اسهل الطرق للعكننه على زوجك

[omar007]

هناك طرق سهلة وبسيطة للعكننة علي الرجل منها الاتي :-



== صباح الخير ياحبيبي كلمة يمكن ان تقوليها بكل دلع الساعة الثانية ظهرا موعد استيقاظك وذلك علي الرغم من ان البيت غير نظيف (في حالة يرثي لها ) ولو اعترض فالرد بأن الولد او البنت ماناموش طول الليل وطبعا هما نامو من المغرب مع اتباعها بالسؤال التالي هو فيه ايه فطار النهاردة او انت اكلت ايه الصبح


== يجب ان تنتظري موعد عودته بكل شغف لتأخذيه بالاحضان مع ملاحظة لبس اسوأ ملابس لديك ولا مانع من ان تكون غير نظيفه ويا سلام لو كلها تراب او بقايا طعام ولو تأفف منك لازم يكون طبعا الرد جاهز (حرام عليك دا انا تعبانة من شغل البيت علشانك )
وطبعا اذا كان لا يحب رائحة بارفان معين فلا تنسي الاكثار منه قبل عودته مباشرة

==اذا كان لا يحب وجبة معينة فلا يجب طبخها كل يوم علشان تبيقي في السليم ولكن عمل طبخة واحدة منها ولكن بكمية كبيرة جدا تدوم عدة ايام
ولا تنسي ان تقولي له ان الاولاد هما اللي طلبوا الاكلة دي علشان بيحبوها

== بعد الاكل تقوليلة عندي ليك خبر جميل 0000؟ طبعا بعد السؤال والاستفسار تقوليلة بكل سعادة أن ماما هتيجي عندنا كام يوم ( قصدي حماته ) واترك لك مراقبة ملامح وجهه

== اذا كان منهمك في مشاهدة التليفزيون تجري وتغيرى المحطة وتقولي ان بنت خالتك 00؟ هاتظهر في التليفزيون دلوقتي
واذا لم تظهر تقولي اسفة الميعاد يظهر انه بكرة


= يوم اجازته الاسبوعية ومراعاة انه يوم الراحة يجب منك الاستيقاظ مبكرا في همة ونشاط لعمل تنظيف شامل لجميع غرف البيت في وقت واحد 00 يعني تقلبي البيت مع ملاحظة السرعة في رفع ملاءات السرير والبطي الشديد في اعادة توضيب البيت
مع مراعاة ان الاولاد بيلعبو بصوت عالي ولازم تزعقيلهم بصوت اعلي علشان يسكتوا و الهدف واضع علشان بابا نايم
ولو حد منهم طلب منك حاجة قوليلو روح قول لبابا
يرجي مراعاة الهدوء بابا نايم


== اذا طلب شاي اعمليله قهوة واذا طلب حاجة ساقعة اعملي له ينسون مع الابتسامة اياها بان الينسون مفيد للصحة

== اذا اراد الخروج لوحدة فاستجمعي جميع طلبات منزلك لكي يشتريها لك سواء كنتي محتاجاها ام لا وذلك لكي يضيع الوقت في الشراء
وياسلام لو عرفتي انه خارج يسهر مع اصحابه تطلبي علي طول انه يودي الولد لطبيب الاسنان او انه لازم ياخد البنت يشتري لها جزمة جديدة

== اذا طلب منك غسيل قميص جديد غالي الثمن علشان هايلبسه بكرة تعاليلو بعد شوية وقوليله معلهش ياحبيبي القميص بقي لونه اخضر علي احمر
علشان الحاجات اللي حطتها معاه في الغسالة بتغير لونها طبعا انتي اللي تعمدتي تحطي الالوان التانية معاه

== اذا خرجتي معا لا تنسي بعض المشتريات وخاصة الحلي
وطبعا تكون غالية الثمن
واذا تذمر واعترض تقوليله ان اللي انتي اختارتية زي اللي جوز اختك اشتراه لأختك لها كهدية ---- طبعا مع اظهار اوجة المقارنة مما يثير زوجك فيقوم بشراء كل متطلباتك

== اذا كان يرغب في محادثتك في موضوع مهم فقوليله ثانية واحدة اكلم ماما علي التليفون قبل ما تنام ولا تنسي ان تلك المكالمة سوف تستغرق ساعة ونصف وبعدها ترجعيله وتقوليلة تصبح علي خير ياحبيبي

== لا تنسي قبل النوم ان تأكلي طبق مليان بصل وثوم ( ملحوظة هو لا يحب رائحة الثوم ولا البصل ) وياسلام لو يبقى العشاء عبارة عن وليمة كبيرة من الرنجة والبصل


ملحوظة شديدة الاهمية :--
==============
اذا قام جوزك بتطليقك برجاء عدم الاتصال بي نهائيا وعدم تحميلي اية مسئولية
ولكم خالص الحياة السعيدة:(

[lord0fcrime]

ههههههههه
شكرا يا عم عمر

[De$igN]

هههههههههههههه
موضوع جميل

[omar007]

والله الموضوع جميل علشان انتم مشتركين فيه

[hellman]

هههههههه
مشكور على الموضوع

[Ahmed_medic]

هههههههههههههههههههههههههههه .............................

هي بقى فيها حياة سعيدة بعد الموضوع ده:):):):):):):):):):):):):):):):):):):d:d:d:d:d:d

[mody204]

هههههههههههههههه
ماشي يا عم

[forshagamda]

ههههههههههههههههههههههههههههههههههههه
انت عاوز الرجال يمنحرو كلهم ولا ايه
ده لو مارماش نفسه من البلكونه هيموت من الخنقه
مشكور

[dark2010]

شكرا ليك
بس الاحسن
روح اتجوز عليها
:)
و اجبهالها فى الشقه
:d

[Hellz_Lord]

المصائح دى لاى زوجة عايزة تتطلق!!!!!!!!!!!!!!!!!!!

[Buffy]

انتا عاوزهم يئرفونا ولا ايه يا عمر

[Spiderman244]

شكرا على النصيحه هههههههههه

[hany_tiger]

عسل منك د يا ولد
ويارب محدش يقرائها من اخواتا البنات