20 درجات)
=============================(سوري هو الامتحان كده)
بيبسي كولا المشروب الرسمي لهذا الامتحان
=============================
أخي الممتحن أقلب الصفحة أحسنلك (( اصلك مش عارف اللي فيها )) ***
=============================
السؤال السادس ( 19 درجات) =============================
اجب عن أربعة فقط من الأسئلة التالية
=============================
1- ما رأيك بتصرفات " رفيع " و " فرحة " في مسلسل الضوء الشارد ؟ (5 درجات)
مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح مطعم ( تيتو)
2- ما رأيك بموقف "حسام" من "سرية" في مسلسل الحقيقة و السراب ؟ (5 درجات)
3- من برأيك أقوى وأفضل بوكيمون - هل هو – بيكاتشو ؟؟؟ (5 درجات)
4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد في كأس العالم الأخيرة في كوريا و اليابان 2002.
=============================
عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً
=============================
لمساعدة ( لرفع درجات ) ( 20 درجات) و ملهوش لازمة اساساً
=============================
أ – اذكر أسماء 3 من رؤساء بلدية لقرية يوكوزوهريتاشاناتا
اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء
=============================
انتهت الأسئلة و نلقاكم في امتحان الدور التاني إن شاء الله
ربنا يعينكم علينا
مع تحيات بيبسي كولا الراعي الرسمي للامتحان.................


للأمانة منقول كوبى و باست :D


ردود بقى مع الحل طبعا

[zezo_elooo_pop]

الحل:مفيش حل
و مشكوووووووووووور
ايه الالسئلة الصعبة دى تقولش ثانوية عامة

[Spiderman244]

لا انا معنديش حل lol ههههه

[pepopnd2010]

المشاركة الأصلية كتبت بواسطة zezo_elooo_pop عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] الحل:مفيش حل و مشكوووووووووووور ايه الالسئلة الصعبة دى تقولش ثانوية عامة

لأ الثانوية العامة بتتحل سعات

المشاركة الأصلية كتبت بواسطة spiderman244 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] لا انا معنديش حل lol ههههه

ليه؟ دى سهالة خالص

[pepopnd2010]

الموضوع مكرر معلش ارجو الحذف