هدفك ايه من الحياه

[اشرف ابوزكري]

هو أنت عايش كده وخلاص ؟؟
ولا ليك هدف في حياتك نفسك توصله ؟؟
طبعاً ممكن تقولي هدفي إني ابقي أشهر واتقن واحد في مهنتي

وهدفي إني اتجوز زوجه صالحة أو زوج صالح ، وأنُجب ذرية صالحة

وهدفي إني يبقي عندي شركة خاصة بيا ، وهدفي وهدفي ......

أهداف كتير وأحلام أكتر وأكتر !!!

وطبعاً كلها مشروعة ومن حقك تحلم بيها

ونحلم كلنا بيهـــــــــــا :)


بس ياترى عمرك فكرت تخلي هدفك حاجه مش في حياتنا !!!

حاجه أبعد من الحياة إللى أحنا عايشنها ؟؟


ماهو أحنا مش عايشيين وخلاص !! لأ في هدف من حياتنا

بس ساعات الدُنيا بتاخدنا وننسى الهدف الأساسي من وجودنـــــا

عارفيين هدفنا إيه ؟؟

هدفنــــــا جُنة عرضهـــــــا السماوات والارض استغربت ولا افتكرت !! ولا ده حلمك فعلاً :)

طيب فاكرين قوله تعالى : وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ - آل عمران 133

عرفتوا بقي هدفنا إيه من الحياة ؟

طيب وهنروح الجنة إللي بنحلم بيها أزاي ؟؟


الشروط سهله أوي وموجوده قدامك ليل ونهار تعالوا نشوف كده :)

الإنفاق : في السراء والضراء
كظم الغيظ : أي يكظمون ما في القلوب من الغيظ
ويصبرون عن مقابلة المسيء إليهم
العفو عن الناس والإحسان إليهم
الاستغفار الفوري من الذنوب
عدم الإصرار على المعصية بمحض إرادتك


وعشان تتأكدوا أكتر من كلامي اقرأوا معايا الآية دي :)


قال تعالى : الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ {134} وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ {135} أُوْلَـئِكَ جَزَآؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ {136} - آل عمران


بجد ولا أسهل من كده خلى هدفك قدامك طيب أسهلها عليكم :)

خلي الصورة دي صورة البروفايل الخاصة بيكم :) .. وهتفكركم كل شوية بـ جنة رب العالمين

لأن الهدف من الحياة لابد أن يتجاوز هذه الحيـــــاة ... جنتك ياربي


أحلم بكل إللي نفسك فيه :) بس خلي الجنة قدامك وأهم أهدافك

أحلمي ربنا يرزقك بالزوج الصالح بس !!! يعينك على هدفك وتاخدوا بإيد بعض للفردوس الاعلى

أحلم وأحلمي أنتِ كمان وخلي هدفكم قدامكم ليل ونهار

جَنَّةٍ عَرْضُهَا السَّمَــــــــــــــاوَاتُ وَالأَرْضُ


يلا غير نظرتك لحياتك وشوفها من زاوية جديده وهدف ولا أروع من كده :)

بطل سلبية ولا مبالاه حتى في الهدف من حياتك :)


اللهم اجعلنا من ورثة جنتك وأهلا لنعمتك وأسكنا قصورها برحمتك وارزقنا فردوسك الأعلى حنانا منك ومنا و ان لم نكن لها أهلا فليس لنا من العمل ما يبلغنا هذا الأمل الا حبك وحب رسولك صلى الله عليه وسلم

[ahmedmazin]

عارف انا عندي هدف بس مش قادر اوصل لنو اتحطم في اول لحظه فكرت احققو بس عارف انا حلمت زي ما الناس كلها بتحلم بس مش عارف هو ليه الواحد دائما ضعيف قدام نفسو علي طول
انا هرجع احاول احقق حلمي
انا عندي اجمل حلم في الدنيا
ان ربنا يكون راضي عني
-----------------------------------
نفسي احب زي كل الشباب
نفسي يكون عندي مشروعي الخاص
نفسي اكمل تعلمي

[tarektiko]

المشاركة الأصلية كتبت بواسطة ahmedmazin عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

عارف انا عندي هدف بس مش قادر اوصل لنو اتحطم في اول لحظه فكرت احققو بس عارف انا حلمت زي ما الناس كلها بتحلم بس مش عارف هو ليه الواحد دائما ضعيف قدام نفسو علي طول
انا هرجع احاول احقق حلمي
انا عندي اجمل حلم في الدنيا
ان ربنا يكون راضي عني
-----------------------------------
نفسي احب زي كل الشباب
نفسي يكون عندي مشروعي الخاص
نفسي اكمل تعلمي

Same :)

[QeRa]

نفسى أعدى بخير من الثانوية العامة
بعدين يحصل الى يحصل

[EmptySentinces]

موضوع جميل بس لو على الاهداف الاهداف كتير على أفا مين يشيل أهم حاجة رضا الله ^^

[Mysterious_Man]

تمام الله ينور

بس انا عندي مشكلة
انا الاول كنت بصلي و تمام لحد 7 يوم من رمضان كنت 100 100
جه ثامن يوم كسلت ومبأتش أصلي كل الفروض و كل شويه أقول هاقوم بعد 10 دقايق
مش عارف والله اعمل أيه

[Mishary Alafasy]

أن تدخلنى ربى الجنـة ، هذا كل ما أتمنى

[Hanamontana]

انا هدفى انى اخش الجنة