****█▒░ الجزء الخامس والاخير ..من : حد عاوز يجرب السفر عبر الزمن ؟؟؟ █▒░*****

[ღ♥_ akeml _♥ღ]

الاجزاء السابقه هنا
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انتظرت وصول نسختي المستقبليه 3 ايام متواصله

انا بدأت اقلق جدا

حاسس كأني كنت في حلم غريب وصحيت منه

وان اللي فات ده كان مجرد تخاريف

طلعت البلكونه ووقفت وقعدت اقول لنفسي

انا كنت بخرف فعلا .. اكيد كنت بخرف

سمعت صوت الكهرباء الاستاتيكيه من جوه

دخلت بسرعه ولقيته واقف قدامي وبينفض هدومه من غبار وهمي

قولتله : ايه اللي حصل .. بقالك ايام مظهرتش

قال : فكرت اجرب اسافر للمستقبل عشان اعرف مستقبلي حيبقي عامل ازاي

وحموت ازاي ..

قولتله : وعرفت ازاي حنموت ؟

قال في حيرة : للاسف لا .. مش لاقي نفسي في المستقبل

انا دلوقتي عندي 52 سنه .. سافرت للمستقبل اللي مفروض اكون فيه عندي 60 سنه

ملقيتش اي حاجه عني ولا ليا وجود عام 2042

قولتله في توتر : يبقي اكيد حنكون موتنا ..

قال : المشكله مش كده .. انا اتصلت بقريب ليا .. وسألته عني كأني واحد غريب

لقيته مستغرب ورفض يقولي ..

قولتله : انت خلتني اقلق .. عامه لسه بدري اوي اكتر من 30 سنه حعيشهم مطمئن !!

قال : متطمنش اوي انك حتعيش لحد متبقي في سني .. انا لعبت في الزمن واتنقلت فيه

وقولتلك علي حاجات رهيبه المفروض متعرفهاش ابدا دلوقتي .. ده ممكن يغير الزمن كله

وممكن تموت قبل متوصل للسن اللي انا فيه دلوقتي ..

قولتله : والحل

طلع قرص صغير وقالي ابلع ده وحتنسي كل اللي حصل خلال الاسبوع اللي فات كله

قولتله : وايه فايده اني انسي .. امال بترجع تحكيلي ليه عن المستقبل

قال : مكنتش اعرف ان معرفتك للمستقبل ممكن يكون مؤثر للدرجه دي

العالم البريطاني عطاني القرص ده عشان يخليك تنسي كل حاجه .

ولو مأخدتهوش يبقي كده الزمن حيتغير وكل ده ميحصلش ..

بصيت للقرص وقولت اكيد نسختي مش حيضرني ..

لانه لو ضرني حيضر نفسه ويهدد وجوده من الاساس

بلعت القرص وقولتله : مفعوله حيبدأ امتي ؟

قال : حيبدأ بعد ساعه بالظبط ..

حكملك بقي احنا وقفنا اخر مره عند ايه ؟

قولت : الانفجار النووي !!

قال : ايوه تمام .. في 2028 استيقظ العالم علي خبر كالصاعقه

انفجار نووي كامل في مدينه بئر سبع الاسرائيليه !!

وانطلقت الاشاعات وتناثرت حول قيام دوله عربيه ما بهذه الفعله

ووسط هذا الكلام خرجت منظمه القاعدة ببيان عن مسؤليتها عن الانفجار

وانه تم بالخطأ في بئر سبع وكان مخطط له ان يتم في تل ابيب !!

وانه هناك قنبله اخري يتم اعدادها لتفجير احد مدن اسرائيل الاخري

ووسط الاحداث الملتهبه من نقل للضحايا وعمليات الانقاذ الكبيره

وسقوط الاف القتلي في مدينه عدد سكانها 2 مليون نسمه ..

نجا الكثيريين بأعجوبه .. بسبب ان القنبله انفجرت وهي في مستوي

منخفض من الارض ..

ولو كانت في مكان اعلي لهلك الجميع ..

وبدأت عمليات التمشيط بحثا عن القنبله الثانيه

وفي نفس الوقت بدأت عمليات هروب كامله من سكان اسرائيل

للدول الاوروبيه التي قبلت البعض في البدايه

ثم بدأت تغلق حدودها في وجوه الطائرات الاسرائيليه ..

نظرا للاعداد الرهيبه من الهاربين ..

ووسط هذه الخلخله الامنيه الخطيره انتشرت عشرات العمليات الفدائيه

الفلسطينيه في اسرائيل ..

وبدات سوريا التحرك لتحرير الجولان ..

وانهمرت الصواريخ من غزة علي رؤوس الاسرائيليين

مما جعلهم يخرجوا جيشهم في مواجه السوريين وغزة ..

وسقطت الصواريخ علي غزه ..

وسقط بعضها علي بدو سيناء ..

وخرج الرئيس المصري

عبد الله السعيد

بكل قوه واعلن عن قيامه

بالرد علي الافعال الاسرائيليه الصبيانيه الغير مدروسه

وانطلقت الطائرات المصريه وتم تدمير نصفهاالاسرائيلي

واعلنت مصر الحرب يومها

وانضمت لها الاردن وباقي الدول العربيه

في خطوه لم يسبق لها مثيل

وبتنسيق مذهل اصبحت اسرائيل محاصره من العديد والعديد من الجيوش

وفي عمليه فدائيه رهيبه وصل مجموعه من الجنود المصريين لمقر الحكام الاسرائيلين

وتم اخذهم رهينه والافراج عنهم بشرط اعلان الاستسلام ..

ورغم الضغوط الدوليه الرهيبه .. وتحرك الاسطول الامريكي ..

ولكن لم يزد الامر اكثر من هذه الضغوط والتحركات فقط

لان امريكا لن تجرأ علي مواجهه كل هذه الدول مقابل كيان صغير

وبدأت عمليات الاستسلام المخزيه

وسيطر المصريين علي المفاعلات النوويه الاسرائيليه

كان اليهود يسلمون انفسهم للمصريين خوفا من الوقوع في ايدي السوريين

لان السوريين كانوا لا يرحمونهم اطلاقا ..

ولم يسعوا الي الحصول علي اسري !!

واستغرق شهر حتي انتهي امر الحكم الاسرائيلي تماما

وسلم الجنود الهاربيين في الصحراء انفسهم للمصريين

وتم قتل كل من حاول ان يقاوم ..

واعلن الاسطول الامريكي عن قيامه بالدخول لفلسطين

ليس للاحتلال ولكن لتنسيق امر نقل السلطه للفلسطينين

ووافقت الدول العربيه وبدأت عمليات الانسحاب البطيئه

واستلم الامريكان والبريطانيين الحكم مؤقتا بعد التوقيع علي ميثاق خاص

بالاشراف علي تعميير ونقل السلطه

واستغرق الامر سنتين كاملتين حتي خرج اخر جندي امريكي

وتم بناء مدينه واحده كبيره في صحراء النقب لليهود

انتقل اليها اليهود الهاربيين واللاجئين

وبعد سنتين وفي 2032 تم تفجير القنبله الاخيره التي تمتلكها القاعده

فيها

وانتهي اي وجود يهودي في المنطقه بأكملها

وتم القبض علي عناصر القاعده واعترفوا بأن القنبله الاولي انفجرت عن طريق

الخطأ بالفعل ..

عندما كانوا يعدونها لتفجير تل ابيب ..

واعترفوا بأن القنبلتين النوويتين حصلوا عليهما من

جنوب افريقيا

في اواخر الثمانينات عندما قامت جنوب افريقيا بتجارب نوويه

وقامت بصنع 10 قنابل نوويه بالفعل ..

اعلنت بعدها انها صنعت 8 فقط وقامت بتدميرهم واعلنت انسحابها من النادي النووي

وتم بيع القنابل النوويه مقابل مبلغ فلكي في هذا الزمن ..

اشترتها العراق وقتها

وتم سرقة الشحنه عن طريق بعض الجماعات حتي وصلت ليد القاعدة

التي حاولت المستحيل لادخالها لأمريكا ولم تستطيع

فكان ابقائها كورقه اخيره هو الحل الاخير بالفعل

خصوصا ان امريكا تبحث عنها واحتلت العراق بالفعل لتصل للقنابل ولم تجدها

في بدايه القرن ..

حتي استلم التنظيم احد القاده بعد وفاه

اسامه بن لادن في 2009

واعلن عن خطه طويل الامد لنقل القنابل لأسرائيل

وتخزينها هناك حتي يأتي الموعد الملائم لتفجيرهم

قولت في انبهار : ايه ده كله ياعم ده سيناريو اغرب من الخيال

محدش كان يتوقع ان ده يحصل بالطريقه دي

قال : بس هي دي الحقيقه فعلا ..

للأسف دي اخر مره اجيلك فيها يأحمد ..

وللأسف انت حتنسي كل حاجه حصلت من اسبوع بعد شويه

وده حيخليك مش فاكر اي حاجه من اللي قولتهالك ..

قولتله : فعلا الواحد مش حيعرف يمسك لسانه بعد معرف كل ده

قال: انا نفسي انزل الشارع تحت ...

فيه ناس كتير نفسي اشوفها ..

ناست ماتت في زمني وناس مشوفتهاش من سنين

قولتله : ازاي حتسلم علي الناس .. لو شافوك وانت كبير كده حتبقي مصيبه

قال وهو يبتسم : متقلقش انا حنزل خمس دقايق بالظبط اتمشي واشوف الناس

وارجع علي طول ..

قولتله : ماشي وانا حراقبك من فوق عشان اطمئن عليك..

نزل وطلعت البلكونه ..

لقيته خرج من البيت ومشي لأخر الشارع ..

وهناك وقف قدام محل مقفول شويه وكمل بعدها

فجأه ..

وقف ميكروباص كبير في اخر الشارع ونزل منه 3 مخبريين

وسمعت بخيالي من بعيد المخبر بيقوله :

هات بطاقتك ..

المشكله ان بطاقته اكيد بطاقه مستقبليه متشبهش للبطاقه بتاعتنا

بدأ يعرق ويرتعش قدام المخبر

والمخبر بكل شراسه يقوله :

انت معكش بطاقه ولا ايه ؟ ؟ فين البطاقه

شايفه بيطلع المحفظه ويحاول يديهم اوراق تانيه كارنيهات وكده

سحب المخبر المحفظه من ايده وطلع منها الاوراق كلها

انا شايف احمد بتاع المستقبل وهو بيرجع لورا في بطأ ورعب ..

وفجأه طلع يجري علي البيت ناحيتي ..

وجري وراه اتنين من المخبريين ..

انا شايفو بيجري وواحد من المخبريين بيمسكه من هدومه ويوقعه ويقع فوقه

انا شايف المخبر التاني بكل العنف والشر والكبت جواه بيشوط وشه برجله

الناس طلعت البلكونات مذهوله

انا شايف المخبر اللي ماسكه بيوجه ضربات لأجنابه وظهره

المخبر التاني مستمر في الركل في الوجه بكل قوته ..

احمد ينزف من وجهه بغزاره ..

احمد ووقف علي رجليه وهم ماسكين فيه وفجأه زق واحد

منهم ناحيه التاني ..

واندفع ناحيه البيت ..

فرصته الاخير للرجوع لزمنه

مستحيل يخسرها

لقي عربيه البوكس بتسد الطريق عليه

بيخرج منها ظابط ماسك عصا كهربائيه

ووضعها علي رأس احمد

لااااااااااااااا

وقع علي الارض وبدأ في الارتعاش الشديد

وصل المخبريين الاتنين واستمروا في ركله بشده

وقاموا بسحله في الشارع وركبوه الميكروباص ..

غامت الدنيا قدام عيني للحظات ففهمت انني ابكي لاشعوريا

مسحت دموعي ..

ونظرت للميكروباص الذي وقف طويلا في الشارع

وفجأه وجدت الظابط يركب البوكس ويمشي

وان المخبريين القوا جسد احمد في الشارع

وانطلقت صرخات النساء في البيوت واندفع الميكروباص خارج المكان

اتجه الاهالي لجسد احمد وفحصوه ..

ثم اعلنوا انه مات من شده التعذيب

الذي تم ..

شعرت بالدنيا تغيم امام عيني حقيقه المره دي

هي دي نهايتي ؟؟؟؟

اني اموت هنا في الشارع علي ايد جزاري الشرطه ؟

عشان كده احمد لما راح المستقبل ملقاش نفسه هناك !!

كانت نهايته مجهوله في الماضي

محدش حيعرف ابدا مين الشخص ده

انا مش حسكت

انا حفضحهم ..

انا اعصابي سابت !!

انا حقعد شويه اركز في اللي حصل ده ..

مش حقدر انزل الشارع .. مش حقدر اشوف نفسي وانا ...

وانا ايه ؟؟

انا بدوخ .. انا حاسس اني دماغي بتغلي ..

مفعول القرص اللي عطهوني شكله بدأ

انا حنسي كل حاجه كده

عاوز ورقه اكتب فيها اللي حصل ..

مش لاقي قلم ..

القلم جوه في الدرج

الدرج مليان كركبه .. فين القلم ..

اهو القلم اهو .. ياخبر مش بيكتب ده فاضي

حشوفه غيره .. اهو القلم اهو ..

بس انا حكتب ايه ..

غريبه كنت بدور ليه بالحماس ده عن القلم ؟؟

مش عارف السبب فعلا ..

ممكن اكون جاتلي افكار قصيده شعر او اغنيه ؟؟

الناس بتزعق في الشارع .. اكيد فيه خناقه زي كل يوم

عالم بتاكل في بعضها ..

حدخل انام ساعه حاسس اني دايخ اوي مش عارف ليه

بس ايه ده اللي علي السرير

جهاز غريب عامل زي الكاسيت ..





فقومت بسرعه عشان اسئله ليه المره الجايه حتبقي الاخيره

لقيته واقف ماسك جهاز يشبه جهاز الكاسيت ويضغط علي ازراره

وتخرج من جسده شرارات كهربائيه ودخان خفيف ..

ويختفي ..

غريب فعلا الجهاز ده ..

بيشتغل منين .. انا مش فاهم فيه ..

احطه فوق الدولاب .. اكيد بتاع حد من اسرتي ونسوه هنا ..

عاوز انام واصحي بدري عشان

انزل ادور علي شغل بكره ..

الواحد عاوز يبدأ حياته بقي ويتجوز زي الناس

ياتري المستقبل مخبي للواحد ايه ..؟؟

انتـــــهــــي

اهداء الي

سعد